是時侯檢討及廢除港英政府的毒藥 - 公務員鐵飯碗及社會福利制度

 1997年前港英政府高薪養廉，舊制又長俸又咩又柒

公務員鐵飯碗, 入到去過左probation 就可以自動消失擺爛點都唔炒

小子有EO AO 同學, 到呢家直頭係UNUN 腳十鳩幾萬

同私人市場比較, 絕對係overpriced.

而且, 仲要做到60, 如果呢家時勢做police 仲可以續約翻閹

試問有幾多份工可以做一世, 不斷跳point, 仲要日日可以hea?

私人市場呢家講緊大家都可能係1M左右package? 但你做到60, 人地日日做到爆肝

係兩碼子的risk / reward

月入46萬唔係問題, 做到野真係無咩concern, 加上香港的物價係天文數字, 高過美國總統又唔係咩大問題, 講真.

你幾十萬一個月, 再開多幾多個副司長, 副局長位, 如果做到野都係OK

呢家地又賣唔郁, 野又做唔到, 攪咩無人機, 低空經濟抄內地, 但係結果都係旺丁不旺財 (有無旺到丁都係問題)

商舖執笠收皮, 商家佬CUT人減人工，中產人人自危勒住荷包唔駛錢

先不論功過， 共渡時艱係必要

實在係第一要廢除跳POINT 呢個制度, 入左職每年再選TOP PERFORMER 再EVALUATE

另外, 定期攪下類似HSBC 咁, 炒Q哂D 2仔3仔, 叫你地重新APPLY一組新DEPT 去減省中間的冗員令到政府更EFFICIENT, 而唔係口號式KPI KPI 交唔到貨就口UPUP 算數

至於社福制度, 其實係朝住好的方向開始緊, 叫D綜緩人士做番D野, 表面係同社會接軌, 實際上係令佢地無咁懶, 加番D"罰則", 絕對係德政

希望推而廣之到公屋住戶 (65以下), AO EO 仲要有個專責部門去audit 佢地, 出現金糧呀, 內地有樓個D邊止5000間?

多一個零都唔止....

你睇下823 最好肉D場全部都係公屋場, 消費實力幾咁高先得

17萬人手年𢭃1562億 救千億財赤諗計 公僕減薪眾望歸

https://orientaldaily.on.cc/content/%E8%A6%81%E8%81%9E%E6%B8%AF%E8%81%9E/odn-20241211-1211_00174_001/17%E8%90%AC%E4%BA%BA%E6%89%8B%E5%B9%B4%F0%A2%AD%831562%E5%84%84-%E6%95%91%E5%8D%83%E5%84%84%E8%B2%A1%E8%B5%A4%E8%AB%97%E8%A8%88-%E5%85%AC%E5%83%95%E6%B8%9B%E8%96%AA%E7%9C%BE%E6%9C%9B%E6%AD%B8

樓市幾時先會見底? 分享曾煥平VIDEO

雖然寫少左好多, 但係呢篇真係忍唔住都要出

2025香港樓市至少要跌X% 曾煥平：發展商繼續劈價清貨｜少少激氣政府唔承認負資產係問題 

1) 買樓負擔得起就買， 唔好捉短期低位

呢個generally speaking 係啱的, 其實最緊要供得起, 你當自己交租俾自己, 呢D呀Q精神作為買樓的人係要有的, 但曾生話跌左好多, 其實30% 左右係唔係多呢? 見仁見智, 始終樓呢D野係睇經濟同埋前景. 非洲夠多地, 夠平, 又唔見有價有市....

2) 啟德 - 強差人意

事實, 零交通零配套, 上蓋但係隔離有個D簡約公屋, 你會唔會俾幾千萬? 黃竹坑本身3XXXX, 周邊配合唔到就唔會賣到有大premium, 要買S級野, 九站, that's it.

3) 負資產遠超40000宗

同意, 沒有補充. 其實已回到2013/14年價或以下.

4) 負資產係影響到市民的消費心情

亦都係好啱. 唔係淨淨係負資產, to be precise, 係經濟前景.

一車車高材, 唔係話佢地唔叻, 人多左, 搵食難左, 幾叻的人都會保守

而且呢家生意係咪好呢? 幾多吉舖大家有眼見

本來留12個月buffer 的, 留夠24個月

本來大手大腳的, 慳住洗, 或者上內地洗 

其實唔係唔洗錢, 你睇下去日本的人數同埋消費係新高......

政府係有必要認清事實, 點解D人去哂日本玩, 呢個先係死結所在

在香港, 係只需要花費必要生存的開支

洗錢去第二度洗

呢個先係最大鑊

仲未計好多人PLAN 住移民呢 ? 唔好同我講移民潮消失左, 係D人暗中做, 真係唔少中產朋友係咁計, 玩到最後一個銅板咁....

佢地都係搵得OK 的, 而如果佢地無走的PLANNING, 一個月掉幾多錢出去實體經濟? 

一來一回好多架條數

5) 香港在中美間夾住, 短期唔會有解決方法, 亦不容我地去控制

以前食四方飯, 呢家兩個老細鬧交, 困難係一定, 要捱一段日子先會有轉機

所以D市民都係保守為主

6) 內地好多錢, 谷少少都谷起香港

是的, 但要提防走資市場, 呢個谷一定係有限度, 國家安全大於香港, 香港只係冶金試鍊場, 不能因為谷香港而危及國家, 始乃合理之至, 所以唔好指望呢D無謂野

肯放人落來已好好, 內地都唔夠年青人

好VIDEO分享 - 中年危機

 WEEKEND 睇緊施傅同埋東方昇的CHIT CHAT

講得其實真係幾好

1. 中年以後, 身體機能差左, KEEP 住運動 (小子每個星期都KEEP住游水同埋操水, 愈操愈知自己體能跌得勁)

2. 中年生小朋友以後, 所有priority 變哂, 甘心為小朋友放棄一切, 包括事業的所謂癲峰

3. 個人忽然間成熟左, 其實係知道有priority shifting, 係自覺的, 但亦係痛苦的, 因為係一個全新的area, 係comfort zone之外

4. 金錢的壓力, 如果後生搵得唔夠的話

5. 覺得身體健康 >>>>> 錢

47:50 秒開始講得幾好就係, 你好多錢, 但你條命得1個月, 或者1 個星期, 咁點呢?

