2018年8月30日 星期四

你想做隻獅子定係綿羊?

呢排小子實在比較忙, 忙係忙在開會開會同開會

一時講錯野唔啱心水都係會好頭痕, 直到最近好番少少, 老細同我傾開移民呢個問題, 當然佢地上一代已經上左岸

佢話, 新加坡都係一個選擇, 我就其實唔係好同意, 當然新加坡係移民國家, 無二唔二等公民問題 (全民都係老美的二等公民)

亦都無大陸人打莊香港新一代未必有發圍的問題

小子核心思想係唔會有懷才不遇, 如果係你叻, 你係一定會成功, 當然可以PLACE係啱環境下 (際遇好)的情況下係會更好, 但絕不能以偏概全地, 非一即二

小子覺得新加坡唔係唔好, 只不過係比香港居住面積大, 但其實機會不比香港多. 而壓力又係一樣咁滯, 死谷爛谷

當然, 小子老細都有樣啱, 就係唔會LOST OF IDENTITY 的問題, 如果移民入大陸, 就係唔會有左"香港人" 呢D特質, 呢樣小子係好同意, 不過大家2047後香港係變左香港市, 仲有無香港人? WHY SO SERIOUS?

 亦帶出認為保持競爭力係一隻獅子, 去外國安樂係綿羊

其實小子覺得, 每個國家都有獅子同綿羊, 只不過係HOW DO YOU CHOOSE? 而香港係無得你揀, 做綿羊住新西都係會死人的, 新西都16000/呎, 都係要長途拔涉番工
而係外國, 你係可以 "選擇" 做一份HEA少少的工, 而係香港, 你可以"選擇" 排公屋, 做低端工作, 但係公屋都係要排到死為止, 同埋10000/月係香港物價下係慘過死

人最可貴的係有得選擇, 做獅子做綿羊? 最緊要係有得你揀

P.S. 最近小子有朋友又走左, 如果你得番3年命, 你仲會唔會堅持今天大家的目標與想法?

值得深思

而小子的答案係, 千里之行, 始於足下, 今天開始放慢腳步欣賞沿途風景

禮樂射御書數, 當一個城市, 無禮, 音樂搵唔到食, 射又射唔出 (射箭同射精都差唔多啫, 香港人仔都唔生, 射咩吖射), 御(騎馬,跑馬仲有得玩掛)

得番書同數, 死推爛推, 有何可喜之有? (書指畫畫....咩香港有張大千咩? 老千就大把) 

2018年8月24日 星期五

旺舖養三代 三房住一世

物業投資者有一句好著名的講法: 一舖養三代 三房住一世

旺舖如羅素街, 尖咀廣東道, 甚至如元朗屯門大馬路等等, 一隻舖, 如果後人幾唔生性, 齋食都夠食你一兩世, 甚至提供子彈俾後人淡市出手番身

小子呢D窮一生都買唔到旺舖 (暫時睇應該難D)
至於三房住一世呢句, 又真係堅

一間三房套, 絕對係一個家庭的MUST HAVE ITEM
點解呢? 顯然而見, 一家四口加個工人, 呢家物質豐富的香港下, 唔可以好似上一代咁一個板間房住一家人, 72家房客咁

一個有尊嚴的居住環境, 對於一家庭來講, 兩公婆一間, 一仔一女各一間, 姐姐一間, 其實都係窄窄地 (4房住一世就差唔多, 或者三房一套一工人套)

不過三房一套一工人真係唔係一般可以負擔得起, 咁三房一套, 如果係一個比起2房呎價平的時候出手 (例如呢家細野24K@, 而3房因為LUMPSUM大而無人接得起的情況下, 呎價比2房同埋納米樓係平一大截, 而三房, 傳統來講係比2房應該要有PREMIUM, 如果財政情況許可下, 出手推一間3房都係一件有1-2間兩房的朋友應該做的事)

一間3房, 唔止係30-60 住咁簡單, 作為物質比上一代好的80後, 90後; 到你地老左的時候, 其實係可以等小朋友出身自己買間2房, 之後有個OPTION可以同佢調轉住, 你住新樓2房, 而佢住番你間3房, 當然, 如果小朋友可以靠到自己就最好, 但係如果到時個市係一個青年人負擔唔起的市況 (可能好多人話呢家都係), 咁樣調轉住可能都係一個折衷的方法

當然新世代有新世代的搵食方法同埋小子預期下一代香港人已經要過住周圍走去搵工的生活, 事關全球人口太多, 僧多粥少而香港得天獨厚的轉口港同埋中國窗口地住已經大不如前, 只淨下金融老千做殼上市可以叫做搵到下錢, 其他如物流業, 旅遊業, 同埋服務性行業都已不復當年勇 (你睇下前幾年做保險D人撈到風生水起, 靠的係咩? 大陸人的槓桿投資保單, 保期完左就合法打左錢來香港, 呢D叫做合法的走錢.....中間人食價都肥到著唔到褲咁滯)

所以, 因為能搵錢的行業不斷減少, 而係走錢EFFECT同埋富人遷移過香港情況下, 下一代香港人好可能已經守唔住自己的資產, 更遑論買間3房扎根
而來香港的新力軍, 唔好忘記, 人家係上面係住緊100 平米以上, 唔係100平方呎以上的

三房唔單止可以住一世, 仲係有其投資價值的

2018年8月20日 星期一

加國移民卡關BUG

小子的加國的富親戚啱啱又番來探親, 今日同佢地食完飯, 夜闌人靜, 都有諗下移唔移民的打算

小子一向唔移民的原因係, 呢家有手有腳, 多搵幾年錢再睇下點,但係姑勿論定案係點, 移民呢個決定都勾起左小子點解學法文的其中一個原因, 姑且分享下

小子親戚基本上全部都係拎加國PASSPORT , 由細到大小子都係最窮個個同埋人地移民潮我地都係無份, 小子都記起N 年前問過佢地, 吖家庭團聚移民有無機會過到來呀, 佢地話你唔好旨意...哈哈....由此, 小子已知小子老媽講 "同枱食飯, 各自修行" 的重要性, 小子只可以努力向上爬

咁啱呢排又搵番D移民文章, 好耐之前法國文化協會的朋友仔話我知學法文可以容易D申請到QB 省的移民同埋係凸破卡關的方法之一

今天打呢篇文的時候, 彷彿那天的聲音在耳邊響起.....

