2017年6月30日 星期五

好書推介 - 財技股披露易

呢本書, 同埋渾水的"殼股財技" 係其中兩本講得幾好的書
如果想炒殼股, 一定要睇下
比較用一D淺白方式去解釋殼股的變化及操作

2017年6月29日 星期四

胆色過人

上兩篇講到香港遍地黃金, 果真發生一件細價股爆煲事件
736 及2324 都跌到0.01 後反彈. 少則2倍, 多則7倍

你夠胆掃20萬, 即日已贏100萬了. 各位唔好話無錢.....你平時唔準備, 想ALL IN時都係旦家雞見水, 有得睇無得買.

當然要利申, 小子以前都有玩呢D, 不過呢D賭大細的東東我呢家無咩興趣...始終贏一口收7倍...輸一口TOTAL LOSS.
要知道一隻股票最慘最仆街唔係跌99.99%, 係停牌! 正所謂有得揀先係老闆, 停左牌連走的機會都無....直接收皮! 賺幾多都好. 呢D飛刀, 小子係唔會接, 贏幾多都唔關我事.

因為輸過至會深深體會到呢句說話. 未試過的人總是會滿懷信心, 希望自己永遠係受幸運之神的祝福....但投資呢D偏門野, 往往係天氣不似預期, 但爆倉, 總有機..........

天地不仁,以萬物為芻狗;

聖人不仁,以百姓為芻狗。

天地之間,其猶橐籥乎?

虛而不屈,動而愈出。

多言數窮,不如守中。

2017年6月27日 星期二

王維基

王維基籲年輕人做好準備
發奮儲錢創業 上位上車非難

今年是香港回歸20年,剛巧也是王維基創立的香港電視(01137)(前稱城市電訊)上市第20個年頭,王維基形容,公司與香港在過去20年同樣經歷憂慮、安穩、再轉差的高低起伏。回望過去,他從來沒有後悔自己所作的每一個決定,包括回流香港,因為香港仍然是一個很好、很自由的地方。談到年輕人「上位」難,王維基卻認為,香港的機會多的是,「因為未Ready(準備)而去投訴社會唔畀機會,我唔係好贊成呢種態度。」

轉行出盡力 無悔搞電視
「1997年前幾年,香港人對回歸冇乜信心,爆發移民潮,但之後發現不差,(回歸)頭5至10年,『一國兩制』、港人治港等所有嘢都OK,但近5年大家又好冇信心。」王維基於1989年隨父親移居加拿大,因為取得加拿大護照,3年後回流香港搞IDD生意,由於夠出位又鬥平價,贏得了「魔童」的稱號,到1997年把公司上市,他形容當時都戰戰兢兢,因為電訊市場尚未全面開放,但開放後生意愈做愈好,變得信心很大。

網購日蝕60萬大呻痛苦
然而為了一個「夢」,王維基5年前毅然出售賺錢的電訊業務轉搞電視,王維基笑說:「大家都見到(現在)幾咁痛苦。」2012年王維基出售電訊業務套現50億元,全力搞電視業務,結果蝕了十幾二十億元。現在轉搞網購,至今仍每天蝕60萬元,難怪要用「痛苦」來形容。問他可有後悔?王維基大聲說:「不,因為自己每樣事都盡咗力,百分之二百投入,冇得再盡。」
相反,他直言時下香港年輕人只懂埋怨,未有好好Ready,王維基強調:「機會一定會嚟,但嚟到你準備好未?」他不贊同年輕人難上位、難上車的說法,「除非有個年輕人說自己一個禮拜工作7天、6天半,每月把一半收入儲起,冇不良嗜好,好慳都買唔到樓,你先同我講啦。」形容自己「劉鳴煒上身」的王維基質疑,即使樓價跌三成、四成,很多後生仔還是無法置業,因為他們「根本冇積蓄,我係藐視好多年輕人,攞咗呢個藉口去放棄自己」。八十年代年薪已百萬元的王維基說,當年自己好慳,同事買寶馬,他只買7000元的舊車,「點解我後來可以創業?因為我有儲錢」。
除了儲錢,王維基又認為,要創業成功就一定冇work life balance,「呢樣我又藐到飛起……冇一個成功的創業家是有work life balance,成功咗之後唔好講,如果你要舒服又要平衡你的生活,咁你唔好埋怨。」王維基歸咎香港變得富裕,年輕人不需要掙扎求存、不需要被迫去發奮,「大部分的發奮是迫出來,但香港已冇呢個迫的環境」。

