2018年10月30日 星期二

窮富翁大作戰

小子其中一個常常睇, 翻睇再翻睇的節目就係"窮富翁大作戰"

特別係其中SIMON 呢一集



小子睇過同一集不下20次, 每次都令我思潮反覆

小子出身低微, 但係對比片入面的低下階層, 直頭係無可以比

呢一班基層人士, 係搵朝唔得晚, 日日勞累作為資本家的工具, 直到死為止, 坦白講, 做窮人定做富翁, 係靠雙手? 聽命運?  定係資源分唔均衡? 只可以講, 各有前因莫羨人, 每個人背後都有個故事

投射係你我身上, 坐係OFFICE 入面, 又係唔係做到病, 做死為止? 做會計的你, OT 緊的你, 又係唔係同佢地做緊同一樣的野, 只不過手中唔係豬大腸? 唔係牛雜? 我們又有否分別?

可惜人性使然, 共產做又36唔做又36, 資本主義必有其富或貧, 世間上無一件事係可以分得黑白分明.

小子十分清楚, 樓市霸權對基層市民的害處略有了解. 任何一個制度都係有其優劣, 都有其得益及受害者, 所以小子從不以對錯為本

正常來講, 面對"霸權", 本來回應可以有二: 一為批鬥霸權, 永不參與, 二為選擇了解其中玩法, 並成為其中一份子

當然有人話, 偽君子, 你成為體系的一員, 都係有份令到租金上升, 令到市民受害, 但係YES & NO, 你唔買樓, 樓亦都會自動落係其他人手中, 同做生意一樣, 執到黃金唔會當狗屎賣, 與其落係其他人的手中, 不如我有能力, 在中間的階段以一個比較相宜的價錢, 租一個比較好的地方俾人.
正等於你生意, 你會唔會全部以成本價賣俾人? 你打工會唔會明明收500一個鍾但係收33蚊最低工資? 如果係咁的話, 不用分得那麼細, 因為絕大部份人都係PROFIT MAXIMIZER, 只係AREAS唔同

而如果有的話, 個位善長係叫做明哥, 自己爛身爛世都要堅持派飯

但同時間, 亦都睇到自己有幾咁渺少, 哪怕今天有BLOG 友話小子你係"投資者", 但係小子未敢自詡, 講緊我成個盤都幾多錢? 比起一個FULL PAY 九龍站的業主? 比起富豪海灣HOUSE? 貝沙HOUSE? 比起MOUNT NICOLSON? 太過渺少, 係窮一生之力都無可能追到一些早10年20年30年的投資者.

就算我有1億, 2億, 3億, 相比起一隻羅素街舖, 係咩CONCEPT? 係NOTHING.

但代唔代表要將有野推倒重來? 呢D大是大非, 作為一個普通人自不能研判. 而推倒好似1950年60年代物賤人窮又係唔係對成個社會係好事? 係唔係對社會做生意有裨益? 只怕仲難搞過明日大嶼.

但無忘初心, 每一次睇到呢段片, 我都提醒自己要發奮自強, 行有餘力, 必要助人

小子最想就係買間舖, 整間食肆做待用餐 (在片中有交待), 此外, 小子都提及過以前讀醫係想好白痴地幫人, 到大個, 其實有心幫, 都可以係好多方面幫到人, 呢一方面小子好努力咁WORK ON, 希望在將來有機會可以實現兩者的願望

請記住, 對比起上位者, 我們哪怕一生三宅, 一生五宅, 十宅, 也在下位.

一個金融風暴, 哪怕羅兆輝的級數, B哥哥般的炒樓方法及收入, 也必定倒下

而一個家庭要改變是要窮幾世的能力, 加上契機先有機會轉變, 是以修身, 齊家, 治國, 平天下, 一定要先修身

先管理好自己口袋, 不要向下流, 不要成為別人及社會的負累, 及至將財商, 理念傳承, 教曉下一代, 分享給生命沿途的朋友, 令到大家都有所增長, 整個社會, 在時間一長下來, 才會有所改變

是以:
先管理好自己口袋, 不要向下流
先管理好自己口袋, 不要向下流
先管理好自己口袋, 不要向下流

對比起政府每日放150個下位者來香港, 唯其可以做的, 係先管理好自己口袋, 不要向下流.

生存下來, 才有資格談改變!