法文中級性度, 小子係AF 都係讀到B2 了, 應該係差唔多中級. 考埋個DELF便平安大吉

仲有JJ@加記BLOG
http://mrjj328.blogspot.com/

港人4大移民熱門地 門檻逐個講


https://www.post852.com/251957/%E6%B8%AF%E4%BA%BA%E7%A7%BB%E6%B0%91%E5%8A%A0%E6%8B%BF%E5%A4%A7%E6%95%B8%E5%AD%97%E5%89%B5%E6%96%B0%E9%AB%98%E3%80%80-%E9%84%AD%E7%B6%93%E7%BF%B0%EF%BC%9A%E5%8A%A0%E7%B1%8D%E6%B8%AF%E4%BA%BA%E6%9B%B4/

加拿大門檻高
港人第三選擇的移民地為加拿大。近年加拿大取消聯邦政府投資移民項目,現在只有魁北克省提供投資移民。惟魁北克省的投資移民門檻亦不低。
魁省投資移民計劃(QIIP)2017年至2018年度魁省投資移民名額共有1,900個;其中,內地、香港、澳門名額合共1,330個。
值得一提的是,若有中級以上法語水準的申請人,則不受名額限制。
另外,魁省企業家移民與自僱移民暫時沒有配額限制,魁省技術移民名額則為5,000個。
要達至加拿大魁省投資移民資格的申請人,需以合法手段經營積累淨資產160萬加元(約998萬港元)或以上。
在申請移民前的五年內,擁有最少兩年作為高級管理人員或股東的經驗,而管理經驗可以在農業、商業及工業等行業領域中。
而申請人的投資額度為80萬加元(約499萬港元),申請人須通過授權參與QIIP的金融仲介機構如投資移民仲介等,在魁北克投入價值80萬加元,且有政府無條件擔保的資金。資金將在五年後全額歸還,惟沒有任何利息收入。
儘管移民加拿大門檻不低,但仍有配額限制,每年全球1,900個,且單一國家不能超過1,330個,即每年香港須與內地共用該1,330個名額。

2018年8月16日 星期四

送你一程

開埋北上呢個OPTIONS俾大家, 實現大灣區交流及人口轉移

當你無錢的時候, 就可以番大灣區, 個度D樓都仲係平, 一百幾十萬一間, 要買襯手!

三人兄個D薄到透光的大灣區磚頭, 小子敢斷口而言, 一定會好快加厚!

沽一間香港樓俾新香港人, 換來3間大灣區, 一生三宅就在彈指之間

呢家連大家權利都係一樣又有居住證明, 實在係退休首選 

另外一方面, 係開放南水, 去炒高埋大灣區住宅, 實現財富大增長呢個遊戲!

好快王震宇/林奮強等人的預言好快會成真, 真係拭目以待!

香港染紅大換血正式開始!

但係另一方面, 好多新香港人, 為大陸的精英, 本公司的RO (前文講過) 都話所有內地精英都係想來香港, 無非因為醫療質素一流, 食安方面又唔怕買魚蛋變左老鼠肉, 仲有本地教育能與世界接軌等等香港人認為理所當然的東西, 更更更不要講言論自由 (其實我地比大陸的自由好得太多, 仲可以D9 中國政府, 參加64晚會又唔駛坐洗頭艇), 同埋空氣質素, 樓宇質素 (小子無見過會倒塌的樓, EVEN 沙中綫咁大獲都救得番, 唔會成支冧), 等等等等....

香港人覺得係倒退緊, 但係對岸的同胞視之為天堂!

再講一講現下的現象, 大學中, 對比起幾多PROFESSOR 係大陸拼音? 保險界當中MDRT 有幾多係拎國內護照? IBANK 入面的RM 有幾多係大陸RM?

這實在太多太多太多了! 佢地好多都係2000年左右來香港讀書, 呢家手持三粒星同各位平起平坐的, 買樓係唔駛俾BSD

你今天沽野俾佢地番大陸, 佢地沽番大陸樓俾你換香港樓, 三換一

但當佢地攞到香港樓的定價權之後, 成件事會點發展呢? 相信大家心中有數

到時香港就會迎來中國特式社會主義中的資本主義, 因為新移民全部係藍色 (你睇下林鄭特首, 係有親人在內地搵食, 小米同股不同權都可以做到唯一一隻上到市, 林公子好似有OPTIONS, 食君之祿, 擔君之周, 實不能藍皮黃芯咁反骨)

各位到一刻就會攞到個BALANCE, 無23條都唔會亂咁講野, 因為會好似80年代咁, 要搵錢, 唔好咁多野講

小子一向都認為香港係一個搵錢的地方, 唔太適合攪咩政唔政治野, 因為由英國佬開始, 移民湧入, 97年前都係事頭婆話事, 幾時有咩民族意識? 其實民族意識都係近10年先有. 以前都係華人與狗, 不得內進, 只係英國佬俾你係規則內玩, 但係中國人的"規則"比較人治而已


文匯:窮人應該離開香港,以騰出空間讓富人來港

香港文匯報訊(記者 趙建強、梁悅琴、劉璇)外國機構報告指香港樓價已達極度難負擔水平,但一眾分析員以至地產發展商皆預期港樓價將繼續上升。瑞銀投資研究執行董事王震宇看好樓價兩年可再升33%;長實集團執行董事趙國雄認為樓價年內可有雙位數字升幅;有「聯匯之父」之稱的景順首席經濟師祈連活亦相信港樓價難跌。

瑞銀:樓價兩年升3成

本港樓價是否偏高?瑞銀投資研究執行董事王震宇用「數字分析」指仍健康,更預期樓價兩年內可以再升 33%,中原樓價指數今年內可突破100(97高峰),2012年底達120點。他指目前利率極低,一般租金回報率扣除按揭息口成本後仍有2.11%,即使利率升2厘,租金回報率亦只跌至0,而97高峰期按息高達9.3%,實際租金回報率為-5.34%,可見目前本港樓價仍然合理。而且,本港借貸比率偏低,樓市風險極低。至於窮人買樓難,王震宇認為「低增值人士」應該離開香港,以騰出空間讓高增值人士來港。

另外,在美元貶值、人民幣升值、通脹壓力及內地富有人數比率持續攀升等因素下,外來資金(包括內地)將繼續推高本港樓價。

港府或再推出調控措施

長實執行董事趙國雄亦認為,本港經濟基調穩定,在通脹維持約4-5%下,相信今年上半年息口變動不大,加上預期通脹趨升及住宅供應少等因素下,他預期本港樓價今年內可有雙位數字升幅。

港元與美元掛鹇,港府無法控制匯率及利率,且在自由經濟原則下,無法壓制資本流入。景順首席經濟師祈連活表示,港府只能依賴行政措施控制樓價,他相信政府今年會再推出與去年11月類似的調控樓價措施,但由於預期美國最快明年才可能加息,祈連活相信香港樓價短期內難以下跌。


居內地港澳台人士申領居住證可享相同便利

【Now新聞台】內地公布讓港澳台居民申領內地居住證,有就業就學及居住證明在內地住滿半年以上,可以申請居住證,享有與內地居民基本相同的公共服務和便利,下月一日起實施。
在內地居住滿半年,有穩定就業、有合法住所、持有效回鄉證或台胞證的港澳台居民,下月一日起可申領居住證,享受與內地居民基本相同待遇。

新推出的港澳台居民居住證申領發放辦法,持內地居住證可享三項權利、六項公共服務及九方面的便利,包括就業、參加社會保險及提存使用住房公積金的權利,可享受義務教育、衛生、文化體育﹑法律援助等六項公共服務。九項便利方面就包括汽車登記、申領駕駛執照、報考職業資格試、辦理生育登記、銀行﹑保險等金融服務、登記住宿旅館、購買各類門票和購物,可與內地居民有同樣待遇。

