2019年6月19日 星期三

小心BXXCOIN FUTURES

小子食午飯時十分無聊, 睇睇下野有個AD 彈出來 (BXXCOIN FUTURES)

寫住李澤楷同VIUTV 主持做緊訪問介紹佢地用BXXCOIN FUTURES 去TRADE..好快賺到第一桶金云云

當然, 貪之得個貧, 光棍佬教仔便宜莫貪, 小子梗係唔會上當

不過在數位化同埋科技日新月異下, 騙徒真係好勁 (同埋我真係好無聊....... =.=)

我REGISTER左之後 (梗係假EMAIL, 打個真TEL) 自動有3個電話打來, 一個SINGAPORE, 一個UK, 一個HK....

我聽左SINGAPORE個電話, 即刻有人問你點解未入錢? 我笑左.....

我話我唔得閒. 佢話......我啱啱見到你REGISTER個ACCOUNT, 應該得閒...

騙徒真係要深造下, 不過在大數定律下, 2000 摶幾萬的憧憬, 實在會有N 咁多人上釣, 釣唔到我其實好少事....

記住, 如果咁易賺錢, 邊L度會有人番工呢?

投資決不能ON99, 下苦功才會有收成, 股樓債都係

贏梗會免費SELL俾你, 仲要有專人服待? 佢梗係痴左總掣.....

呢個年代, 食人血饅頭的騙子一街都係, 人浮於事, 不如利用人心虛怯搵錢..... 

記住, LESS IS MORE (TRADE), SIMPLE IS THE BEST 

債券變迷債, 股票變ELN/ACCUMULATOR/向下炒........保持初心, LESS IS MORE

推俾你D SALES, 絕大部份都係同閣下利益對立的. 同對政府一樣, 做相反, 唔贏都唔會PK (無科學根據的推論)


2019年6月18日 星期二

混沌狀態

 林鄭昨天又跪低之後有好多泛民界說階段性勝利等等,其實香港最可怕之處亦都係泛民

好似林X廷食人血饅頭,籌款街站袋住先,以至選舉狗咬狗骨.....小子一向都認為泛民一日不整合,一日不能勝出 (又或遊戲規則決定左泛民只係打和同輸之間揀一樣......)

今次,逗號先生,應該,自己出來,同本土組黨,但,又會,俾人吊9佢,光環,跌下來。

但可以預見係老鴿都唔會有所動作,在事件淡化後,可能下年選舉會6-4,或者7-3。一日功能組別在,50.1 同7-3 的差別已無分別

7-3, 6-4, 50.1 的後果,便是癱瘓政府,令到政府施政困難。

香港一日無執政黨,一切都係空話。衝擊? 不能。談判?不能。

更不要說真普選等等 (有又點? 如果? 沒有如果。)

癱瘓政府後, 你睇下落成量? 一環扣一環, 民不聊生。先唔好計投唔投資,基本結婚的剛需也不能滿足..... (看下表)

加上人口老化,就業,發展,教育等等 pressing needs。。。。。

造就成有幾個錢的香港人,唔L玩。

小子點解又話考慮移民,純粹係因為下一代。下一代必定在社會佔一種席位

1) 公務員, 玩搓波, 前言不對後語。 (唔係佢地想,而係佢地要咁做)

2) 紀律部隊: 你想電視中見到你個仔射人個頭 + SELFIE? 叫個外賣又叫唔到?

3) 從商: 唔出聲做港豬? OK 的. 但逃犯條例之後得罪左"我爸是李剛"也不是講玩

4) 青年走上街: 俾人爆頭

5) 順民, 只顧食飯,叫老豆買多D野俾佢收租? 收息? 真心不了......

無小朋友的話其實唔駛走, 除非你好攰. 有小朋友的話, 你諗到第6個答案, 請同筆者講, 謝謝.

如果有第6個答案i am very thanks them! XD (其實STEPHY都幾可愛吖)

年份
私人單位落成量
雙方均屬初婚
2001
 26,262
 25,285
2002
 34,035
 23,515
2003
 26,397
 25,836
2004
 26,036
 29,306
2005
 17,321
 27,834
2006
 16,579
 33,352
2007
 10,471
 32,288
2008
 8,776
 32,765
2009
 7,157
 35,338
2010
 13,405
 35,826
2011
 9,449
 39,979
2012
 10,149
 40,841
2013
 8,254
 35,703
2014
 15,719
 37,217
2015
 11,296
 34,046
2016
 14,595
 32,673

2019年6月17日 星期一

睇緊NZ 移民

啱啱收到移民局自介, 亦都咁啱問左在NZ 的朋友....

