2018年6月8日 星期五

工作的真諦

早幾日, 朋友話REFER 我去見一間LISTED COMPANY 的POST

年中都有幾個俾面派對要去下, 其實講到尾, 我極度鍾意我呢家間公司

雖然人工唔算好高, 甚至BELOW MARKET VALUE, 前幾年升左都係加個10幾PERCENT 咁大把

不過有樣好, 就係夾到老細, 我呀姐雖然都有脾氣, 但係大家識睇大家眉頭眼額, 磨合期一早已過左

所以除非係好L吸引的PACKAGE, 否則我可見將來唔會走

無他, 自主度夠, 我做野唔係太差, 俾到佢出去KO 到對家有凸, 而資源方面, 因為人工實在比MARKET 低, 好多舊同事都走左 (當然加30%人工) 咁老細就更加客氣, 你睇下我仲有心情寫BLOG就知

打工係出賣時間,你做到仆街多10000幾千,又要俾老細吊,正所謂好工不如好老細,不如收順D,生活過得開心D好過啦

ROC, 在投資界係 RETURN/ CAPITAL, 打工都有ROC,係SALARY/TIME

高人工, 狂OT, 其實仲衰過一個低人工唔OT, 你睇下拎綜緩個D人?唔駛做, 又拎錢, 直頭係ROC 無限

打工亦都係一樣, 同樣收入, 野就差唔多做咁多, 受少D氣, 個人自然爽D

呢D思維, 一個所謂上進青年人係唔會有, 因為佢地只會睇住錢錢錢, 但係有錢, 用來買藥又把L咩? 或者日日俾人吊而屈到病又何苦?

* 此思維乃非常老屎忽,小子利申,希望各方友好不要學習,因為成就高的人一般都好努力,分別在佢地用在對的地方。小子自知資質平庸之極,同埋打工的升遷實在係差到無朋友,所以才以「佛系」打工心態處之,嚴格來講我係撈得麻麻嘅





新年講多勞多得其實係ON9,多勞多得係奴才的咀咒, 少勞多得才是真道 ; 無奈香港人奴性太重, 係鍾意做資本家的奴才

你1年100萬年薪好未? 20年都係2000萬, 20年任砌見血唔駛唔食唔俾家用, 自己冚家識光合作用一個仙都唔駛, 逃埋稅, 都唔L夠買一個柏蔚山3房單位都仲要上會 

賣身, 梗係搵個憐香惜玉的恩客啦, 公司福利好, 有病包你睇醫生, 番工同事OK 唔駛太受氣 (香港人/中國人特L別仆街, 鍾意發放負能量), 吊你個後欄都就住入吖, 用下KY 好過乾啃

8 則留言:

  1. 好粗啊!

    (不是指下身)

    回覆刪除
    回覆
    1. 哈哈,出身草根係咁上下
      扮斯文不如做自己

      刪除
  2. 本熊成日同我阿頭講若佢唔撈我一定跟著辭職,佢以為我講笑,其實我認真的。要我做佢個位招呼老細,加一培人工都say no 啊

    回覆刪除
    回覆
    1. 小子做會計界都係一個上進青年來嘅,年年appraisal 都係最高分個幾條友
      不過打工,做人同跑馬一樣,要就住步速
      死推爛推隻馬會跪低架

      刪除
  3. 打工都有ROC,係SALARY/TIME
    高人工, 狂OT, 其實仲衰過一個低人工唔OT, 你睇下拎綜緩個D人?唔駛做, 又拎錢, 直頭係ROC 無限
    打工亦都係一樣, 同樣收入, 野就差唔多做咁多, 受少D氣, 個人自然爽D


    金石良言呀!!!!!!!!!!!!

    回覆刪除
  4. 打工係副業,最緊要做得開心。

    回覆刪除
  5. 小子兄文章次次都講到我心坎內!
    揾份穩定工作 HEA 住來打,係我返工生涯時的最大心願,所以政府或公營機構一向係我首選。我最唔明係有人居然話份工無嘢做好悶所以要辭工,無嘢做你咪係公司做自己哩囉,係公司炒股都得架!可惜我呢套講出去無乜邊個buy,好多人都有陣奴才除。
    咁都算啦,最憎有D老細屈你OT幫佢揾搏命時,仲好似益咗你咁,下下用學嘢呀、塞錢入你袋呀來呃九你,呢D我後生時聽過唔少。後尾年紀大咗,雖然都會被屈OT,但就無人夠膽咁同我講啦,因為知道我已經唔受呢套實屌返佢。

    回覆刪除
    回覆
    1. 最憎有D老細屈你OT幫佢揾搏命時,仲好似益咗你咁,下下用學嘢呀、塞錢入你袋呀來呃九你,呢D我後生時聽過唔少。後尾年紀大咗,雖然都會被屈OT,但就無人夠膽咁同我講啦,因為知道我已經唔受呢套實屌返佢。

      初頭D老細都係咁講, 我多數話, 你好聲好氣叫幫幫手我係OK, 小子受軟唔受硬
      你話我學野但係你番家訓, 咁同戴妖停叫人衝, 自己縮, 搞到呀天崎入去坐6碌咪一鳩樣...哈哈...

      刪除