2019年4月29日 星期一

鯉景灣戰況

小子又係度ON99 問AA, 當然又係幫朋友搵

今次係鯉景灣3房戰況

提外話, 如果有AA 睇呢個BLOG (小子都肯定有), 真係唔好問X生, 你BUDGET多少? 呢句其實小子有責任要教育下D AGENT

做老SALE 就係玩大數定律, 10個客8個都係無野番, 2個有機會番, 仲要爭食

如果你第一句: 你BUDGET幾多, 其實同趕走財神無分別, 如果你想SCREEN客, 不如你問其他野去FACT FIND個客會比較合適, 因為你問我的話, 我一定會答你我夠錢, 但實情係你永遠做唔到實客生意, 因為個客如果係生手的話會覺得有HARD FEELING, 至於老手, 就合埋眼一笑置之, 因為呢一句已講左俾個客知, 你係生手AA.

又, 講番戰況, 所以話海怡3房係抵. 唔係呃你, 實呎出台後全部都有可比性
海怡3房, 上個POST 咩價位? 11-12M, @ 17000

如果以金鐘做CBD, 海怡係4個站 (利東, 黃竹坑, 海洋公園, 金鐘), 而西灣河? 8個站

飛的? 小子飛的去番工 (CWB), 15分鐘有找

鯉景灣係街市隔離, 無會所的樓係........23K@, 但食野係好方便

當然有嘉亨灣, 逸濤灣, MOUNT PARKER 等等好野 (同價我住貝沙吧.....)

每個區都有自己的特點, 無得RULE OUT, 否則有D地方便無人住?

只係你覺得值幾多咁解. 如果鯉景灣都23K (太古城價), 我一係買太古城.......

當然如好多人講, 好租.....近老鰂, 但係租都係28-30K, 2.57%, 有幾好呢條YIELD?

P.S. 樓下咁多間都唔駛考慮, 質素係E級 (唔係女人的E級) - 鯉景灣小子N年前睇過幾十間左右





2019年4月26日 星期五

海怡戰報 - 朱古力味的屎, 定屎味的朱古力?

朱古力味的屎, 定屎味的朱古力?

呢句除左啱今年曼聯FANS之外 (真心SAD, 輸同市定輸俾利記), 亦都係今日隻身衝入海怡揀三房的人

呢家個市買野真係要快手, 但快得來唔可以亂9咁來.....小子啱啱有學弟想搵海怡, 剛問左AA 拎左3房的報盤, 一睇真係有少少O咀

三個字: 好L癲,

下下12M 起跳係咩CONCEPT? AGENT話唔好意思, 個盤紙都係無咩我會覺得係好筍的野 (係無錯, 我睇完張紙同正常人睇完樓無分別....如果有好野已可直接出手, 無連唔連租約無樓睇的ISSUE)

TO MAKE THINGS SIMPLE, 概念上, 海怡3房好簡單地分左3個CAT, 大3, 中3, 細3

細3: 614', 618', 621' 623'

中3: 632, 633 (3, 4期), 639' 640' (2期)

大3: 650', 652', 662', 676', 686' (4期)

熟則係最基本, 但係睇過2000次就知邊D買得過.....

1. 614' 收租神物, 平+無窗台, 但間房偏細, 一般細3通病, 但細3的CP值最高, 2期獨有
2. 中3: 632' 大厠, 633' 大房, 639, 640' 均大, 但貴
3. 大3: 一般都唔會有貨, 有都係極貴, 因為4期近MTR, 業主大多不會平價割愛
4. 618', 621, 623' 直SKIP

如果你自住, 632, 633, 639, 640, 650, 652, 662, 676, 686

要近MTR: 632, 633, 650, 652, 662, 676, 686

BUDGET 11.5M 內: 632, 633

其實得番2個則可以揀, 有排都未駛睇銀行估價等等正常人仕會做的東西

同樣地, 太古城, 康怡, 杏花, 寶翠, 貝沙等等都可以一下過SCREEN.......