風火電齊的食肆, 閒閒地講幾千個, 如果個市真係回的話, 可能, 係一個契機

小子9UP 完畢, 多謝收看

2018年10月25日 星期四

林鄭的推左走右, 第一口3988 入手

林鄭月蛾提出的明日大嶼計劃, 講到掉10000億落海, 當然好多環評友仔反對, 又話倒錢落海香港會PK 云云

小子估計呢個計劃第一係林鄭推左走右, 目的係迫地產商快D搞個公私營合作機制

因為填左東大嶼後, 大西北自不然沒有其地理優勢, 而香港政府亦都可以2047前後可以同發展商講價, 以賤價收番佢地D地

唔駛用到土地收回條例已可以做到百鳥歸巢效果 (因為用土地收回條例會令香港無左資產保存的制度, 係大忌, 全香港都係會PK的)

當然, 現實在都係一定會照起, 因為事關係到幫中國食左過剩產能同埋以基建去刺激國家經濟呢個大業

一雞幾味, 實在係必做

有別於用10000億直倒落海, 集資應該係會以幾條大橋的收入做COLLERATAL 借錢

第一, 市民有個投資工具, 又可以CAP 下外國主權基金資金

第二, 唔駛拎錢出來又可以做到件事, 等於幫國家RAISE 錢

第三, 起到D地, 聲東擊西唔駛俾地產商LONG 爆D收地價 (你睇下鄉事會梁福元話明明1000億就攪掂,鬧鬼佢要倒10000億....)

口中肥肉都要減價, 唔鬧鬼就奇

到時公私營合作到一個規模, 就可以有為數不少的地可以俾政府UTILIZE, 確實係先死後生的高招

而死, 係香港人埋單, 唔係大官們埋單, 所以呢著棋係只贏不輸

另外, 股票方面,  小子會買第一注3988

150,000 股買住先

另外6088 跌得太殘, 買番之前3.8沽個口

* 抄功課的話, 贏輸自理.

2018年10月19日 星期五

寶翠遊記

尋日口痕約個AGENT問下佢有無得睇寶翠, 竟然有5間-6間有得睇

放工就去左睇下佢咩料子

小子係從來未睇過寶翠園, 因為一直以來都覺得性格比太差, 住戶都係貪佢個西半山地址

但本住睇樓唔可以有BIAS的原則, 姑且去睇一轉

寶翠園前身為公務員合作社 (即係公務員樓), 1989 年同信德等等合作發展, 用單位換單位的方法達成重建方案

https://zh.wikipedia.org/wiki/%E5%AF%B6%E7%BF%A0%E5%9C%92

所以好多原址的一手業主係本身老一代公務員或其二代, 換番來的

一入到去, 大堂正常, 但稍欠貝沙的貴氣, 似係一個比中產好少少 (近似高級版康怡)

第一間5座11H 室, 11樓係第一層, 望出去係南里一號市景, AA話係萬乞頓景, ANYWAY......

困到一個點......

不過寶翠同貝沙灣禮頓山一樣, 就係開則夠離地, 3房則用來開2房, 2房663', 3房905' - 1107' 不等, 所以房間特大, 每一間客房都等同主房, 具有氣派及實用性兼備

只可惜西山樓景為主, 其令人心動的海景都係真係好麻麻, 要玩海景, 貝沙, 九站, 迎海星灣寓, 愉景灣, PARK ISLAND 大把你揀就算退而求其次, 海怡10座海景 (不過打風就GG) .....

AA 當然講到個海景好正....唉, 要買海景, 龍翔花園, 高樂, 均益都有....呢個景.........得啖笑

寶翠3房大部份都有工人房, 1107' 5座H 個工人房係稍為人道少少, 之後睇左3間9XX, 有D無工人套, 有D有都係2呎床都啱啱好, 隔離就係厠所, 仲要係半厠, 有失豪宅之實

至於賣價, 1107' 30M 之後睇個D 905 - 9XX 呎, 都25.8M - 28.6M 左右, 小子睇完都將近45 MINS

另外睇左間一房又係第一層, 開1630 (663'), 對巴士頂, 飛車同OCAMP 睇DAM CHEERS一流....

睇完之後, AA 問小子有無邊間可以傾價, 小子禮貌地回絕. 當然隨後問下佢有無D 大少少的工人房的則時, 區經少少串咀話: 你對工人都幾好架喎...(你暗示我同工人有路?哈哈....)

