2019年12月30日 星期一

香港的價值,黎明前的亂局

香港的價值在我小孩教落是亙相忍讓。還記得小時候住屋邨,走出去走廊同隔離小朋友玩,有一次同人爭玩具,結果是如何?兩位小朋友都給各自家中的長輩離地地拎走回家食「藤條炆豬肉」。

看見身邊朋友為此激辯,「與暴力割席」,家不成家,因為陳同佳小朋友「唔覺意搞到個女朋友大左肚而引發此風波」,實在係可以寫入蝴蝶效應的堅實例子。

示威者與警(或黃與藍)

1.     就警力激辯
點解你721無影 (39分鐘事件)831就咁快出來,而之後處理示威又咁到位呢?

/藍:因為示威活動太多,我地處理唔切
/黃:咁之後18區開花,你又處理得切?
/藍:沒有暴徒點要警方出來執法?
/黃:講緊次次都有示威喎。
跟住火紅火綠3000字。

2.     就「裝修」激辯
831 太子站到呢家都未有CCTV,又成日閂門停站幫警察拉人,咪「裝修」你。

/藍:私有產權,因為言論唔啱你老兄心水,你打爛野,咁同暴徒有咩分別?
/黃:你公開CCTV先講啦。起碼睇到個刻個CCTV 俾人打爛左我就信,呢家無公信力,無野可以做,咪「裝修」。

/藍:咁你唔啱心水我「裝修」你得唔得先?咁即係721元朗白衫係啱啦,我睇你唔順我咪又「裝修」你地。

/黃:咁係721在先吖嘛。你要搞清楚時序。
/藍:時序咪係元朗D人唔LIKEY,所以打你,同警察無關。
跟住火紅火綠3000字。

3.     就拉人激辯
/黃:721 到呢家拉左咁少人,手足呢?拉左好多。
/藍:要時間查
/黃:影哂相喎,仲唔做野?
/藍:要時間查
跟住火紅火綠3000字。

類似對話無日無之,香港已走向極端社會。兩邊都唔會聽另一邊講野,「番唔到轉頭」等等聲音此起彼落。

為官/AO者,是收錢解決政治問題,哪怕中央給予硬任務,不是硬著做,是要從善如流地做,林鄭有其難處,但收得錢坐得呢個位便是要有擔當,唔係推警察出來打市民/示威者/暴徒,對立兩邊 (呢個CY開始已做緊)令到市民民生受損。

其實沿用番香港以前的價值觀,各自搵自己陣營中人去「槍打出頭鳥」。小子成日都戲言,朱經緯事件,如果發生在721之後,紅雞繩花雞繩PDSM都有得拎。
時至今日,搵幾個官員,100個警察出來同埋示威者出來檢控真係咁大困難? 獨立調查委員會查鉛水,查完咪又係裝幾個濾水器,唔駛咁虛怯。

呢家愈講愈錯,好似警察拉錯左自己人,自己人3459,自己人呀3459
呢件事帶出,究竟係防暴警identify到喬裝警犯法,之後拘捕,定係好似4點鐘警方記招話,喬裝警係唔會犯法 (即係防暴警濫捕?)
又係會俾人抽秤,難為了公共關係科。

言多必失,何況日日講?

唯望惡言止於智者,為官者,心清則明,不要再推市民去自己打自己了。

建制者,高官者,家人都是有外國PASSPORT,又何嘗不是食兩家茶禮之人。
而泛民者,叫人衝自己鬆,2014年後已係咁。
法治社會,警察係執法,不會喬裝犯法,更不會行私刑。
而香港人,一向都係利益掛帥的順民,自己顧自己,無福利,無醫療,為自己及下一代打拼。

就係自己顧自己,自強不息造成香港成為昔日的東方之珠。因為肯學,肯捱,肯砌。

全球化令到所有或絕大部份的developed countries都人浮於事,向上游無錯係難左好多,但係唔係代表可以火燒大平地,start everything from scrap? 有一必有二,今天你打爛人地D野起家,明天人地打爛你D野起家,不論誰是受害者,角色如何,香港的土壤已變質。已同英國美國等等接軌,英美等等開槍案唔係亂槍的話,根本係無報紙會有興趣,而去到黑人區/治安差的區,俾人搶野係要預左。