好多人話, 喂, 唔會發生, 你諗多左

但當身體有事的時間, 先去揼春話早知ABC.....

無早知的, 一切的東西, 每一秒都在選擇, 中年人有的智慧係可以檢視, 如果認真並誠實面對自己, 所有野都係好開朗同明確

然而, 當然事業上東方昇話齋, 個個都係拼摶番來, 就係咁就要計好數, 支出, 收入, 投資的重要性, 以及陪家人的重要性, 係遠大過你份9-5的. 

香港地做運動員真係好L幸福

香港地做運動員真係好L幸福

近排除左江小姐拎左金之外, 講香港運動員好幸福之外, 第二條友講真係涼薄到一個點

大佬呀, 7千蚊包食宿你話幸福....人地朝7晚7 咁做GYM, 一D都唔享受

做到五勞七傷腳又痛, 成身痛症又唔可以打工, 做代言又要申請

呢家買對貴少少的鞋都2000, D游水裝都千幾啦我呢D小白都要俾咁多

我家工人姐姐都高過7K 喎.....包食宿....

真係香港地, 你好似siobhan咁, 家有泳池唔多希罕D錢咪可以好享受地日操夜操

某程度上佢係享受緊自己挑戰自己的成功感

而江小姐都入埋HKJC, 以佢的calibra, 6皮.....或者打劍呢D運動, 佢咁多年都投入過唔止6M

你呢個數真係.....唔justify....

雖然話拎牌的運動員已係在全球比較高人工個類

成件事個package 真係, 特別在香港這個咁鬼功利的社會

600萬都未必夠你駛的情況下, 要去到盡摶一個唔知幾多萬份之一的機會

真係衰過走去創業做生意的成功率

運動員, 如果你家有金山銀山, 有幾層收租樓仲要FULL PAY左, 我諗係可以考慮的

否則都係做副業教下私教仲好搵

巴黎奧運今日（ 11 日）閉幕，港隊目前成績為兩金兩銅。港協暨奧委會義務秘書長、香港輔助警察隊總監楊祖賜於電視接受訪問時形容，港隊運動員在巴黎奧運表現是「世界級」，他們發揮的能力「絕對係被世界尊重」。被問到香港運動員的薪金有些或低至 7000 多元，較本港大學畢業生平均月薪低，楊祖賜說，雖然薪金不高，但是運動員還有獲得其他資源，如教練、醫療、住宿等，「嚴格嚟講，佢哋無咩嘢要使錢。佢應該可以能夠從容地做運動員。」

只會內捲, 不會創新

 本來想打個題目係 "與其內捲, 不如創新"

https://hk.finance.yahoo.com/news/%E6%96%B0%E8%81%9E%E9%BB%9E%E8%A9%95-%E9%A4%90%E9%A3%B2%E6%A5%AD-%E6%8D%B2-%E5%88%B0%E5%8D%81%E5%B9%B4%E5%89%8D-192300519.html

又有說內地的餐飲業3蚊一個任食早餐

好多人都會關心食安呀等等

又話咩黑心肉呀黑心食品等等

先姑且不說黑心不黑心, 黑心呢下係CUT COST 的其中一個招數, 即係鬥平下, 已係CUT無可CUT先會CUT COST

中國人的MENTALITY 普遍係喜歡睇自己盤數

賣100蚊, 成本幾多, 有咩事就攪個成本囉, 減租, 地主佬惡, 攪唔到

減人工, 得, D人同你趕客

唯有玩咩? 玩來貨料

黑心食品只係結果, 唔係過程

結果就係最尾鬥到平, 總之我打平, 你輸, 你就PK了

而點解唔會鬥創新呢?

我地成日投項目, 內地D創始人成日會講 "站上巨人膞胳上", 即係咩? "參考外國的成功例子, 看看有沒有低成本的東西可以用, 令到自己的成本降低"

你會話, 喂, 屌, 即係抄啫, it's only your side of the coin.

人地會話, 無野架, 抄得來都係成功, 呢條FORMULA 都唔知幾多人發達, 先不講係唔係ethical

抄, 唔駛R&D, 以中國內地同香港的無福利社會

你掉錢出去R&D, 其實無異於你沽左層樓去佐敦站派通街

其mentality 係同出一徹

所以引申出來都係慳COST

而以上講到地主佬係惡到不行, 所以又係衍生出 "收租好過打劫"

無他, 你拍走個客, 佢連做生意的地方都無, 最尾你個MODEL 幾好都無用

咁當然你出左名, 好似添好運咁, 你咪有料同佢講下數.

業主又唔會省油的燈, 鐵約又會賣貴D咁解

正正又係中國人講的 "取易不取難"

點解外國有咁多創新呢, 又同佢地的社會保障系統同制度有關

佢地創業失敗, 可以有社會保障, 係真係足夠躺平

當摶失左無成本, 正常人都可以預期會係去盡

但係中國人/華人社會, 摶失左係慘過去死

相信讀者們都係華人, 幾多姨媽姑嗲指指點點你的人生, 相信大家不用說明

呀. 你應該買樓吖嘛. 唔好同人供樓 (前幾年)

呀..你應該沽左先吖嘛. 低位咪入番...(今年拜年)

X....有早知無乞衣啦.

就係社會有咁多呢D無效人士/無效思維及對話

亦攪到社會的容錯率係低到近乎0

由小學開始追成績, 追到大學

大學讀咩好? 是但啦, 邊科搵到咪讀邊科....

咦喂, 有無問過你想做咩呢? 無呀......

點解呀? 有錢咪得......我....X....你....咩....

又咪係成件事錯哂又將件事玩番落個小朋友身上......

大家土壤唔同, 生長出來的植物不同, 沒有誰對誰錯

你要變, 就要土壤都變, 成個社會風氣先有容錯率, 好似奧運咁 (遲D得閒會另文豬UP)

人生是場馬拉松 - LT 新歌 <數到十>

作為一個波板糖, 出左新歌〈數到十〉

中間有段歌詞係好TOUCHING的

人生裏, 難事事連勝

然而敗部 仍可吸口氣 就原地再拼

因此當你跌低 記得

輸了某局 別要輸心境

坐定 等敲鍾 非你本性

我仲記得自己HKAL 炒到出哂煙, 難事事連勝, 入左D九唔搭八的科

然而就原地再拼, 點拼? 

