2018年6月4日 星期一

熱窩上的螞蟻

最近由好友圈中得知, 有個舊工友推盡用高按買左新盤, 係"大兩房", 買入價我估800尾900頭, 呢家升到1000+

舊工友係會計人士, 記得印象中佢話自己過百萬年薪 (成日自我炫耀一番), 一直以來都係只租不買, 話樓價太貴, 一間3房要1000萬以上唔合理等等

到最後佢呢家都出手, 小子好無聊地同佢計一計, 當佢買9M 樓, 做90% 按揭, 810萬5.25% 大約供44,700 左右, 啱啱問起佢, 佢話捱貴息都要上, 因為無可能儲到50% 首期, 唯有用發展商高按PLAN

其實小子的舊工友入面, 有過百萬年薪唔係咩新鮮事, 中環食飯GROUP 同學會中, 一個做FUND MANAGER, 1.5M 以上, 一個做PE, 又係 1M 幾, 淨番一個做COMPLIANCE 都過埋1M, 舊工友自恃過百萬年薪實在係.....夜郎自大... (當然小子係最窮個批, 邊L度有150萬咁L7多吖...DLLM)

仲未計讀醫, 護士個班......其實入去私家醫院做護士, 同我地年紀, 10年+ 經驗, 過百都叫做"COMMON"

其實單頭過百, 在財經會計界都唔係咩新鮮事, 好似BIG 4 PARTNER (SALARY 個隻) 都成8皮野+ 一個月, 呢D工種已係最無技術同埋含金量最低; 財經界做COMPLIANCE (呢幾年好吃香), 都6皮野起跳, 呢班人, 好多係公屋仔出身, 或者好似小子咁一窮二白出身, 無父幹無首期, 到左適婚年紀, 30 幾,  係迫住買的情況下, 硬推一間係可以預期

而睇落好似好牙煙, 但係好多工友係同工友聯婚, 同行之間聯婚都係好COMMON的一回事, 即係2條友, 一人1M? 或者做FINANCE MANAGER 50K, 一年都70萬連BONUS, 兩條友都1.4M + 年薪, 面對新盤 P PLAN (5.25%), 熱窩上的螞蟻又蠢蠢欲動, 排隊乖乖付鈔俾發展商去也

直得一提, 其實如果唔係財金SECTOR, 其實到頂都係4-5皮左右, 所以入啱行, 係好緊要的 (當然我覺得會計同琴派撚唔係啱的行頭, 因為係夕陽工業, 玩埋呢個浪應該收皮)

9 則留言:

  1. 快兄,港樓這泿其實好屈機,因為貨幣濫發速度是之前世代的N倍,以往是美國一家印錢,今次是美中歐日英全部一齊落哂場,開足TURBO無賴式瘋狂印鈔。而且,單位與土地供應端同貨幣端一樣恐怖。睇埋快兄講的高薪人仕,其實睇人口普查,這類高薪人仕的增幅仲嚇死人,基本上大把高薪人仕在現階段都仲買得起,而且好多仲未出手。
    有些人包括小弟都係笨笨地好彩上左車,到好後期先知世途凶險。基本上越自認聰明的,越自認為懂經濟金融地產的,這浪輸得越慘。有個朋友做地產的,一早有幾球在手,但因為自認懂地產一直不肯買那些他眼中的入門版私樓,結果到家下都係同屋企人住。
    但話說回頭,這浪其實有N個調整位,有首期唔上的其實很難說跟自己無關。不買樓,走去買領展,近排都成日晌64-67徘徊,怨得誰呢?最慘的真係快兄講的收入不高的後生仔,這浪基本是㩒住搶佢地... 抽居屋是他們眼中的逃生門,奈何幸運兒不多。

    回覆刪除
    回覆
    1. 股樓專收叻仔
      等別係咩地產"分析員"話點貴點唔會理, 偏偏就係聰明反被聰明誤

      那怕回番3成5成去番當初2014年(30%), 2011年(50%),佢地已經輸左10年光陰, 因為人家已經仲有20年供, 但係回番同價時, 佢地入市GOGOGO, 但係要供30年

      時間係唔會等人

      刪除
    2. 三人行兄寥寥十幾句,論盡了這幾代(80s, 90s, 00s)被迫向樓看的唏噓......

      刪除
    3. R兄,快兄的文章好易令小弟人感觸良多,所以成日來到都亂咁噏。估不到R兄又係性情中人。
      其實70s一出身就見到97負資產,又沙士,又燒炭跳樓。敢上車的其實是勇猛之士。
      60s 好多都係97/沙士負資產苦主主力。有個UNCLE 97高位接左貨自住,又係陰公到暈。好彩份太太做政府工穩陣咋,挨到201X先返到家鄉呢。
      其實,每個年代的香港人都有每個年代對港樓的感歎... 樓這家野,真係問邊個年代的港人都有幾殼眼淚。

      刪除
    4. 樓這家野,真係玩殘好多香港人!

      這是一個走向上流(發達)的機會, 如小子兄和R兄,

      但又係容易令人後悔莫及,自怨和被身邊人怨(賣出自住橉,去租)的機會

      香港人都一定要面對!

      刪除
  2. 亦都好消磨意志
    令到人反思自身價值及位置

    回覆刪除
  3. 啲半年實在升得急,有貨在手都有啲驚,何況無貨果啲呢。

    回覆刪除
  4. 好奇一問 點解琴派撚唔係啱的行頭,夕陽工業?

    回覆刪除
    回覆
    1. Dodd Frank Rule 給侵侵"取消"/"優化"
      另外, bank compliance 阻住front line 搵錢, 已係令到間bank吃不消, 未來人才供過於求係可以預期
      人工只不然跟AUDIT 一樣, 愈做愈CHEAP

      刪除