2019年8月16日 星期五

金蛋 - 紐倫港

紐倫港: 紐約, 倫敦, 香港; 三個不同的城市, 但都有著同一個條件

就係 - 金融中心

金融中心, 說白了, 就係白手套, 一個國際亙認的大賭枱 (又可以稱之為洗錢中心?)

當然要合規地洗, 唔係好似黑手黨咁洗, 所有東西合規合格, 能追查, 法治上具有高認受性, 信用評級AA-AAA等等

一個在美國 (自己用)
一個在歐盟 
一個在中國

點解BREXIT 咁頭痕就係因為UK 走左之後, EU 缺少左一個大的金融中心, 是以UK 的底氣可以串到BORIS JOHNSON 無視MAY 姐定下的條件, 作狀 (或者真的) 反枱, 嚇到EU 到呢家都未敢強硬的表態割席

至於東方, 當數香港. 為何沒有星加坡? 只因星洲係美國的附屬, 資金留在香港同埋留在美國的分別, 相信大家都睇得好清楚, 美國強權可以隨時凍結閣下的戶口, 可以以反恐, 可以以同伊朗洗錢有聯系, 或者其他原因....FREEZE 你戶口, 俾人一秒收皮.

其實老美的手段同中國大陸的原因沒有本質上的分別, 只不過美國做得世界警察, 玩開政治野, 做得好睇好多咁解

叫你填W8 BEN FORM 又得, 拎埋你個TAX STATUS 又得, 叫BANK 拎你戶口資料都得, 係做得"合規" 一點. (規矩自己定, 梗係合規, 係中國暫時無得定國際條件)

而國內係比較 "無咁合規". 

就係因為國內無咁合規, 香港的合規才是難能可貴, 這個集資中心, 股票中心, 同埋藏富中心; 在亞洲任何一個國家都不能代替. 是以取代香港之言, 其實唔出老解的話, 理論上暫時不能動搖香港的地位, 小子認為至少再多50年都未必能夠.

無他, 你睇下中國幾多有錢人在香港置業? 

而作為中國人, 放錢係美國都會俾人抄家, 咁不如放係香港啦.....(瑞士都話要DISCLOSE 中國客資料), 而在香港, 只要低調唔好俾MEDIA 炒作, 理論上比放在瑞士更加安全

呢粒金蛋, 好似一架限量版的超跑咁, 唔係你話要有就有. 當然個司機會轉, 由英資, 轉港資, 再轉華資, 時代巨輪在轉, 打莊的人亦轉

而一個咁稀有的賭枱, 有外國勢力係一定的, 大家都係STAKEHOLDER, 一定有人在維護

只係望中美等國在商討好之後, 呢粒金蛋會再次發光發亮 

而入唔入市, 真係見人見智, 呢個TURNING POINT 對香港係好CRITICAL, 攪得掂, 全速前進, 攪唔掂, 車不毁, 但人必亡

架車係你, 請個司機渣得唔好, 會換過架車定係換左個司機?





8 則留言:

  1. 沙發!快兄解讀很有深度。

    看到今天首富出廣告,就知事件最壞經已過去。再配合居屋昨天派彩,樓市牛三正式啟動!
    BTW,首富的TIMING好到不得了!需要佢出聲果時,佢縮埋一邊。大局已定果時,佢出來攞彩。

    快兄,我又要出返去做野了...

    回覆刪除
    回覆
    1. 熱茶奉上, 三兄

      誠然, 誠哥的業務遍及全球, 全世界都有智囊為他出謀分析, 有如此大的數據, TIMING 及時勢自不然了然於胸

      中共唔會收香港皮, 無大台呢下係比較惡搞, 中共起家都係打游擊, 呢家無對口, 對空氣講數, 只要整番個大台, 合時機林鄭跪低便OK (其實應該係無人想做佢個位, 佢先要頂硬上, 再考第一再叻的人, 俾人咁媽叉都無癮....)

      中共要面, 係未有體面的下台階而已, 只差一點點.

      刪除
  2. //架車係你, 請個司機渣得唔好, 會換過架車定係換左個司機?

    依家好似唔係要換車,而係要掟左架車落海...
    日日睇新聞,睇到有點驚慌

    回覆刪除
    回覆
    1. 道兄,

      如果香港沒有利用價值, 老解一早出左來, 班友仔去左天堂SING 哈利路亞了.
      俾人大巴大巴扯埋來都忍住, 莫非真係愛民若子? 必定是利益使然.

      一個熔斷, 上海深圳的股市已成全球笑抦.
      國內債券全AA-AAA (大公RATING)
      國內債券今年DEFAULT RATE 都唔細 (當然唔多人提)

      香港呢? 啤殼按殼又得, 啪期殼走資又得, 債券配資又得, 拎到D FUNDING 即刻T走又得....
      在國內? 過到外管局當你贏....

      刪除
  3. 仲有一點,你試下係內地執笠或搬office 都唔易架,你係香港清盤不過是彈指間既事

    回覆刪除
  4. 相對強國以一國之力,與十三億人口一面倒的輿論(先唔好理係唔係被洗腦),而外國勢力各懷鬼胎始終以自己利益為先,香港示威者表面人多,實質勢孤力弱,加上輿論正在轉向,係無得鬥。
    所以同意,如果唔係香港對強國仲有好大利用價值,強國早就出兵了。

    回覆刪除
  5. 高見,希望有權有勢的也深明此理,始終摧毀容易建設難。

    回覆刪除
  6. 要取代香港了吧...

    中央支持深圳建「中國特色社會主義先行示範區」 港澳居民享「市民待遇」

    https://m.mingpao.com/ins/%e5%85%a9%e5%b2%b8/article/20190818/s00004/1566123502845/%e4%b8%ad%e5%a4%ae%e6%94%af%e6%8c%81%e6%b7%b1%e5%9c%b3%e5%bb%ba%e3%80%8c%e4%b8%ad%e5%9c%8b%e7%89%b9%e8%89%b2%e7%a4%be%e6%9c%83%e4%b8%bb%e7%be%a9%e5%85%88%e8%a1%8c%e7%a4%ba%e7%af%84%e5%8d%80%e3%80%8d-%e6%b8%af%e6%be%b3%e5%b1%85%e6%b0%91%e4%ba%ab%e3%80%8c%e5%b8%82%e6%b0%91%e5%be%85%e9%81%87%e3%80%8d

    John

    回覆刪除