狗年祝福

大年初五開工日, 小子祝大家身體健康, 財源廣進, 收息的朋友持盈保泰, 現金流源源不絕
物業投資朋友價量齊升, 賺租又賺價

來年希望大家都可以在財自路上再進幾步, 從老闆手上早日贖回自己的人生, 向工資奴說不, 可以有權選擇放慢腳步, 與家人及至愛在散步看風景!

財自CHECKPOINT - 租金(被動)收入大於主動收入

小子呢家正準備新居的裝修事宜, 都已經8899, 專登俾多個月散下D甲醛先入住
完成後, 現居將會裝修出租
當出租完呢間之後, 小子的財自會到左一個CHECKPOINT , 就係租金收入及被動收入大於主動收入

不過呢個CHECKPOINT 唔係太SIGNIFCANT, 原因係因為小子仲係後生, 工資增長仲會有機會, 又或者小子人工過低, 所以被動收入大過主動收入又唔係咩咁大件事 (又唔係供斷, GROSS PASSIVE INCOME > SALARY 又唔係咁癲仔的一件事)
如果要做到NET INCOME > SALARY 真係要再俾心機D PARTIAL PAYMENT 先可以

之所以話唔係咩大件事者, 即係小子都可以好似呀L SIR 話齋, 買條左遮右遮的PERPS, HSBC 收6% (抄呀風兄隻GOF 好過啦...), 8M 港紙唔駛槓桿 (疊增 =.=凸, 小弟叫老孖, 係有斬倉風險, 通常斬倉只係在極端情況下發生, 好似SELL SIDE OPTION 咁, 95% 無事, 一有事就冚家富貴)

8M X 6% = 480,000; 一個月都有4皮野, 好過好多打工仔啦..... 槓埋12% 收8皮一個月添! 高過香港家庭收入幾多! 直頭轉一章都可以好快財自!

不過唔啱聽都係咁講, 玩槓桿真係要好了解幾時CALL LOAN 同埋頂得順先好玩, 否則俾人CALL LOAN 時迫斬倉真係唔係講玩, 特別係呢家個個都走去老孖借平錢時, 風險管理真係要做得好足, 到有事時再諗已經係太遲

實例: 小子上個星期先俾人CALL MARGIN, 20% MARGIN LEVEL 都照CALL, 原因係因為美國大冧市, 證券商RO 怕死, 所有NON BLUE CHIPS 都調低老孖按倉值到0%, 所以要小子補足水, 一日內唔入錢即斬
好彩小子唔係借太多, 不過要拎埋裝修後的防守資金入埋個戶口實在係唔太高興. 不過借得人錢就預左, 無得怨

轉載: 德國租樓日誌

【德國生活誌】香港打工為咗易買樓　德國搵樓難過你搵工

德國生活誌 - 租樓

再唔係更有 open viewing，時間地點講好晒，歡迎 walk-in 交 form，真係閒閒地都有幾廿人一齊睇，迫過你行年宵。

呢個時候，你會發現私人出租情況會無咁混亂；但唔代表少啲人爭。屋主 screen 過晒覺得你職業唔錯、收入唔錯咪比你睇下樓，畀你睇完樓佢再慢慢揀多一轉；但千祈唔好唔記得你面對嘅係寫得一手好 cover letter 的對手（們）。加上好多上年紀的業主未必識英文，唔想租畀外國人怕難溝通呢回事真係好普遍。而你嚟呢度做咩，你會住幾耐，都係佢揀你的條件；如果你話你係雙非嚟呢度就係想呃九年（定係而家12年？）免費教育想要派到北區小學真係唔使旨意有人想租畀你，就算你幾個人合租畀多啲錢都係咁講。

有錢冇樓租真係好可憐，何況小菲冇錢。不過搵樓咁難其實都係因為法例保障租戶多於業主，而且德國人真係睇自己文化重要過錢咁解囉。如果香港人放租都唔係錢行先，揀合適的租戶先，成件事會唔會唔同啲？香港會唔會唔同啲？

--------------------------------------------------------------------------------------------------------------------------

小子的其中一個物業就係租左俾個德國人, AGENT話佢有潔癖, 幫我拿主意叫鍾點幫佢抹, 仲要CHARGE 番我......

