2018年11月6日 星期二

明淡實好

尋日去左某某INVESTMENT SEMINAR

星級嘉賓有湯文亮博士

















































湯生係小子一個十分尊重的人, 因為以佢的身份, 身家, 佢大可以收聲唔講, 唔駛講咩細價股爆煲論俾人恥笑

席上, 湯生講左幾個點, 我都盡下責任分享下

1. 香港東方金融中心不可取代, 貿易戰後更為明顯

2. 樓價現水平再跌5-10% 便有支持力

3. 明日大嶼及造地乃係遠水救近火

4. 要收回棕地及球場及郊野公園, 可惜動不得, 阻力很大

5. 利好因素包括: 國內資金買起港樓, 佢話唔知點解北京上海等等大款都愛買一間香港樓 (小子: 無他, 身份象徵)

6. 利淡因素包括: 加息 (財仔高息按), 小子注...7% 息....借80% 你買埋佢....真係買有幾多人?

席間湯博士再話其實佢唔係淡友, 因為佢一向都係咁睇, 只不過有時比市場悲觀, 就俾人叫大淡友

呢個小子係好同意, 記得2013/14年小子有幸見過佢真人, 口痕問左句買唔買好, 佢都叫我等2年

結果小子係無等, 無忍, 反而係狠狠地出手

在此為博士澄清一下, 因為大家的"細價樓"不同, 佢千金買紅山半島, 2000幾3000萬一炮過, 呢D叫做正常

佢亦都言行一致, 不買細價樓, 當然亦無野可沽.

實不是一個淡友, 笑佢的人, 小子斗胆講句, 只係大家的定義不同而已

而佢都無沽野咁滯, 小子真係想講: 何淡之有?

15 則留言:

  1. 佢既逢三退一理念,應減持啲貨還其他物業既債, 或者換貨, 完全無錯。
    之前細價狂升, 可以的話, 係應該換成大單位的。

    只能夠話有堆香港人太可笑...笑完湯生, 笑汪總
    大家個思維,portfolio,錢包高闊深度都唔同, 笑佢地既人, 有咩資格笑?

    回覆刪除
  2. 小子是UBS客户?我早去可以坐到中间位

    回覆刪除
    回覆
    1. 小子代表公司出席活動而已

      小弟沒有USD 5M 的閒錢放係UBS 俾RM 舞來舞去

      其實, PB 最有用以處在乎MARGIN FINANCING (借爆推BONDS) 同埋可以買D奇怪的PRODUCTS

      可惜, 大部份RM都唔知自己SELL咩, 大部份客戶都唔會, 亦無KNOWLEDGE善用呢個平台, 買債買緊咩? L知.......

      真心說話, 有錢都唔好開

      Wall Street is the only place that people ride to in a Rolls Royce to get advice from those who take the subway

      Warren Buffett

      雖然倒人米係好L仆街的一回事

      刪除
    2. UNKNOWN 兄

      我應該比你仲早, 我5點到左, 係出面飲緊酒同埋ENJOY 緊200蚊/呎租的IFC 景色

      刪除
    3. 我5点前到左果度,食左只虾同饮左杯红酒,早知同你打个照呼,我开户口后都未交易过,急死个RM

      刪除
    4. 哈哈ANAN, 你呢D先係HNW CLIENTS
      我無資格拎幾M 美記開戶

      又一證明無必要串咀, 係咁二都有幾個BLOG 友有貨開U記戶口

      刪除
  3. 都係果句,口講無憑,其實一個人的心思你睇佢的行動才是真實的。

    回覆刪除
  4. 快兄,其實肯查資料都知道四大央行仲印緊銀紙,M2M3仲一支箭咁上。肯認真查下資料,都睇到就算中國對美淨出口歸零,對中國經濟來說只是2.X%GDP。盲到睇到貿易戰完全無些微(唔講零可能已經好保守)可能打爆外債佔GDP得14%的中國,同得35%的香港。盲都睇到香港中長期供應嚴重不足。

    市場無見過中美大打出手,就以為好大鑊。實情雙方邊打邊談,並非完全翻面。過幾年睇返,可能得啖笑。明淡實好之說不無道理。

    小弟這位傻到極點的佛系收租佬,又係時間出返去做野了。。。

    回覆刪除
    回覆
    1. 湯生回覆主持提問, 關於最好的投資時, 答道: 樓

      最好的投資機會是樓, 最差的投資機會也是樓

      看君自行演繹

      刪除
    2. 就連我媽30後都知要投資樓是hard asset !
      只有一些後生仔才以為新金融衍生可以使你發達 !