「冇雙普選就唔開心」
王維基承認,近年的政治環境令年輕人對香港缺乏歸屬感,形成那種事不關己的心態,對推動社會有很大的負面影響。去年參選立法會失敗的王維基指出,人是境隨心轉,「回望過去,而家仍然是最好的時間,是自己的心態問題……冇雙普選就唔開心㗎喇,歷史告訴你,不是所有事都是如意,開心不一定來自政治、社會制度,可以來自自己的生活。」他還勉勵年輕人,香港仍然是一個「創業、言論、行動、生活」自由的地方,可以去做自己想做的事,世界上不是太多地方有此環境。

小子的偶像係王維基, 非因黃絲藍絲, 係個種對自己有嚴格要求的特質
律己以嚴, 律人以寬  

現在有中資 以前有英資
近年人人都說中資湧入令港人生意難做,王維基卻稱:「今日有中資,幾十年前有英資,分別是幾十年前香港有李嘉誠、李兆基、郭得勝,你今日見到李嘉誠的成就,但實情是當年他也捱過,佢真係冇受過英資氣?」他指出,香港有中資,去到美國一樣有美資,全世界都一樣,任何時候都要奮鬥,強調香港仍然是個公平的社會,「一定比當年英資話事的年代公平,當時殖民地社會,政制比現在更封閉,偏幫英國人更嚴重」。那政府應如何幫助港人創業?王維基認為,政府一定幫不到人創業,最好什麼都不做,靠的只有自己。

2017年6月26日 星期一

路隨心境轉

個世界已經唔同咗——所謂嘅「財務自由」
http://www.vjmedia.com.hk/articles/2017/05/10/159341/%e5%80%8b%e4%b8%96%e7%95%8c%e5%b7%b2%e7%b6%93%e5%94%94%e5%90%8c%e5%92%97-%e6%89%80%e8%ac%82%e5%98%85%e3%80%8c%e8%b2%a1%e5%8b%99%e8%87%aa%e7%94%b1%e3%80%8d/ 

1. 「財務自由」呢個詞語喺十年前大行其道,人人侃侃而談,達成嘅方法無非係靠股票或者靠物業。呢兩個係最傳統嘅積累財富方法,基本上幾百年來無非如此。好多醫生有所謂「月球人」(月入一球)或者「星球人」(每星期收入一球)之說,有醫生朋友話,其實都係靠炒舖買舖放租,即係本質上都係物業。

2. 但係呢種講法喺近十年係有慢慢退卻之勢。或者應該話,因為今日購置資產嘅門檻實在太高,以往大力鼓吹要「買資產」嘅對象,門檻高咗好多,對絕大部份人嚟講,成為咗空談。你話人點解唔十年前買樓,係毫無意義,因為對好多後生仔嚟講,「十年前我係中學生」!
而樓市係一個循環嚟,經濟循環呢一點相信無人有爭議。喺連升咗十幾年(嚴格而言係由 2003沙士後開始升到今日),今時今日嘅香港樓市仲有幾大投資價值?回顧歷史,八十年代開始嘅樓市「必升」之勢,一方面係因為賣地受限(大陸驚英殖「賣晒」香港嘅地),另一方面係因為香港仍然受惠於「全球流動資金」嘅便利,令「四方財」依然可以維持香港嘅高地價。但係一方面經濟周期喺未來五年逆轉嘅機會提高(連升三十年點都難過升二十年然後跌掛?),另一方面香港嘅角色喺全球化之下似乎會轉淡,香港樓市會否依然堅挺,係一個好大嘅問號。