小子做業主必定靚仔裝修加埋好聲好氣, 大家關係對等, 我都想你錫住間屋, 但係咁樣玩法真係小子都未見過
不過小子一向好來好去, AGENT 話愉景灣係業主執好哂清理好哂仲要抺乾淨哂先俾租客

小子唯有相信佢都係錫住間屋啦, 本人做人宗旨係對人好D, 唔會郁D嫌三嫌四
最搞笑係個德國人仲話個微波爐新買想換款, 另外個雪櫃唔係原裝, 好似UPUP地...(又要叫師父搞)

下次真係要佢填番份COVER LETTER + 入息證明 + 咩咩物物; 有時又難怪香港地有D業主咁賤格, 因為D野係相向的, 如果有人麻煩的話, 下次大家都係玩執正來做

講多無謂, 去圖

美國債鐘

美國國債係TAPERING 之後仲係咁狂升
根據美國債鐘, TOTAL 國債有20.629萬億美金
而最慘係美國的monetary base 10年間升左6倍, 而M2升 3.5倍 (而呢個數亦在TAPERING 後都係增加緊)
即係印銀紙依然繼續

而赤字方面, trade deficit 為8000億
回顧新興國家, 1997俾人搞個外滙而不能抵抗的原因, 其中一個係因為雙赤字 (trade deficit + fiscal deficit)
呢樣野正正係美國呢個傳奇身上發生, 竟然可以借人咁多錢, 而可以自由調控利率
一切只因為美國有一個RESET BUTTON (核彈 + 戰亂)
美國佬無止境係地緣搞事, 歐元起就搞歐元, 無非都係想搞到周圍七國咁亂, 避險買美債

而另一邊,與美元掛勾的港元卻"陰司紙化", 一日唔搞脫勾, 一日都係要受美元的超低利率 (小子唔太認為一個充滿赤字的國家可以大幅調升利率, 況且呢個赤字係可見預期都唔會扭轉到, 除非美國佬肯出口軍備/科技啦.....當然又係無可能, 俾大陸拎埋呢條FORUMLA 同自殺無異)

而得番最後一著就係自貶美金, 借落人1000美元, 買哂人地本國強幣, 跟住自貶本國貨幣, 用番人地國家貨幣以還債, 乃木馬屠城記之最後殺著
不過此一行為做完後點樣唔影響到別國對美元的避險取向係一個好大的難關要過
或者時間推演下來, 會有其他招數等等的東西可以炒炒賣賣用番D 盈利去冚番D債就未可知 (或者整D新投資物, 好似BTC 咁, 昆人買而一鑊收佢地皮, 再用吸星大法吸番佢地D錢番來美國)
注: 小子對BTC沒有COMMENT, 一切投資風險自負

但以美國的福利主義同埋赤字預算下, 現實一點講, 做到CLINTON 時期 199X年可以有盈餘的機會率, 係非常之低

國債利疊利加, 貨幣卻可以強勢而利息又可以加, 如何可以在這三個條件下再行剝奪別國資源以生存, 小子真係看不清楚


http://www.usdebtclock.org/

FOR REFERENCE 香港的外滙儲備係.....4,192億美金

香港最新外匯儲備資產數字

香港金融管理局（金管局）今日（星期二）公布，香港於2017年10月底的官方外匯儲備資產為4,192億美元（2017年9月底為4,193億美元）（附件）。
連同未交收外匯合約在內，香港於2017年10月底的外匯儲備資產為4,109億美元（2017年9月底為4,110億美元）。
為數4,192億美元的外匯儲備資產總額，相當於香港流通貨幣7倍多，或港元貨幣供應M3約47%。

殺敵一萬, 自損三千

美帝又再跌1032點, 原因又係因為債息

容許小子無腦抄考

旨在說明重大金融事件都係政府在小市民中挖取財富的大好機會, 97,03,08年幾多老散血流成河

 如果美國強行加4次或以上咁會點呢? (其實都唔係無可能, 只要佢地暗手做夠淡倉便可)

股市大跌, 不過要好似1997年咁收割又怕且未係時候, 新興市場以前係DOUBLE DEFICIT, 呢家DOUBLE SURPLUS (current account/ fiscal) 

本土幣值的的確確由97年開始用20年的力量去吸取美帝的無限揮霍的外貿盈餘恢復過來, 今天想再故技重施恐怕係困難大增.