好明顯佢一係想話我知, 我唔識野, 又或者覺得我低能 (因為小子個樣實在同實際年齡有差別, 難怪佢認為我買唔起, 無問題的)

一行3個AA, 其中一個係小子美記相熟AA, 當然唔會咁同我講野, 另外個串咀區經, 呢個情況睇大碼野常有出現, 記得好早時小子睇西半山同埋天后廟道, AA見到我會問我, 你有無錢 (真係咁講)

普通人會覺得狗眼看人低, 但調轉諗, 你明係混吉, 我無理由浪費時間係你身上, 是以我係唔會反唇相譏

小子只係好客氣咁講, 其實呢家係俾緊間頭房個工人住 (佢地O 咀), 之前睇左貝沙3房, 呢家4000萬左右, 唔想浪費大家時間, 我唔會拎40M 買件自住3房, 所以先睇下寶翠3房個工人厠係唔係都可接受;

呢句其實係講緊俾佢地聽, 小子係睇緊貝沙, 而且睇左唔止一間, 如果行家們覺得呢個客係無料, 其實佢係一間都唔會睇到 , 呢個係真

以前跑馬地我約睇樓, 真係一間都睇唔到, AA 會直接叫你留電話, 收工

不過點都好, 寶翠睇完後我真係無興趣

同埋我應承過, 相熟AA 話佢落貝沙的話, 我會買番件賀下佢, 所以寶翠2房我都唔會考慮, 如果買梗係加多少少買貝沙2房算.

但怕且佢都要等一等, 因為海怡2房9M, 貝沙2房20M, 理性角度來看, 我係唔會買2房貝沙的

除非我痴左綫
 
而因市況來睇, 劈價係在於細價樓, 市價買大碼野真係諗起都唔開胃

2018年10月18日 星期四

跌兩成

卓百德料港樓隨股市跌

港股技術上進入熊市,周二恒生指數較今年一月底盤中高位已經累積下挫23.95%。星級分析員卓百德直言,從未見過港股「見熊」而港樓可以不跌。事實上,近月樓價確實偏軟,而且住宅市場很可能已進入下跌周期,預期在基本情況下,住宅樓價或下跌一成至一成半,最多甚至可能下跌兩成,惟幸不會造成任何系統風險或金融災難。

他稱,○七年起的11年間,香港樓市出現四次調整周期,每次樓價下跌幅度由最少的7%至最多的24%。不過,本地銀行及樓市均雙雙能安然度過,原因是樓市的槓桿比率很低,不會為銀行帶來系統風險,或令本地主要發展商的資產負債表出現問題。

勢拖低地產股資產淨值

他又稱,由於現時樓價處於非常高位,所以即使樓價向下調整兩成,都不可以說是災難式下跌,只要經濟不要突然轉壞,以及利息沒有突然急升,樓價下跌很大機會吸引更多人入市置業。不過,這不代表地產股不會下跌,原因之一是樓價下跌直接推低地產股資產淨值。
-------------------------------------------------------------------------------------------------------------------------------------------------------------------------------------
又一有分析無出息之笑料系列......

跌2成對於香港業主實在係小菜一碟

如果你持有多於一間物業, 你買回來的話, 如果跌2成係只賺5%  (20% - 15%)

面對的風險包括(但不限):

1) 平20% 但只可以買到質素稍次的盤

2) 上唔到會 (假設你N咁早前買落仲可以70% 出租OR 85% HKMC 出租), 呢家有50% 先可以出租 (偷雞唔計, 閣下自理)

3) 期間損失的租金回報 (當你層樓3% 回報, 等2年的話其實跌20%你都要倒輸1%)

4) 市場風險 (調頭回升就........ALL BUT LUCK)

5) 唔覺意手痕買其他投資物而輸錢, 令到舊錢唔再夠買番間樓

當然沽自住的唯一一間物業摶佢發圍起啤不在此限

但以上超高難度動作, 幾時都唔建議你做, 1997年沽完, 2003年買番實在係萬中無一, 當然期期六合彩都有人中,但係點解次次4個字都唔中?

至於股票嘛....1114 華晨又跌左30% 累計.....175? 2018? 2382? 700? 2007? (仲要得番8.0, 陰L功...留俾仔女真係小小心意, 唔係負擔, 仲要怕迫貴完真係玩完.....); 1177 未入HSI 12.X 呢家6.66 (真係666).....不勝枚舉

買錯已最少輸3成, 但當然由N年前2018 10.0 - 40.0 買一樣係大賺, 不過都係個句, 幸運兒係唔係你? 同埋你有無做足功課? 定係亂買/聽冧把摶中獎?

投資物不同, 樓係慢慢躝上去, 股係大上大落 (相比起)

邊樣啱自己, 要慎選, 而小子係股樓債都有玩, 所以無話貶低股票之說, 但係正確的ASSET ALLOCATION,以至做足功課係非常重要

2018年10月15日 星期一

週六招待朋友睇樓, 股樓雜評

呢個星期實在忙到七彩, 日日叫住TAKE PROFIT

好彩的係祖國移動 (ON9941) 已經力說老細盡沽持股, 仲要係大跌個日之前以79.X - 80.X 沽Q哂,贏左小子2年人工, 不過公司袋

ANYWAY,  做到野就得啦, 人都係PROVE YOUR VALUE.

