2018年8月20日 星期一

加國移民卡關BUG

小子的加國的富親戚啱啱又番來探親, 今日同佢地食完飯, 夜闌人靜, 都有諗下移唔移民的打算

小子一向唔移民的原因係, 呢家有手有腳, 多搵幾年錢再睇下點,但係姑勿論定案係點, 移民呢個決定都勾起左小子點解學法文的其中一個原因, 姑且分享下

小子親戚基本上全部都係拎加國PASSPORT , 由細到大小子都係最窮個個同埋人地移民潮我地都係無份, 小子都記起N 年前問過佢地, 吖家庭團聚移民有無機會過到來呀, 佢地話你唔好旨意...哈哈....由此, 小子已知小子老媽講 "同枱食飯, 各自修行" 的重要性, 小子只可以努力向上爬

咁啱呢排又搵番D移民文章, 好耐之前法國文化協會的朋友仔話我知學法文可以容易D申請到QB 省的移民同埋係凸破卡關的方法之一

今天打呢篇文的時候, 彷彿那天的聲音在耳邊響起.....

法文中級性度, 小子係AF 都係讀到B2 了, 應該係差唔多中級. 考埋個DELF便平安大吉

仲有JJ@加記BLOG
http://mrjj328.blogspot.com/

港人4大移民熱門地 門檻逐個講


https://www.post852.com/251957/%E6%B8%AF%E4%BA%BA%E7%A7%BB%E6%B0%91%E5%8A%A0%E6%8B%BF%E5%A4%A7%E6%95%B8%E5%AD%97%E5%89%B5%E6%96%B0%E9%AB%98%E3%80%80-%E9%84%AD%E7%B6%93%E7%BF%B0%EF%BC%9A%E5%8A%A0%E7%B1%8D%E6%B8%AF%E4%BA%BA%E6%9B%B4/

加拿大門檻高
港人第三選擇的移民地為加拿大。近年加拿大取消聯邦政府投資移民項目,現在只有魁北克省提供投資移民。惟魁北克省的投資移民門檻亦不低。
魁省投資移民計劃(QIIP)2017年至2018年度魁省投資移民名額共有1,900個;其中,內地、香港、澳門名額合共1,330個。
值得一提的是,若有中級以上法語水準的申請人,則不受名額限制。
另外,魁省企業家移民與自僱移民暫時沒有配額限制,魁省技術移民名額則為5,000個。
要達至加拿大魁省投資移民資格的申請人,需以合法手段經營積累淨資產160萬加元(約998萬港元)或以上。
在申請移民前的五年內,擁有最少兩年作為高級管理人員或股東的經驗,而管理經驗可以在農業、商業及工業等行業領域中。
而申請人的投資額度為80萬加元(約499萬港元),申請人須通過授權參與QIIP的金融仲介機構如投資移民仲介等,在魁北克投入價值80萬加元,且有政府無條件擔保的資金。資金將在五年後全額歸還,惟沒有任何利息收入。
儘管移民加拿大門檻不低,但仍有配額限制,每年全球1,900個,且單一國家不能超過1,330個,即每年香港須與內地共用該1,330個名額。

15 則留言:

  1. 小子學到咁好的法文真係勁 !
    我就無語言天份, 所以覺得好難, 而在荷蘭高中時剛好考試合格, 但學到的依家都俾返老師啦 XD !
    下一個更難學的是德文, 當時唔合格 !

    回覆刪除
  2. //小子親戚基本上全部都係拎加國PASSPORT , 由細到大小子都係最窮個個同埋人地移民潮我地都係無份, 小子都記起N 年前問過佢地, 吖家庭團聚移民有無機會過到來呀, 佢地話你唔好旨意...哈哈....由此, 小子已知小子老媽講 "同枱食飯, 各自修行" 的重要性, 小子只可以努力向上爬

    家父給我一句:"自強不息"。同快兄母親所說的"同枱食飯, 各自修行"有異曲同工之妙。
    太多人贏在起點線,夜郎自大,結果為將來"輸在終點線",埋下伏線。
    其實有家底,所以早年移到民,有幾威呢?去到果邊唔駛做,財自退休就威啫!