任由美帝加息, 將會create arbitrage 俾中日俄歐央行大印銀紙同埋國際投資者去做carry trade, 美帝自身金融風險絕不能輕視, 中國只欠缺一個像索老的一個人物 (MAYBE 馬雲? 高振順?) 去打一場番身之戰

香港

1997年10月，當索羅斯利用資金橫掃東南亞後，索羅斯帶領的國際炒家將目光投向香港。當時香港主權移交中國不足3個月。雖然香港基本沒有當時泰國那麼糟糕，但是房地產和股市泡沫也不少，最後瓊斯及索羅斯選定香港作為第二波衝擊的主戰場，他們認為維持住聯繫匯率制度的成本高昂，認定香港政府挺不過去，所以便開始積極研究，及後很快就對香港發動攻勢。1997年11月，對沖基金開始港元長達十幾個月的進攻。宏觀對沖基金在匯市、股市及期市聯動造市，全方位發動對港元的立體式襲擊：首先大量沽空港元現匯換美元，同時賣空港元期貨，然後在股市拋空港股現貨，此前後在恒生指數期貨市場大量沽售期指合約。最后，在香港政府的頑強抵抗下，對沖基金三次進攻均未夠能摧毀港元。
1998年8月5日，在美國股市大跌、日元匯率重挫的配合下，對沖基金開始對港元發動第四次衝擊。量子基金和老虎基金發動攻勢，開始炒賣港元，先向銀行借來大量港元向香港政府拋售，換來美元借出以賺取利息，同時大量賣空港股期貨。香港政府被逼將息率大幅度地調高，隔夜拆息一度高達300%（這並非發生在1998年8月，應是發生在1997年10月。後來被謔稱為「任一招」）。1998年8月，曾蔭權率同財政官員採用靈活手法，沒有大幅加息，只大量動用外儲的美元承接港元沽盤，再將港元購入香港藍籌股作為長線投資。此項全新策略成功穩定港元滙率以及恆生指數。此舉亦隨即時換來美國聯邦儲備局時任主席格蘭斯潘的強烈反對。(中國式的計劃經濟你美帝識條L咩, 08年咪又係美國政府出手救? 一鳩撚樣) 然而，9月起，俄羅斯金融危機嚴重冲击美國的投資基金。上述香港舉動即令到美國財金界別頓時改變態度。2000年時，前美國總統克林頓呼籲格蘭斯潘來訪香港出席國際論壇時，順道向香港政府考察外儲投資的成功例子。香港政府更於8月15日宣布動用外匯儲備於股市及期指市場入市，打擊炒家操控市場的行為。最終以近1,200億港元（約150億美元）大量購入港股，炒家撤退。在此一役，香港政府動用大量外匯儲備投入股市，一度佔有港股7%的市值，更成為部分公司的大股東，一旦股市下挫聯繫匯率將有可能崩潰。其後成立外匯基金投資公司管理，及於1999年11月，香港政府將購買的港股以盈富基金上市，分批售回市場。

1997 亞洲金融風暴

但係大家有無一個疑問, 點解SOROS 到呢家都唔未曾試過搞9美帝美元系統???

除左共濟會等等陰謀論之外, 好明顯SOROS 幫美國佬做世界的機會著實不少

共濟會

回帶睇下SOROS 的背景

量子基金

维基百科，自由的百科全书

量子基金（Quantum Fund）由双鹰基金演变而来，是美国金融家乔治·索罗斯旗下经营的最大的对冲基金，亦是全球规模较大的几个对冲基金之一，於1970年由索羅斯和吉姆·羅傑斯一同創立。該基金曾多次以金融工具試圖襲擊許多國家的貨幣而得利，包括1992年襲擊英镑。1997年亞洲金融風暴中，襲擊泰國、馬來西亞等國的貨幣，後又試圖狙擊港幣，但因香港政府的力守而失敗，但是也使香港損失慘重，香港恆生指數曾經一日大跌三千餘點。2010年索羅斯又在香港設置辦公室。

索羅斯是美國民主黨的支持者，歷年向民主黨提供大量的政治捐款，支援民主黨的政治人物參與各級選舉。
他在格鲁吉亚的玫瑰革命中扮演的角色而闻名世界，2004年美國總統選舉在美國募集大量資金試圖阻止乔治·沃克·布什再次當選總統。2014年起，索羅斯向名为「为希拉里準備好」（Ready for Hillary）的政治行動委員會籌款基金捐款，支持希拉里·克林頓競選總統。

 