呀老細好開心話都贏左我地TEAM人工啦, 誠然, 呢個環境仲有PROFIT 已係好難得, 仲要沽埋實在係可喜

可惜U.S. TECH 的持股 CALL FOR DISPOSAL 無execute 到...唉....it makes fxxking difference!

咁就硬食左2日大跌市, 真係好陰功

最搞笑係DJIX 跌左800點之後個日, 隔離DEPARTMENT MGR 話...你有X無咁撚勁呀....又會沽完跌800點....

小子好真心咁講左三個字: 負碌啫

其實, 講真都係STREET'S SMART, 當呀豬呀狗都買700, AMZN 破頂破到樓下看更都話買AMAZON....佢地識條L AMZN ...咩係FAAMG? 連一D唔曉的師奶仔都買美股TECH STOCK的時候, 沽1/3 PORTFOLIO, 真係萬試萬靈

看似一個好唔科學的方法, 卻係最L科學 (小子的L型人又來了, 因為真係要加番上去先連接到件事)

另一方面, 港股中國股跌到一仆一碌, 其實觀乎10倍-12倍的MARKET P/E, 係抵, 但係香港同中國股市正正係一個TRAP, 因為個市係老千當道, 只有極少量股票先會跟個FUNDAMENTALS 走

你睇下美國D TECH 股....FB 由23 升到220 (IPO 開始10倍股)

香港? 來來去去得隻700, 2382, 2018;衍生工具當道, 股市變左賭場

小米美團上市估值CAP 盡, 一滴水位都唔留番俾下家, 呢D係咩玩法?

其實IPO 實在係更加PK, 你睇番AA STOCKS, 抽IPO 即日要輸30% 都比比皆是....大手老孖抽股...真係倒抽一口涼氣

相對比股票, 小子星期六都有去睇樓, 難得朋友來海怡, 梗係盡下地主之情去睇下樓

誠然, 好的AA實在太少, 呢個AA已經跟左小子幾年, 用個跟字, 唔係顯示莊閒之分, 背景係次次買野我都有通知佢, 而佢係做唔到野所以我先俾我個AA, 次次都叫俾次機會合作, 好, 就係呢家開始次次都試一試你

原本小子的租同買都係經同一個AA的, 每次都係, 適逢AA 姐姐話唔做, 轉會去貝沙, 所以想搵個後備AA, 可惜佢只做到第一樣, 就係要盤有盤...

當時同朋友睇左10間左右, 2房到3房都有. 過程係滿意的, 因為要20分鍾內約10間係有難度, 不過對於一個勁的AA係基本盤

如果有實客想買又無得睇, 咁點得? 小子買就可以唔睇. 如果要介紹朋友買, 10間8間做個INTRODUCTION都要

但係佢推D死盤俾我朋友個下就有D 問題, 呢D我看在眼中. 小子同朋友直言, 如果你單槍匹馬必中個間, 朋友都話係...但係好慘係陰唔到我的, 卻俾我睇到你的邪念. 所以呢個AA 係收得工

位朋友常問: 點樣先可以避到死盤? 得一個方法, 就係你熟過佢, 力不到, 不為財
 
看似簡單, 做到的話係好困難

小子亦都要開始睇下貝沙, 應承過AA, 佢轉會一定會幫襯佢, CLS 一房都10M, 你唔好升得快D吖.......

2018年10月8日 星期一

大老細退休

小子星期五無番工, 但係星期四開例會時呀大老細問CEO 駛唔駛公佈佢D野

作為一個中資半老屎忽, 做到所謂MANAGEMENT 位, 都對呢D野有特別的嗅覺

小子係隱約覺得佢會RESIGN

點知今日番工, 老細話大老細上星期五即日宣佈走人並LAST DAY

照常理看,呢間公司係唔會炒人, SARS都係炒一兩個, 而且呢個大老細係紅色人士, 一定唔會係炒

咁我好奇問我老細, 老細話, 大老細自稱退休 (1985年退休......WTF)

陰謀論咁諗, 會唔會係佢之D PROJECT有油水分呢? 雖知呢一行有太多潛規則, 特別係我地所謂的"KEEPER", 如果叫到金主科水, 中間的利錢不容小覻

小子認識不同的人, 揼殼好, 揼FUND好, 一隻1-2M CASH 仲要係現錢唔駛見光, 唔駛報稅, 已唔係咩新奇事 (5-10年前都有, 班友發到豬籠入水...)

如果有項目搞掂的話, 枱底的數可以係8位數字或更多, 陰謀論諗....會唔會......(

不過人地背景咁硬, 我估唔駛靠微薄薪金養妻活兒, 唔同小子呢工資奴, 算啦, 無謂葡萄人地

君子愛財, 取之有道, 犯法野小子唔LIKEY做; 又或者咁講, 個ODDS 唔夠大, 如果你俾10億, 100億, 1000億?