港澳辦表示,這是支持港澳融入國家發展大局的重要舉措。

申請下月起受理,預計需時20個工作天就可領取居住證。
至於新措施會否影響目前內地工作港人的稅務安排,侍俊表示,具體內容稍後會再有詳細公布。

教育的跨代貧窮

一向以來, 教育都係一個令人可以向上走的一種途徑, 小子80年代出世, 個時都係求求其其, 無特別話考D咩8級音樂, 吹蕭撚笛都可以入到一間傳統名校 (心唔心儀我唔知道)

一路走來, 雖然HKCEE 同HKALE都係考得麻麻, 又好彩最後無事咁碌到入大學, 係一窮二白的小子生涯入面, 呢個所謂沙紙, 著實係幫到小子向上流, 搵到幾個錢同埋可以照顧到屋企人

但係自從70-80後當左父母, 社會發展後大家的資源都愈來愈豐富, 遊戲規則好似已然俏俏改變

從前有錢的同學仔係中6先出去讀LSE, UCL, UNSW 等等, 呢家一開始已玩到PLAYGROUP 起都要8000-10000, 無錢的人已經俾人分左GRADING.

更赤裸地講, 到小學至中學時, 好多直接揀IB 而唔會讀DSE

無他, DSE 好似HKALE 咁, 考得好係非常之難, 相比起IB, 同外國班友仔鬥好似易左 (即係以前我地考GCSE AL), 同埋呢家神科收生都係傾向收IB 愈來愈多

彷彿呢股跨代貧窮已經伸延到學習方面

而有錢能夠讀好野個班, 一係假中產香港人, 一係真有錢大陸人.....大陸人無所謂啦, 上海玩得仲癲過香港, 小子有大學同學在上海, 佢話直頭D家長癲到個BABY KINGDOM FORUM話咩野係好, 都要買Q哂佢番來, 真係錢多人傻, 又或者愛子心切....

同理, 來到香港的新香港人更加唔會手軟, 係精英中的精英, 搵錢能力/資產有番咁上下, 真係一班假中產無得鬥的.

而燒乾假中產的銀包的後果, 就係老來呢班友仔都係會變番做窮老人, 直接地抺殺一代香港"土著"的家庭儲蓄 (因為, 出到來同呢家一樣, 多數係大陸人天下, 新畢業的15000/月, 對比起老豆老母投入的, 其實都係差唔多)

到老來佢地有仔女, 又係無錢供養父母....咁後果真係可以VISUALIZE到的

「神科」收非聯招生趨升 學界籲調低DSE生門檻

【星島日報報道】大學以非聯招途徑,取錄國際預科文憑(IB)等海外資歷本地生比例按年上升,觸發教育界對大學收生機制的大辯論。有中學校長直指,隨着中學文憑試(DSE)考生人數持續下跌,學科更傾向以非聯招擇優取錄,要求適度調低DSE生入讀門檻,或設定聯招取錄比例。曾任港大副校長的學者程介明認為大學擇優取錄,坊間質疑影響社會向上流動是過度解讀。

根據教育局的資料顯示,八大在一七學年經非聯招取錄本地生人數逾二千六百人,持普通教育高級證書文憑(GCE AL)及IB的人數比例約三成,共七百九十一人(表一)。收生最多的港大取錄逾三百人,中文大學及科技大學分別逾二百四十及一百二十人。

香港大學、中文大學及科技大學在取錄GCE AL和IB本地生的學科,多屬文憑試收生成績高的「神科」(表二),如中大內外全科醫學,包括環球醫學領袖培訓專修組別在內的二百三十五個學額中,取錄六十七人,佔整體學額兩成八。科大工商管理學(環球商業管理)亦有兩成人是持GCE AL及IB的本地生。至於比例最高的科目則是中大環球商業學,GCE AL和IB本地生佔了一半學額。

文憑試考生人數持續下跌,尖子人數相應下跌,今年在五科考獲5*級的考生僅約六百人,是歷屆最低(表三),而大學在學額及收生門檻不變下,持海外學歷的尖子便取而代之,成為個別學科的主要生源。據悉多個中學校長群組近日激烈討論,不少意見要求調整大學收生機制。
香港中學校長會副主席鄧振強指,大學透過非聯招取錄IB等海外資歷的本地生有增無減,對聯招的文憑試考生不公,「某些科目明顯地出現傾斜,聯招取錄比例不合理地低」。他認為大學可適度放寬入學門檻,不應把成績視為唯一指標,「讀醫科為何非全部科目5**不可?實際上把門檻訂在可接受範圍內,同時考慮他們非學術表現,未必要滿分才能讀」。

津貼中學校長會主席潘淑嫻亦認同,大學應研究合理的聯招取錄比例,「大學擇優取錄之餘,亦應有促進向上流動的社會責任」。她稱現時雖可透過校長推薦計畫,推甄非學術成就的考生,但名額相當少,大學收生仍以成績為唯一指標。前財政司司長梁錦松牽頭的智庫「教育2.1」,去年初曾發表報告,批評大學收生機制「純粹考慮考試成績」,建議一籃子考慮考生的學術成績、非學科表現、成長經歷、學校推薦及面試表現。

不過,擔任「教育2.1」首席研究員的前港大副校長程介明,不贊成放寬入學門檻,或設立特定的聯招取錄比例,「如果非聯招的同學達到要求,為何大學不可以取錄多些?」他認為大學取錄更多非聯招,持海外資歷的本地畢業生,未必與文憑試尖子人數減少有關,而是院校擇優而取的結果,而院校主要考慮考生能力,而非他們所持資歷是本地抑或海外。
對於坊間質疑大學取錄GCE AL和IB本地生,是影響社會向上流動,程介明認為是過度解讀,「我看不到有這關係或負面影響,不應該扯得太遠」。

 

2018年8月15日 星期三

騰訊第二季少賺2%, 極難操盤的一年

究竟明天萬眾期待的700 會跌幾多?

20%? 30%? 今次真係大L獲

今天股票市場真係非常難炒, 買錯2382/2018/175/700/288.......求其一隻新貴買錯左-20% 係起錶, 真係非常惡炒

連941 唔沽都可以85 碌番落去70 (都20%), 真係令人搖頭嘆息

 

【騰訊Free Fall】騰訊第二季少賺2%

騰訊(700)公佈,第二季純利178.67億元(人民幣‧下同),按年跌2%。按非通用會計準則(Non-GAAP),季度純利197.16億元,按年升20%;收入為736.75億元,按年升30%,每股盈利2.08元。

其中市場最關注的網絡遊戲業務,第二季收入為252.02億元,同比升6%,環比跌12%根據各大行預測,第二季網絡遊戲業務收入介乎242億至287億元,中位數為257億,去年同期為238.61億元,今年第一季為287.78億元。彭博引述消息人士指出,內地監管機構凍結了網絡遊戲版號審批,消息令行業出現混亂,這主要由於中央關注網絡遊戲出現暴力及賭博成份所致。騰訊拒絕對此置評。

今日收市後公布業績的騰訊(700),跌幅擴大,跌穿340元低見335元,創10個月新低,收報336元,跌3.6%,成交125.88億元。今目散戶血肉長城買盤已由10蚊一格,改為5蚊一格,於335元,有逾千個散戶買盤掛買,涉及56.7萬股,涉資1.9億元。今早大利市機顯示,逾千萬元的主動沽盤超過30宗,有兩宗成交更達到5000萬元,涉及16.3萬股及14.7萬元,同樣以338元成交。昨日騰訊港股通全日錄淨沽出27.21億,其中港股通(滬)錄23.37億,港股通(深)錄3.83億,為歷來騰訊北水的最大規模走資。

2018年8月14日 星期二

恆指新貴的陽謀

又一隻藍籌出事!

