2018年11月1日 星期四

出租樓宇注意事項

有網友近日收歸左物業以作出租, 問到小子點樣搞租務事宜, 小子多數係佛系收租佬, 略略談下, 睇下有無高手補充

1) 出租物業時, 切忌叫價進取, 因為好多租霸係無諗住交租, 而叫價進取多數一係新裝修 (自抬身價), 作為租霸當然揀個新裝單位去住得舒服, 反正都唔交租, 你叫多3幾千, 對佢地無意義

2) 一定要同租客見面, 同佢地傾下計, FEEL 下係唔係正常人, 其實香港欠租率好低, 租霸更少之又少. 人係一個好奇怪的動物, 見工同租樓俾人一樣, 一眼望一望, 講幾句大約知係唔係同路人, 如果你係心善的話, 你遇到的人, 會係ALIKE, 好唔科學, 但係呢個係堅的, 近朱者赤就係咁解

3) 了解下佢做邊行, 同埋傾下工作. 順便了解佢地係唔係負能量人士. 談吐絕對係了解一個人的性格及遇事的處理方法. 如果一個人工作有問題便RESIGN呀, 攬炒呀等等, 或者口中好多怨氣, 基本上, 你俾層樓佢, 佢係唔會好好愛惜你的樓, 幾平幾貴租都係無用

4) 了解佢點解租樓. 呢個可以同佢SOFTLY 咁傾, 都係個句, 大家關係對等, 你可以站係佢立場問下佢, 好似小子個海怡租客咁, 係沽左樓等移民, 講到明住5年左右. 此其一避免係租霸 (供斷左沽野走人, 成10M 在手, 佢一定唔會攪事), 二來, 知道你個佣係俾一條約吖, 定係下年又係會走人

5) 了解佢鍾意你個單位D咩...可以係裝修, LOCATION, 價錢等等. 直觀地已知及推測到咩原因佢地會唔租 (可以係搵到平過你, 可能係小朋友入學, 等等)

6) 記住先過數, 後俾KEY. 因租霸好鐘意FRIDAY 俾票你, 等你彈票收KEY 入去往, 到時無仇報. 一定記住, 先收票, 後過數再叫AA 放KEY 俾租客, 大家平等關係IN GOOD TERMS

7) 記住客氣同埋有同理心, 租客係唔希望你打攪佢, 你做業主都係. 小子多數同租客講, 如無意外, 唔會加租, 但係有要求就係我先執好個單位俾你, 你無咩意外唔好打攪我, 但如果有壞, 我係會即整 (好多業主就唔同, 話我好地地俾你, 壞左野扣按金, 唔同你換等等) 其實你層樓仲貴過D傢私, 唔好本末倒置, 反而大家一早講明, 均均真真, 多數OK的都係正常人, 因為租客都唔鍾意你無啦啦加租迫佢走, 亦都唔想破壞大家關係. 中國人係講關係的.

8) 盡量唔好租俾公司客. 因為公司要查SEARCH, 如果租俾SHELL COMPANY就好煩. 不過多數公司都唔係有問題, 純粹係我唔鍾意而已

9) 盡量租俾家庭客, 唔好怕佢攪你的裝修, 家庭客一般係留耐D,常識

10) 放賣層樓前好同佢地單聲 (如果), 因為都係個句, 人家簽唔簽交吉影響到你VALUATION. 不過小子未試過連約沽, 亦好少沽野.

完事後小子多數私人俾1000 AA, 因為你愛惜佢地, 佢地先會幫你搵好客, 錢, 係用來駛
不過99% 人都係唔會咁做. 覺得俾左個幾千蚊佣係應份, 但係佢地都係收3K 左右
呢個係個人PRACTICE 而已
人同此心, 如果你老細對你咁好, 你會唔會想搞串個PARTY?

20 則留言:

  1. 其實放樓出租,依家都好方便,如透過facebook 等網絡媒體,可以免佣,但可能就麻煩少少,要自己寫合約~~~~~~~~

    回覆刪除
    回覆
    1. 可免則免, AA有其功用, 幾千蚊少不了
      小子最怕上網放, 唔係怕煩開門咁簡單
      係人品無保證

      試想下, 如果租客玩野, 那在中原DATABASE 已有佢大名, 基本上在香港已好難立足. 你估中美利港無DATABASE FOR 租霸?
      反正細行出事率係比較高

      刪除
    2. good, 不知香港佣金是多少?