沙中綫有無貪污? 港珠澳有無貪污?

你懂的. 過去係做得無咁核凸咁解

能做到高位, 撈到點油水, 都遠比起硬掘人工多N倍; 當然, 眼界同心態上又會有一個顯著的提升.

基於疑點利益歸於被告, 就當小子鳩估一場吧

符合國情

我呢D傻仔都係出番去做野了

對小子條TEAM 來講, 係一個喜訊, 因為大陸幫變左無頭之蛇
兼且我地都收編左其中一個大陸幫歸化左, 感恩地位還是OK

但係SAFE 還SAFE, 要提提大家, 45歲前好準備以後要退休用的錢, 因為, 永遠都係自己操縱自己命運來得好

45 前要搵工, ANYTIME都仲有, 到你45打後就難D, 自己做少少HAIRCUT在所難免, 無良老細都會出手壓價

只有PASSIVE INCOME > ACTIVE INCOME, 才有資格做為生還者, 否則等待董建華的發落....係好SAD的

 

2018年10月4日 星期四

應還林奮強一個公道

相信有樓的讀者都記得林奮強呢位人兄吧

呢個前行政會議成員確實係來頭不少, 有"樓市大好友"之稱, 於2012年申報時有27個香港物業, 而呢D物業包括擎天半島11個單位, 寶翠園, 西半山寶華軒同埋地根 (地利根德閣)同埋幾件新西區邨屋, 當時市值約為5億

其中爭議點係: 根據WIKI 的INFO
2001年12月10日,林奮強夫婦以公司名義,以近1,400萬元購入半山堅道寶華軒14樓A、B、C室[5]。林奮強在2012年7月就任行政會議成員時,曾書面承諾在行會任期內不買賣手上的物業[6],但他於就任數月後向傳媒表明會放售數個物業套現,作家庭開支[8]。他於該年稍後出售兩個位於西半山寶華軒14樓的住宅單位,而行政會議秘書處於10月4日及22日按照他的通知更改其利益申報。他在其中一個售出單位於帳面上獲利約570萬港元[8]。林奮強售樓一事在新措施宣佈前已有傳媒報道,他在
2012年10月19日表示他在售樓的事情上已詢問行政長官梁振英及其他行政會議成員的意見,他們當時並無要求林奮強需要特別處理[9]

2012年10月26日,特區政府宣佈加強遏抑樓市措施,增加住宅物業的特別印花稅及延長適用期限,另加徵非香港居民的買家印花稅。林奮強事後表示他在政府宣佈前不知道政府將會推出新措施,行政會議發言人亦表示林奮強當時沒有參與新措施的討論。[8]

2012年10月31日,林奮強在香港電台節目自爆,與地產代理議定單位的「底價」,如代理以較高價售出,差額便成為代理佣金,以鼓勵對方努力賣樓[10]。曾任職廉政公署民主黨總幹事林卓廷即日向廉署舉報,指林奮強賣樓時給予地產代理額外佣金,沒有於臨時買賣合約寫明,對買家不公平,涉嫌觸犯《防止賄賂條例》。林卓廷及地產代理監管局發言人皆指,代理一般同時代表買家及賣家,是「雙重代理人」,按地產條例,如果代理未得買賣雙方面同意,收取賣家一方額外佣金,有可能違反《防賄條例》[11]中原地產發聲明指,林奮強曾建議將物業成交部份差價當作經紀佣金,但中原並無接受[12]

大家睇下呢家寶華軒幾錢先?
CASA BELLA 小子都曾經係睇西山時覺得係偏低水物業, 呢家最平個間2房要12.88M

http://hk.centanet.com/findproperty/zh-HK/Home/SearchResult/?type=2&code=SEPPWPPEPE&src=F&posttype=S

而當時林奮強涉嫌  "彈弓手" 沽出 2個, 係2個單位, 共獲利570萬大元!

佢的入貨價約為每件560萬左右, 而佢的解釋係 1) 家庭開支 2) 不想賺7月後的升幅

家庭開支的話, 計一計佢的供樓支出, 11件擎天唔知供幾多錢呢?

《住宅物業:以資產水平計算之按揭申請人》
由2012年9月15日起,所有以資產水平計算按揭貸款之申請人,申請第一套房按揭成數不可超過4成;若申請人申請按揭時已擁有一個或以上未完全償還的按揭物業(第二套房),按揭成數不可超過3成。


由以上的政策可以睇到, 2012年林生好大好大機會係做緊ASSETS LENDING, 當時仲未係收緊POLICY, 可以借到超過40%, 呢家2012年9月後只可以按到40%, 根本等於唔可以REFINANCE
不過以佢老兄咁疊樓, 11件擎天, 呢家每間30M , 收租35K 咁計 (計少左好多架啦, 只係中原話35K 咪35K, 以1.5% YIELD 來計都要37500/月), 呢11 件野都收成40萬一個月, 我真係無見過1400萬樓收20K 樓下租, 仲要係九站.....