2382 季報不符預期, 行文時急跌17% 當年小子$1-$2 有100,000 股, 不過都未夠$10都沽得乾乾淨淨

當然小子不曉價值投資 (無謂班門弄斧), 從RESULT 已可以看見, 我$43 買2018, $37 又入番10000股2382, 又係升到$60又走左贏少少, 都係贏少少走人, 絕無能力, 亦不會長渣不放 (小子係鍾意炒中小型股的, 投資界係叫做event driven/momentum trading, 行外人叫賭錢, 不過是但啦, 不用分得那么細)

如果, 只係如果, 渣到尾的話, 絕對係一個HOME RUN

不過對老散來講, 2011年時候咩係舜宇? 連瑞聲都唔知! 個時仲用緊I PHONE 4 (我仲記得同時間係搶緊10000/部炒價)

同埋個時炒I PHONE CONCEPT 係炒315 數碼通...... (小子見證住一位大客由1億贏到3億,爆倉用孖展炒)

通常老散都係見光死, 多數都係出哂名先高追, 咁就完美解釋左點解老散永遠都係輸錢

175 吉利, 2017 年3月6日入HSI, 睇圖本身就無咩事, 如果入藍個一刻HOLD到呢家都仲有66% RETURN, 跑贏HSI

可惜好多老散都鍾意死炒爛炒同埋高追

如果12月左右見頂 (好L多財演推個時), 到今天會係咩SITUATION?

175: -39%
2382: -25%
288: -23%
2018: -43%

同期恆指係.....   -1%

幾日前, 1177 同埋 2313 入埋恆指, 將百年老舖東亞趕走, 如果......入左恆指之後跌到咁, 唔係老散埋單咁簡單....

MPF 同埋PASSIVE FUND 焗追個下最傷

呢家個個都唔鍾意買主動基金, 事關已有SOLID PROOF 話左俾大家知, 98% active management 係跑輸俾 ETF

所以近呢10年來, 美國ETF 市場已經大大增長並outride 主動基金

隔岸的香港, 中國人始終喜歡自己操盤, 當然莊家唔駛太費心力, 因為自有為數不少的魚仔買呢D當炒股及其衍生工具 (ONCE AGAIN, 價值投資買在低位, 係贏的, 正等於你同誠哥識於微時, 結埋婚, 離婚起碼都分一半身家, 係SURE WIN 的, 問題係識唔識到佢, THAT IS 搵到呢隻股, 同埋可唔可以行到落去, 即係BUY & HOLD, 無視市場嘈音)

P.S. 倒人米都係咁話, 千析唔好炒牛熊窩輪! 千析唔好炒牛熊窩輪! 千析唔好炒牛熊窩輪!贏就七折派彩,輪就輪凸, 明搶

呢家入咁多當炒股入HSI 真係想搞到多D人輸身家, 同埋....MPF 你懶人基金亂入, 如果TIMING 錯, 便一鑊粥....

恆指新貴的陽謀, 真係好野呀李小加

如果買股票, 一定買388, 呢個咁大的莊同埋執行力咁高的莊, 實在可以買得過, 好過買金沙銀娛

注: D 契弟I BANK 又即係唱淡, 轉軚之快令人驚訝

舜宇(2382)績差大摩削目標,開跌逾17%紅底危

《經濟通通訊社14日專訊》舜宇光學科技(02382)現價跌17﹒42%,報100
元;成交約168萬股,涉資1﹒68億元。
  舜宇公布中期業績,純利賺11﹒8億元人民幣,按年升1﹒8%,與市場預期的15﹒2
億元純利差距甚大,今早股份迅即下跌並開展「紅底」防守戰。
  大行中金預料,舜宇受到匯兌損失、以及手機鏡頭毛利的降幅大於預期影響,股價將會調整
,目標價維持190元,「買入」評級維持不變;另外,大摩則大幅削減目標價,由190元下
調至120元,下調幅度達36﹒8%,評級由「增持」下調至「持平」。(ul)


*大摩相信舜宇(02382.HK)股價30日內將跌  
 小子估計你30日內必定要屙屎.....講埋D 柒野..... 






2018年8月10日 星期五

朋友買到心頭好, 加息尾班車?

前幾日同朋友覆睇左灣仔一間舊樓 700幾萬 420呎, 約17500@

好朋友新婚之用, 實在係可喜可賀! 呢個價貴過PARK YOHO MILANO 2000/呎 (30%) 左右, 但係去中環係慳番30分鍾以上

時間就係金錢, 30分鍾係咩CONCEPT? 小子好鍾意用數字去量化成件事, 當你一個月3皮野人工, 20日工作, 每日8小時, 即係每小時人工187.5, 來回用2小時, 即係用左375蚊搭車

正所謂一吋光陰一吋金, 吋金難買吋光陰, 當你生命係已知有限, 而金錢係無限/或咁講你搵唔哂的情況下

375/日量化做30年的供樓年期, 即係375 X 20 X 12 = 90,000/年 或 2.7M (30年)

如果PY MILANO 係14K@, 同樣比對係400呎咁計, 5.6M 對比 7M, 理論上, 灣仔係 5.6M + 2.7M (當然無計time value of money 咁精準), 等於7.3M (計錯左, 應該係8.3M, 不過原汁原味唔改了,加NOTES 算)

此乃只計一個因素, 因為未計租務回報差異同埋升值潛力等等太多uncontrolled factors

但係純方便呢個FACTOR 來講, 2.7M 係佢的價值

WELL, 自住樓, 自己鍾意就係大哂架啦....其實無咩啱唔岩, 呢D野好睇個人, 咪當自己做埋包租公個份囉, 無咩啱唔啱

另外, 有部份業主開始腳仔軟, 如果想入平野的, 可能有機會扑傻瓜

好似魔兄話齋, H+1.7 減到H+1.4 有無寫字佬話減息0.3%? 好似無......

