2018年8月24日 星期五

旺舖養三代 三房住一世

物業投資者有一句好著名的講法: 一舖養三代 三房住一世

旺舖如羅素街, 尖咀廣東道, 甚至如元朗屯門大馬路等等, 一隻舖, 如果後人幾唔生性, 齋食都夠食你一兩世, 甚至提供子彈俾後人淡市出手番身

小子呢D窮一生都買唔到旺舖 (暫時睇應該難D)
至於三房住一世呢句, 又真係堅

一間三房套, 絕對係一個家庭的MUST HAVE ITEM
點解呢? 顯然而見, 一家四口加個工人, 呢家物質豐富的香港下, 唔可以好似上一代咁一個板間房住一家人, 72家房客咁

一個有尊嚴的居住環境, 對於一家庭來講, 兩公婆一間, 一仔一女各一間, 姐姐一間, 其實都係窄窄地 (4房住一世就差唔多, 或者三房一套一工人套)

不過三房一套一工人真係唔係一般可以負擔得起, 咁三房一套, 如果係一個比起2房呎價平的時候出手 (例如呢家細野24K@, 而3房因為LUMPSUM大而無人接得起的情況下, 呎價比2房同埋納米樓係平一大截, 而三房, 傳統來講係比2房應該要有PREMIUM, 如果財政情況許可下, 出手推一間3房都係一件有1-2間兩房的朋友應該做的事)

一間3房, 唔止係30-60 住咁簡單, 作為物質比上一代好的80後, 90後; 到你地老左的時候, 其實係可以等小朋友出身自己買間2房, 之後有個OPTION可以同佢調轉住, 你住新樓2房, 而佢住番你間3房, 當然, 如果小朋友可以靠到自己就最好, 但係如果到時個市係一個青年人負擔唔起的市況 (可能好多人話呢家都係), 咁樣調轉住可能都係一個折衷的方法

當然新世代有新世代的搵食方法同埋小子預期下一代香港人已經要過住周圍走去搵工的生活, 事關全球人口太多, 僧多粥少而香港得天獨厚的轉口港同埋中國窗口地住已經大不如前, 只淨下金融老千做殼上市可以叫做搵到下錢, 其他如物流業, 旅遊業, 同埋服務性行業都已不復當年勇 (你睇下前幾年做保險D人撈到風生水起, 靠的係咩? 大陸人的槓桿投資保單, 保期完左就合法打左錢來香港, 呢D叫做合法的走錢.....中間人食價都肥到著唔到褲咁滯)

所以, 因為能搵錢的行業不斷減少, 而係走錢EFFECT同埋富人遷移過香港情況下, 下一代香港人好可能已經守唔住自己的資產, 更遑論買間3房扎根
而來香港的新力軍, 唔好忘記, 人家係上面係住緊100 平米以上, 唔係100平方呎以上的

三房唔單止可以住一世, 仲係有其投資價值的

18 則留言:

  1. //4房住一世就差唔多, 或者三房一套一工人套
    香港連三房都缺,三房一套一工人套同四房是夢... 現在不停起一房同開放式,已經攪到兩房都開始缺。所以再升落去,大兩房對港人而言已經係夢...遑論三房四房。

    //三房唔單止可以住一世, 仲係有其投資價值的
    三房呎價跑輸,呎租都跑輸,但銀行估值卻很好,可以用來加按。

    回覆刪除
    回覆
    1. 會唔會有機會有錢的大陸人, 直打大佬KO3房呢? 呢個可能性係存在的
      至少小子的認識係有唔少係咁. 直打九站大3.

      刪除
  2. 同意小子兄所講, 3房是自住投資兩相宜, 尤其有小朋友的家庭, 小朋友日漸長大, 相應的活動空間也相應增加, 兩房單住對於三人家庭來說还好, 如果一家四口生活就有點勉強, 若然再加一個工人就更力不得了。

    斗滿比較貪心想住4房, 一家四口, 一人一個房間就最開心 (斗滿没有打算請工人)。當然啦, 想和有没有能力做到到是後話, 哈哈!

    回覆刪除
    回覆
    1. 家下4房的首期真係天文數字。除非你願意去天水圍,或住超舊樓...

      刪除
  3. 旺舖養三代 三房住一世

    絕對是 !

    回覆刪除
  4. 今時今日,三房居屋就有得諗既...
    不過依家正苦都唔肯起咁大間啦!

    回覆刪除
  5. 我家一家七口住2房,呢期個市回少少,希望有機執間3房,嘻嘻


    泰猪

    回覆刪除
  6. 不過廿年的三房到仔女大時可能已四五十年了, 如不換貨基本仔女未必想住, 我覺得中間都要KEEP 住換D 後生貨較好

    回覆刪除
    回覆
    1. 家下無乜3房新樓。過多20年,40年樓齡可能仲係後生仔。正如現在60歲人,都仲係中年人一樣。苦笑。。。

      刪除
    2. 如果有得住何文田或者跑馬地的60年4房, 小子LUR飯應

      刪除
    3. 住多20年都係80歲,好後生啫。長命百二歲嘛。咦!百二歲係講人,唔係樓喎。。。

      刪除
    4. 物以旱為貴, 而家新樓全部劏房, 將來如果有機會大跌, 可能三房單位反而頂得住?

      刪除
    5. Close substitute 頂極有限, 大跌乜都死啦。

      刪除
  7. 陰謀啲諗,若真大跌20%上下,唔加息情況下,個人認為都多人會出來買貨/儲貨/換貨(包括me)



    泰豬

    回覆刪除
    回覆
    1. 不過剛需可以一夜之間無哂
      人心就係人心

      呢個世界90%都係老散, 而老散只識打順景波, 一跌少少就瀨哂屎
      所以財富永遠入強者手, 就算抄左佢地家, 由頭來一次都應該係咁
      BUY & HOLD 對一般老散可能係最好, 唔好妄想自己係樓神股神高沽低渣, 為上算也

      刪除
  8. 2房都未有,3房更加望塵莫及

    回覆刪除
  9. 3房 is the best buy now

    回覆刪除