好好笑, 小子U 個時的會計係C GRADE, 點估到會做會計吖, 仲要考牌...唔好玩啦, 你估多100次都估唔到

之後點解會做左gatekeeper, 你叫我估多10000次都估唔到人生的行法可以deviate 得咁遠

人生最好玩就係未知性, 等敲鍾, 非你/我本性

到後GRAD 左無啦啦入左BIG 4, 你問我知唔知自己做緊咩? 做一份工囉, Q知咩係vouching 咩, 為vouch 而vouch, 為做而做, 為咩OT 9-3? 為咩仲有D傻仔走去瀨MANAGER R 多D OT? 你唔知自己做緊咩同為咩而做就會俾外部的東西玩到你團團轉

香港學校最L失敗就係無教理財, 二係無教搵自己喜歡的事情去做, 做人為咩而存在, 令到D小朋友日日ON99 追個成績, 都唔知追咩Q, 100分又點? 下次99分減到仆哂街, 考唔到好成績又去做傻事, 為咩?

講到尾係為左家長的眼光, 為左別人的肯定, 咁樣係好危險

因為你的自我價值同埋人生價值係由分數同埋外人的眼光去評定, 真係ON9 到無朋友

我知自己做緊咩, 為咩而活着, 做人盡力就可以, 始終全世界得一個最有錢 (如果你用錢定義成功, 當然咁係唔啱的), 比埋邊個高分D多錢D真係太白痴......

今日的你比昨日的你更好便可以

BAND 1? 最近的QC仔...九華仔....出到來咪又係普通人一個....有咩好J....

營營役役30年點頂? 真係 "去到絕境, 腎上線素, 急甦醒, 信念堅定"

到某一刻好似叮一聲醒左咁, 將以前想讀MBBS 同埋個D 無謂的發夢野掉埋一邊

別氣短 來重拾 你身體 碎片 砌更頑強的你 別為無力心酸 你最迷人的性格 源自你 被擊倒 的那天 起身再戰

起身再戰為左咩? N年前發癲咁買野炒野, 到呢家都仲炒緊係為咩....

但每個絕境 是讓你我 突顯出 多艱苦 尚有激情 人應該好勝

就係每個人的inner core values, 人生最好玩就係未知性, 等敲鍾, 非你/我本性, 就係盡力去做, 並享受沿途風景.

每一日都有新事物, 每一日都可以反省自己有咩做得好同埋唔好, 同埋每一個月, 每一年都有進步的空間, 係幾好玩.

人生係馬拉松, 邊個堅持得耐, 贏左99%, 今次第一, 你次次第一? 出來社會99% 係食屎, 0.9% 係唔駛食, 0.1% 係糖.

襟玩先係贏家, 你睇下LT 反CUP COLLAR 幾咁勵志 (at this moment), 若沒有passion, 行行下LT都係會DUP. 個內心燃料就係來自於佢地對音樂的passion.

記得入銀行只係做按揭

小子再一次提醒咁多位讀者, 入銀行只係做按揭

經濟下行, 不景, 對於有錢的人來講, 你唔洗錢都係無用

有好多人會打你地銀行戶口的錢的主意

更癲的仲會叫你做咩保單融資咩咩77, 其實正常人都唔多睇得明佢地寫咩Q

2008年雷曼之後, 記得銀行賠到HIHI, 以後會多左好多disclaimer, 披露等等, 最尾係令到個客同意, 清楚明白, 最後做錯D咩都唔可以追究銀行

無他的, 人地銀行罰款係天文數字, 你個RM 俾HKMA 調查, 除牌個D其實都唔係銀行最大CONCERN

而D RM, 好多都係U GRAD, 最多咪做過10年8年野

你問佢有咩VIEW, 同睇鄧星星個D膠液現場無咩分別

佢地銀行戶口都唔夠你多, 你憑咩胆咁大可以覺得佢地搵得咁少, 但係可以同你好好理財呢?

我唔會排除萬中無一的天才, 但係你白身撞入去, 撞到佢的機會都真係無限接近0

唔會係太監教皇帝點樣同妃子傳宗接代掛.....

再進一萬步, 就算係小子個D所謂family office, investment gatekeeper 等等, 做哂modelling 又點?

講真, 封到少少門, 但係你要防恆大爆鑊, 係無可能的

D CFO 都係打工, 連自己還唔還到錢都分唔到, 何況auditor? 連pwc 都俾人告, 你覺得佢地係夾埋一齊做枱戲, 定係真係俾人fake 左?

無論個結論係邊個都好, 答案就係只可以見到, 就算咁多所謂社會上的well recognized 的專業人士把關, 都係會出事

所以點解都係要買D實在野渣係手, 一係你就做定期, 但係一多錢, D RM 又會叫你買ELN, accumulator , decumulator

話時話, D後生一代直頭買crypto 真係值得一讚, 學佢地話齋, 反正都no way out, 唔通仲要同你炒股俾你話事咩.....

移民考慮

 我其中一個睇的YOUTUBER 係FISHPOTATOYU

幾REAL 的一對COUPLES

佢地本身移民去Tasmania, 呢個地方亦係小子LIKEY的其中一個地方

呢條片其實幾好

香港人咩都講有咩concern 先

1. 生活 (無香港咁趕, 但要adapt 慢)

2. 醫療 (同香港比係好較, 真係唔可以比較)

3. 慢 (換個車牌要等1個月)

4. 花粉症

5. 濕疹

好的地方係:

1. 無咁急促

2. work life balance

3. 政治 /言論自由 (呢D野我假設你係有concern先, 成個picture 要comprehensive 少少), 你可以狂X政府per se, 香港呢家係無得俾你X, u like it or not. 

最緊要真係睇清楚d factors 先揀走唔走, 片主話齋, 最緊要係你自己開心, 其實唔駛諗咁多野, 唔好比較

好多人唔LIKEY 種花種草, 悠悠閑閑, 去到真係要適應, 香港人咁fast paced, 理論上係要時間去adapt.