所以星加坡同埋中國的鐵腕統者,有其好處,亦當然有其壞處。

如我輩中人說,唔鍾意,離開會比較好。

可惜是香港年青人並沒有本錢去離開,亦不打算離開,造成「無野好輸」,甚至攬炒心態,你D資產跌5成我0 X 50% = 0。這對於整個香港都不是一個福祉。如上說,今天你攬炒人,他日人攬炒你。沒完沒了,無休無止,真正係「番唔到轉頭」。

小子十分好奇呢個現象,從有限的sampling size 下,發現他們認為係無享受03年後CEPA/自由行等等的好處,但要硬食高樓價高物價等等,所以心中不太HAPPY (利申,真係有限sampling size, could be biased)。自古以來,商家佬都係行先,high risk high return,你睇下178莎莎蝕到息都唔派

而以上種種都要自身的觀念不同,而又加諸別人身上的結果。
如果大家約制自己,不要將觀念強加於人,甚至實行以損害別人的利益,其實件事唔會攪到呢家咁亂。

香港永遠是中國的一部份,歐美等國都只是當香港是棋子,沒有利益,便會棄如敝屣(亦即CONDOMIZED)
而種種革命的開端,是本國國力最衰之時。
觀乎中國GDP的下跌,可能是turning point,但要衰弱到俾人割地,客觀講,藍絲話齋炸Q左你香港都仲得,呢個係合乎國情,亦合乎14億人民的口胃。
你起海水化淡都係無謂,將高污染行業起係羅湖你便GG

香港的歷史,好不幸咁講,都係在別人袴下生活。英國佬下的華人與狗不得內進,到呢家香港係中國的一部份。負面D講,係一X樣。(當然外國玩政治叻咁多,夾硬來但唔會令你太HARD FEELING,搞順民政策一流,中國人就無呢D手段野,而且一個市仔,中國領導人唔會俾咁大面,全國自治區都咁多個,個個都作反真係亡國都似)

但其實係有分別的
樂觀地看,過多1-2代幾肯定沒有香港人中國人之分,大家都係講普通話,你接唔接受都好,呢個係大勢,唔接受的,如上所講,離開對自己會好D,如果用全力反攻大陸,我諗真係計下個risk/return

至於今天香港明天台灣?
鬼打鬼永無發達,我唔敢斷言台灣必死,但作為反共基地,先滅國民黨,才有反擊的本錢。
所以國民黨必要死才有其他野可以再講。其他的,真係無crystal ball

而進一步,小子想大家睇下呢一篇,了解少少中國人處事的手法。

真話達人羅家聰 金融分析 將核突嘢真實寫出來

羅家聰呢一篇訪問很值得大家一看,而且要持平的立場去看。

1.     中國的統治便是「先聽話,後講條件」

世事難料,從來只會在財經版讀到他的分析,想不到有一天他自身的故事會出現在國際報章,還要是頭條。10月時,羅家聰於工作14年的交通銀行「被離職」,本月初他接受英國《金融時報》訪問,始爆出離職真相,「交銀認為由香港人代表中資銀行發言並不適合」。他直言,中資銀行開始改變在港行之多年的策略,正逐步清除聘用港人甚至本地青年。

他作為銀行分析員,可以「分析」的空間愈來愈細,有些關於經濟的「真話」不能講。白色恐怖瀰漫金融界,受影響的不止分析範疇,簡單如處理人民幣買賣,也須政治正確。羅家聰說:「好多銀行即使看淡人民幣,你也不能大手沽,一定要買入,你沽就被人照肺。你愛國你就要買入,非中資的也要畀面買。就算外資也不敢對抗,他們未必好聽話,但都不敢打對台。」

不是嗎?我們中國人教小朋友要聽話,有一些ground rules要守。而西方教的係「為自己的決定負責」。爬高仆死,中國人第一個出來接住個小朋友,而鬼佬就濶佬懶理。係唔係咁?大家心中有數。

