拔劍

呢個星期實在忙到不可開交, 除了要做兄弟之外, 最煩人的就係 - 我拔劍了

拔劍者, 在KPMGers 開始, K仔玩樂派理解為 - 辭職

好地地辭咩職呢?

其實由上個星期4開始, 小子已同老細HEADS UP, 講明我未簽, 但有OFFER 在手, 所以想先同老細打個招呼先做決定

呢個舉動, 係正常人眼中直頭係痴L左綫, 老細仲要問, 你去邊間公司? 全部都講得, 如是者, 同老細玩左3日, 最尾有COUNTER OFFER

問心, 係感激的. 我亦都同老細講, 我留下, 係因為你在位, 你唔撈, 我封信麻煩都攝埋一齊

老細一頭黑人問號, 佢話我走左你變CIO, 全公司頭3, 仲有咩好諗? 點解加20% 你唔留? 而且呢度無人會炒你, JOB SECURITY 100分, WHY?

其實, 小子係有一刻, 一刻心動過, 可惜我的答案似舊是NO, 因為, 如果老細幫我FIGHT到20%的話, 大老闆一定會對住條數狂捽, 對老細係一個DISADVANTAGE, 而老細話攪個"FUND", 其實呢個係小子唔係好想的, 小子根本無意思自己打隻FUND出來, 買ETF 好過買FUND 啦, 根本呢個IDEA係唔L WORK, 只不過90% 老散唔明, 仲係要幫襯基金

同埋, 買樓收租已好過95% 買LONG ONLY 股票/基金的PERFORMANCE, 當然有OUTLIER, 但係CAREER-WISE, 我真係無興趣做一個職業騙子

英國樓NET YIELD 8%, 你真係年年炒到8%? 

香港樓由2008年2M 升到7M,  CAGR 13.5%; HSBC 33蚊升到今日65 蚊, CAGR 得6.5%, 仲要未計LEVERAGED RETURN.
數字好少呃到人, 至少, 呢10年買BLUE CHIPS, 買HSBC 已跑輸左唔知幾多條街  

當然你話一注獨贏700, 或者當時爆孖展推維他奶 (小子識人5HKD 狂買, 係員工來的), 你又有無膽, 有無錢, 有無HOLDING POWER? 問心, 有無一隻股可以好似巴老咁持有10年? 有幾多香港人會咁做?

而小子亦都留足3個月NOTICE PERIOD, ENSURE SMOOTH HANDOVER

作為老細, 係要SOFT SKILLS, 呢方面, 老細係S 級, 無得輸的.

垃雜野等小子做吧.

希望有朝一日可以再埋班, 呢句都寫埋俾前同事 "L" 睇. 因為呢度出來的舊同事, 都係叻仔來的.

最最最賤係HR 話, 你同佢傾左3日但係未俾信, 我當你15/11 俾 (其實上星期已同老細講)

小子: 其實扣錢你可以跟POLICY 扣, I DON'T MIND, 我早講, 係俾面老細, 個1個星期的錢, 對於成件事係唔MATERIAL, 如果將來HANDOVER後, 新同事唔OK, 你ANYTIME搵番我都係可以, 如是者, HR 好無癮死開左; L話: 係咁架啦D HR, 上次RESIGN都係咁, 其實呢個正正係小子唔撈的原因之一, 頹, 等退休唔緊要, 唔好成日攪屎棍, 係好L煩架你班仆街, 如果我要玩, 一定唔係收呢個人工同你玩. DISCOUNT人工, 係換來安靜, 你明嘛?

 (昨天HANDOVER時, 大陸同事問小子, 有個CFO位你有無興趣, 你有OFFER怕且都無心機TAKE, 小子答番佢, NEVER SAY NEVER, 有機會請告知, 公司LISTED 的話俾個INED你收番2皮一個月又點話? 大家相視而笑. GOOD LUCK AND CONGRATS)

小子打工的宗旨係做自己BRANDING, 有時講笑笑下老細, 笑下同事, 係不可避免. 但有事的時候一定係義字行頭, 公司會消失, 老細會摺埋唔做, 但係人的WORD OF MOUTH, 其實係好有用的. 只要做到自己BRANDING, 唔會無飯開的.

當然, 打工為其次, 投資自己身上才是本業

承蒙 TAM 兄提起小子, 是的, 本年小子都係MASTER GRADUATE (但係PART TIME), 讀FT 係太得閒, 真心唔建議, 除非JD

一個人, 要肯去得遠, 才知自己會去到多遠

https://taminv.blogspot.com/2018/11/blog-post.html