同埋你要的因素係咩. 

小子大仔考完P.1 A3, 於我自己, 我覺得件事加埋番工其實係幾suffocated. 好多野做. 來緊暑假又要報呢樣報個樣, 係好磨人

小子亦都係個比較理性的人, 同埋閑不著, 但當你諗下下一代讀到咁辛苦為咩呢. 我真係暫時未諗到答案, 呢個先係現階段做到中佬比較迷惘的一件事

戰友相聚 @食草

今日說命人食左個快飯, 依舊老地方食

風景麻麻, 陰天

讀者都應該知道小子係識紫微斗數, 而唔做批命的原因第一真係燒腦, 好辛苦, 準唔係唔準的, 我同朋友批命都係準, 問事用奇門都係準

然而, 件事實在太燒腦, 如果認真攪真係少D心血都攪唔掂

一個人的人生, 係好似一套戲, 我斗數師父教的, 係有個軌跡係度, 邊個時期摶, 邊個時間收, 跟番自己的命格, 事半功倍, 否則, 事倍功半

例子係小子2008年開始狂買樓, 贏錢除左係多謝老美的印錢無限QE之外, 賭膽 (呢個係小子的命格給予的, 一有機會就會出手, 先天生成的), 另外加上後天因素 (就係個幾年D野唔穏定, 事業做緊BIG 4, 條糧就最穏定), 加上資深讀者都知, 余家貧, 耕植不足以自給, 一條友搵錢, 個個人問你拎錢, 窮, 必要推.就係個幾年定左下來的事業加埋客觀的自身因素造成, 是以年少行過的運, 的"餘氣" 係會帶過去下一個運去影響你下一個運的決定同埋運程, 以致結果

那除了運, 亦要自己計過風險, D樓postivity carry, 無敵MODE, 唔賭就笨

好似呢家海怡咁, 3房900萬, 經紀同我講, 租緊28000...仲高過2021年時

我心諗WTF? 本身已POSITIVE CARRY, 呢家推出去租俾人又俾多4000蚊我?

真係收租好過打劫 (但可惜呢家D價好LUP, 因為外圍同埋內部因素)

又益哂D收成期......(商舖大袋除外)

要升真係要等好一段時間, 等政府攪番好個場先, 呢家人係多左, 但無人落PART, 所以二手仲係滯銷, 但係租務勁旺.

結構性的問題難解

 朋輩紛離港 擇業難 加薪少 港青1/4人生觀消極 6成想移民 育兒意欲創新低 20萬勞動力缺口難填

朋輩紛離港 擇業難 加薪少 港青1/4人生觀消極 6成想移民 育兒意欲創新低 20萬勞動力缺口難填 文章版權為 BusinessFocus 所有，閱讀全文： https://businessfocus.io/article/244173/移民潮-青年失業率-bno?utm_campaign=BFHK-Web-CopyContent&utm_source=BFHK&utm_medium=Web-CopyContent

呢一兩年來，除左小子都唔少朋友移居英國, 加拿大同埋澳洲等地之外

最大單係留低的小朋友係無哂動力

無動力唔單單係做野的動力, 而係生育的動力

好多都係抱著今朝有酒今朝醉的態度

無他的, 小子身為三子之父, 真係好明白, 我自己放工睇佢地D功課已經透不過氣來

再疊加佢地仲係事業的摶殺期 / 又或者真係做到PK, 在佢地眼中, 小子可能叫做半上位, 可以有悠閒點的工作

試問如果生埋小朋友, 點攪呢? 我係佢地都抓爆頭

請多個姐姐? 姐姐變左勒索你, 佢一唔做你頭都大

指意四大長老? 唔問你每個月拎家用都偷笑, 仲要指意佢地無償無條件去幫你湊仔? 難矣

自然定律就係條件無咁好的事候, 生物自不然會選擇減少生產, 以給他們最好的, 增加下一代的存活率

人都係生物, 在就業的保障, 工作的時間, 教育的質素等等沒有長足的進展下, 好難會期望後生一代會大量生小朋友

甚至乎有D人搵夠錢又好咩都好, 有機會降低自己對物質的追求, 移民/移居他國

令到中價樓以及一些以前靠後生享樂的生意好似OMAKASE, FINE DINING 都開始生意少左.

呢個LOOP 會進一步對中產的就業影響, 是極待政府去出政策處理的.

新喜愛地點 - 馬拉

 4月成個月小子除左去旅行之外, 都係去旅行同埋進行階段性反思.

4月份小子全家係去左馬拉探朋友, 去左成兩個星期

食野真係完全唔駛睇錢咁滯

上次去馬拉我屙到PK

太太話, 好啦, 今次食番D中國野啦, 唔好攪咁多野, 住埋5星級酒店 (香格里拉)

嘩, 大佬呀...我都知食野平, 但平到咁過份真係CLS 的

我8個人食到擺酒咁樣, 魚蝦蟹肉雞鴨鵝樣樣齊, 都係1600埋單

I was like, what the fuck......

最唔平衡個下真係land 香港個下, 夜晚拎番架車, 番去家買野食俾家人食

一碗肉碎一般的大牛坑腩, 加4碗墨丸雙拼河, 無左隻大牛.....

上飛機前食個餐飲茶, 食到真係都幾貴個間, 都係6XX HKD.

當然作為收租佬, 我好明白地租人工都係佔好大部份

真係好難怪個個市民, 有錢就儲埋去外地食, 無錢就番內地個個星期做大爺 (其實未必無錢, 真係直頭性格比係唔啱數, 唔想益你受你氣咁解)

然而, 你20蚊張話叫人留港救市, 真係.....你當初講過D咩又話咩最低工資取消, 真係呢...如果取低工資再低D, 你點解D野又可以賣得咁貴呢? 個LOGIC 係邊度?

Anyway, 真係無得怪的, 香港消費的CP真係好一般.