2.     先對內,後對外
他直言,「你畀中共管得耐,管到個腦有啲變了質。點解這些不能講不能寫?其實有乜問題?我沒講過推翻共產黨喎!」他說,香港以前的外資行尺度很闊,可以把很多大陸不中聽的經濟分析寫入報告裏面,「以前敢唔敢?敢。現在敢唔敢?唔敢」。
「在銀行做分析師,跟你們傳統媒體一樣,都是喉舌,所以共產黨一定箝到實。共產黨對所有喉舌都當成宣傳一部分。」社會較常關心記者的言論自由,疏忽了分析師的言論自由,原來更早時已危在旦夕。羅家聰怕我聽不明白,再補充一句:「所有寫嘢講嘢的人,他都覺得你是喉舌,你覺得你自己唔係啫!」

國共內戰在對日本仔的時候都可以唔打,先打外人。香港人覺得貿戰無問題,其實呢家係打緊仗,只不過玩緊無火煮食咁解。而熟知中國國情的人都會明白,中國係「唔會容許」香港作為反共基地,雖然大部份香港人覺得唔係,但只要領導人覺得係,你便大獲了。
無錯,係好冤枉,但中國人係咁,如上面筆者所講「香港的歷史,好不幸咁講,都係在別人袴下生活。英國佬下的華人與狗不得內進,到呢家香港係中國的一部份。」

3.     香港的最好出路便是差異化

如果時間可以回溯,他說有些路就不該這樣行,「最好的,是一開始時,香港就做番香港,做一個國際化城巿,別只做大陸生意、紅色資本生意,我們應該五湖四海去做」。 他說,很多銀行每次見客,見的都是大陸客,「你一唔聽話,佢就一鑊蹺起你」。即使旅遊業也一樣,香港以前明明很多外國遊客,「但我哋睇唔起人,覺得他們做不成大款,不會動輒有五六位數字買嘢。現在一有事,大陸沒遊客來,零售咪棟篤企」。而政府也上了這條船,「政府都係咁啦,水買他的、食物買他的,所有嘢一鑊蹺起」

可惜,it’s past tense already。回不去了。等下個高峰再會有新差異化的,要10年後吧。

4.     香港人要習慣新常態
他直言,在銀行做到中後期,大約佔中那段日子以後,已經覺得自己在浪費青春。一來是工作模式太熟習,開始覺得沒得着;二來是佔中後,很多空間加快收縮,「佔中後至今5年,我嘥咗我人生最黃金的5年」。他試過搵工,想跳槽,「2014年歐資美資巿場都好差,很多人出咗嚟,一直等想入番去。稍為有好少少的職位,都爭崩頭,每次見工,同你爭的不是香港人,對手是新加坡和倫敦的人」。

正所謂「在風口的豬都會飛」,N年前中國開始起飛的時候,香港作為中間人,真係有這種機遇。但事物會平衡番,換回來的便是小農DNA 。再加上人家做起便唔會再依賴你,而D屎係會由你下一代食番(所以Z世代先會咁反感,我等80後老野,算吧啦,都係歸入收成期架啦)。遲D所有工種都會係咁competitive,全球化只係將模式由hardcore mode 調去hell mode

5.     事實上是好差咩?香港從來,到呢一刻為止都係一個福地。衰在香港人係好勁的識應能力,唔係講笑,真係比小強更有生命力。住200呎都可以笑住口面的,仲可以自我感覺良好的,怕且普今世上,唯香港人獨有。

從一個經濟分析師的角度看,他覺得香港「唔係好衰」,「零售餐飲差一點而已,但overall只是縮幾個巴仙。第四季會差過第三季,現在負三(第三季GDP按季跌3.2%),第四季可能負五、六。但明年第一二季應該差唔多,不會更差。」末日博士沒睇得太淡,跟政府的算盤有差距。他說,只有國際環境衰退,才會拖累香港,原因是本港經濟的主命脈是專業服務,「出面衰才會跟住衰」。他反問:「現在樓價唔點跌、股巿唔點跌,點解?因為唔太衰囉。」

香港唔太衰,人又走唔甩,便留港好好生活。羅家聰遙距念書,剛修畢第五個學位,那是英國利物浦約翰摩爾斯大學的天體物理學碩士課程。我問:「你讀書為乜?」他答:「學嘢囉!認識宇宙呀!」

咁認識宇宙之後呢?「繼續搵錢生存,將核突嘅嘢真實地寫出來,做一個分析評論員囉。」他忍不住口,再補充一句:「我現在寫嘢多過你,一星期寫好多份報紙專欄。共產黨搵我做訪問,我都會做。」

