2017年9月28日 星期四

風險胃納 與 生活方式

小子今年好興幸已經搞掂左HARD ASSET 的佈局, 入手左3房1套
小子係一個好怕搬屋同執野的人, 所以即使幾咁貴都好, 都要有自己的一個家, 釘口釘都要問業主真係會令人非常抓狂, 然而這是一個選擇, 一個生活方式

小子都有坐低諗過, 不如沽樓買收息股買債買REITS, 穏收5%-7% 唔係咩問題
如果狠D, 沽Q哂D樓, 玩租樓的話應該可以100% 財自, 玩債券老孖10%YTM, 5M 都收42K/月 (10M 都收84K/月, 基本上唔駛DO 啦), 當然我知道好多人開班教人玩呢D野, 不過先要睇下自己風險胃納, 唔好好似買新樓個兩條友咁, 話個AA 計錯數, 兩條友月入5皮野買8.7M 樓

全.城匯買家投訴經紀計錯按揭 落訂方知轉按需付逾百萬 進退兩難

其實無話啱錯, 輸得起便去馬囉...

但我真係覺得好危險, 雷曼契弟之後, AAA 評級都係ON9 (你睇下香港, 除左發左Ibond 之外係無外債, net cash, 評級AA+, 但係美國成屎忽都係數又係AA+? 中國D 銀行系統亂到不堪卻係A+?, 我真係成頭黑人問號.....)

注: 香港仲係行金本位, 憑票即付呢四隻字 (English: Promised to Pay) 價值萬金, 代表香港係有同等存量的黃金才可以發行鈔票 (小子認識皮毛, 唔係做HKMA, 如果有錯請指正..)

我係波叔的話我直頭會出信叉L住 S&P
標準普爾下調香港評級 AAA調至AA+

同埋小子日日對住D BANKER, 金融業根本係一個食人潭, 班RM 唔知自己SELL 咩, 為跑單而SELL, 而一定係唔會理客戶的生死; 本PROPSECTUS 愈來愈厚, 千9幾個RISK FACTOR 話有咩死人冧樓唔賠等等...我真係睇完, 明哂, 都仲有好多好多不可控/不能預知的因素.

而如果你再槓桿呢D投資物, 即係將不可控因素倍大再倍大...

當你咁"好彩"買左NOBLE GROUP (來寶) + KAISA (佳兆業) + BANCO POPULAR PERPS + TOYS RUS.......再槓一槓, 我估你真係出番來打工還錢都唔得掂....

但小子認為債券係比股票好, 因為債劵係借錢俾人做生意, 股票係你夾錢做生意, 要好相信個管理層先得, 與虎謀皮, 風險可不少
坐定定做債主又幾好,好過日日MON住個機睇報價

當然有D人會拎個RECOVERY RATE TABLE 來CHALLENGE, 話AA RATING 個回收率 (收回本金的%) 係若干, 咁我買A RATING 咪無死? 但係當一間公司仆街時, 多數評級都會下調, 而投資者就會面對債格因為評級下跌而導致的CREDIT SPREAD WIDENING (即係債格下跌)
到時投資者又會進退維谷, 沽又死, 唔沽又死的局面

有時唔係有無做足功課問題, KAISA 係所有當時有FUNDS 都有HOLD, 偏偏係小子話唔L鍾意 (唔知點解個人唔買花樣年, 佳兆業, 恆大, 旭暉同埋禹洲的債), 而對COGARD (迫貴園), COLI (中海外), COHO (中海宏洋), 同埋SINO-OCEAN (3377.HK) 有特別偏好

所以小子概括認為係機率問題多於做唔做功課.......而玩老孖買BONDS 真係有一定風險, 而一定一定不能忽略, 因為你倍大3倍買的時候, 如果TOTAL LOSS (唔一定DEFAULT 有RECOVERY RATE 架), 真係輸到甩褲....

18 則留言:

  1. 都係嗰句: 自住既樓係一個家; 租既樓只係一個單位

    回覆刪除
  2. 小子兄真係好厲害!!! 目前已經有四層樓嗎?

    回覆刪除
    回覆
    1. 斗滿兄, 是的...見笑了

      刪除
    2. BLOGGER 界高手雲集, 小子未敢自吹自擂
      何況未供完, 都係一條銀行的債仔而已

      刪除
    3. 小子兄太謙虛了, 没有相當的入息或資產是過不了壓力測試!!! 厲害!厲害!

      刪除
    4. 請問小子兄對 "樓價與縮表" 有什麼看法呢?

