2018年6月16日 星期六

借屍還魂

好多謝有位朋友係幾日前發左樓下段野俾小子

其實呢篇文係當日已經預備好放左係DRAFT BOX, 好多香港人一定恥笑大陸仔ONLUN9, 抵L死啦你, 無錢唔好學人買樓, 敗走香港啦, 睇下你? MOLAMOLA 等等....下刪一千萬字

小子都係鍾意諗埋D偏鋒野的朋友 (簡稱屎忽鬼)
就等小子將成件事係大陸朋友的角度演譯一次 (呢排睇得呀魔兄多, 想寫下故仔...又寫唔到糧油甜故, 難怪小子HKALE 中文無A)

故事開始

小陳係一個紅二代, 2009年佢老豆呀大陳話: 喂仆街仔, 呢家呀爸個袋有2000個, 人民幣又升緊值, 不如咁啦, 我識個大元錢莊呀老王, 佢幫到我打個2000萬去香港, 買間樓仔過你, 好嘛....

小陳: 老豆, 無啦啦做咩搞埋D無謂 野呀, 我地屋企都幾好吖, 年中幾多商家佬俾錢我地, 又有車又有女, 唔L好搞我啦老豆

大陳: 仔, 你有所不知啦, 官場嘛, 花無百日紅, 聽聞隔離省呀陸俾人拉鳩左, 仲要係雙規, 呢....個煤礦老板個朋友呢...上次去吊驢仔個次呀, 你都有份架呢....操你媽...個煤礦冧9左呀.....上面都知啦....著草都著唔切

大陳: 不如咁啦, 襯地淋, 嗱嗱聲搵人駛少少錢, 搬咁D錢去香港, 順便你個仆街仔拎埋香港身份證啦, 有咩事去英國美國都方便D, 無得輸啦.....

小陳: 好啦.....爸你話咩都好啦...

如是者, 大陳就搵左呀老王, 即日搞左5000萬去香港, 2000萬買左間九站凱旋門, 3000萬買番D車仔同埋俾小陳係香港玩下靚模

轉眼一過, 到2010年, 大陳仲係係地方再上一層樓, 做左唔知咩市市長
一日, 落來香港同小陳訓話

嗱, 都話左你老豆我勁過林峰, 個個老死好彩一早買左咋, 你睇, 落閘啦, 無得買啦, 係唔係老爸英明先!
 仔, 不過呢, 間樓要坐7年, 呀張總話有條絕世好橋, 幫我地D官走錢去外國呀....你跟住做啦

小陳: 呀爸你咁勁,你話咩就咩啦

大陳: 聽住啦喎...來緊一夠7年呢, 你去銀行加按, 一按左D錢呢, 就運去加拿大個戶口, 中間唔駛理佢架, 你帶D女番來過夜又好, 放係度又好, 我唔理你. 嗱, 呢度有張咭片, 老張間財仔會幫你盡按架啦... 按夠7年咪俾番佢囉...呵呵....

如是者, 小陳由2016起一直加按, 按左2950萬, 分4次, 運錢去加拿大老豆個神秘戶口

一轉眼到2017年, 7年期滿左, 小陳亦都拎左身份證, 大陳又來同佢傾計

大陳: 嗱, 衰仔, 都話老豆無講錯啦, 當初買番來都係2000萬, 呢家按左2950萬, 現價沽出去4000幾萬, 仲有錢贏添, 哈哈.....下次要請呀老張老王去澳門玩番轉, 多謝佢地, 唔係邊有今日咁爽YY

呢邊電話响起.......係張總

喂, 大陳, 下海市李總話, 佢個仔想買左間屋喎.....不如你賣俾佢啦....俾個人情我,收順D,3800,OK?

巧! 賣個人情給你, 小陳, 叫條AA 去東莞簽, 我地揼住骨等

過左兩個月, 呀李總打俾大陳: 兄弟, 我個幾隻莊家股贏大錢, 啱啱我買左MOUNT NICOLSON, 你個人情我唔駛要啦,屋仔取消交易吧!

巧巧巧, 恭喜李總股市發大財, 我退番錢俾你. 無問題, 今晚開心開心!

好啦, 咁退左訂之後, 大陳又搵呀小陳

呀仔, 嗱嗱臨搵呀張, 按埋最後一注錢走人, 老張話按到4200萬, 跟住俾佢收番層樓得架啦, 到時張總會搵銀行傾傾佢........