      刪除
    3. 不好意思,近排言論好火爆。。。
      但小弟真係睇唔過眼生果搵埋班演員出來,唱衰自己的國家同城市。97玩左一鑊,今日又想重施故技。講真,生果唱衰,自己靜靜地執下平貨就好。畢竟今次點唱極,都不大可能會爆。
      只好歎一句小弟修為太低,還未夠佛系。

      刪除
    4. 三兄, 不打緊, 本BLOG 可以暢所欲言, 可以和而不同
      買唔買樓, 唔同政見, 都可以講, 我又唔會DELETE COMMENT

      TO MATCH & ECHO WITH YOU
      覆巢之下, 豈有完卵?
      真係好奇怪點解D人想香港仆街
      當然, 香港人UNDER英國佬幾十年, COMMON LAW 行左咁耐, 制度上好過大陸, 呢家UNDER 大陸係好唔順條氣 (嗱我都開始政治唔正確, BUT I DON'T MIND)
      只可惜, 呢個世界無應該唔應該, 現實係中國係宗主國, You like it or not.

      同打一份工一樣, 你可以選擇做/唔做
      Take it or leave it
      而香港係佔中國GDP 2%? 講白D, 今非昔比, 已沒有以往般的話語權 (以前霍英東, 胡應湘, 李嘉誠等等幫手建設祖國, 領導人會睇下你頭, 請教下你; 呢家, 係無呢支歌仔唱)

      搞港獨? 有無聽過 "寧為玉碎, 不作瓦全"? 如果搞港獨, 中國渣正來做係合情, 合理, 合法
      EVEN 佢國運衰, 支爆等等, 都係會搞你, 無得避, 無得投訴, 呢家無限DQ就係咁, 中國係不惜一切, 甚至係俾人指責話剝奪政治權利終身, 都在所不惜係要消滅港獨於微時, 呢個唔係個人推測, 係中國/香港特區政府已經赤裸裸咁話左你知, 唔好搞我條界綫, 就係領土完整, 其他你幫人洗錢, 做生意踩界, 可以不理, 但唔好搞獨立, 因為港一獨, 台獨未到, 已有疆獨, 藏獨等等; 如果美國加洲獨立, 佛羅里達州又獨立, 你估下美國會唔會出聲? 西班牙加泰想獨立, 個領袖都俾人捉去坐, 要流亡海外, 可見呢一樣野係唔會有一個國家可以容忍

      政治永遠係污糟, 你看看烏克蘭? 沒有利用價值, 有人會理嘛?
      你看看台灣? 對美國有軍事及在南海佈局佔一席位, 又肯買軍火, 美國佬先支持.
      如果有朝一日, 中國肯讓利以收回台灣, 你估會發生D咩?

      唯有自強不息, 個人層面, 地方層面, 才不至於俾人蝦到上心口, 面係人地俾, 假係自己丟

      刪除
    5. 好榮幸, 國家已強起來 :)

      刪除
    6. 其實中國好, 大家生活都會好過, 而中國衰, 中國人俾外國人睇唔起, 只睇清朝未, 俾八國聯軍虾上門 !
      有人金融又唔精, 政治又唔明, 寫文章出來害人 !

      刪除
  5. 多謝谷兄文章分享,行動永遠都係最實際~~~~~~~~~~~~~

    不過講真,現在香港真的很兩極化,很大程度上是住房貴的問題衍生~~~~~~~~~~~~~

    回覆刪除