筆者樂觀地認為,現在是黎明前的黑暗

邱騰華質疑黃店大排長龍能否持續 「邊啲人去分邊間係黃藍?」

再批「黃色經濟圈」 邱騰華:令社會難以復和

商務及經濟局局長邱騰華今日接受無綫新聞時訪問指,聖誕假期連日商場有人鬧事,會令本地消費、連帶就業均受到影響。邱騰華在訪問中再次批評「黃色經濟圈」的概念,「當社會面對咁大困難,我哋再以這種方式去自我劃分,係咪能夠復和呢?」

邱騰華指出,商店可以支持不同價值,「如果一個社會,我們用的經營模式,是政治理念先行,我的問題係是否能夠持續。當社會面對咁大困難,我哋再以這種方式去自我劃分,是否能夠復和呢?」

其實黃色經濟圈係copy緊共產黨的一套。例如藝人不是護旗手,不可以在內地開SHOW。例如,一帶一路下如果有國家對中國內政說三道四,會被視為不團結。例如,NBA/Ozil 事件。又例如CY話打壓蘋果的廣告 (呢家到TVB俾人搞廣告,只係CY 的打壓係上而下,叫商家唔好落廣告,到呢家係某些市民罷買TVB出現的商品)

而黃色生活圈就係迫令市民歸邊,迫使以往在風口上的豬企番落來,貼地的為市民發聲及re balancing
而到最後,都係會認同自己係中國人而兼且係香港人。大家會知道個balance point 係邊度,不是一味向中國傾斜,同時間亦不是一股腦兒的民粹。

只是時間上可能要10年先可以,而某些事件上,上位者要同人民compromise。搞得好,黃金又十年,搞不好?我相信it’s on track

熟讀中國歷史都知道立完功,功臣先會俾人清算。明未?

最後RECAP
建制者,高官者,家人都是有外國PASSPORT,又何嘗不是賣港之人。
而泛民者,叫人衝自己鬆,2014年後已係咁。

等收成波等等處於收成期的人離開左,香港才是真正回歸。
只有人心所向,才能找到自己的定位。

推翻中國是不能,亦不必,唇亡齒寒。孤兒仔去左保良局將來做到特首的痛苦怕且都唔係個個頂到,何況萬中無一。無必要先考第尾再拎進步獎,你估你係阿仙奴咩?(利申:小子係阿仙奴長期FANS)

借用霍景良的一句:香港係借番來的地方, easy come easy go, 由呢一代開始先有香港人的身份認同 (上一代總係買個保險搵夠走人,但係在Z世代係賣港,係炒高樓價俾屎佢地食,但換轉睇呢?如果我出世遲10年,呢家BIG 4出來的話有無咁順風順水同埋可以買樓咁平? 好大機會係會困難左,有怨氣都係可以理解,但每個年代都有其難處同機遇,無必要PICK 一件事去無限放大同闡述,而如果我地再早出世10年呢?上左岸? 點解咁多人未上岸?因為個一代都有其難處,正如上一代的家用係60% 以上,呢家?20%? 成個社會未夠有錢,機遇一來,都係無必可以上到岸)。

樂觀地看,香港人長遠會找到與中國接軌的一個方法 (因為好多都無得走,有sense of ownership,而呢個ownership 係要同中國溝通先再會得到一個中庸之道亦恰如其分的身份)。

各位尚且不必分顏色去睇成個佈局。香港作為一個金融中心,有外國來投資,有外國勢力就係肯定。但係中國都投資唔少,又係宗主國,有手影係唔係應有之義?
但有手影同成日出手又係兩回事。
不戰而屈人之兵,政府/政權有威信只需要訂下紅綫,設下機制,人民大多不敢逾越。


2019年12月18日 星期三

貨尾單位

小子上星期襯有少少時間,睇左呢個盤的貨尾單位

呢個盤其實唔錯,小子認為以發展商的實力,無必要俾呢個PLAN, 多謝政府空置稅迫到發展商將D貨推番出市場。

發展商PLAN 如下:

