恆生博愛堂

今日下午小子同老細去恆生博愛堂同RM 食飯
一年一度的例行公事
係幾好食的, 特別係花彫蛋白蒸蟹拑, 用紅蟹的大拑整, 隻蟹都已經千千聲

但每次食親我都諗起
炒ELN勁輸七千萬：諗過恒生總行跳落嚟

小子引以為戒, 特別係自己PORTFOLIO, 特別要小心

第一, 唔好買衍生產品如ELN, ACCUM/DECUM, FX SWAP DEPOSIT; 俾得咁高息你, 銀行係無死錯人的, 如果你以為自己係叻過銀行的, 那是ON9

第二, 借錢梗要還, 咪俾錢中介. 做人同投資一樣, 要量力而為

第三, 居安思危. 銀行出名叫做好天遮, 無事就無事, 有事就大近視, 每分每秒都要思危, 銀行產品少買

小子去親銀行都係做一樣佢地好憎同埋好唔鍾意做的東西, 借按揭

你見班友死老母咁的口面, 想借多1蚊都諸多留難就知佢地無利錢可言
敵人的敵人就係朋友, 你愈唔想我借的我就愈要借

當然, 小子收入有限不能多借, 小子亦唔鍾意多借, 但係見到班友仔唔想借時我又好HIGH 好想借等佢地煩下都好, 真係有D心理變態

其實銀行咁歡迎你借錢買ELN/BONDS 等等, 但係借樓按又咁萬般不願係咩原因? 因為無肉食囉, 成條樓按30年都係俾百幾萬息, 但係做下ELN 收佣都收一百幾十萬啦. 銀行不是省油的燈, 佢地梗係做D利錢厚的東西, 即係搵9老散笨柒

呢餐去國金軒食唔知駛唔駛2000/HEAD?

為自己的人生負責

【真人真事】一個「死刑犯」和「CEO」寫給父母的信，看完你會震驚，感動到流淚！

http://moneyaaa.com/1064/?from=instant_article 

小兒差不多三個月大, 作為爸爸的我, 除了再加倍努力為我們的末來打拼之外, 我還在頭痛應該如何教養小兒

我記得一年前我也在靜靜地想過呢個課題, 所出現在我的腦外只有5個字: 為自己負責

人生每一個行為都係一個選擇, 而每一個選擇都係一個套餐, 有好及有唔好, 係要全盤接受的. 如何令到小兒對自己的選擇負責任, 係小子一直以來好重視的問題

財務自由的三個階段

小子的犬兒於不久前來到我們的家庭, 是以小子近月沒有更新個BLOG
究其原因, 因為小子面對家庭的新成員, 實在需要沉思良久; 人大左, 責任大左而財務上亦都要加緊開快車, 取回原本屬於自己的時間

因為人的原罪係窮, 是以一個窮的家庭只會對新生的成員講: 讀好書, 打份好工
究其所以, 其實係社會奴隸的延續, 世世代代為奴為娼
要走出呢個困局, 除左你生個女俾李小超吊完一炮過買逸瓏1.1億上岸, 就係自求多福, 儘早用所有可行方法達至財務自由

財務自由係咩概念呢? 老掉牙的說法就是非工作收入>支出
坊間有非常多的書去講咩為之財務自由, 但點做, 好多都係得個講字

在香港生活, 小子認為你必須平盤, 買一間自住樓, 此為STAGE 1. 香港呢個所謂低稅率地方, 其實所有稅都係在樓房中抽取, 你食個翠華可能50蚊有30-40 蚊係俾地主, 所以先買一層自置樓房係對沖呢個仆街政策的不二法門

此外, 有好多人滿足於買一間樓房, 此為樓奴, 無論你幾多錢買都好, 不斷咁用自己人工去供樓是為之ON LUN 9, 一係你搵個租客同你供, 此為STAGE 2

人在35前一定要做到一自住, 先平盤, 再於35-45 事業起飛的時間再打算用咩方法去起飛, 可以係做生意, 可以再買樓, 股等等, 總之要做到減少手停口停的收入, 此為STAGE 3

2017 展望

有個好的計劃便是成功的一半。小子要為2017年做好一個PLANNING，並堅實地執行

個人
有健康的身體才是成功。結婚後3年小子肥左差唔多30LBS, 係時候去俾番個最佳的身體自己，目標係135LBS (現在176LBS, 結婚時153LBS)
 
小子已經持續於早上去做1個小時GYM持續左3個星期, 期間只有幾日假期沒有去, 相信持之以恆, 控制飲食, 必能做到

這只是時間的問題

另外, 碩士課程進行中，一切如常。經仔細考慮後，法文亦暫不會放棄。你想去多遠，便可以去多遠。後生忙少少係無傷干。如果轉新工後才會考慮

家庭

小子將會於幾個月後有小朋友加入呢個家庭，首要為照顧辛勞的太太。時間方面要多點分配俾家人

小子媽媽未知幾時退休，不過小子已草擬好計劃並會於2017年執行。不預期會有大的變動。

財務

2016年辣辣椒出動後已經即日買左一間，樓方面已經於短期沒有可增持/減持空間。

股票等3839 升左套現再進行新的投者研究項目。其他放係度等收成吧。
另外，會增持現金水平。因為現金水平實在偏低。

工作

腦細話下年會升職，不過小子沒有太大感覺，始終年年幫佢搵幾百萬美金，但係只加2.5% 人工的時間持續左3年，若不是有其他issue on hand, 一早已經搵左一份高人工的工作走左，始終係售賣時間，人工低即係唔effective。加三幾千我覺得係應份，所以無咩開心感覺，中國人公司係最仆街的公司，孤鳩寒。

總之就持盈保泰，一切穏定行先