2019年5月8日 星期三

霍景良- 香港係借番來的地方

小子在創世紀中最深刻的人物係霍景良


「唔好同我婆婆媽媽,你地賺錢賺得應分,我使錢使得高興,千祈唔好比個game停,我最無耐性窒住道氣做人,話曬香港地都係借返黎既地方,Easy Come Easy Go。所以千祈唔好同自己D時間客氣,See?」

香港無錯係一個借番來的地方

記得100年前係原居民大哂, 後來1949年左右大陸走難潮, 令到國內的勁人 (真係勁, 小子的祖母輩已係飽讀詩書), 國民黨的精英逃難來香港, 及後打造1970-90年代的黃金一代, 當時仲係英國大班打莊, 山頂必定係華人與狗不得內進的地方, 亦有明文規定華人不得買半山區

到90年代, 移民潮, 亦都係BENEFIT 到香港"本土"呢一代, 好多上一代發左的都遠走加國, 美國等等地方, 淨番中層管理層一下子便可以上到C-LEVELS, 再加上資產價格暴升, 做成最幸運的一代...亦係父母幹的主要來源......(啱啱抽到居屋18歲妹妹仔便玩爭資源...真係咩玩法?!)

而守到97-03的, 基本上呢家都係退休無誤

到我地80-90-00後呢一代, 香港亦由外資-->華資---> 紅色資本

最明顯係大量土地都落在紅色資本手中, 再加上新一代香港人不停咁佔有公屋/私樓, 可以預見未來香港呢張大賭枱係由大陸打莊

而職場上, 有好多中層已俾新香港人佔據, 無他, 1% 國內精英已可FIGHT低香港精英有凸, 時代巨輪在轉. 人在屋簷下, 哪有不低頭?

當呢一代新香港人再緊渣唔放呢D貴重資產+職業位置的時候, 上一代80-00後的生存空間便會愈來愈少, 打工的, 加租加租加租; 要不買樓? 800萬一房供你30年, 你肯唔肯? (玩到資產咁貴的時候, 即係迫你走........?)

做生意的更係俾業主睇住來食, 米芝蓮的詛咒相信大家都有聽聞

好多BLOG 友都話小子係重物業而輕股票, 無他, 事不離實, 持平少少講, 香港TOP 10 有錢佬係咩起家? 心照

小子更加認同70兄講的, 好多人ON99 買左層樓就發左, 真係ON99買左, 唔係講笑........我身邊有人連樓都唔多曉買但已經一生三宅.....ON99 地ON99.

人做我又做, 做唔做到不同的結果? 可否行一條非傳統的路? 我相信有人係可以, 只不過, 100個有無5個? 我唔係悲觀L, 一切都係概率問題. 同跑馬一樣, 大熱門SURE WIN? 輸9死你都有份.....

而需要的心力係唔係個個人都有? 我相信答案係否定的.

唔係話人買樓我又買, 只係有一件自住係香港係免了俾地主吸乾同埋以對沖生活成本, 僅此而已.

而呢一代, 好好彩, 亦好唔好彩, 係要決定自己的前途的一代
有錢的可以選擇做香港/中國人 或者移民

無錢的, 個芬圍可能亦都迫你落BET, 特別係有小朋友的家長, 我相信感受好深


又, 小子股樓債權都有玩, 你話係唔係全倉係樓? 答案亦都係否定的.
不同投資物有不同特性, 有不同玩法, 識玩最好係玩盡佢, 人生在世, 咩都試下交下學費先知邊樣啱自己, 一個人總會有自己最叻的東西, 做得好基本上已夠開飯有餘

11 則留言:

  1. 偏偏有更多人以為,自己在香港出世,就代表香港係佢地自己既地方
    其實,就算你在美國出世,也別以為美國是你的

    回覆刪除
    回覆
    1. 全球化下, 唯有搵到一條自己的路才能避免在洪水中淹沒

      刪除
  2. 快兄寫左篇香港歷史觀喎!

    //到90年代, 移民潮, 亦都係BENEFIT 到香港"本土"呢一代, 好多上一代發左的都遠走加國, 美國等等地方, 淨番中層管理層一下子便可以上到C-LEVELS, 再加上資產價格暴升, 做成最幸運的一代...亦係父母幹的主要來源......
    --> 這段的確如此。90年代移民潮給予了很多當時的中生代上位的機會。

    //不同投資物有不同特性, 有不同玩法, 識玩最好係玩盡佢, 人生在世, 咩都試下交下學費先知邊樣啱自己, 一個人總會有自己最叻的東西, 做得好基本上已夠開飯有餘
    -->絕對係!小弟都係一直交學費,繼續學其他投資。人生漫長,怎能肯定單蹄馬能跑足一世呢?

    回覆刪除
    回覆
    1. 三兄, 小弟有鬼歷史觀咩.....
      理科出科, 食屎觀就有....哈哈

      不過呢一代真係好艱難, 又好好彩地會有個千年難得一見的機會可以好好落BET
      簡單咁講, 80後出身, 唔好理股定樓, 08, 13, 15 都已有3次機會, 前後唔夠10年
      呢D FREQUENCY 已絕非一般世代可比擬

      上一代, 只有67年, 89年, 97年-03年.
      CYCLE 快+短左, 贏的餐士都多左.

      刪除
    2. 好可惜既係我係08輸死左,13/15 都未回氣同無吉屎,乜都錯過哂

      刪除
    3. 18/19 都仲有機會, 三兄同斗滿兄都疑似執到平貨, 起碼贏100萬

      刪除
    4. 思兄,不要太灰。機會多的是,貿戰又係機會來了。畢竟單挑的話,美帝是沒甚可能打得死中國,打唔死對方的格局下,只有一個結果就是各種形式的講和。即是越近24XXX,越是機會!加油!

      快兄又搵三弟開玩笑。

      刪除
    5. 尋日任買啦, 大把股今日升番7% 以上.
      100萬有7萬.

      刪除
    6. 又要等快兄的海怡戰報貿戰篇,睇下個市係驚到震騰騰,定當貿戰無到?

      刪除
  3. 以前是物業致富, 依家也是物業致富, 將來也是物業致富, 可能要到人口老化死了一大代人, 到時如宋鴻兵預測, 一個家庭會承繼父母的房最少有3間, 到時物業如日本就不大值錢了 !

    回覆刪除