大致上佢話, 你都唔好諗住過去做野, 因為失業率都唔低, 同埋唔好諗住做番本行.....

如果文職的話, 一般年薪NZD 40,000 左右

而一間3 房係.....5M

我真係暈得一陣陣.....

20萬一年年薪??? 過去肯定唔做啦...不用說.











































2019年6月3日 星期一

保存實力及分散投資, 三兄最愛的海怡4房戰報

呢排已不下有N個人問我有咩攪, 想出債/PROJECT 等等問下有無金主有水

小子一定問下佢地咩底細, 10個有9個答案都係話 "公司無錢" , 想攪PROJECT 吸街外錢

同埋送中單野, 令到好多人都有意減持抽資走人

筆者相信係加速洗牌的一個過程

至於好想D野 (樓, 股.....) 跌的話, 可能有個意想不到的小回, 如果有的話, 真係好好把握, 事關老本土走左之後, 你見1997年移民潮後, 如果盡沽資產走人的後果真係好痛好痛

小子亦都識人90年代將半山千呎大宅沽左, 跟住大大力唱淡香港, 呢家想番都番唔到來 ......因為佢地當初沽出千呎大宅的錢, 只夠今天買個馬頭圍道STUDIO....回不去了

記得當時講到香港咩都唔好, 其實過去住唐人街把L 咩.....又咪係同大陸人為伍.....仲要話港燦咩都未見過世面等等口出惡言....

當然, 小子一家因為一窮二白, 俾人睇唔起係合情合理. 但做投資決定切忌用SELF EGO 加埋感情車落去, 因為往往出事都係因為咁

要不要根, 每人都無同, 小子就算減持的話, 一間自住都係必需 (利申: 無意減持)

如果無沽到的話, 起碼贏多2000萬啦....當然佢地會話去左他國的樓都升左1000萬...是的...但可以加按買架嘛....

如果今天真的要有所動作, 就係將港樓的EQUITY盡搾, 再DIVERSIFY. 如果他日咁橋睇錯邊, 分散海外都贏
若然香港送中無問題, 留住港資產亦是SURE WIN

公我贏字你輸.....

無港樓的買唔買真係不在討論之列, 以小子立場必定係先買一間, as old sayings, 自保
如果送中無事, 夾倉夾上去, 夾死人.

* 打工的, 小子認為先做好自己份內事. 用多D時間諗下自己10年後應該點PLAN, 不限香港, 可以係海外, 最緊重未來的動作係align with self interest

如果大量生意/樓/股的, 絕對係分散投資+執死雞的時間


海怡戰報
小子俾面放盤間2房變左全城暫時最平個3間 (記得早一個月係全城最貴.....), 開始有AA 打來鋤價, 小子亦好俾面講左個盤口:

沽左我會換4房, 你同我搵好筍野, 俾你食串燒我無所謂 (仲難過鐵價不二), * 又係三兄最愛的海怡戰報, 今次到4房.

4房口價勁硬, 仲要早前做左幾間都係20000/呎左右, 理論上有價無市 (因為2000萬一間真係好少人有呢個實力).

要等2房3房換樓鏈慢慢啟動後先會再反映出來, 但IN GENERAL係愈來愈貴, 4房跳價, 無咁樣衰的盤都1850+





















【二手成交】海怡半島呎價2.29萬破頂●太古城兩房1,388萬高價賣

雖然二手交投放緩,但優質物業仍有價有市。鴨脷洲海怡半島21座極低層G室,實用面積886方呎,屬三房連套房間隔,另設士多房,座擁全海景,土地註冊資料顯示,單位剛登記以2,030萬元轉售,呎價高達22,911元,打破上年每呎22,835元歷史高位,料創屋苑分層戶歷史新高呎價。原業主2011年買入價839萬元,8年賺1,191萬元。


呢間其實有段故, 因為業主想買4房相連, 所以加多3M 買的. 小子都收到BLOG 友的恭賀, 但係相信唔會賣到22000, 因為呢個係SPECIAL CASE

@LISA 師姐, 千金難買相連樓就係玩到咁大......