平時都要睇樓, ENRICH 個DATABASE, 一眼已要睇得出邊件貨係OK係執平野的基本, 切忌信AGENT 話係MARKET 上抵的....

MARKET 日日唔同. 今日抵, 聽日可能好擇駛

你問AGENT, AGENT 只會同你講, 呢期無貨, 邊間最平, 急走....(肯講你都合埋咀笑了)

跟住求其水你買一間. 收工, 無他, 如果我係AA 我都係會咁做, 又唔係同你有親, 做咩醒你先?

時間有成本, AA 時間更有成本, 亦解釋到點解AA一般都係求生意行先. 混吉者行埋一邊
--------------------------------------------------------------------------------------------------------------------------

而成張紙, 最EYE-CATCHING係20-1G

20-1G (之前叫朋友買860萬間20-1H, 最後成左830萬的隔離, 個時小子口水都流埋....係無名....15% 即係120萬稅, 即係加埋10M 左右, 加埋都係PER MARKET, 無數計), 但NOW 11M, 不了

如果早前買左830萬的個位朋友, 代表你已贏左200萬.


2019年4月25日 星期四

大市瘋狂

呢2個禮拜小子收到關於樓市的消息只有一個字, 癲.

外區跳價已然不絕於耳, 主區3房如果最近地鐵站的話已成到1280萬, 呎價18XXX - 19000

當然呢D報紙係好少報道, 因為主區升幅相比太古城, 大西北及其他單支可算係平凡到一個點.

至於2房, 900+ 已成常態. 無他, 相比奧運站, 大家都係隔3個MTR 站, 仲要主區唔駛行, 去到大角咀要俾多200個, AA 話多左好多九龍/四小客/內地客入主區

從來都係水向低流, 當大西北你入件2房都差唔多要600的時間, 你自不然會想下辦法 (如果你有計), 拎多少少出來睇多D可能性.

另外朋友搵樓方面, 又買唔到多一次, 原因係原本業主肯簽12XX (62X呎), 但係ON CONDITION 業主可以換樓, 睇佢個樣都係想換太古城...WELL, 小子有朋友係太古城小業主, ,其實唔駛問都知極難, 因為太古城反價反L到癲左. 以1200萬想買大3房? 得, 加多4M 吧. (或者添幾十買番間2房則王但唔係天字閣啦)

可見原業主幾近不可能換到樓的.

至於1038萬的業主, 聽聞仲未買到樓. 我都唔知講咩好, 要換貨, 就要決斷, 沽左樓拎舊錢又彈弓手, 真係好L危險

若然1000幾個投身股海, 可能發大達, 但仆街的機會率係遠高於成功, 無他, 有幾多人頂到一日上落幾十萬的壓力? 仲有, 分析左唔等於贏, 始終股票係peoples' game. 玩心理.
自亂陣腳下, 錯, 係必然.

股市初哥拎住1000幾個, 同小朋友拎住條金條出街一樣...俾人搶左係合理預期.

小子的長和會選時間清倉, 炒完業績期, 等佢玩多陣就收工.

買大價野, 都係個句, 輸到仆街無你份, 贏到開巷都無你份.

* 最新UPDATE FROM 相熟AGENT, 買左26座H單位, 1390萬, 736呎, @18885

沽就1037 / 633 = @16382, 買就18,885.

呢家大單位係低水呀.......唉.....加多2500/呎換大半個房係咩CONCEPT?

買大103呎, 但俾多353萬. 即係EFFECTIVELY個半個房係CHARGE你34,271@.....

真心無言, 邊個AA 送佢一程?

26座H近山景, 前面新地王起完會阻左半格海......

H 單位個主人房係幾大, 係FAKE 到人的, 仲有個半房係四正 (WELL, 不如二期4房啦, 要玩實用絕不輸蝕, 不過4房1800起跳)

26座H的景 - FROM 小子DATABASE


























其實海怡買海景最好買PHASE 3, PHASE 4真係要好熟先可以....鳳凰樓都有俾人擋到海景的機會......不過應該唔高.