 仲有, 唔知邊個好友話加2% 有影響, 其實都係心理因素以致割價求售多於實際影響, 當時2009/2010年政府都話會加息, 槓桿過高等等. 講左10年都係咁

如果用短線思維買樓, 注定一定係仆街收場, 因為一口價係一般打工人士的年薪, 或者係N倍年薪, 實在係承受不起的重量

以5年為一個單位去檢視, 可能係比較PRACTICAL 少少的檢視時間間距

又bring up 番尋日月入10萬-12萬借到50000的兩公婆來講, 加息2%, 如果全自住的話 (1 間過), 係供多1皮野左右, 如果計人工加幅係3% 左右, 呢PAIR 夫婦加3000 - 3600 不等, effective worse off 係7000左右, 佔月入的7%

加多6%, 加到8% NOMINAL average (仲有AVERAGE?!, ANYWAY, 同分色屍玩下數字)

當你一件30M 樓計, 借50% 即係15M, 月供56XXX, 2.15%, 加到5.5%, 供85,168, 加到8%, 供115K

不過現實D講, 小子估計失業/病先係最大的問題, 唔係加息; 加息初期係經濟好, 到尾期先係開始有deflation

同埋最重要係, 買得起30M 樓幾可肯定唔會係打工仔, 又或者AGGREGATE 30M 樓係投資者; 即係齋供死一件的機會率係好微


樓市淡友憂年尾爆煲
香港銀行群起調高按揭息率之後,市場依然錄得高價成交個案,當中新界區指標屋苑沙田第一城,昨日一個高層單位以1,328萬元易手,創該屋苑成交價新高。不過,業界對樓市前景意見分歧,看好一方指單純因為加息不會令樓市急跌,看淡一方則預計樓市十二月會正式爆破,並預期香港跟隨美國加息之後,未來十二個月樓價最多挫兩成。

美聯物業指,沙田第一城十三座高層A室,實用面積819方呎,昨日以呎價約16,215元售出。據悉,該單位原本叫價1,380萬元,並在市場放盤四個月,直至昨日獲承接,而買家購入上址主要是為方便與同樣在沙田區居住的家人有照應,同時子女在區內上學,所以沒理會息口變化。

好友估加兩厘始有影響

除私人住宅之外,居屋市場繼續出現破頂價成交個案。中原地產表示,天水圍天盛苑D座高層十五室一個一房單位,於已補價自由市場以520萬元售出,以實用面積426方呎計算,呎價達12,207元,創項目呎價新高。
由於是次銀行調高按息幅度不算大,對樓市及買家不會有很大影響。資深財經專家林一鳴估計要加息兩至三厘,市場始會有較大反應。他早前曾經表示,市場未見有大量新供應,加上經濟沒有急速轉差,連同息口因素在內,三個令樓價下跌的主要因素均未出現,因此預期未來樓價橫行機會較大。
新港城銀主盤減價求售

萊坊高級董事及估價及諮詢部主管林浩文對樓市前景同樣有信心。他指出,銀行加按息短期內對香港樓市影響不大,因買家心理因素較實際因素更重要。他又指,單純因為加息而令到今年樓市急跌機會不大,只是下半年樓價升幅縮窄後平穩發展。

儘管如此,市場對銀行加按息高度關注,有代理向傳媒查詢銀行動向,亦有單位減價求售。

美聯物業透露,馬鞍山新港城E座一個低層銀主盤,實用面積618方呎,六月時曾以820萬元售出,但買家撻訂,之後再以830萬元放售,昨日進一步調低叫價至810萬元。據了解,該單位在大型銀行的網上估價高逾1,100萬元,即叫價低估價近27%。

細價樓恐成跌市重災區

紀惠集團行政總裁湯文亮表示,大型銀行接連調高按息,雖然加幅很少,但意義重大,意味美國聯儲局若九月再度加息,香港一定會跟隨,又預期未來十二個月內樓價會跌15至20%。他又說,一些過去非常樂觀的市場人士亦擔心,即使美國不加息,香港都會加,若是這樣加息壓力會非常巨大,樓市會借勢調整。

滙豐銀行前首位華人大班劉智傑同樣看淡樓市前景。他表示,銀行加息只是導致香港樓價下跌的其中一個因素,最重要是市場低估中美爆發貿易戰對全球經濟帶來的影響,預期年底美國經濟會明顯變差,失業率會上升。他又說,部分人依然認為樓價「實升」,但其實是牛市不再,樓市神話即將破滅,預計十二月會正式爆破,包括納米樓在內的細價樓會淪為跌市重災區。

他又指,近幾年香港樓市一直存在泡沫,但因市場一直對樓市升勢抱有希望,加上發展商提供高成數按揭,投資者及買家所需付的首期減少,加上新盤供不應求,繼而令向隅人士轉投二手樓市,導致樓價續創新高。不過,他留意到細價樓錄得不少撻訂個案,有投資者寧願蝕訂,也不願冒未來無承接的風險。

理工大學建築及房地產學系教授許智文指,今次銀行調高按息是香港加息先兆。他又說,是次加息雖不足以令樓市轉勢,但升幅將放緩。

2018年8月9日 星期四

轉按開始減少

市傳金管局落柯打叫銀行封頂利息以回應市場日漸普遍的轉按個案
銀行亦都正面回應, 基本上H按的CAP 位調升0.1% 至2.35% CAP
 
要留意的係, 呢個唔係等同加息, 因為小子好多朋友, 以及家人今朝話加息啦, 大獲啦等等

要留意係"新造按揭" 先會生效, 而唔係直接調整P (5.25%)

當然, 以一般人對新聞的留意程度來講, 好容易"斷章取義"式有呢個結論, 不過唔緊要, 香港人日理萬機, 可以理解

但係銀行全面上調按息表面上係姿態, 實際威力在於叫做轉按個班人快快手攪好手續, 因為如果CAP 再加的話, 一般人手中的H+1.24% PLAN 到H+1.28% PLAN (CAP P-3.15%) 便會變成"筍PLAN", 因為 1M HIBOR 1.35%, 加1.24% = 2.59%, 即係差唔多2.6%, 如果銀行減P CAP 理論上個MARGIN 位係可以做到P-2.5% 左右, 亦都係加一次贏一次的


而至於P, 5.25% 其實小子覺得話就話9月份加, 其實殺傷力無減P CAP 咁嚴重, 因為對於銀行來講, 其實2年轉按LAM回贈呢個常態已經攪到無咩肉食, 最好你班友仔做左PLAN 之後唔好郁來郁去, 我連回贈條數都慳番

小子識某中資細行的RM, 有說其實BANK唔太想做RESIDENTIAL MORTGAGE, 一來, 班友夠2年就轉會, 無咩肉食; 二來, 回贈太COMPETITIVE, 1.8% - 2.3% 係平常事, 而NON RESIDENTIAL, 即係工商舖同埋車位等等, 回贈十分海鮮價, 可以係0% - 0.6% 不等, 慳番條數都除笨有精, 而做NON RESIDENTIAL的行, 相比上係少, 所以做到按揭的朋友有一部份係唔會夠期轉按 (同埋工商舖估價極不透明, 無得個客話呀BOC 估幾多喎, 你做番俾我啦呢D玩法)
所以咁講, 減P CAP RATE 係BANK 方面條數係好樂意見到

