2019年8月29日 星期四

BNO 平權 - 一雞兩味

BORIS JOHNSON 尋日出到大絕,叫事頭婆SUSPEND 國會討論,以圖同EU 玩一舖賭命。

至於脫歐之後,英國金融服務業極度需要專才以補充流失人手,而BNO 平權,既可以將香港1997年前出世,呢家事業及資產都有番咁上下的人民一批過吸走,一招吸星大法又可以對自身有利,兼且贏盡外國名聲 (中英聯合聲明雖然係歷史文件),兼且將中產的錢盡吸入英國的經濟,對祖國/香港做成人才/資金流的損失,呢招實在係......高

而港樓方面,海怡主區3房的成交價都反回1000-1050萬的區間,比之前1100-1150萬平左10%左右。回報做到3%以上。

如果對香港有信心的人大可以出招試下價,不過負責任的講句,小子身邊有為數不少的中產都考慮沽野移民,短期供應應該會開始增加少少,至少D人唔會死HOLD 唔放。

再加上銀行縮回贈同埋限按的措拖下,物業的轉按暫停,而每2年轉按一次成為絕响,在持貨成本增加下, 有不少人人心虛怯短期沽貨,想執平野的朋友可以開始睇野了。

業主驚青損手照賣


屯門萬寶325萬今年低

屯門細價盤都出現近平手出貨個案。消息稱,萬寶大廈高層A室,實用面積263方呎連約叫價380萬元,減至325萬元沽,做價創該廈今年最低,呎價約12,357元,較對上一宗買賣低約18%。

單位原業主一七年購入,帳賺約16%,惟扣除辣稅及使費,料微賺轉讓。美聯梁浩文指,鄰近的華樂大廈低層F室,減價至406.6萬元沽,呎價約12,706元,低市價8%。

美聯集團主席黃建業稱,環球經濟下行在即,樓價失去上升動力,注意樓市「熊出沒」。他料,今年樓價已見頂,將由高位回落約5%,同時預期下半年一手成交會跌逾四成,而全年二手交投量勢「差過沙士」,創有紀錄新低。


2019年8月19日 星期一

小道消息 - 推介單位已沽出

小道消息, 主區AA戰報, 該盤應該沽出左

仲有2房一間頹景沽出8.75M 左右

業主在最近大型政治事件發生後心態轉弱,有個別業主無差別跪低將鎖匙奉上。

至於2.5房都有零星業主肯減價,可惜小子個底子都係一個會計佬,15% 我係決不俾班政府官員架啦

至於玩打波近親轉讓呢, 好耐之前都講過有行政風險,雖然相熟律師可以幫手做到

下個星期再UPDATE 下D盤再出海怡戰報

而由於小子有機會去埋黃竹坑區同埋香港仔區睇下樓,或會合併於下一篇睇樓記一同刋出




2019年8月16日 星期五

金蛋 - 紐倫港

紐倫港: 紐約, 倫敦, 香港; 三個不同的城市, 但都有著同一個條件

就係 - 金融中心

金融中心, 說白了, 就係白手套, 一個國際亙認的大賭枱 (又可以稱之為洗錢中心?)

當然要合規地洗, 唔係好似黑手黨咁洗, 所有東西合規合格, 能追查, 法治上具有高認受性, 信用評級AA-AAA等等

一個在美國 (自己用)
一個在歐盟 
一個在中國

點解BREXIT 咁頭痕就係因為UK 走左之後, EU 缺少左一個大的金融中心, 是以UK 的底氣可以串到BORIS JOHNSON 無視MAY 姐定下的條件, 作狀 (或者真的) 反枱, 嚇到EU 到呢家都未敢強硬的表態割席

至於東方, 當數香港. 為何沒有星加坡? 只因星洲係美國的附屬, 資金留在香港同埋留在美國的分別, 相信大家都睇得好清楚, 美國強權可以隨時凍結閣下的戶口, 可以以反恐, 可以以同伊朗洗錢有聯系, 或者其他原因....FREEZE 你戶口, 俾人一秒收皮.

其實老美的手段同中國大陸的原因沒有本質上的分別, 只不過美國做得世界警察, 玩開政治野, 做得好睇好多咁解

叫你填W8 BEN FORM 又得, 拎埋你個TAX STATUS 又得, 叫BANK 拎你戶口資料都得, 係做得"合規" 一點. (規矩自己定, 梗係合規, 係中國暫時無得定國際條件)

而國內係比較 "無咁合規". 