山海相輝係幾吸引, 呢個我明白的....哈哈, 1390 已PRICED IN 左了

BTW, 海怡對海係勁潮濕.....你LIKE唔LIKEY就好PERSONAL


2019年4月12日 星期五

躁動不安

經過之前一輪的低位後, 肯決斷的朋友 (舊同事L)買到, 而另外有一兩個朋友就空有而回

傳媒開始由口徑一致大吹淡風, 到呢家睇升15%又大報買家不問價追貨, 可見, 真係信唔L過

而市場訊息先係最貼市, 有個可靠的AGENT係絕對係物業投資者必備

小子的一個相熟AA 同埋生手AA 都打來問可唔可以放盤 (唔同公司的)

唔熟AA開小子個單位問920萬 (你求盤仲想要BELOW MARKET PRICE? 難矣!)
唔熟AA係3年前小子跟佢睇過樓, 小子對話個AA係相熟AA

相熟AA係會主動報盤同埋問你想沽幾多, 唔係一口問你BELOW MARKET 沽唔沽.

話時話, 如果920的話, 不如我買埋隔離. 你都係有生意做啫.

P.S. 我都問緊隔離沽唔沽, 真係熱過熱刺....

佢話 MARKET +10%都唔肯沽

如果要我沽920, 大前提係我有野換加埋係合理價......
呢家海怡4房18.8M, 仲要係麻麻地貨
靚野俾人搶哂

沽左好野, 迫我貴價買垃圾, 真係唔駛出來行了

33A 6D 係A 級海怡園景, 估880, 開945, 即係IN GENERAL 唔貼價的情況又出現番

再加上一向呢D靚園都係好罕有, 945其實2房來講 (521' 實呎) 18,138@ 係MARKET PRICE

對比起31-6C, 全巴士站握手景@16,300 (535'左右), 貴2K 係俾少左

爛貨爛價, 貴貨貴價

如果個業主肯920萬沽, 我估好快收票 (唔好問我個間啦, 920唔會考慮)

在15% 稅下, 只有手持一個物業的用家先會沽貨, 細換大

如果閣下想換3房, 就要快手少少, 因為....樓下自制首置又開始升番, 即係D人又夠錢出來想買多件/ 甩名換3房

近親甩名呢家仲可以行得通, 50-50要除名真係要快D, 唔係IRD 唔俾後就想甩都無得甩












































【自製首置】首季首置客佔樓市成交逾9成 內部轉讓個案急升21%


月樓市交投顯著轉旺,不少用家加快入市步伐。Q房網香港數據研究中心表示,根據土地註冊處資料,今年首季二手註冊量9,244宗,按季急升56%,涉及總金額逾284億,按季增加約218億,增幅46.6%,同時間以內部轉讓(買賣雙方其中一個名字相同)個案錄1,062宗,按季升21%。
隨著上季內轉個案大幅增加,部分或已透過「首置」身分再入市,按今年首季整體約14,571宗住宅註冊成交,當中只有1,050宗住宅成交需繳交新住宅從價印花稅(NRSD),即是話餘下13,521宗成交為首置客,較去年第四季升逾6成,佔整體住宅買賣近93%,較去年第四季的88%為高,更是2014年7月正式開始徵收雙倍印花稅(DSD)以來新高。
Q房網香港董事總經理陳坤興表示,隨著過去一季股市持續回升,恆指重上3萬點水平,在財富效應下,買家自然加快入市,透過內部轉讓以「首置」身分入市買家自然大幅增加,隨著中美貿易戰可望於短期內達成協議,加上未來一季將有大量新盤登場,相信本季整體住宅樓市會持續暢旺,內轉個案亦會維持高水位。