而加P 呢?  直接BANK 的NIM 應該會增加, 但同時因為加P 等於香港銀行的FUNDING COSTS都貴左, 對SME 來講殺傷力遠大於做按揭的人, 因為NON COLLATERAL/PG SME LOAN 其實面對RATE ADJUSTMENT的壓力再加上生意上的資金及現金流的要求提高, 對做生意者的影響其實不少
另外, 加P亦都係意味壓力測試又嚴左, 原本係+3% (2.15% +3% = 5.15%), 呢家加到2.15% + X +3%, 新入場的購買力, 以同一份人工下, 會愈來愈少, 對擬上車人士都係一個大的打撃.
好多人話, 喂! 咁咪意味住個價要調整去迎合番大眾購買力囉, 個市咪跌囉, 我唔可以講呢個係一相情願的諗法,呢個當然係其中一個POSSIBILITY. 但係呢10年來,係咩現象出現? 似乎唔係講緊呢樣野
樓市的價格似乎係由"合資格買家"定價. 而呢個合資格, 會唔會係打工仔佔大多數? 我都想係, 但似乎MARKET is telling you something different

如果 "咁咪意味住個價要調整去迎合番大眾購買力囉, 個市咪跌囉" 呢個諗法唔WORK的話, 即係個PURCHASING POWER直接受到加息而打壓, 而上車人士又有無足夠子彈去回應?

同樣地, 有按揭者都要裝備自己, 雖然有MORTGAGE LINK 護身, 將50% 利息對沖掉, 但係最最最直接的係持盈保泰, 增加CASH RESERVE 以防加息

銀行全面上調按息

資金成本增加導致香港銀行群起調高按揭利率,三大發鈔行齊齊加按息至最高2.35厘,加幅介乎0.1至0.2厘,意味置業人士新做按揭的總利息開支將增加超過一成。

滙豐銀行、中銀香港(02388)、渣打銀行(香港)及恒生銀行(00011)昨晚宣布,上調同業拆息按揭(H按)的鎖息上限(俗稱「封頂位」),即實際按息加至2.35厘。最優惠利率按揭計劃(P按)的息率則上調至2.25厘。

滙豐恒生中銀渣打齊加

滙豐銀行發言人稱,有定期檢視按揭息率,並因應市場調整。中銀香港發言人表示,是次調整綜合考慮市場情況及息口走勢等因素,適時調整息率以審慎管理風險,又稱該行會不時檢討按揭息率。

恒生銀行指一直密切留意市況,並續採取審慎的貸款原則提供按揭服務。該行副董事長兼行政總裁鄭慧敏強調,將視乎市場競爭及資金成本而調整按息,下半年按揭業務需視乎發展商推盤速度及按息走向,相信按揭貸款維持平穩增長。

中小型銀行亦紛紛加入上調按息行列,永隆銀行將H按鎖息上限加至2.35厘,與大型銀行看齊。該行發言人表示,是次調整因資金成本增加及提升銀行風險管理而決定。至於中國建設銀行(亞洲),雖然將H按封頂位及P按實際按息均上調0.1厘至2.25厘,但意味該行H按實際按息仍較已加息的銀行低0.1厘。

大行新按利率下周一生效

值得留意的是,大型銀行的新按息生效日期均為下周一(八月十三日),有別於其他中小型銀行於即日或翌日生效,意味置業人士若本周內向大型銀行申請按揭貸款,依然可趕及低息「尾班車」。

以每100萬元貸款額及三十年還款期計算,是次銀行上調按息最多0.2厘,將令客戶每月供款增加102元或2.7%,即每月供款增至3,874元,全期總利息開支增加10.26%至39.45萬元。

現時最少有八間銀行宣布加按息,中原按揭經紀數據顯示,以今年首七個月計,銀行佔現樓按揭市場的比率達74%。

展望按息走勢,有香港銀行按揭部主管表示,是次加按息後要觀察市場反應及資金成本,待九月美國再落實加息,屆時視乎香港銀行會否調整最優惠利率(P)才決定會否進一步上調按息。如果最優惠利惠依然維持不變,銀行再加按息的機會將會大增。

中原按揭經紀董事總經理王美鳳認為,中小型銀行早已有上調封頂息率壓力,連續兩日內有銀行調整新做按揭息率,有助紓緩銀行資金成本上升壓力,料其餘銀行將會陸續跟隨。利嘉閣按揭代理董事總經理黃詠欣表示,今次調整後將出現P按的實際按息低於H按的情況,料市民採用P按的比例會上升,同時會令轉按宗數減少。

2018年8月8日 星期三

面斥不雅

小子上星期尾睇左黃子華男神的金盆o郎口, 睇完唔覺得好笑之餘, 心情其實幾沉重

一代男神的棟篤笑, 真係笑唔出, 只有不斷又不斷的黑色幽默同埋自嘲, 難怪佢老哥都無心機再做落去

唔做落去, 或者係"做唔落去", 除左係香港社會已經係NOTHING FUNNY ABOUT 之外, 社會的方方面面都係充斥著唔止係黃藍對立, 更加確切咁睇係"非友即敵"的生活習性及態度

投資上, 樓市面對呢十年八年的大牛市, 好多人水鬼升城隍, 手中有1000萬以上比比皆是, 大呼小叫話租客夠鍾月尾要交租等等....無錯, 1000萬實際在係個一班人做一世都未必有的碼數 (100萬年薪但10% 儲蓄率即係10萬一年, 你賣樓可以有100年的BOTTOM LINE PROFIT, 唔串就假)

以前, 確係條條大路通羅馬, 你有你炒股, 紅籌藍籌紫籌股, 收息股, 莊家股炒得不亦樂乎, 魚翅撈飯年代個個周身法寶 (講得紫籌股都知小子其實股齡有番咁上下...哈哈)

以前大家有個約定俗成的不成文規定, 亦即係面斥不雅. 你理鬼我點搵錢, 你有你收租, 我有我炒股
到呢家非樓即股, WHY NOT BOTH? 點解唔係期權/股票COVERED SHORT CALL PUT + 樓股債先?

原因, 亦都係"面斥不雅". 以前莊家無咁缺水, 炒股一定留番一注錢俾人賺, 呢家嫌LAM得你唔盡!
由輪商開價開始, 小子以前做過證券行, 玩爬格仔, 莊家都無咁狠, 無咁狼, 起碼開+/- 一格俾你走下鬼, 投降輸少少係無問題
到今天, 末日輪扑中收錢都要打個折, 唔好講平時買賣, 夠街貨便MARK 闊個價理得你自生自滅, 只係俾錢日日在電視賣廣告, 睇好又60123, 睇淡就60456

直到期權, 好似公平少少, 實際上都係MARKET MAKER 玩哂, 到你大夾倉 (小子2012年試過), 你真係一年PROFIT 俾番跴佢咁滯, 夾爆你倉迫你CALL MARGIN 絕不手軟
以前大家炒股炒輪都係叫做火中取粟, 細細注刀仔鋸大樹, 是以莊家都"面斥不雅", 你唔搞串個PARTY, 我又唔會搞事.
直到今天, 輪場都係你贏我輸, 又或者莊家食老散, 仲要大大注咁食, 好似子華話齋, 唔怕不雅, 便不用理會面斥不雅呢個約定俗成的潛規則, 其實係吹你唔漲

呢D無恥之徒更加不雅到方方面面, 睇下港鐵班垃圾, 竟然可以明目張膽地做出如恥不堪之事, UGL 同禮頓有無關係我唔知, 但係點解可以俾禮頓起港珠澳, 沙中綫, 高鐵等等大PROJECT 而可以衰得咁貼地, 咁不雅?

