2018年9月26日 星期三

加息

市場普遍預期美國9月同12月都會加息

但係另一邊箱, LP6 去貨速度理想, 而其他發展商都積極推盤; 九建油塘項目 (大可不理, 因為永遠開天價) 都積極推盤

係時候回顧下90年代加息周期下CCL 的反應

1) 1994 - 1995

FED FUND RATE 由 3% 加到 6%, CCL 同期由60.88 跌3.6% 到58.67

2) 1999 - 2000

共加息1.75%, 由4.75% 加到 6.5%, CCL 跌左17%, 由56.62 跌到46.9

3) 2004 - 2006

共加左17次息 (咩話?! 17次?!) 由1% 加到5.25% (似唔似今日市場的情況呢?)

CCL 由2004年6月的45.78點, 升到2006年6月的52.71,  一共升左15%

之前已講過, 美國加息, 港P係未必跟足, 1999 -2000年美國加1.75%, 細P 加1.25% (8.25% 加到9.25%), 但係最後個幾次04年又無跟減.

所以, 美國佬加息, 第一, 香港未必一定跟; 第二, 跟左都未必會大跌.

何況, 大跌係17% 而已.........

試問一個手持多個物業的朋友, 面對再買要俾15%稅項, 仲要唔知上唔上到會 (到時壓測加左)
你會唔會等17% 的跌幅而今天硬食"機會成本"的15% 稅?

如果開細, 跌少過15%, 咪PK?

呢個年代, 同過去唔同, 以前確實係有人"肯賭"呢15%, 同埋以前可以狂借, 根本佢地都頂唔到個借款. 以前無TU 可以一份人工借10間銀行.
呢家一份人工只可以借若干銀碼, 而加左息, 加左壓測, 令到投資者無得再借

ASSETS LENDING 20% - 30% 不等. 即係你FULL PAY左都係只可以屈番30% 首期出來

跌7成都唔會負資產的朋友, 偏偏同1997唔同, 呢個年代係最多資產的一群

而1997, 愈多樓, 愈欠得多債, 一回調個現金流頂唔到便清袋

但2018年呢班, 銀行迫你只借30%, 係租金遠大於供款下, 睇唔到咩理由佢地會賤賣資產

當然, 單頭業主腳軟又係另一樣野. 但SSD 卻又唔俾佢地腳軟個下慘, 要鎖3年先可以瀨屎

到佢地驚足3年後, 由識驚變做唔識驚, 又無左沽貨的PANIC, 又或者真係跌左, 佢地都無仇報而焗坐

2018年, 持盈保泰, 增加現金, 增加防守力, 將欠債NET AMOUNT 降低, 如常生活就可以

投資係講耐性, 讓時間做你真正的朋友, 唔好手痕出出入入, 買樓出出入入幫中原打工, 買股出出入入幫銀行打工, 實無必要.

你地有無見過李嘉誠炒股? 有無見過李嘉誠玩摸貨? 楊焗腸話齋, 真係無, 我真係無見過!
 

5 則留言:

  1. 快兄,這屆特首造出來的調整市應該有返咁上下,畢竟有加息、空置稅、發展商相對重貨同靠嚇式貿易戰的疊加效應。小弟亂估應該同梁特果屆的2015-16週整浪有得揮。如果果真如此,CCI去返150邊位,即係大市跌廿隻,大屋苑驚嚇出來的盤可以跌到30-40%是有可能的。部份屋苑已有報道吹,有單位跌了一球了。小弟開始睇樓行動了。目標都係高低跌20-30%的細單位。

    回覆刪除
  2. 三兄, 小子反而係等發展商淆底, 平價加埋代付15% 等等優惠盡出時買

    因為老散係有死雞執, 但發展商財力夠, 賺頭蝕尾以規避林鄭超必乃係入市的好時機

    再加上小子已無人名淨, 我唔會俾15% 呢個咁無能的政府

    回覆刪除
    回覆
    1. 要發展商代付15%似乎有點難度。最莫財的海航都賣哂手上的地了。餘下的發展商肯出包借,或二按,基本都可以溢價賣貨。林鄭的空置稅已收到成效,斷估不會貿貿然再出超必。萬一真係打爆左,又成千古罪人。

      刪除
  3. 快兄好厲害,最近日日都出幾篇文

    回覆刪除
  4. LP6發展商會否有機減價比優惠呢?佢地話無,一係等林鄭10月中出招,會唔會有機執雞吧,等待中……

    回覆刪除