1. 放低15%, 住4年免差餉地租

2. 可以放低3%/年,玩多2年唔駛上會

3. 6年後就自己搞掂上會





















個盤最細的單位都9XX 實呎,可以定位為中高端的換樓階梯。如果10分鍾車程內旳MTR盤想UPGRADE 的話,其實係一個靜中帶旺的選擇。

至於價錢,講緊20000-26000/呎

20,000/呎個隻係下行覆式,對住大埔仔邨係暗左D,相比起一層過的APARTMENT 同埋上覆,係真係差左少少。

同比同系的港島盤,雖然叫價不菲,而亦都無咩水位,但自己住來講係真係幾舒服下。

APARTMENT 就理應無咩升值能力,叫到900實呎2千幾,隔離MTR 上蓋講緊有錢找。

唯一可以有機會發圍的係因為全屋苑的定位係比較多屋仔,而屋仔的定價往往理應係好難做PRICING,呢家同APARTMENT都係24K/呎左右,將來賣哂的時間,MISPRICING 係有機會做到有雞偷,至於偷雞唔到蝕唔蝕把米就閣下自理。

以呢個發展商的用料及出品皆上品,如果無空置稅下,理論上齋坐貨坐番佢幾年都應該唔駛輸,今天佢仲要俾埋個靚PLAN 你食胡。

計及先放低15%,白食白住免差餉地租管理費4年,以2%的RENTAL YIELD 來計,回番8% -10% 俾你,而係NET 8%-10%。即係你只要俾5%,便可以"睇4年" (我講賭4年),第4年無事的話,你的成本係5% 樓價+印花稅。

以小子睇的2XXX呎上覆來講,只要間屋升到6% 便可以打和STAMP + 賣出佣條數,以數論數係有數得計。只限"賭升跌",因為差餉地租管理費加埋的話,絕對超過2% 租金收入,6年之後賣唔到便頭都痕埋。


2019年12月12日 星期四

一百萬的問題

 一百萬的問題 (A Million-Dollar Question)

剛剛收到樓下的一個全日制K1的OFFER,呢個OFFER 值100萬

3個小朋友,12萬一年X3 = 36萬,K1-K3 總值108萬,未計及通漲及N班。

然而,這個決定只係一個HAPPY PROBLEM,亦唔駛太多時間去決定。

小子是本土名校出身,相信有爬文都大約知道。但是學唔學到野呢?我覺得還是OK,反正千金買屋,萬金買鄰,同學的質素係好重要。回想起當時真係無咩點讀過書又碌到過去,到中六中七開始讀時又太遲,入唔到神科 ,其實仲好,我呢家打針都怕血,當時係諗住可以幫到人,但出到社會都發現有好多野唔係只係睇一面,例如幫人,你捐下血捐下錢都幫到人,思維其實係立體而唔係單一性的。

至於出到來做事,最重要係自己學習及解決難題的能力,亦即係自動波。
而你在大學讀的,中學的PHY CHEM BIO 其實都真係無咩作用。

出來講野同埋寫文等等的廣度 (其實都唔係好"廣"),主要係靠自己不斷閱讀,學習同埋思考得來 ,這正正係西方教育遠比中國教育好的地方。傳統教育著重背誦,抄寫,操練,這培養到小朋友的刻苦,同埋堅毅。但創新方面亦有所欠缺。

而靜靜地坐下時,基本上再做少少FACT CHECK 去肯定一下成件事的LOGIC FLOW,再加上下一代都有自己的路要行,敢於創新同埋RISK TAKING 從而自己去找個答案其實係好重要,所以,結果自不待言。

下一代小朋友好大機會於世界不同地方發展,呢幾個因素亦好重要。所以it's an easy decision.


2019年12月2日 星期一

寫在2個星期前 - 又推人上車

呢篇文其實係IN BOX 都有14日之多

無錯,小子又推L左人上車啦! 哈哈!

今次係中學師弟M 。

不成文行規,D經紀其實好"賤"的,如果你買到筍野同埋靚野,佢地會游說對家老撻,打鬼電話等等務求搞散你單DEAL,都唔會俾你得手,如是者最受害梗係業主同買家啦,買家又買唔到心頭好,賣家唔好以為無影響,得罪AA 係好L麻煩的一件事,一單DEAL,如果AA 企唔企你個邊都已經爭好遠。仲要暗中射盤撩散人的陰質招數等等,防不勝防。

有別於過往的POST,因為世界好細小的關係,我唔會開單位了,此帖文係恭喜M在風雨飄搖中出手買到心頭好。

件貨由最初11XX 的價錢,臨尾減到10XX,再俾小子夾個相熟AGENT 夾多幾十收貨。(P.S. 相熟AGENT都俾我推左上車,今年係TG 最勁個幾日買左件3房,所以呢張人情牌呢,係有得用.....小子都成日笑佢,吖,我推你簽名個下值100萬啦.....)