以前玫瑰園項目都係一隻大白象, 你估英國佬無CAP你水咩? 以前青馬橋造價10幾億, 20幾年前好L多錢, 但係人地起碼俾番D有番咁上下質素的貨俾你

呢家港珠澳橋大飄移, 沙中綫出事, 班在上位者連記者問佢落唔落台都語焉不詳, 係唔係好似97年前的殺人犯咁要等候董建華發落?落就一個字, 唔落就兩個字, 所有野都含糊其詞, 意圖蒙混過關, 實乃不知所謂

面斥不雅, 對一D唔要面的契弟, 係無L用的

做人要自知, 自量, 自省
勝不驕, 敗不餒; 切忌三分顏色上大紅
有風, 不要駛盡

可惜呢D價值觀同沙中綫一樣, 容容爛爛, 十分不雅, 而面斥都已經無用

2018年8月7日 星期二

以後唔駛搭沙中綫 - 政府仲要抵賴

小子真係唔係好明白, 點解出左事先監察叫做負責任表現

人地中科已經有哂片係手, 又唔俾人用權力及特權法去查

又唔敢做承重測試, 負責官員又ON撚99 咁話無問題, 唔係自己負責又唔STEP DOWN

咩L都靠港鐵提供資料, 你老味真係痴撚綫!

點解你地有SUPERVISION 但係出事先?

係唔係到時有事叫港鐵班友墊屍底先? 呢次泛民唔咬死你都唔得啦, 真係低能夾弱智

係咁講簽收簽收, 咁簽收條AP 係唔係坐得先? 全綫用來祭旗啦下話....

小子朋友講, 工程界已經有哂片, 同埋叫哂所有人唔好搭沙中綫, 因為唔止2000粒螺絲頭扭實, 係大部份都無扭實, 因為趕工, 本來諗住後期先補番D石屎針, 但係呢家出左事想補都補唔到........

仲有小子朋友話沙中綫唔止一個站出事, 到9月份如果林鄭頂唔到, 建制派唔會冒險輸選舉而夾硬REJECT 權力及特權法去查, 因為到時一有事, 民建聯輸全家, 所有建制派必然滅黨! 一定唔會俾MTRC 過骨啦!

所以小子認為成條綫停用係可以預期, 至於起唔起番, 幾多錢起番等等, 呢個係後話

不過有沙中綫的樓真係要自求多福, 原本的FAVORABLE FACTOR 已經大打折扣, 甚至成條綫係要GRANTED DISCOUNT

呢件事政府實在係責無旁貸

沙中線偏離圖則少二千螺絲頭 陳帆命港鐵炒工程管理人員

運輸及房屋局局陳帆今午(7日)會面傳媒時表示,經港鐵7月13日再提交資料後,再比對屋宇署圖則,發現有多處與屋宇署不相符的地方,包括螺絲頭少2000個。他批評港鐵工程團隊有不可推卸的責任,必須解除相關工程人員的職務,又指已將相關事件轉交警方,已覓資深工程人員加強管理,以挽回公眾信心。

陳帆批評港鐵工程團隊有不可推卸的責任,必須解除相關工程管理人員的職務。他又指已將事件轉交警方,港鐵已覓資深工程人員加強管理,以挽回公眾信心。

 

給小兒的話

尋日請假整天在家陪伴小兒

想起尋日同朋友講開, 呢個世代900幾個牌都搞唔掂

CPA + CFA , 小子識好多

CPA + JD/LLM 都係一街都係

甚至小子有的CERTS 都係非常普遍, 做咩人頭呀, 會計師呀等等, 其實你話有競爭力? 一定唔算係

係香港就算連醫生都係搵幾皮野, 一D俾錢讀到的牌/攞到的牌, 講真, 又係唔係真係咁"馨香"?

如此N咁多個牌的風氣, 先可以係香港搵到啖飯食下

下一個世代又係點的環境?

尋日睇下育兒書, 搞下報N班都玩左成日, 嘩呢家郁D都8000 - 10000/月

小子無咁DEEP POCKET, 唯有報免費班啦, 一來唔想同人爭, 二來兒孫自有兒孫福, 佢地有自己的路要走, 父母唔可以一世睇住佢, 只要學曉自理能力便可以

為父只可以留番一間屋俾佢, 等佢18歲個時, 如果想創業好, 有夢想去追好, 賣左佢, 做本錢即管追夢

同埋只可以抽盡多的時間陪伴在側, 以身作則教您禮貌待人, 做事為自己負責等等為父30幾年出到去社會俾人"教導"出來的禮數, 以不致你出來吃盡苦頭

小子屋企出身艱難, 無閒餘俾小子發白日夢, 如果小小子想的話, 即管去發夢, 即管去飛翔

家教, 才是最重要的禮物, 而並非三間五間磚頭或者一千幾百萬身家 (何況, 小子到老也要用錢, 留下幾多俾你還是未知之數)


2018年8月3日 星期五

沙中綫大圍站又瀨野

大圍站又出事, 成條沙中綫真係大獲!

小子有工程界朋友告知, 其實沙中綫出事在圈中流傳已久, 並片/圖並荗

垃圾會下年度開會時便會有更多有心人工爆料云云

唔講咁多DETAILS, 因為小子唔清楚有咩"法律風險"

總之沙中綫真係小心為上啦

上蓋地盤停工半月 大圍站沉降仍惡化

港鐵大圍站東鐵線往紅磡月台車尾位置上月中錄得沉降廿一毫米。屋宇署證實,該站上蓋物業地盤停工後,大圍站沉降仍然持續,更於短短約半個月內惡化至廿三毫米,增幅近一成。另外,輕鐵屯門泳池站沉降事件惹起公眾關注,屋宇署派人視察該站鐵路設施及附近屋苑「南浪海灣」圍牆,確定結構安全。

港鐵於上月十二日深夜恒常檢查時,發現大圍站東鐵線南行月台末端及附近一支架空電纜杆的監測點,錄得沉降達廿一毫米,觸及二十毫米的沉降停工指標,該站上蓋物業發展項目的地基工程需即時停工。

屋宇署密切監察情況

事發後約半個月,屋宇署承認大圍站沉降情況持續,截至昨日為止,大圍站南行線月台末端位置及附近一支架空電纜錄得的沉降數值,分別為廿三及廿二毫米。屋宇署稱,有密切監察沉降情況,該站上蓋物業發展項目的註冊結構工程師已提交緩解措施方案,該署正諮詢土力工程處及港鐵意見,並嚴格審批方案。

