2016年12月30日 星期五

2017 展望

有個好的計劃便是成功的一半。小子要為2017年做好一個PLANNING,並堅實地執行

個人
有健康的身體才是成功。結婚後3年小子肥左差唔多30LBS, 係時候去俾番個最佳的身體自己,目標係135LBS (現在176LBS, 結婚時153LBS)
 

小子已經持續於早上去做1個小時GYM持續左3個星期, 期間只有幾日假期沒有去, 相信持之以恆, 控制飲食, 必能做到

這只是時間的問題

另外, 碩士課程進行中,一切如常。經仔細考慮後,法文亦暫不會放棄。你想去多遠,便可以去多遠。後生忙少少係無傷干。如果轉新工後才會考慮

家庭

小子將會於幾個月後有小朋友加入呢個家庭,首要為照顧辛勞的太太。時間方面要多點分配俾家人

小子媽媽未知幾時退休,不過小子已草擬好計劃並會於2017年執行。不預期會有大的變動。

財務

2016年辣辣椒出動後已經即日買左一間,樓方面已經於短期沒有可增持/減持空間。

股票等3839 升左套現再進行新的投者研究項目。其他放係度等收成吧。
另外,會增持現金水平。因為現金水平實在偏低。

工作

腦細話下年會升職,不過小子沒有太大感覺,始終年年幫佢搵幾百萬美金,但係只加2.5% 人工的時間持續左3年,若不是有其他issue on hand, 一早已經搵左一份高人工的工作走左,始終係售賣時間,人工低即係唔effective。加三幾千我覺得係應份,所以無咩開心感覺,中國人公司係最仆街的公司,孤鳩寒。

總之就持盈保泰一切穏定行先

2016年12月29日 星期四

怪獸家長窮中產

近日小子同屋企人食飯, 有小朋友的老表閒談開, 說於一間名校playgroup interview入面見到小子的昔日老死, 問小子為何同佢反面 (其實沒有反面,只是疏遠了)

從前的小子一定會力陳己見, 務求要對方認同自己所講, 不過人大左, 對於D不合意的事情, 情願少一點說話, 可能由院長J 入面學懂的品行修養之故, 所以只淡淡然回了一句...話不投機, 不欲多談別人不是

其實我想講, 係磁場不同之故, 小子實不太喜歡太怪獸家長的行徑, 特別係沒有根據自身能力地怪獸、望子成龍式的高壓填鴨式教育

當今社會對比起以前80年代, 資源確實豐富了, 但各位家長是否會根據自己的能力去給小朋友一個快樂的童年? 是否一個搵3萬5萬的家庭, 花費萬幾二萬元為小朋友報一個又一個學習班, 興趣班, 然後自我感覺良好地說為他們將來設想? 小子真的不敢苟同

更令齒冷的係, 再加上萬多二萬元租金/供樓支出後, 成為月光族, 因為還要帶小朋友去日本遊樂, 結果犠牲了父母的家用, 這是小子十分不齒的行為, 但席間有一些人是如此 (其實有不少人係咁), 所以小子都係把說話吞回肚中, 免得爭吵, 樂得清靜

同枱食飯, 各自修行, 實為金科玉律, 免得過就少點批評, 多點欣賞, 為自己增加正能量.

反正...爭吵上來一定傷感情, 小子成日都話" 我鍾意"呢三個字係大哂的. 所以, 諸位喜歡便是了, 外人實在不便七咀八舌

2016年12月28日 星期三

2016年回顧

2016 將會於幾天內變成歷史
回望自己2016年的成績如下

股票倉位
倉位2由250K 起始, 今年回報為120K (已扣除1611.HK 未變現虧損64K)

貨底如下:
1137 100K
3839 240.5K
1171 54K
1611 140K

每隻股票都有自己的故事

2010年:
1171 係期權短倉接貨, 當初17.5現價, 15蚊開SP 一路開到10.0 全中, 因為全倉最高位接得最多係10蚊, 所以要等另一個資源股CYCLE先可以甩身, 亦係小子stock option 交學費交得最多之作

2012 年:
1137 係相信王維基, 並且食過番尋味, 由1.9 X 80K 入, $4.9 沽出贏爆廠兼勾金走人, 到自以為是扮有紀律, 跌反3成入3.5, 一直因為唔等錢駛, 2012年當時亦沒有投資紀律, 亦對王生有無比的固執所以短炒變HOLD死

2015年:
3839炒卜蜂43.HK 賣殼, 大股東成本係$8. 於6.6 入左16K, $2.17將1171 轉走 (本來加左50K 股1171@ $4.7), 轉到3839, 此乃信心最大之股票, 因為小子於2014年打後專職炒殼股, 如其分析基本因素, 不如睇下大股東幾時做野來得直接
注: 讀者們可以自行研究, 輸死人的股多係大價股 (近幾年有: 2888, 27,1928, 388; 遠者有8, 5, 330, 494, 857), 全部係周期頂入藍籌的股票, 試問有幾多隻700? 仲有要你HOLD 足全程? 所以小子在市場面前係十分謙卑的.