3. 當然,咁你話買深圳樓,大陸樓。呢點我係無異議,本質同你去買外國樓,毫無分別。只不過管理成本,了解法規等等,亦都係成本所在。係值嘅,不過要辛苦先得世間財,唔似得你去買香港樓乾手淨腳。有人話諸如日本等地嘅樓,首先「炒」唔起,其次就算放租,回報率同管理都相對麻煩,有人會認為係得不償失。買大陸樓,熟法規,熟管理,往來頻繁者,值得做,但總體嚟講,你必須要清楚了解你買緊嘅嘢嘅當地法規係乜。
 
4. 總體而言,我認為今日大力提倡買樓嘅上一輩人,係根本唔明白今日全球環境,同埋一種席捲全球嘅「年青人苦悶」。全球嘅資產都上升得好緊要,就好似曹仁超當年講嘅「發達容易搵食難」,你揸住幾層樓,當然覺得大家都應該要買樓先可以財務自由,但係對年輕人黎講,而家首期係講緊二百萬港紙,但你每個月儲到嘅錢可能只係幾千蚊,甚至幾百蚊(租金、飲食、交通)。就係因為呢種矛盾,先出現咁多不接地氣嘅「去少幾次日本就買到樓」,請問當你年入只係二十零萬時,你點樣「儲幾年」就儲到二百萬返嚟呢?做槓杆,風險極高,如上所述,資產價格逆轉隨時會出現,到時未得其利先蒙其害。

5. 對於而家嘅年青人嚟講,「財務自動自由」已經唔再吸引,應該話就算吸引,都知道係一件無可能嘅事,等如我同你講「如果你買到塊大地皮起『新太古城』你咪賺到幾百億囉」咁,係「啱」呀,但有意義咩?喺全球化之下,「資產錢搵錢」係王道,真,但要賺得到第一桶金,所需嘅運氣、眼光、技術比以往高咗好多(穿膠花 vs 研發革命性電動汽車)。因此以資產錢搵錢呢回事,只能當係資料提供,對於現今普遍三十五歲以下人士,係毫無意義。對佢哋嚟講,一種「多元技能」或者更加吸引,一種「無論點都搵到食」嘅「多元身份」更加可以確保佢哋嘅生計乃至生活。以往你可以打死一份牛工,「好勤力」然後買樓上車保平安,今日你打死一份牛工,年年都「共盜時艱」無償加班無人工加,然後買唔到樓打死成世工。所以「傳統智慧」一早已經不適用。反而提倡一種更闊嘅「技能表」可能更加實際。

小子睇完之後, 腦海中浮現出呢句句子:

山不轉路轉、路不轉人轉、人不轉心轉、心不轉念轉、轉心轉念
1.  小子及作者都係一個80後. 現今年輕一代 (其實我地30開外都不算年輕了), 真係唔好偏聽, 唔好太過依賴某一份"報紙"所講的"故事". 好簡單, 就算係星球人, 係大醫生, 佢地用哂所有時間係佢地的事業上, 係會俾身邊人呃Q哂佢地D錢的. 直觀地如果我係星球人, 我就可以買樓,可以無憂, 根本係一個不負責任的思維. You act what you think, you are what you think. 雖然資產係貴左, 但係物業並不是唯一一個可以脫貧的方法, 只是其一, 不是唯一; 多動腦筋, 自有出路

買收息股, 買外國樓, 做一盤生意等等......太多太多方法了

2. 買資產門檻高. 其實2008 跌左20%, 2012-13 曾特首出SSD又單月跌左10-15%, 點解作者無買呢? 係咩原因? 90/00後暫且不說, 80後無買樓係個人選擇, 並非不能買也 . 今天如果你唔駛我俾15% DSD 加埋上到會, 我絕對會買, 只不過我呢家無錢, 我窮. 所以要搵方法搵多D錢. (不過小子的樓佔比太多, 都會HOLD一HOLD, 樓係好難賣得出, 所以唔可以HOLD太多)


而作者呢? 會否又係等下先, 睇下先?

另外作者話香港角色會轉差, 真係要去睇下一帶一路攪咩東東了. 香港係聚財的好地方, 係中國的瑞士, 咁X多大陸人來香港生仔, 發展事業....有眼見....與其係度嘈, 不如把握當下機遇. 未來大陸人打莊就一定, 但係係唔係因為人地打莊就放棄上進呢?