美股再暴瀉 杜指收挫1032點報23860

華爾街股市再爆股災，美國十年期債息再逼近四年高位，拖累大市暴瀉，是四日之內第二次。雖然公司業績及經濟數據均較預期好，但市場對加息憂慮升溫，美股低開後，走勢持續向下，中段跌幅超過四百點，尾段沽壓增大，收市前一小時市況進一步急瀉。杜指一度跌過1044點，見23849點低位，比起1月26日創下的紀錄高位，累積跌幅達10.4%，今年以來累積跌幅3.47%。

杜瓊斯工業指數收報23860點，挫1032點或4.15%。

標普500指數收報2581點，跌100點或3.75%。

納斯達克指數收報6777點，瀉274點或3.9%。

美國十年期債息曾升至2.884厘，只是比周一創下的四年高位略低，美股幾乎重演周一大跌市的情況。杜指早段升10點後轉跌，尾段跌勢加劇，最多跌1044點，30隻成份股全數下跌。標普500指數與杜指均由上月26日歷史高位回跌超過一成，確認進入調整區。今年來升幅全部蒸發。反映市場恐慌情緒的VIX指數曾經急升30%，收市升20%，報33.46。杜指三十隻成分股全線下跌，跌幅榜頭七隻股分跌幅都超過5%，包括頭五大跌得最多的美國運通、英特爾、Caterpillar、HomeDepot，和通用電氣。

科技股亦被拋售，facebook股價急跌近半成。亞馬遜亦跌逾4%。蘋果公司則跌2.7%。

小子的成長 - WHY 與 WHAT

睇完R兄篇"給十年後的我", 小子都回顧左我呢10年間的轉變, 而其中最大的轉變一定係問自己問題同埋解決問題的出發點

回顧一講, 其實由15-25 歲, 小子都係在ON99 地過, 在一間傳統名校中考中間 (中上?), 有功課就做, 有習就補, 有女就溝 (當年玩ICQ), 一切一切係小子老豆老母叫我做咩我就做咩, 其實都係同無線新聞一L樣, 事事旦旦,每日都係過住D "WHAT TO DO TOMORROW"的生活

亦都因為係名校出身, 對於自己呢一個MENTALITY無咩質疑, 反正大家都係知道自己係所謂TOP OF THE CREAM (及後小子認為入名校係一大DISADVANTAGE同埋呢個想法係大錯特錯, 天外有天, 人外有人, 滿招損謙受益乃至理明言), 無咩需要改變, 是以到中5 都無咩讀書下又ON99升中6

當然AL 又係炒左 (炒的定義係好個人), 入左科大BBA, 又係唔知自己做咩下為做而做, 都係WHAT TO DO MENTALITY, 日日飲酒打發時間, 補下習搵下外快, 人做我又做咁L樣, 一直都無咩大風浪

直到25歲左右, 發生左D事, 令到小子要於2個星期內搬走並買/租樓
呢個衝擊其實係對小子好大, 所謂千金難買少年窮, 呢個係千真萬確, 25年來都係ON99的我, 怎樣可以DECIDE 2個星期內ALL IN 一間200幾萬的樓同埋解決往後N年的居住問題? 25年來都係有人為我遮風擋雨, 伸手便有飯食, 呢家點算好?
收埋自己諗諗諗, 點樣可以係手上無錢下搞呢樣野呢? (需知當時對買/租沒有什麼概念, 只想有個地方踎下)

及後問自己, 點解要買樓? 就係無啦啦俾人趕走左, 一定要有番自己一個家, 所以便賣當借下監粗上會. (當年係小子向銀行借30萬, 一半做95按, 另一半炒股, 空手入白刃下都死唔去買左樓1及樓2) 因為一定要搵地方搬, 所以都未來得及諗買樓有咩風險, 只有問" Why do you need to buy?" 而無問 "what to buy?" "when to buy?" 等等的losers questions

及至事業上係BIG 4做得一般般, 因為無啦啦開左竅, 成日問自己點解要番9 放3, 點解要做呢D VOUCHING 同埋幫佢做埋條數咁無謂? 點解xxxxxxx
其實每個點解的問案都在每個人的心中, follow your heart and work the best out of you

及後再問自己想做咩工, 點解想做呢份工? 點解想加人工? 點解人地要加俾你? (其實好多答案都已出左來, 只要誠實面對自己便OK, 而WHAT TO DO 同埋 HOW TO DO 都會自自然然出到來)

所以一路走來, 小子係會常用WHY, 問自己想要咩, 點解想要, 真誠面對自己便可以活出一個個人化的最佳答案

推而廣之, 投資都係一樣, 唔係買咩 (WHAT TO BUY), 而係點解你要買 (WHY YOU BUY)
咁樣可以FILTER 左好多無謂的噪音, 唔會日日問自己買咩買咩.