    回覆刪除
    回覆
    1. 今日想搵下下一間買的目標, 有少少無力感, 不過調整下心態又OK番
      又有動力搵野了

      刪除
    2. 之前同太太傾,太太都是想趁回調再增持多一間。似乎見到回調就買,再衝入去增持的人多的是。
      可是這次連小弟都有點猶豫,畢竟美帝隻牛都差不多夠鐘收工了,頂多玩多一兩年。如果不幸來個海嘯2.0,不就港樓再強,都要一同來個大回調(而不是微調)。
      所以,小弟甚至諗過走一間。這樣手上的現金,差不多能清哂按揭。即係安全到不能再安全的境界。但這樣咪即係成為四大央行打劫的對象。咁樣我又唔多願意呢。哈哈!
      見到快兄咁一往無前,就知快兄水平又響小弟之上了。

      刪除
    3. 還哂按揭, 咁不如沽哂佢買REITS
      樓得個2%-3% 咁鬼低的RETURN, 車哂去405,2778 等等公用股仲好分
      不過回調的話你估D股票會唔會-10%或者20%?

      刪除
    4. 之前在R兄主場留了些文字,也放在這裡給他們分享一下:

      幾日前,一位好朋友發來一篇文,文中講2000科網 / 2008海嘯兩個經濟危機美股不同板塊的表現。前者公用股都要跌20隻,只有房託獨善其身,有微小升幅。後者係房託跌一半,公用股跌3成。所以除非你做短倉,否則是無處可逃,只能套現死頂到下行周期結束。所以,今天大批玩足球大陣的博友,請小心龍門後衞都可以跌到無影,化為春泥...

      刪除
    5. 所以咪就係點解咁多人都死都唔放物業囉... 海嘯2.0根本係無處可逃... 除非狠心賣野持現金

      刪除
    6. 所以小子唔想沽就係咁解
      當然佢地重倉股票梗係話, 喂, 股票-20%係跌, 但你借左錢喎, -10%你借50% LTV都係跌20% 喎
      如果跌357成你仆街啦...
      我只可咁講囉. 08/09小子買樓都批到, 有時落到場就會知道銀行係極端仆街情況都係會開門做生意, 唔係某D人講CALL LOAN呀咩咩77咁
      當然, 持盈保泰, 怕條L佢CALL咩
      2008年, 打個電話都未必借到錢
      2018年, 打個電話借到100幾十萬
      你話水浸情況下, 資產甚能不水漲船高?
      買股買樓係個人選擇, 無必要MUTUALLY EXCLUSIVE, 講真, 條條大路通羅馬, 起碼今天小子長期都有7位數字係股票, 呢10年都係, 無間斷過咁滯

      仲有三兄個海嘯2.0,其實講真, 就算好似杜比喇叭10.0 都唔驚
      大家一齊仆街, 其實係無問題
      問題係在乎於個個無事而你仆街, 咁呢個真 ○ 仆街就真係好L仆街啦

      刪除
  3. 快兄原來識法文,哈哈,在下反而係法資機構工作多年都唔識法文,就算去法國都係用英文only
    之前公司賣左盤,老細轉左德資同美資,但係在下都係冇乜學德文既興趣呢~~
    唔知係咪見得越多就越容易厭,希望他日無後悔啦~ 呵呵

    回覆刪除
    回覆
    1. 艾兄, 明顯小子係無謂人士, 所以先搵野學 (香港人係KEEP THE BALL ROLLING, 有一點閒著時間也周身唔聚財)

      刪除
  4. 錢搵唔哂,坐言起行吧。

    回覆刪除
    回覆
    1. 謝R兄!會先RESUME 番睇下地方, 然後作決定
      或者有望同你同一地方食住生蠔寫BLOG吧, 哈哈!

      刪除
  5. 有兒有女,老香港也得遠走他方
    中年去到捱世界就無謂喇

    John

    回覆刪除
    回覆
    1. JOHN 兄, 出得手就梗係唔駛做啦, 過去洗大餅前世未得來辛苦過咩 =)

      刪除