3. 你地走去買大陸樓/外國樓又咪又恰9人地D窮鬼? 好似大陸人恰香港人咁, 還有資格嘈先好笑.......最了解的香港唔去買, 夾硬要隔山買牛, 輸係應該, 贏係好彩

4. 第一, 買低過400萬樓, 係可以做9成按揭, 40萬加9萬厘印4萬經紀佣, 一共53萬. 係200萬的1/4. 先求知, 再投資. 
第二, 叫你去少D日本, 係準備子彈, 到時機到來的時候可以買. 你一日唔肯捱, 係要洗9哂D錢, 明天SARS 來到, 淘大花園60萬一間, 你地都係無能力買
社會係好撚現實, 有得必有失, 今天你繼續去旅行, 機會到來你都係無撚可能把握到
或者你會話有L排等....但好簡單....2018 跌到82蚊你有無錢買? 敢唔敢買? 呢家96蚊...20%了.

其實香港遍地黃金, 亦都遍地屍骸, 心念不轉, 永遠都係困左係死胡同中.
千里之行, 始於足下 (90/00 後要開始儲蓄, 機會一到, 世界便是你們的)

5. 我相信呢家同以前比, 係少左機會小富, 但自怨自艾並不能幫助什麼. 李超人都係要智勇双全加運氣先可以有今日的成就. 
201X年有馬雲, 馬化騰, MARK 哥 (朱克伯格), SNAPCHAT, 香港衰衰地都有個GOGO VAN.....今天係無機會嗎? 是沒有你的機會, 唔係無機會.

90後情侶的創業路 揭盈利700萬元的秘訣【有片】
https://topick.hket.com/article/1834064/90%E5%BE%8C%E6%83%85%E4%BE%B6%E7%9A%84%E5%89%B5%E6%A5%AD%E8%B7%AF%E3%80%80%E6%8F%AD%E7%9B%88%E5%88%A9700%E8%90%AC%E5%85%83%E7%9A%84%E7%A7%98%E8%A8%A3%E3%80%90%E6%9C%89%E7%89%87%E3%80%91 

2017年6月21日 星期三

美聯工商舖盈喜

【459】美聯工商舖盈喜料中期業績扭虧為盈

【星島日報報道】美聯工商舖(00459)發盈喜,預期截至2017年6月30日止6個月中期業績將會錄得綜合淨溢利,去年同期錄得綜合淨虧損約900萬元。
業績轉虧為盈主因為今年首5個月香港非住宅物業銷售交易宗數及金額較去年同期增加及成本控制所致。(ky)

美聯工商舖盈喜節錄如下:

本公司之董事會(「董事會」)欣然知會本公司股東及有意投資者,根據本集團之未經審核綜合管理帳目及本集團現有之其他資料所作出之初步審閱,本集團截至二零一七年五月三十一日止五個月錄得綜合淨溢利約港幣二千五百萬元,並預期本集團截至二零一七年六月三十日止六個月將會錄得綜合淨溢利(相對截至二零一六年六月三十日止六個月錄得綜合淨虧損約港幣九百萬元)。本集團業績轉虧為盈之主要原因為:
1. 二零一七年首五個月香港非住宅物業銷售交易宗數及金額較二零一六年同期增加;及
2. 成本控制。

因為港府加強調控住宅, 好多有錢人都已經轉戰工商舖, 所以小子投機性買入459, 除左貪佢每股現金夠多之外, 仲有工商舖炒起的概念

5個月淨利2500萬, 即係全年大約6000萬 (如果辣招無改的話), 即係每股EPS 0.3仙, 同比上年1800萬全年盈利增加差唔多4倍

俾15倍P/E 的話, 0.3 X 15 = 4.5仙, 即係0.045....等於現價, 已不包括手持的6.57億現金, 4億的投資物業, 以及6億的殼價.........

黃建業於早前賣左北角棟物業俾459 以換取CB, 咁橋又有盈喜...會唔會係另一隻當炒股呢?