再加上港元強勢, 多數儲埋D錢去日本或者其他東南亞地方去洗

香港商家及零售的真係有排捱

爆笑的地產AGENT - 飛夢企畫

 呢期太無聊, 又睇番飛夢, 實在太好笑, 分享下

笑L到我仆街

其實真係好多AA 係有FP 樓

GOOD OLD DAYS 合埋眼炒樓上一個cycle 好多都LAM 落好多

所以唔好狗眼看人低

齋係我主場都有個AGENT 有4-5間, 仲係收舖數最遲個幾個之一

做人最忌爛賭

小子好鍾意煮野食, 主要睇星師父的片自學

啱啱睇到佢的片講叫人千析唔好賭錢

爛賭/禍害下一代/ 有賭癮一定輸 /我星星過來人/ 呼籲大家立即戒賭/戒賭熱線183 4633 /@singsingkitchen /

爛賭, 唔單單止禍害下一代, 累己累人

星師父無講錯呀, 三行佬, 廚房佬, 的士巴士佬係最鍾意賭

無他, 時間多, 做人無所事事就會好容易賭錢

賭錢之後個人變得唔踏實, 佢講起去澳門賭

小子記得自己由BIG 4 出來之後, 入左commercial 做, 真係好大壓力, 生活又係最唔開心個幾年

我真係試過半夜坐船去澳門賭, 個時未結婚, 真係可以一晚輸幾千, 一萬

好彩係我呢個唔係變左做習慣, 有會計的training, 對錢好敏感, 一下輸左幾皮野個時, 便知呢個係唔可以continue

而且, 賭係無止境的, 你輸100萬都係可以一粒制攪掂, 比起其他惡習, 惡性勁好多

你包二奶去嫖, 估你一日都無可能攪到10次掛

你去飲 (小子都係愛酒之人), 你飲lafite 一支都係幾千, 而且你唔會當水咁飲, 有限數

你去食煙, 我以前打牌食一包兩包好盡, 食唔到咁, 雪茄一支1000 食成晚.

有時間淨的話, 問下自己有咩興趣, 用來賭錢的時間用來學下斗數, 做下其他你自己覺得有興趣的東西, 時間好快打發到, 而且好充實

記住, 唔單止DNA 會傳俾下一代, 窮都係會傳埋俾下一代

你賭輸左你的人生, 係你的下一代同你還

本身佢地可能唔駛俾家用你, 或者隨緣樂助, 但你仆左街, 係你的子女幫你埋左張單

所以, 真心, 千析唔好賭錢

你有見過賭場同馬會輸爆廠未? 賭仔輸爆廠就時有發生

同樣地, 股票都唔好死渣, 都係半賭的一種, 再加埋Z世代的YOLO 末日輪呀個D, 記住MARK 住條數, 自我反省 你有本事贏, 勾金, 你贏, 記得多謝你祖先或者行下善幫下人;

但多數人都係磨爛席直到最後輸哂為止.

撤辣後市況UPDATE, 傳聞長實推波老道項目新玩法

今日專登同本身經紀老友食飯交流下

得出以下暫時市況:

1. 大碼中碼野走貨, 愈大碼的持有者愈有意慾沽

2. 細碼野300萬左右有人執死雞

3. 多左好多投資者出來用公司買細野FLIP

4. 新樓旺, 好多人賭建期

5. 工商舖靜, 大孖沙沽貨意慾高

另外, 八到長實將會推出波老道項目, 更新玩法

21 BR 波老道發展商通知， 為方便買家安排資金👇

買家只需樓價10% 享受1年長成交。 （10%睇1年）

12個月後如再需延期， 每三個月只需支付樓價3% 。

另如需要先住後付等plan 。

中國將優化房地產政策、促進市場平穩健康發展 未提「房住不炒」

 【彭博】-- 隨著房地產危機進入第四年，中國將優化房地產政策，為這個陷入困境的行業提供更強大的支持。

根據週二向全國人民代表大會提交的政府工作報告中概述的建議，政府「將對不同所有制房地產企業合理融資需求要一視同仁給予支持。」

北京方面希望建造保障性住房來遏制房地產行業的低迷。為堅持國家主席習近平「共同富裕」的指示，將擴大此類住房的供應。

隨著領導高層試圖穩定這個曾經帶動約四分之一經濟產出的行業，本屆工作報告未提及「房住不炒」的口號，這是自2019年以來的首次。2016年首次提出該口號，突顯了北京遏制房地產市場泡沫的意圖。

政府也針對援助民間企業和地方政府債務提出構想。計劃增加對非國營企業的貸款，擴大非國營企業債券的發行規模。

還將採取措施，標本兼治化解中小型金融機構風險，嚴厲打擊非法金融活動。

另外,  針對3月11日到期的美元債，有投資者關注萬科能否到期償付。3月5日，萬科方面回應，美元債VNKRLE 5.35 03/11/24（XS1917548247）所有資金已經到位，償債工作在有序鋪排中。

點解我覺得樓價升幅有保留

撤辣之後, 在內地精英專才眼中看到的好處, 筆者已於前文談及

說命人係筆者現實當中的好友, 大家都係差唔多背景, 白手興家 (餓唔死), 同埋鍾意研究斗數 (當然佢本人勁好多)

說命人FB LINK

同佢講開, 佢話想我講埋點解覺得唔會爆升

作為愛國愛黨的專業人士, 梗係小罵大幫助

1. 中產人士移居

第一, 雖然筆者不會考慮移居 (睇醫生已攪唔掂, 所以英國加拿大一定唔得), 但呢幾年來, 食CPA朋友的FAREWELL 飯真係食到反胃, 有好一批專業人士係選擇移居他方

呢一批人, 根據小弟的due diligence, 好多都係過百萬年薪, 佢地流失的購買力 (包括消費以及在樓市中的購買力), 係要時間修復.

你一件得寶200-300萬, 人地一年人工都百幾, 係咩CONCEPT? 好平.

你無左SSD佢地瘋狂咁買都得. (即係2012年左右的維度)

雖然內地專才係可以填補這個空缺, 但啱啱今日睇新聞話好多專才未搵到工, 你要佢地settle down 都需要時間.

而你流失左個批人, 就好似筆者咁, 我自己買, 又買一間俾每一個小朋友 (或者兩間, 三間), 而呢班人的持貨能力極高, 筆者給予小朋友的樓的leverage 約莫在20%-30%之間. 仲要收緊租有正現金流, 你扣我喉都唔會嘔到出來.