2019年4月9日 星期二

丁權的終結

932公頃預留地 議員促建公屋


對於高院裁定由政府批地建丁屋違憲,有立法會議員促政府釋放預留作鄉村式發展用途的932公頃官地興建公屋,紓緩土地及房屋短缺,但鄉議局及政府都認為這些官地分布零碎,未必合適發展高密度房屋。政府表明,已批出的協約或契約不受影響。
民主黨尹兆堅認為政府預留的官地,部分位於洪水橋、元朗南等既有發展區,過往礙於要預留作鄉村式用途,發展上「綁手綁腳」,現時這些土地毋須保留,可有更大發展空間。公民黨郭家麒促請政府利用這些土地改建公屋,讓30萬輪候公屋人士盡快上樓,較花費6240億元的「明日大嶼」首階段填海1000公頃,更快改善住屋問題,亦不會掏空庫房。
發展局:地塊散落不合適
議會陣線朱凱廸亦同意政府應要求發展局及土地供應專責小組,研究有關土地有否興建丁屋以外的用途。惟他認為932公頃土地中,能真正使用的或不足三分一,因為不少土地分散在600多條認可鄉村附近,即使有較集中、面積較大的土地亦僅一二公頃,不像棕地般面積達數十公頃,但仍可具補充作用、地盡其用。
不過,鄉議局主席劉業強直指說法可笑,「而家你填個海都係得1000至1700公頃,何來可以用嘅土地有900公頃呢」;他認同部分官地位處路邊,交通方便,但大部分官地位置零碎,不信有如此多土地合適隨時改建其他屋宇。他表示應留待政府決定是否收回部分用地,並澄清「原居民冇霸住啲地唔畀人去起屋」。
發展局昨晚回覆,強調這900公頃土地散落全港600多條認可鄉村,平均每條村約有1.4公頃此類土地,當中相當部分為現有小型屋宇間的空隙或通道、斜坡,以及其他零碎或形狀不規則的地塊,不宜發展。即使個別地塊較為完整,也須顧及基建和其他配套設施等,難以作高密度發展。發言人續說「簡而言之,該等未批租或撥用的政府土地並不是全數適合發展。高等法院原訟法庭的判決並沒有改變我們這方面看法。」
土地供應專責小組在其報告中也提及相關觀點,形容鄉村式發展用地「並非一個可提供大量發展潛力的土地供應選項」。政府消息昨補充,發展鄉村土地須先解決政策及技術問題,若花九牛二虎之力及不少成本,只可興建小量單位,須考慮是否恰當。
至於判決會否影響現時已落成丁屋,發展局發言人表示,「法庭在裁決中指出,小型屋宇政策的部分環節不合法」,但不代表已批出的協約或契約不合法,表明會按照已批出的條款行事,「包括接收及審批這些已批出的批約下的各項申請,例如豁免證明書、滿意紙、撤銷轉售限制等。」

---------------------------------------------------------------------------------------------------------
之前小子講過, 當藍色歸邊後, 就會攪香港攪唔到的問題, 包括23條, 包括丁權等等, 呢家23條修例入附件3, 即時俾權力香港政府在境內執行
丁權方面, 一方面承認係合乎傳統權益, 但係話無地起, D地唔係俾丁屋的, 即係話, 你慢慢排啦. 有本事買到地咪俾你起囉....免補地價咁解, 可見唔係明益發展商咁簡單, 更有甚者係以錢換丁, 因為無地的因素, 丁價愈來愈平 (呢家約1M 一個), 最尾結果將會係丁價同0拉平 (因為已無地可建)
請記住, 政府強勢就會攪你各方面不敢動的權益, 有辣有唔辣, 有人覺得好爽之餘, 諗下下一次在你家攪事時就會一定過到 (例如18區骨灰位)
小子最希望(可能好多人都希望) 政府係收番150個單程證名額, 不過諗真D其實無可能, 因為, D女唔係自來的, 係香港D男人上大陸娶老婆娶番來, 嚴格來講無問題, 林鄭話家庭團聚原因係MAKE FULL SENSE
你要好似加國咁ENSURE 有1M 錢先過到來? 得, 30年後, 等溝淡完成, 再唔駛呢D人口在香港又或者佢地自然地負擔唔起的時間佢地就唔會來, 大灣區正正係呢個原因而存在, 香港的樓同埋生活成本應該會上升到令佢地不能負擔的情況而阻斷佢地的誘因, 杜蟲, 最緊要杜死個宿主.....唔明?
解決問題的最好方法就係解決製造問題的人.
有無D似曾相識? 