2017年6月20日 星期二

窮人與富人的分別, 港孩的缺失

窮人與富人的分別, 在於思維. 金錢只係一張成績表去反映你過去的行為

思維上的差別在乎4大點: 1) 對現狀的不滿 2) 堅持 3) 說到做到 (執行力) 4)冒險精神

1. 對現狀的不滿
小子發覺身邊的有錢人, 以及在報章上所見到的大富翁, 都有對現實的不滿地方, 並想用自己能力去改變. 小則有對自己打工每日營營役役的不滿, 大者有如TSLA 的ELON MUSK 咁對環保有一種不滿及執著

2. 堅持
這些人對現狀不滿的同時, 亦都好堅持咁每一日, 每一分每一秒咁去諗究竟自己可以做D咩去改變現狀, 例如個人來說, 學投資, 多看書, 多參考成功者的意見 (雖然人地未必會講你知), 不恥下問, 並堅持日復日咁想做多諗自己可以有咩改進的地方

3. 說到做到
諗而不行動就係得個桔. 成功的人, 在諗到有咩可能性之後, 係會去試行一D方法去改變現狀, 例如創業, 例如試新投資方法, 例如不斷改良自身產品並吸收市場的反應等等. 每一天都不會浪費時間在"齋諗"方面, 並將想法化作行動並驗證其理念的可行性

4. 冒險精神
於行動的當中一定會碰到無數的錯誤, 要堅持, 並有冒險精神去不斷嘗試, 先有一絲機會去改變到當下的不滿及不足

但係觀乎香港, 有此MENTALITY的人不多, 只流於唔鍾意番工, 我要唔受老細氣, 我要創業等等口號, 但佢地對自己係呢個世界上的定位係咩都唔清楚, 更遑論叫佢地指出不滿並有實際行動去改變現狀.

隔岸的大陸人, 機會成本細, 敢試,敢想, 敢創新, 成功並取代香港人只係時間上的問題
新一代家長如果仲係事事幫小朋友鋪上康莊大道, 只會係贏在起跑綫, 輸在終點綫的窮人, 因為佢地最缺乏左成功的重點: 抗逆力

人生就像一場馬拉松, 而唯一不同係, 這個比賽的對手是你自己, 不是別人.
可能有富二富三富四代, 但係你就係你, 看著富二大叫大嚷不能改變自己係窮人的事實
千里之行, 始於足下, 就由自己開始, 一步一腳印去走出屬於自己的康莊大道

2017年6月15日 星期四

識得驚住炒最好 (信報 14/06/2017)

小子幾鍾意睇股海ONE PIECE 的文章, 今日特此COPY 過來分享

識得驚住炒最好 (信報 14/06/2017)

上周四晚,英國大選投票前夕,移民當地的一位前輩向我提起Betfair.com──僅以十多年時間,利用互聯網技術把博彩轉化為交易的傳奇網站。其運作猶如一個期權交易平台,參與者可選擇落注或開出賠率。此模式難以短期取代傳統賭場,其發展趨勢仍不容忽視。
宣布舉行大選後卻連番失誤,首相文翠珊欲趁機掌握國會主導權的如意算盤打不響,這是遠在香港也能得知的選情。惟當晚網站顯示,保守黨奪得過半議席的賠率低至1賠1.2,無黨派獨立的賠率竟高達1賠6。
賭性使然,請前輩代為下注100港元於後者,結果輕易中彩,我當然借花敬佛,遙距請他飲餐茶。
這究竟是一場賭博抑或投機,誰在乎?無論上述博弈,或者作個英鎊或富時100指數的短線長短倉,皆可稱為事件驅動(Event Driven)的交易。選舉結果如何?哪隻將成為股王?
大部分人以為,投機最重要講求預測、睇法,各種將利潤變現的執行方式,卻是真正投機人樂於鑽研之處。
至於那巨額投注所顯示的群眾預期,與結果出現如斯大的落差,倒令費高嘖嘖稱奇。有位政治學教授豪賭工黨得票率不過38%,不然吃掉自己新出有關英國脫歐的著作,最終如願。他究竟為了促銷新書而決定博一次,抑或深信自己能夠機關算盡?
愈驚死反而賺得最多
深信自己泳術精湛,眼見海面風平浪靜便掉以輕心,每年出海遊玩高峰期,難免發生不愉快事件。同樣,有人深信股場如怒海般凶險,惟決定投機是否危險活動的,並非原有的市場生態或一時波動,而是參與者的態度。
愈信心十足的交易,結果通常差強人意;疑心最重,愈驚死的,反而賺得最多……,明白這種體驗的人,必然有一定交易經驗。
港股終於迎來久違了的調整,底部在哪裏只有天知道,不過,要達到震倉效果,調整必須既快且急,10個交易天內完成也不出奇。至於調整板塊,明顯是早前升勢凌厲的科技、內銀、本港地產股,一眾二三線股則相對強勢。
另外,不論市升市跌,整體成交量在逐步攀升,反映炒作資金的原有賭性正在抬頭。
6月可能是做好心理準備的月份,更瘋狂的交易日子或快將降臨。到時候,識得驚住炒,最好。