如是者小陳就按左4200萬又打左去老豆個戶口

總數係.......7150萬

注: 最新成交, 觀星閣76D, 1131呎實呎4000萬

http://hk.centadata.com/TransactionHistory.aspx?type=1&code=ESPPWEPEPD


買樓移民香港 即日起叫停
http://www.property.hk/news_content.php?author=PHK_NEWSPROP&id=9336


凱旋門驚現九按盤
東莞富二代屢加按 近日4,580萬沽

【本報訊】曾為全亞洲最貴樓王的尖沙嘴九龍站凱旋門,驚現「父幹盤」淪「九按盤」。一名自來東莞的80後內地富二代客,將父親送贈的一層凱旋門2,000萬元豪宅,短短兩年內如提款機狂按九次,套現逾7,000萬元。單位去年曾以3,800萬元賣出,惟有指父親及時制止兒子賣樓,向買家退定。事隔一年多後,樓市更癲,九按盤竟賣貴近800萬元易手。
記者:朱連峰
近年不少業主藉樓價狂潮頻頻加按套現,最終按爆煲。九龍站更屬重災區之一,過去誕下多個矚目爆煲盤,繼君臨天下九按盤及天璽八按盤後,凱旋門亦出現九按盤,與君臨看齊。
九龍站豪宅代理爆料指,凱旋門涉九按單位為觀星閣高層戶,實用面積1,131方呎,屬四房間隔,望內園景。業主屬內地富二代,來自東莞,「個單位係老竇買畀個仔,話做投資移民」,據講首期及供樓全由父親支付。2009年6月持中國護照以2,250萬元買入該單位及一個車位,兒子曾向代理報稱於內地從事房地產開發業務。

去年賣樓遭父制止

樓市「成功靠父幹」已成風氣,有時卻往往失敗因父幹而起。代理指,該富二代購入凱旋門單位後,來港靜俏俏地將物業不斷加按,於2016年8月至2017年5月期間,先兩度借貸共450萬元(300萬及150萬元),疑無力還債,去年3月將單位以3,800萬元賣出,代理憶述當時送定上東莞促成交易。據正式買賣合約顯示,買家料已支付一成定金共380萬元。
可是,賣樓被父親發現後及時制止,與買家商討後,去年5月雙方同意取消交易,至於如何達成協議就不得而知。
賣樓告吹後,兒子「按性」又起,甚至變本加厲,去年5月至今年5月期間,先後向7間不同財務公司加按或借貸,越借越大,頭兩次借200萬元及2,300萬元,到上月賣樓前作最後一擊,貸款額加碼至4,200萬元。該凱旋門物業淪為內地富二代提款機,前後九按共借逾7,100萬元。
市場消息指,事隔一年多後,九按盤近日再以4,580萬元連一個車位賣出,呎價40,495元,雖較市價略平約100萬元,但仍較去年造價貴780萬元或21%。富二代沽貨賬面賺2,330萬元。
高鐵效應下,九龍站豪宅交投增加,本月暫錄約10宗成交。凱旋門佔兩宗,包括朝日閣低層B室海景戶,實用面積960方呎,連車位售4,400萬元,呎價45,833元;另天璽星鑽璽低層E室,實用面積798方呎,售價3,538萬元,呎價44,336元。

 

8 則留言:

  1. 快兄,內地資本主義的運作方式真係諗佢唔到喎?

    回覆刪除
    回覆
    1. 我作故仔咋!無咩我番出去做野先!
      又夢遊亂講野
      其實點解差2900萬仲可以按到4200萬呢?

      刪除
    2. 剛同太太分享緊快兄篇鴻文。
      小弟又夢遊左去火鍋店,見個火鍋店老闆死力咁去洗大餅。老闆真叻,咁髒的碗碟,洗完即刻立立令。。。
      咦,小弟夠鐘起身返工了。

      刪除
    3. //其實點解差2900萬仲可以按到4200萬呢?

      本金:付2,250萬
      沽出:得4,580萬
      財仔無壓測指鼻哥借貸:欠7,100萬

      點叫做有錢賺?

      刪除
    4. 後著,你搵唔搵到事主先?
      林鄭都追唔到個50萬,哈哈!

      刪除
  2. 肯按4200萬肯定有d野係無人知曉。

    回覆刪除
  3. 好創意我中意😄😄😄甘最後嗰2千幾萬difference 點呢?我想學習下😂😂😂

    回覆刪除
  4. 批錢果個有問題過借錢果個

    回覆刪除