筍唔筍見仁見智,但係師弟鍾意件貨,住得開心就情刻無價。

再一次衷心恭喜師弟進駐海怡做業主。


2019年11月20日 星期三

鹹淡水魚

小子好鍾意食,食到肥屍大隻,特別鍾意食魚,仲要自己整魚食

鹹水魚如東西星,紅瓜子,黃皮老虎等等,特別在鵝頸橋底個間買D靚海魚(仲有得食海蘇眉,呢家係領有牌照先有得賣)。

一般海魚都有養殖,如老虎斑等,但一比就知食味有好大差別,D肉特別削D,更唔好講有深海魚個種魚油同埋層皮,大如龍躉可以用來扣斑尾,好食!

淡水魚亦都有上等貨,梅菜蒸鯇魚做得好食,撈飯食直頭食到唔停口,鯪魚滑煎釀三寶自家制少油又有風味......

不過小子真係好少食淡水魚,原因係真係污染得好緊要

15種鹹淡水魚含更毒PFOS


咪住....係唔係俾人HACK Q 左個ACCOUNT 呀? 我睇緊D咩?

但係咪住,有無鹹淡水魚係街市賣呢? 其實市面上好少得食,多作觀賞用

https://www.aquariadise.com/6-brackish-aquarium-fish/

香港人就好似鹹淡水魚咁,不過本身鹹淡水魚是但放養純鹹水或者純淡水魚都生存唔到,但人唔同,華洋共處,放兩邊都死唔去。但係有個副作用就係所謂兩邊都不是人。所以只有好似步步友咁狂鞭猛進,令到兩邊都敬重同埋學習,才可以佔世界的一席位。

鹹水魚如果比做外國的話,外國的價值觀是創新,科研,創業,相比下鮮有買樓收租做地主,發展中國家如德國的租客保障更大得令人咋舌。而2019年十大首富入面,Amazon, Microsoft, LVMH, Facebook, Zara, Google, Bloomberg, L'Oreal......

呢D都係面對"世界"的巨擘品牌。

西方價值就好似海洋咁,最大條的海斑,食味最好的,絕大多數都是由海洋中獲得,無他,面向世界。

而中國方面呢? 有土斯有財,根深柢固,中國有紅二代,官二代,仲有拆二代。

一塊地的賠償,足以買起10間,20間新樓,從此生活無憂,是以內地的房地產業仍舊是最大產業的原因。只因為保存財富之故。


https://top10bikeguide.com.tw/renwu/fuhao/shishi.html

排名名字年齡財富值財富來源
1
541490億美元亞馬遜
2
62938億美元微軟
3
87823億美元伯克希爾-哈撒韋公司
4
69812億美元LVMH
5
34796億美元Facebook
6
82738億美元Zara
7
78647億美元America MovilSAB
8
73593億美元甲骨文軟體
9
45548億美元谷歌
10
76533億美元彭博社
11
44532億美元谷歌
12
82511億美元美國科氏工業集團
12
78511億美元美國科氏工業集團
14
65490億美元歐萊雅
15
61463億美元印度信誠工業集團
16
70421億美元沃爾瑪
17
46419億美元騰訊
18
73419億美元沃爾瑪
19
68418億美元沃爾瑪
20
62417億美元微軟


不少人都追求自由,外國的價值,可能去移民,洗錢還好,但如果去打工,真係頭都痕,同香港唔同PACING,但下一代能夠擁抱價值觀下,魚唔過塘唔肥,過到塘更加不得了。

能夠食兩邊茶禮 , 或者禮貌D講,"WE CONNECT" 到兩邊的小粉紅,其實係比較吃香,ABC+京腔,熟知兩者文化差異,吃得開自不在話下。

停一停........小子兄,咩"小粉紅"? 唔係講緊香港人咩? 是的,係小粉紅。1980-90 年代,中外貿易靠香港呢個中轉站去做,玩配額,玩加工, 造就香港不少廠佬富豪。到2010年,加工市場都轉左去越南,柬埔寨,金邊,泰國等等東南亞地方,香港自不然無呢個優勢。