好似買樓咁, 點解買? 因為要住
點解買樓收租?
點解買/唔買股票?
點解買債唔買股? 點解買股唔買債?

各種投資物, 有咩優劣, 真誠面對便一目了然, 而投資路上亦不會輕易因為別人的COMMENT而令自己的方針改變, 當然每個人都有唔同取向, 亦沒有好壞, 不理黑貓白貓, 捉到魚便是好貓

抄考R兄的 "十年前的我"

見到呀R兄寫得咁開心, 等小子又回顧下10年前後的我

講事業:
10年前, 2008年, 小子畢業2年, 在做緊AUDITOR, 是人生最最最低潮, 因為小子係SCIENCE STREAM 又撞著ON99 地入左BIG 4, 上完CONVERSION 係一舊屎, 去到第一隻JOB 做HKAS 32, 39, 我仲記得個SENIOR 一鳩指住我話..係呢...隻FILE 係佢做的 (WELL 大家都知道做核數點會係A1 (第一年) 做financial asset revaluation, 小子跟住俾個臭八婆SENIOR MANAGER 指住個鼻鬧左1.5小時
自此小子便俾人放逐去做爛JOB (無計, 無accounting degree, 俾人家MAINLAND ACCT MAJOR 屈爆, 仲撞著個擦鞋仔....叫個肥西MGR做家姐...真係出來打工少D EQ都搞唔掂

最慘仲要撞著個SENIOR 讀19幾年書先入到大學 (一定憎所謂D名牌學校畢業生啦, 梗係玩到我呢個所謂名校生仆街啦..XD), 呢2年係小子做野做得最唔開心的時候

不過小子寫係咁寫, 做人最緊要對自己有要求, 即刻加緊苦功去學好做好, 人家便沒有籍口去攪你啦, 同在中學一樣, 每個人都有每個人的位置, 做唔到野咪俾人玩囉, 合理之至

10年後,輾轉做番10年會計+財務, 呢家叫做轉左半行, 雖未算好開心, 但係小子係呢10年內不斷學習, 總算今天你再做樓上的會計L野, 我唔會怕你
亦領會到人生只有不斷學習, 不斷閱讀才會成長 (唔講得上成功), 真正的學習係在畢業開始
不過到今天來講, 小子已經無10年前個D "我想做PARTNER"的一股蠻勁, 人生隨遇而安就好了

* 回應番RYAN 兄, 小子當時都係想讀MBBS, 無奈唔知發咩瘟HKAL 冚炒, 只有讀商科了 (無冒犯商科之意, 老死成日話你UST BBA 入到都西口西面, 你都幾咁串, 無他, 03年AL放RESULT入唔到MBBS個刻開始, 小子已係半個活死人; 全班頭3都係MBBS, 只有第4的我係UST BBA, 不過頭3名會考6A- 9A, 我呢D第4 無咩REFERENCE POINT)

講投資:
10年前差唔多係小子開始投資, 06年開始玩牛熊輪證, 輸到開完個會無左10皮又有, 一路走來玩埋孖展, CALL 倉又有, 停牌又有, 未至於咩風浪未見過, 但係大部份正常人會瀨的, 都應該叫做瀨過下
亦都係08年開始入手第一層樓同第二層樓, 亦有玩短炒
第一間入手1.96M 北角 第二間2.48M

10年後, 每間約值6.5M; 而其中2010年小子賣左其中一間, 換左幾次貨, 又交左唔少學費 (天地樓又買過, 雙佣又俾過, 俾AA 夾價射盤又有; 到之後學懂點同AA 相處, 點樣係地產中搵到啖飯食, 感恩又有錢又入多2間, 總共呢家4件自己名1件代持, 都係50% 樓下按揭

同時, 小子都學會一套係股票市場打游擊的方法, 同埋及後SP 狂接貨止蝕等等, 到今日發展成可以用SP SC得閒偷下錢,
另外, 因為睇多左書, 亦都會將資產配置會轉移一部份去債券 (亦都多謝各方BLOGGER的留言及啟發)

講移民:
10年前我無諗過移民, 10年後我諗緊移民 (無R兄咁快)