我姑且當佢當年做到70% 按, 2012年14M 一間左右, 11間的話, 一共借左107.8M, 供30年的話, 打你2.15%息都係只供40.6萬, 其實件事應該係夠冚有凸

一來以佢金牌分析師身份, 賺少幾百個係會俾人笑的, 所以用湯生的逢三退一下, 沽左間最差的寶華軒實係合理預期, 1000萬多少少作為5年的生活費, 對於佢老哥咁的身份又真係唔可以講好唔合理.
至於佢D SORRENTO, 到呢家都KEEP 住, 11件賬面數都5億. 實在唔可以同蟲蟲偷步買車個單野相提並論
至於話佢貪小便宜呢.....到呢個身家, 只可以講有失身份, 亦都只係收租收1年幾2年的數字, 實在係唔太合常理 (區區10M, 以某D口痕友話齋, 加按都加到啦, 如果佢係知道出SSD, 而SSD 又係會令到個市大跌的話, 以佢的能力, 如果睇跌梗係沽大碼野啦, 沽2間最細把鬼咩; 可惜SSD 係令到個市無盤而焗住坐租賺埋價差....如果佢係知道的話, 我估佢唔會沽貨咁笨, 反而應該轉哂入公司名, 跟住好似呢家呀鄭司長呀, 咩咩富豪呀, 用首置名義買超級豪宅, 仲駛住擎天咁草根咩....少少地都買間MOUNT NICOLSON 或者THE OPUS 吧)

至於佢講賣樓的定價同埋額外佣金, 小子只可以講係物業老手常用技倆, 槍打出頭鳥, 如果佢係平民百姓的話, D佣金係會用"自己方式"俾番經紀, 又或者經中原抽水後俾番經紀都得, 而呢個發生的情況下, 買賣雙方都肯定係物業老手, 因為加佣沽野, 絕大部份係要求快, 而唔係求價. 切勿以行外人眼光觀之話一定係個業主搵個買家笨啦
私下回佣唔經中原分錢, 俾同行知道已經一定會報串, 同埋公司一定會問經紀拎番應得部份, 唔係話你吹得甩咁簡單
而物業的賣出價一定係MARKET PRICE, 唔會有人俾大大口錢而唔隊一口價的, 個EXTRA佣的功用就在此, 輸少D口價而已.

小子推測: 林生真心左, 唔想計到條數咁忟水所以沽咁2件細野 (對佢來講), 諗住5年後先搞佢個盤; 以一個大炒家/物業投資者來講, 用不透明資訊同埋地產人脈可以賺到的, 以佢老哥的SCALING, 一定唔止10M.

送走林生, 整個劏房波出來; 仲邊有物業市場投資者搵夠想話出下同香港"解決下" 問題, 令到個市場"合理番少少", 3D 係曾生開始的, 呢條友咪係AO 思維囉. 連基本供求關係都未攪清楚, 仲話碩士添....個腦真係成舊石咁

招攬到有人脈的人出謀獻策, 可能最尾都係得個吉, 因為好多官僚野阻住個地球轉.
但做到好的社會規劃, 絕對係需要一D比較富足的人, 才有此人脈及眼光.
如果全部係AO 出身, 得罪D講, 未夠班.
只能做到現任及前任特首的"做好呢份工", 跟住別人給你定下的路綫乖乖地走
搞下高鐵大白象對香港無咩意義, 但係起醫院呀基建呀等等, 人家真係10年前打開口牌講左出來
呢D唔係口痕可以講到的, 係要綜合人脈同埋理解成件事的佈局而且有前瞻性的眼光先有機會講得出

今天你不規劃自己, 明天社會來規劃你
今天你不為香港定位, 明天中國發展下只能做到"超級連繫人", 無無謂謂過日晨

俗D講, 又係瀨人袋底過活, 下下都"超級連繫人", 哪有出頭天?

呢家唯有望大陸唔好發展得咁快, 連呢個"超級連繫人"都無得你做真係大L鑊

2018年10月3日 星期三

西瓜靠大邊

尋日小子眼中最爆的新聞係 - 中聯辦又打茅波入貨喇!

西環高樂, 沙一, 呢家買到寶翠添!

個市靜就最好啦, 業主腳仔軟, 如果5.16M 稅慳埋即係中聯辦買平30%!

連呀爺都曉BOTTOM PICK, 仲要自制劈價盤, 作為老散的你, 西瓜靠大邊呢5個字, 我相信大家都明白了?
 