2019年4月3日 星期三

美聯太子女藏富於樓

小子就唔想收律師信, 不過大戶手影呢, 真係有參考的必要
買細價股好吖, 定係買樓好? 
如果俾我揀, 梗係幫襯美聯買樓啦!

拿, 全部係APPLEDAILY 架, 小子無亂講野呀!
利申, 小子459都輸左幾皮野, 揀多次的話, 買樓拎來俾佣美聯賺會開心D !
不過話時話, 咩賤招啫, 大把公司係拎股東D錢去自己用架啦, 合情合理合法, 毒果又係度作故仔, 係都話鬼港交所辦事不力啦

呢家老細番工唔L駛出糧咩. 咁大間企業, 出幾千萬數好少事啫, 呀5縮都唔知出幾多啦.
股息都LAM 幾億

美聯太子女黃靜怡 5000萬購樂天峯


上周公開表示今年本港樓市走勢將是「像霧又像花」的美聯集團(1200)主席黃建業,其女兒、即集團副主席、董事總經理兼執行董事黃靜怡,上月則以5000萬元購入跑馬地樂天峯中層B室連車位,單位實用1280方呎,實呎約3.9萬元,黃靜怡透過美聯公關回應指,今次買樓屬私人長線投資,並謂「藏富於樓」。
資料顯示,上述單位原業主2011年以4151萬元購入,再以150萬元購入車位,即總作價合共4301萬元,持貨8年帳面獲利699萬元,賺幅16%。
另外,受惠新居屋向隅客回流二手市場,天水圍3月錄得近50宗居屋成交(包括自由市場及未補價市場),按月升逾五成,亦佔上月全區約108宗二手成交的46%。

揭美聯黃家搵錢招

過去多次發生兵變的上市公司美聯集團( 1200),本月中六名公司重將「被辭職」,再次引發另一場兵變,焦點更落在黃建業一家三口的家族式管治上。
黃氏這一家三口,一直被指「肥上瘦下」。記者發現,「主帥」黃建業愛把旗下私人物業,部分以高達八、九釐回報租予美聯旗下公司;「太后」鄧美梨幾乎工無返、糧照出;「太子女」黃靜怡在美聯盈警後,公司仍為她買了新車,又由公司出資讀 MBA,更找美聯員工幫她婚宴做「跑腿」。一眾員工敢怒不敢言,幾近爆煲。
有離巢高層,講明不滿黃氏一家管治模式,成立基金聯手對戰黃建業。一場內鬥,極可能演變成股權爭奪戰。

自月中美聯兵變後,地產界收到有關美聯黃氏一家三口的訊息,一直未停過,內容包括如主席管理差、貪心,太子女公器私用、亂使錢等。本週二,美聯於報章刊登聲明,指近日於電子平台如 WhatsApp,流傳一些嚴重失實、抹黑及中傷管理層的訊息,已報警處理。撇除刻意抹黑,記者翻查年報,發現黃氏一家多年來,在美聯搵錢,又的確十分進取。

搵錢招一:全家任管理層 薪金逾億

去年七月,美聯發出盈警,中期業績虧損近九千萬。黃建業為顯示與公司「共渡時艱」,由執行董事調任為非執行董事,自願減袍金至每年廿萬,博取下屬掌聲。但另一方面,董事局竟又為公司增設「策略顧問」一職,由黃建業擔任,額外收取每月廿八萬薪金,還未計津貼、花紅等。
黃建業以往每年袋的袍金連花紅等,逾三千多萬元,如今轉任顧問,的確會少了一大截。然而,其太太鄧美梨和女兒黃靜怡薪金卻節節上升。○五年加入美聯的黃太,任職執行董事兼副主席,年薪由二百多萬至今已跳升至八百多萬,雖然去年願意減薪,薪金升幅仍令不少打工仔既羨慕又妒忌。黃太這份工,最令人「眼紅」的地方,正是上班時間十分彈性兼自由,一名美聯前員工指:「我坐喺環球大廈咁耐,真係無咩見過黃太返工,亦唔見佢係營運上有咩大貢獻,有時喺中環飲完茶上嚟坐一陣又走。」黃太多年來,已合共支取美聯四千多萬薪金!
今年三十三歲的太子女黃靜怡,○八年加入美聯成為執行董事,酬金更是「十級跳」,恃着曾經在羅兵咸任會計師之名,多年來年薪由二百多萬跳升至近千萬元。其中一二年,她的獎勵金額比為美聯打天下的重臣,張錦成及黃子華更多,達四百多萬元。據知,黃建業剛在英國畢業的兒子黃耀銘,在第一太平「浸淫」幾個月後,亦於兩個多月前加入美聯測計部。