就係因為國內無咁合規, 香港的合規才是難能可貴, 這個集資中心, 股票中心, 同埋藏富中心; 在亞洲任何一個國家都不能代替. 是以取代香港之言, 其實唔出老解的話, 理論上暫時不能動搖香港的地位, 小子認為至少再多50年都未必能夠.

無他, 你睇下中國幾多有錢人在香港置業? 

而作為中國人, 放錢係美國都會俾人抄家, 咁不如放係香港啦.....(瑞士都話要DISCLOSE 中國客資料), 而在香港, 只要低調唔好俾MEDIA 炒作, 理論上比放在瑞士更加安全

呢粒金蛋, 好似一架限量版的超跑咁, 唔係你話要有就有. 當然個司機會轉, 由英資, 轉港資, 再轉華資, 時代巨輪在轉, 打莊的人亦轉

而一個咁稀有的賭枱, 有外國勢力係一定的, 大家都係STAKEHOLDER, 一定有人在維護

只係望中美等國在商討好之後, 呢粒金蛋會再次發光發亮 

而入唔入市, 真係見人見智, 呢個TURNING POINT 對香港係好CRITICAL, 攪得掂, 全速前進, 攪唔掂, 車不毁, 但人必亡

架車係你, 請個司機渣得唔好, 會換過架車定係換左個司機?





2019年8月9日 星期五

肯輸的人先有資格贏,小子的壓測

其實每一次買樓都係賭命的行為,好簡單,當你一個月10皮野人工咁計,1000萬樓係等於一個人差唔多9年的收入,係收入唔係淨番的錢,所以當有個朋友剛問問小子買唔買的話,本質上你覺得賭得過的,去馬。

除左賭得過的,去馬。作為投資者,小子經常強調:肯輸的人先有資格贏

無他,每一次買賣都係一個賭局,升你贏,跌你輸。買股票價錢升跌計埋利息收入的總和叫做TOTAL RETURN,當收息唔夠冚價錢升幅,TOTAL RETURN 便是負數。

例子好似100蚊買滙豐,10年前買941 中移動,5蚊接左3988,以至買左劏舖,山卡拉車位等等。當你沽唔出,又或者要賤價沽出而本金的損失大於咁多年的收租,便是輸,係絕對性的一個概念。

除此之外,亦都有通漲要去BEAT。每年4%的INFLATION,赤裸裸地說明,如果齋HOLD CASH 而唔出手,每年你係會輸4% (其實止唔止4%??!)

簡而言之,在香港生活,係焗賭。

而就因為香港近來所發生的政治風波,好多投資者都表示好怕寒冬來臨,小子即管分享下自家用的壓力測試2條

1. 供樓不超過兩公婆最低收入的一份子的收入

假設家庭收入80,000,老公搵50,000,老婆搵30,000,供樓收入絕不能超過30,000
咁做係防範於是但一條友俾人炒Q左供唔起樓收皮。
而高人工代表俾人炒的機會率增加同埋有機會即時搵唔番個份人工,所以不過30,000 已係防風第一重措施

如果50,000收入個條友係積極搵工,怕且20,000 都有相當大機會搵到

何況呢家做保安都18K.....譚仔姐姐都16K....要做,在香港肯做的話多數唔會太大獲,但人到40幾50,俾人炒的機會愈來愈高,做足準備唔好到時一褲都係。

而18K + 30K = 48K

點差都頂到幾棍......

又咁唔好彩老婆俾人炒埋搵得15K (30K --> 15K),其實都叫做好勉強頂到

2. 出租樓預租金跌50%都頂到

好多業主都有個好強的BELIEVE: 租金跟通漲走, YES & NO. 在回帶去2003年,係平到PK都無人租,而租金係現價50%左右。
要預埋你老哥失埋業又租唔到又死唔去先係壓測LEVEL 2,而唔係金管局個D鬆到唔鬆的壓測。

如果頂唔到的話,可以先考慮一個BACKUP PLAN,如果有CASH FLOW ISSUE 會沽邊間同埋點做,咁做足功夫便可以認真考慮賭唔賭一舖了。