2019年6月3日 星期一

保存實力及分散投資, 三兄最愛的海怡4房戰報

呢排已不下有N個人問我有咩攪, 想出債/PROJECT 等等問下有無金主有水

小子一定問下佢地咩底細, 10個有9個答案都係話 "公司無錢" , 想攪PROJECT 吸街外錢

同埋送中單野, 令到好多人都有意減持抽資走人

筆者相信係加速洗牌的一個過程

至於好想D野 (樓, 股.....) 跌的話, 可能有個意想不到的小回, 如果有的話, 真係好好把握, 事關老本土走左之後, 你見1997年移民潮後, 如果盡沽資產走人的後果真係好痛好痛

小子亦都識人90年代將半山千呎大宅沽左, 跟住大大力唱淡香港, 呢家想番都番唔到來 ......因為佢地當初沽出千呎大宅的錢, 只夠今天買個馬頭圍道STUDIO....回不去了

記得當時講到香港咩都唔好, 其實過去住唐人街把L 咩.....又咪係同大陸人為伍.....仲要話港燦咩都未見過世面等等口出惡言....

當然, 小子一家因為一窮二白, 俾人睇唔起係合情合理. 但做投資決定切忌用SELF EGO 加埋感情車落去, 因為往往出事都係因為咁

要不要根, 每人都無同, 小子就算減持的話, 一間自住都係必需 (利申: 無意減持)

如果無沽到的話, 起碼贏多2000萬啦....當然佢地會話去左他國的樓都升左1000萬...是的...但可以加按買架嘛....

如果今天真的要有所動作, 就係將港樓的EQUITY盡搾, 再DIVERSIFY. 如果他日咁橋睇錯邊, 分散海外都贏
若然香港送中無問題, 留住港資產亦是SURE WIN

公我贏字你輸.....

無港樓的買唔買真係不在討論之列, 以小子立場必定係先買一間, as old sayings, 自保
如果送中無事, 夾倉夾上去, 夾死人.

* 打工的, 小子認為先做好自己份內事. 用多D時間諗下自己10年後應該點PLAN, 不限香港, 可以係海外, 最緊重未來的動作係align with self interest

如果大量生意/樓/股的, 絕對係分散投資+執死雞的時間


海怡戰報
小子俾面放盤間2房變左全城暫時最平個3間 (記得早一個月係全城最貴.....), 開始有AA 打來鋤價, 小子亦好俾面講左個盤口:

沽左我會換4房, 你同我搵好筍野, 俾你食串燒我無所謂 (仲難過鐵價不二), * 又係三兄最愛的海怡戰報, 今次到4房.

4房口價勁硬, 仲要早前做左幾間都係20000/呎左右, 理論上有價無市 (因為2000萬一間真係好少人有呢個實力).

要等2房3房換樓鏈慢慢啟動後先會再反映出來, 但IN GENERAL係愈來愈貴, 4房跳價, 無咁樣衰的盤都1850+





















【二手成交】海怡半島呎價2.29萬破頂●太古城兩房1,388萬高價賣

雖然二手交投放緩,但優質物業仍有價有市。鴨脷洲海怡半島21座極低層G室,實用面積886方呎,屬三房連套房間隔,另設士多房,座擁全海景,土地註冊資料顯示,單位剛登記以2,030萬元轉售,呎價高達22,911元,打破上年每呎22,835元歷史高位,料創屋苑分層戶歷史新高呎價。原業主2011年買入價839萬元,8年賺1,191萬元。


呢間其實有段故, 因為業主想買4房相連, 所以加多3M 買的. 小子都收到BLOG 友的恭賀, 但係相信唔會賣到22000, 因為呢個係SPECIAL CASE

@LISA 師姐, 千金難買相連樓就係玩到咁大......


10 則留言:

  1. 一見海怡戰報,即刻衝過來打咭!

    回覆刪除
    回覆
    1. 下次你老兄想要咩區, 我問下相熟AA, 齋海怡實在太悶, 難得三兄賞面

      刪除
    2. 先謝過快兄支持!
      小弟最感興趣的其實只是市場的氣氛及情緒。快兄不用特別為我針對海怡做戰報。你喜歡甚麼區,甚麼屋苑都可以!

      刪除
  2. 我老公加咗20萬咁大把, 哈哈 !
    其實我兩公婆一早挾咗價, 先叫550萬, 之後加去580萬, 點知一見是隔離而業主說由680減40萬唔想再減, 所以老公說就600啦, 對佢來講好大方的啦 !
    依家睇下有無緣先, 唔急的 !

    回覆刪除
  3. 搵兩間極低層做相連樓係咩玩法...

    依家啲新盤, 最頂幾層通常改間隔, 幾間加埋一間變特色單位, 室內間隔比自製相連單位合理, 有錢換貨不妨考慮?

    回覆刪除
  4. 完全同意,所以如果我有機會移民,我一定會將手上既組合換成最靚先,再帶一大舊錢去外國買資產。

    回覆刪除
  5. 小子兄,作為打工仔,海外投資可以有咩選擇? John

    回覆刪除
  6. 幾年前都係今諗, 快快沽手上既野快點走.
    朋友一番話,改變行動, 留下一個自住單位....朋友話:

    香港經濟唔會死, 死既係香港人而已.....

    回覆刪除