2019年4月2日 星期二

羅致光 - 庸官立此存照

羅致光
羅致光GBSSBSJPLaw Chi-kwong1953年11月1號—)係現任勞工及福利局局長。之前做過扶貧委員會委員,佢亦係前民主黨成員。


羅致光喺1981年至2017年期間任教喺香港大學社會工作系(之後改名做社會工作及社會行政學系)。佢喺1993年至1997年期間出任呢個學系嘅主任,喺加入政府前係呢個學系嘅副教授。1995年至1997年期間曾出任立法局議員,並喺1998年至2004年期間出任立法會議員。佢亦曾經擔任多項公職,包括關愛基金專責委員會主席、扶貧委員會委員、策略發展委員會委員同統計諮詢委員會委員。


拾荒老婦哭訴受年齡歧視 羅致光:可向勞工處求助


立法會福利事務委員會召開公聽會,討論本港貧窮狀況。會上有拾荒者表示,自己退休後難覓工作,遭受年齡歧視,「面試十份工無一份有人請」,要求政府能夠提供支援,讓老人家過個有尊嚴、舒適的晚年。惟勞工及福利局長羅致光僅回應稱,長者可以向勞工處求助。拾荒者聞言在席上痛哭落淚。
67歲的黃月嫻表示,自己是已退休的低級公務員,每月有3000元的退休金,一個人居住公屋,交完租金及其他生活雜費後,「剩返嘅根本係要好慳好慳,先至可以生存到」,直言現時香港生活水平如此高,如果長者沒有工作,根本難以維生。
黃月嫻續說,自己兩年見過十多份工作,無一獲聘請,「我試過打電話想去見兩份診所清潔嘅工,都冇左音訊」、「又去過見鐘點工人,份工又要湊放學又要送飯要煮飯,但個工資係好低、好平、好剝削,擺明係恰我哋老人家,睇唔起我哋!」
她其後到快餐店應徵侍應,惟負責面試的經理僅派發申請表格,給予在場的另一位年輕女子,自己向對方詢問,對方也只是笑而不語,未有理會自己。她強調,長者並非不願找工作,「我哋喺香港做咗野4、50年,已經好攰,可唔可以令我哋過得有尊嚴,舒適啲嘅晚年生活俾我哋呢班老人家呢?」
惟羅致光僅稱,認為長者可以向處方求助。黃月嫻聞言隨即在席上痛哭。羅致光有關說法被部份議員訕笑,不過羅致光反駁稱,不認為向勞工處求助是可笑,強調處方每年都協助數以萬計市民找工作。

 一個做過社工, 做過副教授的知識份子可以口出此等言語???!
仲要拎埋金紫荊同埋銀紫荊星章....
小子真係無言

所以小子十分十分鼓勵呀婆後生買樓 (不過俱往矣), 有咩事REVERSE MORTGAGE, 政府都唔敢西口西面, 最多打你層樓主意啫....
唔駛俾呢D高能焗腸以何不食肉糜的回應訕笑
真係非常非常非常之過份!