https://www.facebook.com/figoinstock/ 

2017年6月12日 星期一

資產配置2017

小子今天數算一下現在的資產配置組合及末來計劃

住宅物業 (78%): 平均回報為3.5%

現金 (15%): 為防守性的糧倉

股票 (7%): 其中 70% 為中小股, 30% 為大股

住宅物業佔比依舊很重, 小子將於2017年增持現金及股票比例, 以期望做到50%/30%/20%

依舊UNDERINVEST 左股票, 主因為近年樓市升值以致住宅物業佔比太高, 要等時機去rebalance 番個portfolio

現金水平一向都係小子控制的地方, 15% 現金水平還可以接受, 最好係提高到20%理想水平或以上

小子一向奉行3-5-2 法則, 好似踢波咁, 30% 現金係後防, 保住後方; 50% 係住宅, 鎮守中路; 20% 股票作為尖刀進攻

但係如果市況有變, 小子絕對會變陣出442/451/343

2017/18 年係開始好多變化的年頭, 實在要小心打理以持盈保泰

2017年6月7日 星期三

大陸殖民


海之戀開售:雙非家長想買3房單位畀六歲女
http://tv.on.cc/hk/index.html?i=OBZ170607-13990-19-M&d=1496806596

長實地產(01113)表示,旗下荃灣海之戀第1期今晚發售122伙,截至晚上10時多,僅餘2伙4房戶未獲認購,但售樓處現場仍有買家等候揀樓。早段時間,已有大批準買家到場準備抽籤揀樓。長實地產執行董事趙國雄更直言,有信心今晚可沽清。

海之戀準買家李小姐是廣西人,是雙非家長,女兒在港出世,預算1,000萬港元買3房單位給六歲的女兒,抽了海之戀3次,第3輪終於抽中,但揀不到合適單位,坦言會繼續抽新盤,直到買到為止。由於女兒未滿18歲,會用自己名義入市,不介意付三成辣稅,怕遲買稅項更重。她認為現時樓市與1997年不似,覺得「哪有那麼多1997」。

另一買家馬先生家住荃灣,認為樓盤方便,買了最平的2房戶畀仔女住,首期會畀幾十萬元,由仔女自己供樓。

住深圳的王小姐,經優才資格來港,持有香港身分證,斥約1,100萬元買海之戀3房戶自住。對於現時樓市像97年的說法,她稱應往好的方向發展。

可能有好多人唔係好明, 點解有人咁撚ON9 俾30% 稅IN CASH 都要買20000/呎 (20萬/坪)的樓俾6歲的子女呢? 佢地係唔係搭撚錯綫? 仲話哪有咁L多1997? 你1999定1997? 樓一撚定會跌GE.....

睇番一河之隔, 住深圳的王小姐的祖家

深圳樓價升幅全球最勁 12個月升62.5%

 http://www.hkcd.com.hk/content/2016-07/21/content_3574196.htm

【香港商報訊】記者黃兆琦報道:內地一線城市過去12個月的樓價增長驚人,萊坊追踪發現,截至今年3月的過去12個月,全球150個城市住宅樓價升幅最高的5個城市中,中國內地包辦4個,其中深圳升幅世界第一,達62.5%,大幅拋離第二位上海的30.5%,而本港樓價期內則累跌5%。

港樓價期內累跌5%

一個好撚簡單而好撚合理的假設, 王小姐係賣撚左深圳樓, 用D錢買香港樓的
即係咁, 如果呀王小姐係一年前用1000萬人仔買左深圳一套房 (大家唔好驚奇, 係大陸, 1000萬一間屋只係散紙來的), 今年佢沽左佢, 收番1625萬, 咁佢用來FULL PAY 買舊花之戀氹下個女, 1000萬3房, 連稅都係1300萬港紙, 即係1200萬人仔左右啦, 仲有400萬港紙係香港濕下平咁....

