2018年6月8日 星期五

沒有最弱智, 只有更弱智

小子都唔明白香港D官個腦係唔係有問題, 係有心搞起D地價定係真係無能

小子朋友做AO 最差都HKAL 3-4個A, 無理由讀得下書個LOGICAL THINKING 咁低水平掛

新稅項將劃一適用於大、中、小型的空置新盤, 呢家D新盤, 買家餓狗搶屎咁鳩搶, 俾高少少按揭佢, 佢直頭合埋眼買, 又點樣有空置?

據運房局最近資料顯示,截至3月底,已落成但仍未售出的一手單位有9,000個: 得9000個咋.....搞咁大個研究你話我知只係搞9000個單位? 我係發展商, 好簡單, 租俾STAFF, 但人工回番俾佢, 咁咪唔空置囉......

最慘係空置稅再轉嫁俾買家, 又谷高一手樓價, 二手樓受制按揭成數, D人想買都借唔到錢, 想去死都唔俾你去死....又點樣"推冧"個樓價?


小子真係強烈懷疑呢班友仔係真心想夾死D買家, 出D招真係...打9000個新盤? 其他未攞OP 個D咪唔起囉..供應更少, 地價都唔L補...無供應咪無空置囉.....真係痴L綫


傳政府落實推一手樓空置稅 向空置單位徵倍數計差餉

政府推出樓市「辣招」,試圖為樓市降溫,但作用不大,截至4月份官方樓價指數已經連升25個月,並連續18個月破頂。
有傳政府將再「出招」,有意推出一手樓空置稅,並以「一刀切」方式執行,代表新稅項將適用於所有空置的一手單位。

適用所有空置一手樓
《星島日報》引述消息指,當局經研究後,新稅項將劃一適用於大、中、小型的空置新盤,並以差餉機制徵收空置稅,落成後一段年期仍然未出售的一手單位,就需繳交以倍數計的差餉。

未售出一手單位9,000個
據運房局最近資料顯示,截至3月底,已落成但仍未售出的一手單位有9,000個,其中有2,000個在2011年至2015年落成,另有5,000個於2017年落成。
本周初財政司司長陳茂波出席立法會財經事務委員會會議時透露,運輸及房屋局研究一手樓空置稅已進入尾聲,結果即將公佈。

13 則留言:

  1. 大眾說要管嘛, 佢就管俾你睇 XD !

    回覆刪除
  2. 我都覺佢搞咁多野唔知做乜, 佢應該搞二手市場空置囉, 搞一手做乜春?

    //落成後一段年期仍然未出售的一手單位

    點介定佢落唔落成? 發展商裝少一個窗話未落成你吹咩? Kai 到極點

    回覆刪除
  3. 其實盲都知不管最好,越管越大鑊,但大家話官商勾結嘛,咁政府咪扮下野中發展商一拳囉。中完發展商,政府又可以大大聲講:“拿,打左啦,你地高興了嗎?”
    轉頭發展商同班上車客講:“拿,我都唔想嫁,咁我成本高左,少少地加返10%價啦”
    明明單位同土地都唔夠供應,根本做乜都冇用。。。

    回覆刪除
  4. 應該MTR上蓋起貴野
    釋法, 新界丁權取消, 橫掂都係破壞法治, 玩到香港人得益, 呢件事民意99% BUY 林鄭, 又唔L去做

    只可以講唔係佢無膽, 係存心搞鳩你班香港市民
    佢高鐵港珠澳揩L哂野都仲可以笑笑口, 你估佢唔夠POK? 少年你真係太L年輕了

    回覆刪除
    回覆
    1. 再將起貴野D錢拎去元朗鄉郊起公屋
      大興土木
      15% DSD 唔取消, 每年80%撥入全民退休基金
      邊L個敢嘈! 民望90%!

      刪除
    2. 官商鄉黑,我諗當中最惡係鄉... 邊個郁親應該係即香...

      刪除
    3. 唔香都黑啦....你睇下林鄭俾人抬棺材整招魂幡...哈哈...
      算吧啦...

      香港邊有供應吖...供佢老味咩

      刪除
    4. 剛剛路過隔離街回左快兄一段話,去返你主場,再貼一次。香港邊有空置問題吖...兇阿水呢!

      香港物業報告2018截文:
      "本署在年底進行調查,包括向大廈管理處蒐集空置物業數據,或派員實地視察,以編製物業空置量的統計數字。對於物業管理公司 / 人士就物業空置情況提供協助,本署謹致衷心謝忱。" --> 有些人成日用香港單位數目大過住戶數目20萬伙,來說香港空置率有水份。但根據上述定義,除非政府吹水及物管公司玩野,否則條數係來自物管公司,空置率條數堅過石堅。

      政府差餉物業估價處的空置量定義:
      "空置量 指在年終統計調查時,實際上未 有使用的單位數目或樓面面積。有一點必須留意,就是 當中部分空置住宅單位於佔用許可證發出後仍未獲發滿意紙或轉 讓同意書。此外,正在裝修的單位亦界定為空置。" --> 即係2.X%當中仲有些一二手單位在正常的裝修中。

      政府差餉物業估價處落成量及相關統計數字:"私人住宅 - 各類單位年底空置量統計"
      2017年A、B、C、D、D類單位空置是3.2%, 3.3%, 3.4%, 8.6% 同7.5%. 大眾住的A / B / C類單位,加埋有35XXX間,但當中又有堆新樓未入伙,自然失業率都3%啦,根本A/B/C類單位無乜空置問題。有空置問題的,只是D/E類單位,仲有成7XXX伙空置單位添,但你打擊有錢佬的D/E類單位用來托咩?難道收返來間劏房乎?

      嬲嬲地,我下期出返篇文講空置量同空置率先...

      刪除
    5. 三人行兄, 講得真好! 白痴都知細野有無空置啦
      好簡單, 落一轉地產舖睇, 租樓有無匙已知
      幾時有真空置呢? 03年, 個個搬番屋企住...原本買左間俾老人家都搬番來一齊住, 出租來頂住個供款就有空置啦

      同埋無人做生意, 工商的空置仲高

      小業主收樓, 宜得好似70兄話齋, 做收租仔等租客幫幫手啦....空置來吧鬼
      同埋你罰D/E 類單位有L用咩? 佢地都唔志在

      刪除
  5. 二手空置點界定?我有不少大陸豪客,西九有層豪宅,一個月回來住一個禮拜,這樣算不算空置?

    回覆刪除
    回覆
    1. 唔好玩篤爆啦
      佢CHECK 埋水電煤咪間唔中去開下囉...
      其實政府俾哂位走

      刪除
  6. 其實政府做野就係搞一大輪話俾大家聽政府唔係冇做野,但做嘅嘢係唔足以引致fundamental changes 去ensure 事情未必一定更好但起碼不會更差

    況且AO做幾年就升SAO
    十萬月薪冇乜居住問題

    回覆刪除