過去近四年,國家隊在港大舉掃入近百個住宅物業, 現已升值四成至逾11億元。

11億, 我地做幾多世先有呢個數字? 怕且........做到 20470 都未必有 

連個大莊 (中國) 都掃緊貨, 你有無見中國買番迫貴完十里銀灘吖?

3D 辣招真係好賤格,小市民想賭都無得賭, 但係大孖沙用買賣公司避稅, 中聯辦更出尚方寶劍, 確實係屈機!

又有D口痕友話, 到時2047 強制收回, 狂加差餉又點點點.....

怕且你渣到2047先講啦.... (林鄭用土地收回條例的話, 資產價值大跌, 個大莊難道有好日子過? 的士都係同理, 一切都係錢作怪, 只有賣散哂俾老散好似迷債咁, 先會篤Q爆佢等D老散找數, 玩財富大轉移)

正所謂: 成功者搵方法, 失敗者搵籍口

If there is a will, there is a way

要唔買, 有千萬個理由; 同樣地, 要買, 亦都有千萬個理由

唯其做好風險管理, 輸得起便買你心儀的投資物

Cash is not king, is only the intermediate form of asset

渣現金, 係呢個QE 都未肯收水的時間下, 無疑係蝕章的行為, 請見三人行兄鴻文, 小子呢D市井KAI 子無咩深度, 若要分析, 請移玉步至三兄BLOG

https://sanrenxing80s.blogspot.com/2018/09/blog-post.html

 中聯辦再掃寶翠園 近年買近百間港樓 毋須付印花稅

【本報訊】受加息及貿易戰困擾,近期二手樓交投淡靜,「國家隊」此時卻再度出手撐樓市。上月,中聯辦動用1,720萬元購入西半山寶翠園兩房單位,高市價一成,為中聯辦近年半來首次入市。過去近四年,國家隊在港大舉掃入近百個住宅物業,現已升值四成至逾11億元。

據土地註冊處資料,寶翠園2座26樓D室,實用664方呎,兩房間隔,上月19日登記以1,720萬元成交,呎價25,904元,買家為中聯辦旗下新民置業有限公司。同座低一層D室,面積相同,今年4月以1,568萬元成交,中聯辦新購單位只高一層,但短短五個月搶貴近一成或152萬元,屬高價成交。原業主2001年以383.2萬元買入單位,是次獲國家隊高價入市,勁賺1,336.8萬元。

中聯辦對上一次入市,是於去年2月及3月增持沙田第一城及西環高樂花園。據《印花稅條例》,中央人民政府等或以公職人員身份行事的任何人,均毋須負法律責任繳付印花稅。因此,是次中聯辦以公司名義購寶翠園,可獲豁免30%辣稅,慳稅516萬元。

據資料,自2014年12月以來,中聯辦在港已買入最少94個住宅物業,上車盤及豪宅通殺,涉資7.73億元,料作駐港員工宿舍。2016年12月,中聯辦動用1.2152億元狂掃西環鄰近中聯辦總部的泓都14伙,平均呎價18,008元。最矚目是於2014年12月斥4.8億元向李兆基家族購入西營盤鉑峯全幢48個單位。中聯辦亦於2015年起大舉購入沙田第一城12伙,涉資6,257萬元。
隨着近年樓價急升,這批近百伙的國家隊物業,現已升值約四成至逾11億元。鉑峯當年買入平均呎價僅1.8萬元,參考同區近期一手呎價近3萬元,鉑峯已升值至約8億元。

 

2018年10月2日 星期二

大價樓成交

呢個月成日聽得最多係劈劈劈

小子一向都話, 睇報紙愈睇愈蠢, 因為佢地只係會報導散戶同大眾想睇想聽的消息

以下係中半山上個月成交 (小子有幸有人報下盤, 知道咩貨走左, 走咩價等等, 俾個比較"客觀"的資訊)

同炒股一樣, 咩咩分析報告都係人寫出來, 最直接係有無人真金白銀拎入個市度買, 如果你話700 大手回購同埋提出GO @ 500咁咪重大利好囉. 買個幾十萬股, 把鬼

邊個渣大莊先? 扔褲基金? 非也, 係動物發行商  (明架啦, RIGHT?)

借定唔借, 還得到先好借.

買定唔買, 輸得起先好買

能夠出聲的, 只係市場參與者, 而唔係所有"持份者"或者"塘邊鶴"

另外, 真係屌打D人話60幾年樓無人買.....幾千萬都照郁手....做唔到按揭對吧? (明架啦...都唔係俾做按揭個D人買)

買樂觀大廈條友一定係好樂觀, 哈哈. 58年樓都俾成3000萬買. 銀行75-樓齡 得番18年按揭咋.....X!