而無呢D人, 潛在的需求正確預期係會減少

當你話10萬個家庭走左/唔想買, 即係potential 係講緊20萬個, 30萬個單位

一年供應30,000個都有10年條數, 更不用說根本沒有30,000個私樓單位供應一年

那當然, 有土斯有財呢個概念係根深柢固, 中國人如是, 所以, 要等內地專才坐定定先會見到佢地掃貨, 而呢家個D所謂1Q清個D唔係呢個維度

2. 放寬政策引起不少炒家放貨及炒貨

因為真係有不少炒家買入的價錢係好平好平, 而由2010年開始的SSD, 佢地係焗住收租

對於一D有錢人來講, 賺少左都會好痛, 佢地沽左, 要買番要俾15% DSD, 7.5% DSD 都唔會沽

呢家唔駛錢買番, D炒家有好多經紀的NETWORK係可以買到好平的物業, 俾你正常人買到往往可以低10%, COVER 到佢來回佣同埋D洗費雜費

而且, 好多炒家都係有個好強的裝修佬跟住, 攪下化妝高價出貨係有利錢所在

雖然對比以前的利錢少左好多 (以前係100幾萬, 老裝幾萬便可以KO 件事)

但係炒家願意食薄CUT, 微利都會沽, 所以供應一定係會增加, 同以前有SSD下乾升係兩個市場維度.

3. 香港的營商環境

暫時來講, 政府雖然好積極, 想攪好個營商環境, 但係呢家同以前高峰時間比較, 個熱度係有出入

你行下尖沙咀旺角銅鑼灣就知

再加上post-covid, D人都慣左早番家, WEEKEND 就去內地消費

可以合理預期係香港的零售環境係會困難

從而, 基層及sales 的人工唔會有以前咁增長

再令到佢地消費謹慎左, 個multiplying effect 細左, 財富效應細左

而D有錢人好醒的, 聞到味即刻UM 住個袋, 呢D野會層層咁傳上去

所以真係要睇到D舖旺番先可以斷定香港環境轉角向好, 暫時只能審慎觀望.

再者, 你睇下佢放煙火, 攪交通, 好以都做得唔係咁OK, 你如果得失客人 (內地客), 又少一批人來, 或者消費唔夠多, 直接令到個recovery phase 增長.

內房債問題已經傳到半國企

WEEKEND 開始傳出內房萬科開始與投資者商討境內非標債的展期

星期一, 即係今天傳出以下消息

傳拒絕萬科展期要求，新華資產澄清仍保持正常合作

此前外媒報道，有國資股東支持的萬科（０２２０２）

（深：０００００２）非標債務壓力重現，公司正在與以保險公司為主的貸款機構進行談判，以

將部分即將到期的非標債務延期。而最新有傳聞稱萬科希望向主要借款方新華資產管理股份有限

公司申請債務展期，但遭拒絕，受債務展期問題困擾，萬科多隻境內債券上周五（１日）普遍下

跌。

　　新華資產周六在其官方微信發布一份公開聲明，稱近期關注到有關公司與萬科企業的不實信

息。新華資產強調萬科企業是中國房地產行業龍頭企業，一直與公司保持正常的業務合作，又表

示公司對中國經濟發展充滿信心，堅決服務國家戰略發展大局，支持中國房地產業健康發展。

　　新華資產於２００６年７月正式掛牌成立，註冊資本１億元人民幣，是國內首批專業的保險

資產管理機構，前身為新華人壽保險股份有限公司投資管理中心，其控股股東為新華保險

（０１３３６）（滬：６０１３３６）。

而SHIMAO 亦都傳出德意志銀行在港申請清盤

而華南城早前亦已爆雷, 都係半國企來的.

可見內房的仍然是很不明朗

而碧桂園亦給EVER CREDIT (建滔子公司) 申請清盤

可見板塊的前景還需要一些大手的政策以復甦

港樓撤招的吸引力 - 由內地人的角度來看

撤招無助爆升仍然是小子的結論

但一個成熟的投資者, 看全盤的因素是必要的

那在內地精英眼中是如何看待港樓呢？

筆者的公司有不少內地精英在工作，撤招時佢地都好開心, 只係對於放煙花有D燥底

在內地精英來看, 港樓有以下優勢

1.    rental yield 高好多

內地的rental yield 只有0.5% 左右, 1%以上的已經係好少數

香港呢家你肯搵D細野, 3%, 4% 唔係一件難事

2. 持有成本低

內地的稅收比香港貴好多, 不需elaborate

3. 香港的自由港地位

資金仍然可以自由出入, 你一粒制可以TT 出香港, 內地要經外管局, 暫時不能逆轉亦不預期會改變

4. 港元美元的聯匯優勢

持有港元資產是直接持有美元資產, 抗衡人民幣潛在的升值貶值壓力

5.    按揭容易

一按6成7成, 再唔係你想了結自己, 去康X借爆佢俾12%以上, 按爆件貨係好容易, 亦有法律規範

在內地做同樣的動作, 你想變老賴都唔係咁容易, 亦不透明

6. 吐現容易

平50萬大把人接, 不詳述

7. 超一綫城市, 供應有限

香港細到一個點, 你北上廣深都一環二環三環, 萬九幾層, 香港九龍站為核心, 圍住買, 港島又保值, 完, 簡單完勝及免煩

學區房又易搵, 又有得抽獎, 租金亦有合理保障.

8. 沒有SSD, BSD, NRSD, 買入成本低

無錯新加坡係起緊, 但係要買SG 要60% BSD, 現金科出來

舊數都已夠買港樓有找了, 大家的兩房都係800萬左右的概念.

買一間SG = 買兩間HK

數字上的誘因是存在

*請記住是由內地人的眼中來看

如果以你想移民的人角度來看, 便有幾點是不同的.