咁你係當事人王小姐, 你買唔撚買呢?

香港樓唔會明天玩拆遷, 賣樓程序特定, 快捷, 無人出古惑同苛徵雜費 (除左死人香港政府), 最最最重要係賣樓所得的錢係干干淨淨, 係可以合法運去世界各地!

仲有仲有....香港醫療, 空氣, 市民質素, 食物安全等等比大陸不知好成幾多倍 (否則港青唔會吊鬼大陸蝗國有幾咁仆街了吧)

既然香港係自己人眼中咁撚好, 係大陸人眼中一定係好L97好!
但係香港的樓仲要平過大陸50%?????? 一定係痴撚綫吧了, 唔買就柒啦係唔係?

只要從呢個角度諗, 你就會明點解大陸人對香港樓宇有一種無名的9沖

作為香港人,在中國強行殖民下(每日150低檔次+無限優才),上層私樓及下層公屋都係俾人搶奪的情況底下,再唔買屬於自己的一層小小樓宇以自保,到老來便要無恥地乞求政府的公屋福利

但小子認為情況不會持續, 因為在大灣區概念下, 低價值的香港人將會被迫遷離香港, 入到大陸嘆.........

梁特強行將香港樓價格按住唔俾上升, 俾大陸人強搶實在係非L常之仆街同埋合乎國情! 難怪UGL 事件及僭建等風波於佢在內地聲望絲毫無損.....各位真係諗清諗楚, 自求多福吧了

2017年6月6日 星期二

為自己的人生負責

【真人真事】一個「死刑犯」和「CEO」寫給父母的信,看完你會震驚,感動到流淚!

http://moneyaaa.com/1064/?from=instant_article 

小兒差不多三個月大, 作為爸爸的我, 除了再加倍努力為我們的末來打拼之外, 我還在頭痛應該如何教養小兒

我記得一年前我也在靜靜地想過呢個課題, 所出現在我的腦外只有5個字: 為自己負責

人生每一個行為都係一個選擇, 而每一個選擇都係一個套餐, 有好及有唔好, 係要全盤接受的. 如何令到小兒對自己的選擇負責任, 係小子一直以來好重視的問題

2017年6月5日 星期一

市場

巴菲特所說:「市場就像上帝一樣,幫助那些自己幫助自己的人,但與上帝不一樣的是,它不會原諒那些不知道自己在做什麼的人。」

炒股如是, 炒樓亦如是, 人生更加如是.
只有面對自己, 清楚知道自己做緊咩的人, 市場先生一定會幫你一把. 成就非凡

事業, 伴侶, 投資, 每一天每一個人都面對不同的決定及選擇

好似小子夾9硬沽左3836 和諧汽車, 換馬459 美聯工商舖
3836 由3.08 升到3.7, 足足賺少左30000 大元!
所以要堅持所做對的事係好緊要的

今日我又想沽隻459 (贏緊10000), 要控制自己, 堅持!

2017年6月2日 星期五

Life is an experience

剛剛同朋友傾開人生公唔公平, 其實人生出來已沒有公平可言, 各位的樣貌, 父母, 住的地方, 身高手長頭形全都不同, 更加不要說家底不同

大家的起跑綫既然不同, 家長們所追求的"贏在起跑綫"當然係無的放矢
試問霍啟剛之子同你的兒子大家都係讀男拔又會否是一樣? 除左俾D怪獸父母吹噓一番過後, 回家也是要面對家圖四壁的困境

生命是一架列車, 由出生開往死亡的目的地, 既然終點一樣, 為何要執著於可以在列車中獲取多少物資而不是欣賞沿途的風景?