為自己的人生負責

【真人真事】一個「死刑犯」和「CEO」寫給父母的信，看完你會震驚，感動到流淚！

http://moneyaaa.com/1064/?from=instant_article 

小兒差不多三個月大, 作為爸爸的我, 除了再加倍努力為我們的末來打拼之外, 我還在頭痛應該如何教養小兒

我記得一年前我也在靜靜地想過呢個課題, 所出現在我的腦外只有5個字: 為自己負責

人生每一個行為都係一個選擇, 而每一個選擇都係一個套餐, 有好及有唔好, 係要全盤接受的. 如何令到小兒對自己的選擇負責任, 係小子一直以來好重視的問題

市場

巴菲特所說：「市場就像上帝一樣，幫助那些自己幫助自己的人，但與上帝不一樣的是，它不會原諒那些不知道自己在做什麼的人。」

炒股如是, 炒樓亦如是, 人生更加如是.
只有面對自己, 清楚知道自己做緊咩的人, 市場先生一定會幫你一把. 成就非凡

事業, 伴侶, 投資, 每一天每一個人都面對不同的決定及選擇

好似小子夾9硬沽左3836 和諧汽車, 換馬459 美聯工商舖
3836 由3.08 升到3.7, 足足賺少左30000 大元!
所以要堅持所做對的事係好緊要的

今日我又想沽隻459 (贏緊10000), 要控制自己, 堅持!

Life is an experience

剛剛同朋友傾開人生公唔公平, 其實人生出來已沒有公平可言, 各位的樣貌, 父母, 住的地方, 身高手長頭形全都不同, 更加不要說家底不同

大家的起跑綫既然不同, 家長們所追求的"贏在起跑綫"當然係無的放矢
試問霍啟剛之子同你的兒子大家都係讀男拔又會否是一樣? 除左俾D怪獸父母吹噓一番過後, 回家也是要面對家圖四壁的困境

生命是一架列車, 由出生開往死亡的目的地, 既然終點一樣, 為何要執著於可以在列車中獲取多少物資而不是欣賞沿途的風景?

鬥獸棋

數算數算, 小子都已經在職場打滾了第二個10年.
今年算係小子比較豐收的日子, 升左職但加好少人工
作為一個FAMILY OFFICE的小薯, 只一人之力去為公司每年搵>5M USD, 對於自己的要求已然滿意
小子一向只求於做好自己份內事, 有D書本教你成功之道, 叫你打工ACT LIKE A BOSS MIND
其實呢D 西書 (西人的書), 在香港又管不管用?

觀乎職場生態, 都係擦鞋仔老屎忽的天下, 試問在一個如此混濁的屎坑入面又點睇到有粒鑽石呢?

ACT LIKE A BOSS 係啱, 絕對啱! 不過係每日只工作3小時, 其餘時間都係要為自己謀打算, 多做點小生意, 哪怕你番工時間去EBAY 放野上去BID都好, 呢D活動都係將錢, 經驗, 入你"自己的口袋".

小子以前係EDPK 出身 (四大會計屍行), 見盡幾多日做夜做的傻仔. 不顧家庭, 不顧健康地去摶, 為的只為10萬8萬的年薪.

呢個情況就好似你玩鬥獸棋, 本身係一隻貓, 但係你要贏象, 所以想辦法整肥自己, 令到自己變成一隻大象....(即係小子講的climbing the social ladder), 但事實係, 你點做, 點進修, 點TAKE UP 多D野都整肥自己, 都無可能變到隻象, 因為生有涯, 而智無涯, 絕大部份的人都係會係中途倒下....而象, 永遠都係象.

要番身, 只有輕身上路, 做一隻鼠, 放手一摶, 才能有機會以弱勝強

鬥獸棋: https://zh.wikipedia.org/wiki/%E9%AC%A5%E7%8D%B8%E6%A3%8B

如何蒙養一隻奴隸與國泰大裁員

最近小子剛剛考完試, 又到還書債的時候
講到奴隸, 昨天看到國泰的大裁員實在好感觸

http://hk.on.cc/hk/bkn/cnt/news/20170523/bkn-20170523033106371-0523_00822_001.html

裁員600人, 慳5億一年, 股價上升3%
600個家庭的生計在管理層的眼中是這麼低賤!

奴隸制度在現今資本主義社會中仍然存在, 只不過在無聲無息當中進行 (打工的奴隸)
打個比喻高管的人工為70萬/年, 佢的價值為20 X 70萬= 1400萬

佢的每天絕大部份時間及收工時間都係可以被剝奪, 特別係現今科技發達, 小子的腦細都係會係收工時口UPUP 用WHATSAPP問你野

呢班廢老, 實在係享受了最舒服的時間 (1980 - 2010), 輕易靠移民潮上位, 淨下來的只不過在指點江山, 可憐年青一代受到科技的蹂躪, 7/24 隨時候命
而科技的自動化7/24 令到佢地的價值不斷地降低

可見的將來, 人力, 學歷全不值錢, 只淨下來就係資產值錢
要做一個千夫長, 或者係食物鏈的上層, 單靠勞力, 小子認為都係死路一條, 唯有透過不斷將金錢換成資產, 令到自己勞動收入轉化成資產收入 (樓, 股, 債, 生意等等資產), 才會有機會免於在奴隸制度的洪水給埋沒

股市必勝法

股市必勝法

「股市原意，乃讓集資投資有其地，社會向榮，人皆有賺，惜人性貪婪，耗盡心思，巧取豪奪，樂土成煉獄，血雨腥風，殺戳不息，無數人蕩產傾家輸性命，勝者則喪良知人格，余於股壇數十載，未嘗見一真正鸁者，智者應知此乃一處永無贏家之戰場，取勝唯一法……『及早離去』！」

財務自由的三個階段

小子的犬兒於不久前來到我們的家庭, 是以小子近月沒有更新個BLOG
究其原因, 因為小子面對家庭的新成員, 實在需要沉思良久; 人大左, 責任大左而財務上亦都要加緊開快車, 取回原本屬於自己的時間

因為人的原罪係窮, 是以一個窮的家庭只會對新生的成員講: 讀好書, 打份好工
究其所以, 其實係社會奴隸的延續, 世世代代為奴為娼
要走出呢個困局, 除左你生個女俾李小超吊完一炮過買逸瓏1.1億上岸, 就係自求多福, 儘早用所有可行方法達至財務自由

財務自由係咩概念呢? 老掉牙的說法就是非工作收入>支出
坊間有非常多的書去講咩為之財務自由, 但點做, 好多都係得個講字

在香港生活, 小子認為你必須平盤, 買一間自住樓, 此為STAGE 1. 香港呢個所謂低稅率地方, 其實所有稅都係在樓房中抽取, 你食個翠華可能50蚊有30-40 蚊係俾地主, 所以先買一層自置樓房係對沖呢個仆街政策的不二法門

此外, 有好多人滿足於買一間樓房, 此為樓奴, 無論你幾多錢買都好, 不斷咁用自己人工去供樓是為之ON LUN 9, 一係你搵個租客同你供, 此為STAGE 2

人在35前一定要做到一自住, 先平盤, 再於35-45 事業起飛的時間再打算用咩方法去起飛, 可以係做生意, 可以再買樓, 股等等, 總之要做到減少手停口停的收入, 此為STAGE 3