      刪除
  3. 斗滿兄,
    縮表依小子片面知識係US FED 係MBS 同埋其他債劵到期後唔再續購, 自然回收過剩資金....
    美國作為世界其中一個最大的債仔, 拎住張AE 黑咭狂碌, 但偏偏佢咁屈機可以控制個息口 (加息) 同埋借多少 (縮表)
    小子愚見係認為縮表係為遲D再QE作準備 (因為唔放錢俾實體經濟, 經濟活動會因而減慢, 跟住有機會有DEFLATION -->再QE)
    始終今天POST QE, 歐美中國日本齊齊印錢, 80-90 年代美國可以加息作為收割新興市場的手段已無以為繼, 如果美國收水, 債息必然上升, 美國爭人成屎忽數, DEBT CEILING 每屆總統都要攪佢一次, 作為債仔又可以控制借多借少, 你會唔會加息益對家 (中國日本)咁好人先? 只係象徵性還下MIN PAY啫

    回覆刪除
    回覆
    1. 小子兄言之有理! 題外話, 小弟見到小子兄其中一層樓應該係百鳥塔隔離個屋苑 (因為太太外家就在附近, 所以認得出來哈哈!) 其实我有考慮過多買一層屯門市廣場的兩房作收租之用, 不過小弟膽小, 怕縮表樓價會跌, 所以遲遲都未出手!

      刪除
    2. 斗滿兄, 我諗你認錯啦...小子好想買元朗樓, 但係未有出手去買.
      個間應該係愉景灣來的
      小子其他物業都在香港島
      遲D政府取消15%時必定買新元中/屯市碼頭

      刪除
    3. 不好意思猜錯了!

      刪除
  4. Q:縮表對香港有何影響?

    A:理論上,縮表對香港經濟來說會帶來3大衝擊。第一,香港作為開放型經濟體系,十分受國際資金流動影響,自2008年美國實行量寬以來,香港便流入了約1,300億美元的「熱錢」,一旦國際資金開始緊縮,加上港美息差持續擴闊,資金很大機會也會在香港快速流出。第二,縮表將提升美國息率,這將加大了香港加息壓力,長遠而言令香港借貸成本和按揭成本上升。第三,縮表也會令美元進一步走強,因為港元和美元掛勾,所以美元和港元資產,對國際市場來說都會顯得貴了,港元資產有機會出現價格調整。

    但係你PLOT 番個圖on interest rate vs CCL, 係唔會得出有meaning 的correlation.
    80-90年代利息升, 樓升
    97-03, 利息有升有跌, 樓跌

    小子覺得economic activity and M2 prevails
    利息升唔代表樓價一定要跌, 反而M2 (游資, NOW 取決於大陸), 同埋經濟活動先有實質性的影响
    一個無機會的城市, 加息加幾多, 樓有幾平, YIELD有幾高, 都唔會有人搶 (菲律賓, 泰國, 越南)
    香港作為一帶一路的超級連繫人 (要政治正確), 其實係金融方面 (融資)係有不可取代的優勢, 因為中國有外管.
    一個有資金流入的地方, 資金充裕, 利息怎能大幅抽升? 經濟不差, 又何以出現供唔到樓要沽樓呢?

    回覆刪除
    回覆
    1. 意思是說小子兄對樓市充滿信心?

      刪除
    2. 斗滿兄:
      我審慎樂觀, 先控制風險, 確保自己供得起, 想買便買
      樓宇難入難出, 比PAPER ASSET無咁廢神
      如果到時利息真係升, 而小子供樓負擔又加到自己有D勉強的話, 小子便會沽出一間
      所以我strictly speaking 唔係叫做充滿信心
      我又唔慣買500萬一口股票, 始終個人買股票前會睇哂所有STATEMENTS, 如果要我買>500萬,我估我要見埋佢管理層 =P
      100萬一口已係小子極限

      刪除
  5. 十分同意, 做槓桿買錯野真是欲哭無淚。被降級債券,債債下跌又係進退兩難。我嘅做法就唯有分散啲錢買多幾隻債,分散風險,槓桿唔好做咁盡。快活谷兄,還有其他好方法嗎~

    回覆刪除
    回覆
    1. 火柴人兄, 其實債券係幾好投資物, 不過唔好做咁多Leverage囉
      我個人鍾意一自住+收租物業(70%), 再加有錢就放股票/債券市場 (<30% TOTAL AUM)
      始終好睇個人性格, 我啱的又唔代表您LIKEY架嘛...

      刪除
  6. 以資產淨值計本熊85% 在物業、15% 在股市,等時機加按先買其他資產做reallocation
    賣出物業的時刻?換貨可以,減持絕不

    回覆刪除
  7. 減持絕不, 罰我15% DSD, 你俾多多錢我都唔沽
    一來, 稅重;
    二來, 做唔到會, 要FULL PAY
    如果未FP 唔會賣, FP左賣來做咩?

    回覆刪除