2017年1月23日 星期一

另一半

小子就來與老婆結婚4周年, 亦都拍拖超過10個年頭
柴九話齋, 人生有幾多個10年?

古語有云, 男怕入錯行, 女怕嫁錯郎, 其實計我話齋, 男都怕搵錯老婆, 事關一個人由出世開始, 有無父幹/父母是否家道中落等都不由自主, 到小學派位, 讀書都係一試定生死, 其實入到咩大學學科都係睇彩數居多

出到社會上,究竟係BIG 4 請/ BANK MT 定係其他行業請你, 更加係運數使然. 當然你可以好FOCUS 咁IN 某幾類工, 但係真係到自己可以掌握自己命運時多已係25打後.

然而, 人生有一個好大好大的轉捩點, 亦都可以掌控, 就係娶老婆.

娶到一個日哦夜又哦的老婆同請個打齋佬番屋企陪訓一樣咁大獲, 一個日日鍊Q住另一半個袋 (手袋OR 春袋)著實唔係一個好的OPTION, 男的永無寧日, 去滾係遲早的事, 女的嫁著個婆婆媽媽不思長進的又係注定浪費一生

然而, 浪費一生也好, 幹一番大業也好, 最緊要係搵個價值觀同自己ALIGN 的另一半, 活在當下確實要活得開心, 另一半亦都最好有相近的目標就為之萬事大吉

小子好感恩搵到個同自己價值觀一致, 亦都係心靈上的支持伙伴
沒有佢, 小子今日或許仲係一個ON9 仔 (或者從來都係咁ON9)
多謝小子老婆對小子的包容 ,特別係在一個" 比較風氣" 盛行的年代, 身邊不乏大量朋友生埋仔要買車, 狂去旅行, 追買名牌手袋 (利申: 小子老婆是有的, 係我買的....不過唔會狂買), 慾望是無限的, 然而一個人的金錢是有限的. 一個價值觀相近的老伴係非常緊要

朋友可以識過, 但老婆無得揀過, 有一個價值觀相近, 但能於生活小細節容忍的老伴, 確實得來不易.