1) 我做定期好過

2) 將來會加稅收割業主

3) 好快無了, 中美打緊交, 實攪香港

4) 同3 一樣, 取消swift, 聯滙等等

5) 負資產, 仲按, 收樓

6) 跌跌不休, 送都無人要

7) 金融遺址, 內地人又唔鍾意

8) 供應大增

功利主義 - 點解香港注定係要炒炒賣賣

呀波叔放寬左所有辣椒, 300萬樓下或者細價樓s將會迎來炒風 (如有)

還記得最初出招時係由2010年開始出, 個時筆者仲記得HKMC 有得借錢俾收租樓的, 一路下來, 出招的原因就係話年青人上唔到樓, 仲記得前特首曾蔭權話叫人地買4000 5000蚊一呎的天水圍仲有大把貨

到今日2024年, 前前後後出左招都成14年, 樓有平過? 無

年青人買樓有易左? 無

咁做左14年的政策幫左D咩年青人買樓? 亦無.

係2012年左右迫到D人死買爛買又HOLD 到貨個班, 順風車發左, 變左收成期

點解D人咁鍾意炒樓呢? 個時摸貨, 早上買, 下午贏10萬8萬個D美乎師奶, 10萬係咩概念?

你一個人1個月15000, 一年18萬, 一個下午便可以贏/輸

而且個時的資訊係好不對稱 (到今天亦是), 有相熟經紀基本上贏左7成

除左炒野之外, 職場都係如是.

個個番工都係醫生律師會計師精算師

點解? 人工高

醫生呢家特別吃香, 月球人比比皆是, 兒科個D, 個醫生做到無停手, 一個800, 1200, 1700

一日做50個客好閒, 成十餅野一日

本身D人係唔係好鍾意做醫生呢? 未必, 成績好就係做醫生搵真銀

外國就唔同, 加稅加到你PK, 先唔論福利主義的問題, 你做醫生同做教師, 淨番的可支配收入都係差唔多, 是以鼓勵到D人係想做自己想的工種

這個本無不可, 不是吐糟話香港的system 有幾bug

只係土壤不同, 產出的農作物亦不同

你不能求香港有大創業家, 本身香港食咁貴租, 創業又難, 輸左俾人笑, 點都係炒樓做你上家好過做你下家

打工梗係求多錢, 過年呀三姑六婆都問你個仔入邊科, 搵得多唔多, 撈得掂唔掂

一聽到你係"發三師"就"光宗耀祖", 如果做D平凡野就祖上面目無光, 唔好講外母俾唔俾雞肶你食,.

而且中國人特別愛比較, 成日都係聽到"你睇下隔離屋呀小明, 你睇下人地考幾多幾多分", 其實件事錯哂. 你做得開心, 有興趣, 錢就自然會來, 多少另計

所以, 係呢個土壤下, 炒炒賣賣是最能夠在這個社會上生存的法則

而且, 物價咁貴, 供樓/租樓都要一兩皮, 加埋工人3雞幾, 食得好少少, 一個家庭你搵唔到5-6皮你基本上都生活得幾艱難, 唔好講話去下日本等等

是以制造出來的產物就係大家都係睇個錢字去做野, 想唔想做? 無人理

撤招無用

啱啱財爺話取消全部辣招

SSD 取消: 摸貨增加, 蟹貨的照放+10%扑傻瓜 (但無人買佢手貴貨, 個個出來買都係想買平野, 你唔彈番2成D人點追都追唔到21/22年個口), 但潛在供應大增, 09-15買個班都會放野出來, 買家只會扑傻瓜摸貨, 無助蟹貨消化

BSD 取消: 公司貨的PREMIUM無哂, 有錢佬CRYCRY, 內地人會買多左, 但EFFECT 係呢一刻講, 唔係超大

NRSD (DSD 7.5%) 取消: 再買的唔駛俾7.5% 稅, 但問題係市場環境令唔令到無貨的人會鳩衝去買? 唔會; 而且DSR (DTI) 不變, 減左壓測又點, 你借都係借到咁多, 唔會JIT 到一大舊錢出來再買

就算你JIT 到出來, 都係用來備用, 唔會ALL IN

得益的只有AGENT : 1) 摸貨 2) 多人扑傻瓜

都係個句, 除非個場攪番好, 個個都好易搵錢, 唔怕失業, 否則市民的預期係職業不穏, 係唔會狗衝去買的, 以及, 樓係好奇怪的, 升D人先會衝去買, 平市跌市D購買力係無Q哂的

注: 香港四大支柱係咩 1) 旅遊 (呢家內地客窮遊) 2) 物流, 和黃碼頭TEU跌到HIHI 3) 專業服務 (IPO都死光光) 4) 金融 (ER.....有無IPO? 有無人做FA? 有無人做刁GO? 有無人發點心債, 熊貓債, 功夫債? 好似.....內房都未攪掂, 啱啱COGARD先話俾建滔SUBSID入稟清盤, which is 一定要入因為做左provision, standard 係要咁做, even 張生未必想將佢軍)

而你的成數加左, 即係將風險俾番銀行處理, 銀行唔係死的, 佢計唔到數都係唔會做你生意

你7成又點, 佢見你份工唔係超好, 都係唔會借足俾你的, 我諗起08年我買樓的時候, 係最低估價計數再減1成, 你搵多幾間先搵到借得足個D.

銀行的好天遮唔係流架個朵

我當俾哂你啦, 都係借7成, 1000萬7成要7皮野收入同埋無其他物業按揭在手.

1500萬呢? 借7成1050萬, 月入要10-11萬

其實同撤唔撤都係一樣. 有10-11萬個D 人, 好多都有樓, 你俾佢地借多100萬唔會令到佢地非買不可

成個塘都係無改變過, 搵3皮5皮個D都未必敢係呢個時間買.

仲有一個受益群體, 就係COMMERCIAL, 老商放按揭救命, 銀行有大條道理唔CALL LOAN住.

叫做慢慢收復個"失地"先. 唔係呢佢地D大孖沙一層層咁打落去, 爆裂都似.

仲有一個係, 300萬樓下細價樓可以"摸貨" (如果勉強講的話)

殺頭生意有人做, 蝕本生意無L人做

 寫在財政預算案之前, 班官究竟明唔明點解人地唔投地呢?