都話, 人地可能一炮過呢.........

中半山 8月份暫錄成交共 17 宗

1) The Albany 雅賓利大廈 1989年
14A  1車位 $8,680萬
售價有待確認
Gross 2,546' @34,595
Saleable 1,948' @45,216
( 前業主2003年 10月 $2,170萬 買入)

2) Convention Plaza  會景閣 1989年
20/F 13室  $968萬
Gross 543' @17,827
Saleable 417' @23,213
( 前業主2014年 9月 $825萬 買入)

3) Bayview Mansion 樂觀大廈 1960年
1A   $2,950萬
售價有待確認
Gross 1,800' @16,389
Saleable 1,690' @17,456
( 前業主1962年 9月 $13.6萬 買入)

4) Besu Cloud Mansion  碧雲樓 1965年
9C  1車位 $2,800萬
售價有待確認
Gross 1,700' @16,471
Saleable 1,,437' @19,485
( 前業主2010年 7月 $1,698萬 買入)

5) Bowen Place 寶雲閣 1989年
7B  1車位 $5,100萬  公司轉讓
售價有待確認
Gross 1,983' @26,941
Saleable 1,485' @34,343
( 前業主2003年 7月 $960萬 買入)

6) Park Mansion 百年順大廈 1986年
1A 1'車位 $3,900萬
Gross 2,013' @19,374
Saleable 1,723' @22,635
( 前業主2005年 11月 $1,220萬 買入)

7) Phoniex  Court  鳳凰閣 19977年
Tower 4 8D  $1,600萬
Gross 983' @16,277
Saleable 890' @17,978
( 前業主1984年 11月 $73萬 買入)

8) St. Louis Mansion 雨時大廈 1993年
 23B $1,200萬  售價有待確認
Gross 613' @19,576
Saleable 452' @26,549
( 前業主2008年 5月 $715萬 買入)

9) St. Louis Mansion 雨時大廈 1993年
 15F $748萬
Gross 435' @17,191
Saleable 318' @23,522
( 前業主2006年 8月 $284萬 買入)

10) Hillsborough Court 曉峰閣  1993年
Tower 2 4B $1,600萬
Gross 783' @20,434
Saleable 625' @25,600
(前業主1996年 5月 $660萬 買入)

11) Estoril Court  爱都大廈 1983年
Tower 2 36D 1車位 $1億2,500萬
售價有待確認
Gross 3,347' @37,347
Saleable 2,888' @43,289
( 前業主1986年 12月 $535萬 買入)

12) Estoril Court  愛都大廈 1983年
Tower 2 34D 1車位 $1億1,060萬
Gross 3,347' @33,045
Saleable 2,888' @38,396
( 前業主2006年 4月 $3,530萬 買入)

13) Mayfair  1997年
26A $1億3,980萬
Gross 2,905'  @48,124
Saleable 2,228' @62,747
(前業主2008年6 月 $6,630萬 買入)

14) Convention Plaza  會景閣 1989年
39/F 8室  $800萬 
Gross 543' @14,733
Saleable 418' @19,139
( 前業主2010年 11月 $580萬 買入)

15) Bayview Mansion  樂觀大廈 1960年
1A  $2,950萬  售價有待確認
Gross 1,800' @16,389
Saleable 1,690' @17,456
( 前業主1962年 9月 $13.6萬 買入)

16) Tavistock   騰皇居 1999年
29A  2車位 $6,430萬
售價有待確認
Gross 2,030' @31,675
Saleable 1,520' @42,303
( 前業主2016年 7月 $4,880萬 買入)

17) Tregunter Court  地利根德閣 1993年
Tower 3 17C 1車位 $6,900萬
Gross '3,001 @22,992
Saleable 2,361' @29,225
( 前業主1998年 6月 $2,650萬 買入)

以上資料只供参考一切紀錄以土地註册署登記為準

09/2018 西南區買賣成交
Update: 02/10/2018, 11:15

Bel-Air 貝沙灣
1/ 2期5座51AB
建築3,358呎 實用2,805呎
$110M @32,758/39,216

2/ 4期2座42B
建築896呎 實用729呎
$18.5M @20,647/25,377

3/ 6期2座12C
建築1,469呎 實用1,029呎
$33M @22,464/32,070

4/ 4期8座20C
建築1,401呎 實用1,040呎
$?M @?/?

5/ 4期8座26C
建築1,401呎 實用1,040呎
$?M @?/?

6/ 6期2座25B
建築908呎 實用698呎
$22.8M @25,110/32,665


Larvotto 南灣
1/ T1-11A
建築2,545呎 實用1,942呎
$65M @25,540/33,471