但做左資金流方面的中轉站,人民幣國際化,內地公司香港發債,上市等等,在國內方興未艾,雖然會計制度及知識等等在2000年後已追上香港,小子見普華永道 (PWC CHINA)的AUDITOR 有不少功力比土炮三大的會計畢業生勁 (小子呢D三流會計師更不休提)。

而呢一代的受惠者,是小粉紅,不是香港人。香港人在內地,10年前仲係好吃香,到呢家應該好麻麻下,筆者朋友在內地都對香港的事件唔高興,先不論黃藍,唔好講大家資訊流唔流通,得不到中國人人心係一定。

未來的路,容許我講,係比較艱難的。

而香港作為鹹淡水,其實係小粉紅的絕佳生存地方,是以中國政府大力加強在財產中的控制權及經濟方面的話語權。
我們可以見到的將會是中資加快TAKEOVER 港資,而在小粉紅充斥香港下,下一代做下個小粉紅的機會還是有的。不過有D核心價值係要GIVE AWAY,值唔值得就見仁見智。

這是一個艱難的時刻,風雨過後還是有彩虹。

然而,好多朋友都問小子,點解香港政府做得咁差?小子傾向係"那個女人"叻唔切衝出來X,而中國無計可施下,唯有力撐,始終國家的完整大於一切。(搞串左台灣個PARTY其實佢死100次都唔夠賠)

其實小子認為最正路的做法,早10年已經做緊,亦做得很好,香港人好多都驚訝中國的發展這麼快。小子當年去國內exchange,10 幾年前人地地鐵都係得3條綫,早幾年同太太番大陸,嘩, 24條。而我地香港仲係啱啱先起完港島綫延線同南港島綫。

好多香港人亦都學習緊中國呢一套,亦唔介意亙相讓利,捂住一D良心,多一D愛國。幾多後生一代去飲喜茶,玩抖音,睇我是歌手,反觀香港TVB? 除了翻播之外好像無大作為,青黃不接。

文化的改造,等於魚生存中的"水"的改造,中國其實做得好啱,只係做得太急進,令到香港年青人反感,做不到"溫水煮蛙"的效果。再加上當今政府做得太核凸 (你睇下曾鈺成,唔係俾影到個朱媛,佢真係完美示範推左走右,政治家之名當之無愧),所以引來巨大的反響,將前人20年的功勞盡毁,"那個女人"真係大大鑊。

小子亦相信成立獨立調查委員會交人頭係事在必行。證據周圍都有,交出幾百個,幾千個人頭,能換來香港政商平民團結平息事件,點睇都係最有利,而外國政府的所謂幫助,亦是推動其查警暴的推手,但其他要求如831框架外的普選,真係睬你都有味,呢D基本法寫到明俾,但無話幾時俾,好似賭仔咁,有錢咪還囉..你真係吹佢唔漲,叫人收數咩,佢話我無話唔還喎, 你無得揼佢的。

死人的, 一手推哂去警察度便OK,加幾件問責制官員辭職,50% 人收貨便OK,唔駛100%。(你睇下理大事件便知,人少的話,唔會理你)
好似政府咁講,平息左事件先。事在必行就一定,如果讀者當中有FORCE的人,真係要小心,留多點證據證明,執法時留一手,免得到時俾人清算。

國家利益大於地方利益,亦大於個別人民及族群的利益。

小子睇法:
如果REWIND 由1997年開始,最好就係輸入極高智商同PACKAGE 的人入香港,不斷將香港的人average 質素提高,做個好的模樣俾國際同埋台灣睇,一國兩制係幾咁成功,將天朝大國的風範展現出來,令到1997年怕回歸的移民華僑都揼心口,先係最成功的演譯,不過可惜,共產主義同資本主義係iOS 同Android 機,撈埋係會死機收場的。所以......你明我講咩的。(唔明可以睇番"紐倫港")

但鹹淡水係唔會改變的,買港資產的人可以肉身不在港,請準備移民的您您您,不要那麼輕易地清倉出貨,97年移民個班已經完美展示左個下場俾你地睇:悔不當初。