2016年:
1611. 重覆, 小子係最鍾意搵一D市值低, 大股東貨源歸一, 而且未有供股等抽水動作的股票, 因為抽得水, 證明係鬼同埋打小股東主意, 所以唔玩為妙. 仲未抽水者, 就係貨乾身爽, 唔駛咁多所謂專家分析, 當人地輸100, 你輸1蚊, 除笨有精
只要控制注碼便可以一舖食自摸清一色 (當自己係VC/ PE) 咁投便可以

Overall 係有贏, 不過背後故事實在教曉自己太多東西及其中理念, 留待有機會同朋友分享, 其當中的故事比現金贏輸更寶貴

展望2017, 小子期望3839 (2015/7) 上市後1.5年, 好似怡益控股咁賣盤, 等$6 - $8 食胡3839
至於1137, 希望呀奶媽唔好上場, 俾番個牌維基後可以食胡走人, 此外, HKTV MALL 個市場佔有率都上緊, 以王維基的奇材, 我呢少少贏番來的錢, 陪佢睇到尾點話 (固執)

1171 及1611 睇時機, 或會加倉

物業
小子今年增持左一個物業, 將於2017年1月收樓. 會帶小子媽媽去看看, 等她決定要唔要作為退休住所, 如果佢想住番係原居的話, 咁就伺機出租

小子有一物業在收租中, 以買入價計, 回報率為3.1%
此物業受惠於南港島綫開通, 希望此後市價及租值會有所上升, 因為實在落後得比較緊要

2017年係新CE 上場的一年, 辣辣招係潘頓跨下昨天都係大熱倒灶, 香港的辣辣招都係怕且唔會在來年取消
事實上, 一個唔駛賣地而有收入, 並能夠令到廣大市民歡迎的政策, 小子睇唔到有足夠誘因於短時間內取消
而2017特朗普上場之後, 美聯儲局加息3次幾為定調, 即係0.75%, 小子一早已經為此準備好, 所以唔需要再理佢, 反正加息3% 都影響不了大格局, 3年內沽出要抽10% 重稅, 不如預夠子彈準備供款

居安思危, 如果加息及世界局勢大變, 政府又係在錯的時間做錯的政策的話, 樓價係有機會大跌. 小子於2017 只會持盈保泰, 增加現金去抵禦衝擊

總結
2017年, 小子要增加現金比率, 去抵禦衝擊, 伺機沽出股票, 增強現金水平
來年會有休養生息的一年, 唔好亂郁, 少做少錯

2016年12月16日 星期五

加息的迷思

12 月美聯儲局終於加左0.25%, 聯邦基金利率加到0.5% - 0.75% 區間

坊間好多人話加息, 香港一定要跟, D樓會大跌芸芸
小子做左個模擬測試, 睇下加息下, 樓下跌, 對投資者的情況係點














由上圖可以見到, 即使每加1% 息, 樓價跌10%, 樓價加總利息的支出都係比現在多, 即係對於新上車的朋友來講, 加息係令佢地更加輸多左錢, 如果計埋租金的話, 支出增加得更大

雖然加息之後, 利息支出會增加, 但係長遠來說, 如果你持有30年的話, 呢家買的總支出係比加息後低的, 所以話, 自住樓, 有買貴無買錯



2016年12月15日 星期四

寧願裝窮,也不要show off

小子近排識左幾個新朋友,其中有一兩個人經常吹噓自己幾有錢,好不高調。
只見到佢身邊都係飲飲食食的酒肉朋友,想睇下佢身上有無著數攞

寧願扮窮,也不要show off。
一個男人周身名牌,只會吸引到覬覦自己身家的女性,以及大量酒肉朋友。
既沒有結果,且浪費大量時間在應酬之上,得不償失。
最慘係交來的女性沒有內涵,只看錢份上;男性朋友都係想係你身上攞著數

在這個憎人富貴厭人貧的香港,有錢都係要內斂低調才是正路。
何況,人愈大愈知到比自己有錢的人多的是,必定要謙卑一點,先留到心中的位置去跟成功的人士學習。
世界上有好多人都對一啲外表不光鮮的人頤指氣使,鼻孔朝天,低調,確實需要很大的堅持及修行。

2016年12月2日 星期五

丁權
















2016年11月4日政府出招, 將第二套房的DSD 劃一為15%
小子視之為"丁權"的延伸
從來原居民只要有男丁, 就可以排隊問政府攞地起丁屋

但呢家呢個DSD 15, 就係炒家的"丁", 因為凡持有2間或以上的投資者, 沽出手上任何一間後, 如果再買都要俾人罰15%, 呢15%就係值錢的地方, 大家可以見到MOUNT NICOLSON 幾多資深的大孖沙以首置人士買入, 佢地就係用左呢個丁, 亦都將個丁權價值最大化. 10億的貨15% 係幾多錢? 1.5億!

大鴻輝主席12億掃山頂樓王 
身家300億
舖王首置慳稅1.3億 

http://hk.apple.nextmedia.com/financeestate/art/20161122/19841634 


件貨對於佢地來講係平左1.3億! 假設佢要再買其他物業, 要跌番樓價的15%俾政府已係肯定
亦都好肯定政府唔會係短期內取消呢個政策 (可能CY連任都未定)

回歸正題, 對於我地呢D升斗市民又點睇法? 如果我有2間的話, 你一定要我賣俾你, 我要收你幾多錢呢? 答案就係我TARGET 的15%.

即係如果我沽700萬樓換1400萬樓, 而我已經有一件貨係身, 咁我叫的價錢將係14M 的15% , 即係210萬.
當然個客會話你都痴綫, 但正正如此, 所有持貨的投資者都係會持盈保泰
而新來買家面對呢D有兩件貨以上的投資者將會沒有議價能力.

小子建議沒有樓的盡快買番一間, 以免投資者及大陸人習慣左15% 後再同首置者搶樓.

其實CY 呢個政策真係好惠民, 如果無呢D招數, 我估係大陸佬走資底下, 香港樓下井噴式上升係一個合理預期 (深圳2016年升左60%)

香港地方咁細, 其實後生一代買唔到樓都係可以預期, 因為佢地面對的係來自四方八面的投資者, 只要資金自由進出同法律健全下, 香港依舊會係中國的東方之珠