會德豐黃光耀道出原因, 大佬你做定期4-5年開盤的時間, 我risk free 做定期, 加埋都20%回報

呢家你叫我投地? 無40% 係唔會考慮

正所謂, 殺人生意有人做, 蝕本生意無人做

呢家地產商正正就係話你知, 佢計唔到數, 唔會做, 你殺左佢都係唔會做

除非你強制投地啦, 否則咩北都明日大魚個D佢地一概唔投 (imply 就係咁的message), 根本同內地唔同, 無政唔政治任務, 佢地係商人無祖國, 逐利而居

再者, 講左200幾次, 香港係好大的friction cost, 成班人個個幾萬蚊人工起標, 內地個個幾千蚊

點解你值幾皮野? 因為你勁D一個打十個? 定係因為你香港人有國際思維?

非也, 主要係因為生活成本, 再加上, 香港人所創造到的價值係啱啱可以breakeven

是以, 呢家本土消費又無, 四大支柱其中一個旅遊, 你又做到唔湯唔水, 帶唔到high end 遊客

金融呢? IPO 跌到....唔駛講啦

貿易及物流? 睇下HIT (和黃)的空地? Throughput 對比上海港同鹽田港差幾遠?

至於專業支援......呢家prc audited accounts 都可以SEHK 上市, 唔駛big 4

同埋, 內房同埋連帶IPO都死Q哂, 仲支咩援呢請問?

最PK 係香港的消費係高到離地, 搵少個錢都頂唔到呢度的物價的

結果係點? 就係番內地消費, 慳住玩, 一係就UM住個袋.

咁D商家佬無錢賺, 地產佬無錢賺會點?

最慘係好多utilities 都係佢地打莊, 一定係炒人

而你政府take up 到幾多? 仲有你政府條數本身就係靠賣地所得, 臨尾件事係變左close loop

呢家又唔買你D地, 咁點? 公務員仲出緊幾十萬糧? 議員出緊10幾20萬, 仲有編制又加左

其實洗錢無所謂, 你搵唔搵得番先

筆者一早已講, 香港係只靠賣地, 即係一家之主靠賣血養家

你呢家仲要hands-tied, 不能開新稅種

你加稅, 對面新加坡KO 你

你狂抄牌, 其實無用, 只係夠頂你多左的編制, 對件事無咩大幫助

歸根究底, 就係你個場問題, 點樣做得番好, 放下煙花, 吸引下D低消費遊客係無用的

最簡單真係第一, 縮番個編制, 公務員凍薪減薪

開支方面亦要縮, 呢家都無左無事反對的反對派, 是否議員個度可以CUT ? 仲要90個? 區議員仲要咁多個?

長期退休金個D出番機管局D綠債俾佢地又得唔得? 反正都係政府包底, 換個形式. 65+ 全部轉番年金, 幫政府慳唔少

開源方面, 都係老個句, 做番好個場. 唔單單係撤辣, 而係令到營商環境更友好, 只吸引高端能消費的人才可以來, 無得咩都怕, 再玩地攤野係攪唔掂的

香港的friction cost 係好高, 幾串魚蛋幫唔到太多, 係時候重新檢視一下成個layout應該點做的了.

你要收地, 收番丁屋個D, 暗地拍Q商家佬攪, 唔好迫佢補價, 先收棕地丁地, 你迫佢買都無用. 人地贏左咁多年錢, 計唔到數真係唔賣你賬.

本身諗住叫內房來食佢地market share, 但係呢家內房都PK, 你短期內都要與虎謀皮.

撤辣無助上升

來緊2月28日財政預算案會公布, 呀C老闆已經牙痛咁聲話要撤辣回應需求

其實呢條友係想多D生意, 俾D AGENT 鋤個D弱勢業主出貨

撤招其實係無助於回升

我呢家已經好少寫, 原因真係無咩癮

我自己都有AO朋友, 班官佢地係知咩事的. 放心. 你再寫來話佢無必要.

你知, 我知, 單眼佬都知.

你見官方都有人話有人移民, 例如有D官員都講左係有, 有D議員又話學校殺校因為移民潮

https://hk.finance.yahoo.com/news/%E7%B5%B1%E8%A8%88%E8%99%95-%E9%A6%99%E6%B8%AF%E4%BA%BA%E5%8F%A3-%E5%B8%B8%E4%BD%8F%E4%BA%BA%E5%8F%A3%E4%B8%8B%E8%B7%8C-%E6%A8%93%E5%B8%82%E7%B5%95%E6%9C%9B%E7%9C%9F%E7%9B%B8-021217541.html

嗱呢個CHART 唔係我自己作的, 係政府統計處出來

你睇到D咩先?

1. 0-4 係少左

2. 20-39 全方面減少

3. 45-49 少左

4. 55-59 少左

5. 60-79 多左好多

係唔係合理預期係20-39 後生個批又走, 有D結左婚帶埋小朋友走, 所以0-4 小朋友又走

而且有D 45-49 (小朋友10幾20又走), 有D 收成期55-59 又走左呢?

點interpret 都好, 未來中堅接到盤個批係咩人? 20-40, 係全面減少according to government data.

你撤招會唔會令到20-40個批買吖? 

D野升, 就會有人買

NVDA 幾咁高P/E 都有人追, 香港D收息股幾低P/E 都唔會有人炒

投資物就係咁, 升先有人要

都係個句, 做番好個場, 善用自身優勢.

CNH/CNY 離岸中心的永久優勢唔該你好好利用, 唔係單單話用番20年前擴大自由行條方去處理

香港租金咁貴, 多少少旅客幫補的真係好有限

以前左右逢源, 呢家同外國斷連或者減少關係係可以預期的情況下, 你的附加價值要更高先可以補償到客戶的減少

雖說新加坡話搶左唔少生意, 但始終係老美的地頭, 有錢佬diversify 一定要, 係唔會全部拎走哂, 淨番幾多, 有幾多價值, 真係要等你政府的政策去juice 去support , 而唔係撤辣就可以解決

再者, 買唔買到多一間唔單單係macro的事宜, 係DSR, 你呢家睇TU, 50% 人工可以用來供樓, 又壓測咩咩77, 即係一個人最多都係買到一間, 當你不能買多間的時間, 借唔到錢你免稅都無用.

SG 60% BSD DSD 都係照搶, 你可見件事已係唔淨係單止關辣招事了