SLASHER的態度

近排愈睇愈多PE Deals, 愈睇得多, 愈發現香港新一代, 包括自己都要不斷學習, 真係非常之AT RISK

好似抖音, 今日頭條或者鬥魚, 虎牙等等我估都有朋友睇過聽過

不過唔睇由自可, 一睇再睇, 真係對香港的競爭力愈來愈擔心

小子一向都好鍾意周二珂, 又靚又唱得好聽, 你諗下以佢的樣+唱, 加埋馮提莫

我地香港有.....?? 最近有MIRROR 同ERROR 都好勵志. 但諗深一層, 有幾多香港青年會閒時上CHANNEL 發展副業?

90/00 後多, 不過都係走下貨, 網購下咁, 80後真係已經好老餅了.

大陸真係地大脈博, 人地真係玩到好癲, 唱得好過幾多"歌手"....

再睇深D, 最近小子睇哂佢地的老細點起家, 真係滴汗....實在太勁.....以我地香港人思維, HUYA都輸緊錢, 好難投喎 (好多FAMILY OFFICE 都先睇盈利先投), 但係大陸個EXPANSION RATE 真係遠遠得人驚....而變現能力及途徑往往係香港老一代意想不及, 真係不得不寫個服字.

好似周二珂, 馮提莫咁拎自己去不同平台MONETIZE, 吸引FANS, 無咁勁個D, 上抖音邊玩邊食廣告 (仲有人去GOOGLE BLOG 收個幾百蚊? =.=)

行文時無啦啦又諗起舊同事L同舊舖老細話小子好似咩都知咁, 其實要正名番, 係咩都知D唔知D, 主因係小子經常提醒自己, 唔可以RULE OUT 任何獲得知識的機會, 因為唔知幾時有用 (WELL, 睇周二珂竟然對呢個PROJECT有用, 真係ORZ);

同時地, 亦都要勇於交下學費
期權, 牛熊, 輪, NAKED SHORT, 孖展都炒過 (係FX 同COMMODITY無玩), 交完先發現到邊個炒法係適合自己
當然結語係唔好買DERIVATIVES, 更加唔好NAKED SHORT
小子試過開完個會唔見10皮, 哈哈, 貴唔貴? 個時來講係好貴. 不過買到個經驗係永世都無搶到你的, 只要有用腦分析總結一個屬於你自己的經驗
小子之後用呢個EXPERIENCE研究炒RIGHTS, 一口過贏番哂輸俾輪商的學費......所以以小子來講, 呢10皮野係抵俾的.

亦都咁講, 小子都見過炒輪可以FULL PAY買樓, 真人真事, 小子仲要識佢, 佢一口買10M 股輪, 炒3格. 小子都自問無咁的吉士, 唔啱炒法, 佢贏7輸3你真係吹佢唔漲 (好多證券行全職AE係自己炒, 身懷絕世功夫的)

至於樓, 其實講真, 係保存財富多於炒, 係呢個時代, 隔離座賣900, 無啦啦唔會賣到1200 (除非你好熟玩法, 不過呢家玩化妝樓都無得玩同埋成本極高)

記得2010-2013年仲可以玩摸貨, 化妝; SSD 出齊後係迫你坐YIELD, 如果不能保持初心, 接受新的資訊並進行研判, 都好大機會會落錯車, 然後主觀地希望佢跌而錯失呢個大升浪

其實3D 辣招係可見將來都唔會取消, 其一因為林鄭唔會有吉士去孭呢個風險, 加上3D 一路話係打擊炒樓, 而無人會"反對", 再再兼且政府係唔駛賣地下有收入, 佢係全無取消的誘因

同埋佢搞逃犯條例, 沙中綫夾硬通車同埋明日大嶼都周身唔得閒, 仲有時間搞D無爭議性的KPI? 我估機會係好微.

而新買家買左鎖3年, 愈來愈乾盤下, 未來會係點? 睇下對岸深圳南山的YIELD 係合唔合理? 0.5% - 1%?

物業上升, 亦都造成下一代的一個契機, 加速向外搵機會, 我深信, 我們的下一代會更快可以融合在大灣區, 或者有更多人沽左物業, 拎錢移民, 呢20年係比較pains-taking, 唔止90-00, 80後都要似一舊海棉寶寶, 清空自己, 吸取新資訊並化為已用