本報記者昨到涉事月台視察,發現有佩戴地盤安全帽人士在現場測量。對於停工後月台沉降仍然惡化,乘客均表擔心。乘客趙太認為,為大眾安全着想,涉事月台應該停用,「查清楚乜嘢出事,唔好到時出事嗰陣時就要搵人負責。」乘客陳先生則促請港鐵盡快找出沉降原因,解決問題。
除大圍站外,西鐵線元朗站亦因為受附近樓盤工程影響,導致架空行車橋有兩個橋墩沉降,並觸及二十毫米的沉降停工指標,涉事橋墩正進行加固工程。屋宇署表示,截至上月廿七日,元朗站涉事兩座橋墩的四個監測站所錄得沉降幅度為十六毫米。

港鐵:受天氣等因素影響

至於前日爆出沉降的輕鐵屯門泳池站,屋宇署表示,為釋除公眾疑慮,該署已派人視察該站的鐵路設施及附近屋苑「南浪海灣」圍牆,確定結構安全。屋宇署又指,該站附近發展項目的註冊結構工程師,由工程動工至今,定期向該署提交相關監測站的沉降數據,而有關沉降幅度一直沒有超出批准圖則所訂定的二十毫米停工指標。不過,屋宇署並沒有交代實際沉降數據。

港鐵指沉降情況會受天氣、水位及濕度等影響,因此大圍站沉降水平有輕微上落,強調該站月台結構安全,路軌平順,月台上落水平及架空電纜等的相互高度及距離均符合安全標準,港鐵及屋宇署正審視專業人士提交的緩減沉降施工方法及緩解措施,經部門同意後,發展商才可恢復工程。

2018年8月2日 星期四

會計行業每況愈下

畢馬威洽租 黃竹坑新商廈15萬呎

市場消息指,太古旗下黃竹坑South Island Place全新商廈,正獲會計師行畢馬威大手洽租,涉約15萬平方呎,預計比早年遷入的銅鑼灣希慎廣場,租金節省逾半。

中環商廈租金屢創新高,連帶邊綫商業區租金亦向上,令外資機構考慮搬至非核心區節省成本。
太古地產(01972)與中華汽車(00026)發展的黃竹坑商廈South Island Place將在今年落成,並在近月進行招租。市場人士
透露,近日該廈獲國際知名機構洽租7至8層樓面,涉逾15萬平方呎。據了解,該機構為四大會計師行之一的畢馬威會計師事務所(KPMG),據悉雙方仍就細節討論,若最終落實,將成今年港島區最大宗商廈租務。

消息指,畢馬威目前於中環、銅鑼灣及港島東均設辦事處,有見租金向上,故有可能再搬至非核心區。另黃竹坑自港鐵南港島綫通車後,比以前方便,而商廈現時呎租約30元,較中環及銅鑼灣便宜,故正積極洽租。
------------------------------------------------------------------------------------------------------------------------------------------------------------------
會計行業已經式微, 舊舖以前在PB (PRINCE BUILDING) 好不威風, 曾經同PWC一爭長短, 但係呢家無左HSBC 呢個大客之後真係每況愈下, 應該咁講, 成個行業都係

以前仲話可以AFFORD 到中環租金, 呢家CUT BUDGET 搬到銅鑼灣娛樂區希慎不特止, 仲要CUT1半COST 搬去工廠區黃竹坑, 睇來PARTNER 見客真係未見人, 先輸陣

上定OPENRICE 睇下有咩隠世工廈飯堂可以招呼D貴客.....

時代巨輪在轉, 呢D LABOR INTENSIVE的行業, 狂OT 已不受年青人歡迎, 入行者唔肯OT (乃係小子舊舖朋友講的), 再甚者自從HKEX 開放左俾公司用內地會計分支做AUDIT之後, 四大的尊貴地位已大不如前; 再加上重覆性的工作同埋係環球水浸下, 銀行已不再要求公司盤數係四大先借錢俾佢地, 好多係用磚本位 (老細PG + 磚頭) 先去衡量借唔借錢俾班老細

可見在實用性方面都大打折扣, 以做成一綫二綫核數公司FEES 不斷下降, 唯有縮皮縮皮再縮皮, OT OT 再OT, 置從業者健康, 家庭於公司利益之後

中環鼠戰 RAT RACE 實在係好好反映到佢地每日的辛勞程度

2018年8月1日 星期三

美元債大減價

近排忙於應付監管機構班友仔的無謂問題, 因為我地係自己FUNDING, 理論上唔可以當係EXTERNAL MONEY, 但係當然人家玩執正來搞真係頭都大埋

如是者呢幾日都係為左應付呢班大佬同埋同我老細打下定心針等等軟性工作

搞左三幾日, 終於有機會睇番近排大平賣的債券

小子無IB 戶口, 唔太清楚可唔可以經IB 買某D斬債, 尋日同PB 朋友食開飯, 呢家門檻當然都係USD 1M, 但係如果識人開戶就好辦事好多 (順便答謝PB 朋友/師兄)介紹份好工過小子 (雖然無TAKE 到OFFER)

回歸正題, 近排除左內房債好抵買之外

AGILE, KWG, 都出到8.2% - 8.5% 3年NON CALL 2年, 理論上, 3年無事你就收24%, 比起炒股, 呢幾條債真係有番少少吸引力

同時間, 好多CONGLOMERATES 的債都減價, 例如FOSUNI 5.9% 2023. 呢條5年債, 656.HK 做擔保, 656 呢家分拆緊CLUB MED (TOURISM SECTOR) 上市, 另外仲有分拆醫藥SECTOR (唔係FOSUN PHARMA) 於INDIA 上市, 仲要有錢回購 (雖然回購對BOND HOLDERS不利)
睇到復星咁多飯數, 與其好似討論區咁GOGOGO, 不如實實在在研究下, YTM 成7% 以上, 安安全全又一DAY 好過買656 正股

除此以外,仲有為數不少的債都係7% 以上, 什至係拉近DOUBLE DIGIT, 呢家BOND 枱班朋友話買賣兩閒, D人之前怕大陸企業DEFAULT, 唔敢TAKE POSITION, 所以債價係比較乾跌, 呢家你想買都係得USD 1-2M 貨仔, 多都無

當然USD 2M 對老散來講係天文數字, 但係在INSTITUTIONAL 同埋LARGE FUNDS 來講, 真係好乾好乾, 有D FUND都要掃BONDS, 因為此前太過UNDERWEIGHT 某D PAPERS, 可以預期YIELD 會PICKUP番少少

當你買700 都要輸30% 的時候, 其實有閒錢的真係可以考慮配置番少少落去FIXED INCOME定番個盤, 市況差個時係會無咁傷

今年如果買錯所謂當炒股真係慘不忍睹, 175.HK 吉利 我諗好多人都輸20% 以上
未計中興個班無啦啦-50%, 地產SECTOR 走唔切個班散仔, 30蚊買3333.HK 都係可以將隻股票ACHIEVE左佢....放係床下底