      刪除
    3. 半個月租金, 兩邊都要俾

      刪除
  2. 沙發!小弟同快兄思維上真的是很夾。小弟的佛系收租原則是[懶]。由於要懶,所以對經紀一定要好,對租客都要禮禮貌貌,互相尊重。

    無論物業交易或出租,都會事先聲明,成到雕,都會給經紀利是仔一封,等佢地開心下。交易同出租亦一定搵同一間行。而且,仲會千叮萬囑,平些少不要緊,最重要不會是租霸。所以,經紀大哥大姐要俾小弟踏蕉皮的誘因極低。經十幾廿年經驗的經紀大哥大姐認真篩選過,到家下(除了那位慘到老婆走佬的租客外),總算無穿無爛。如果萬一那位租霸連十幾廿年經驗的經紀大哥大姐都騙得過,咁算小弟唔好彩了。

    有關簽約時的閒談,小弟特別鍾意租客問我地會否有出售的打算,一講就知這個租客有8成機會完成2年租約,甚至長租下去。

    回覆刪除
    回覆
    1. 三兄都係資深佛系收租佬

      小子不成文規定, 一定俾
      所以AA 們都幾鍾意小子, 同埋我一出聲唔LIKEY都係合理野, 對事不對人, 無HARD FEELING
      海怡個租客, 直頭個AA 話: 喂你收唔到租入我數
      講真, 咁都欠租, 應該係佢俾人炒, 那你放佢走便可以, 唔會間屋俾人大肆破壞

      刪除
    2. 有關簽約時的閒談,小弟特別鍾意租客問我地會否有出售的打算,一講就知這個租客有8成機會完成2年租約,甚至長租下去。

      --> 同埋問得一定係實在客, 同埋俾上手業主不留情的對待過. 如果對佢正正常常, 根據經驗, 兩條約係基本

      刪除
    3. 在快兄面前豈敢說自己資深。收租得來,皆大歡喜,自己又無穿無爛,就算功德完滿了。錢不能賺盡。
      太太常說自己是甚麼人,身邊就會是甚麼人。阿Q來說,對人好些,惜福惜緣,得道多助!
      大家同是佛系收租佬,共勉之!

      刪除
    4. 三兄, 你有三舊大磚頭, 唔知計唔計自住...如果唔計已有4間, 未計大灣區....
      怎能說不資深?

      刪除
    5. 小弟純粹神推鬼㧬,又有一些際遇。
      如果真係資深,就應該寫得出快兄這樣仔細的收租技巧文章。
      但小弟肯定寫唔出,所以都係睇文學野吧!

      刪除
  3. 我都覺得應該同啲租客以禮相待,大家並不是對立面。而家我的租客都好好,有時我都唔會理佢幾時交租,因為我唔記得咗每一個交租日,個個不同。但係呢佢只要遲一日呢,已經whatsapp你話唔好意思唔好意思,我去咗旅行呀!或者唔記得咗呀!我要即刻交返畀你㗎啦!咁樣囉😁😁。 so far只係試過有一個車位租客,明明收二千一蚊一個月,佢唔知點解轉咗二千蚊過嚟,少咗100蚊,跟住我提返佢就交番囉。感恩🙏🙏
    退租嘅時候都執得好乾淨畀返我, 非常有交帶。 整爛咗窗簾又肯賠錢

    回覆刪除
  4. 實用好文。推。

    想請教,有租客願意一次過先交半年或一年租,但想平少少租,通常你會點處理?我本身都係怕煩,所以會傾向一次過收。想問咁做有無咩壞處要留意?

    回覆刪除
    回覆
    1. 多數交1年我都俾10% DISCOUNT 佢

      刪除
    2. 我用過28Hse,真係乜人都見識到架,同埋一日自己要約十台客的話,有苦自己知! 所以依D錢唔好慳~
      由地鐵站再帶過黎上上落落,依個早到另一組又遲到,依個嫌依樣,果個嫌果個,其實都唔係易事黎...

      刪除
  5. 真是好文,见到这么谦虚的业主,正能量爆灯,看到都开心!

    回覆刪除
  6. 謝謝小子兄分享如此實用心得!有時出租做法都好個人,小弟經AGENT同放上網2種都有,放上網其實有時會更快出租同租金可能較理想唔定,而租客質素其實差唔多,當然都要視乎閣下有冇咁GE收租命啦;憑經驗,AGENT偏耐先搵到客,網上搵普遍快D,可能消費者心態想慳返D佣,基本上一放上網即有人MSG你,即睇即租,未裝修好或舊租客未走就預租都試過,煩唔煩就睇你點睇,不停有AGENT打黎其實都好煩,當然都有D方法可以隔一隔渣同埋減少白行的機會,可能因為自己時間較易配合,所以我都幾鐘意網上放租,講多少少其實係因為有時放晒附近大部份地產鋪成個月都冇人打黎還價(非淡季),求人不如求己,把鬼火自己上網放,點知極快出租,租左後先有agent打黎還價,我都好想比生意agent同煩少樣,但冇計.

    回覆刪除
    回覆
    1. 等小子如果有時間的話, 試下先
      人生在世, 咩都試下
      可能多D靈感可以寫下BLOG
      謝謝WONG MJ兄

      刪除
  7. 謝小子兄!呢篇要 Bookmark!
    托賴自己兩個租客正正常常長住,希望有排都唔使用到呢篇 :D

    回覆刪除