2019年3月12日 星期二

給小兒的信 - 任我行


寫之前先同三兄講聲唔好意思, 因為呢篇真係想寫給小兒的信, 偷左你個標題就算了

任我行三個字, 我諗大家都諗起兩樣野

1. 金庸的任我行
2. 陳亦迅的歌 - 任我行

先本末倒置, 講下 陳亦迅的歌 - 任我行

天真得只有你 令神仙魚歸天要怪誰
以為留在原地不夠遨遊 就讓牠沙灘裡戲水
那次得你冒險半夜上山 爭拗中隊友不想撐下去
那時其實嚐盡真正自由 但又感到沒趣

小兒你快將2歲生日, 每天見住你NO DADDY, NO WORK, 日日開開心心地玩的樣子, 好少事同你玩HIDE & SEEK, 都笑到卡卡聲.....

每一次為父都好開心
開心在呢個笑容實在係非常地難得, 隨著你人愈來愈大, 可以預見的係你會來愈難開心, 為父希望您可以保持初心, 每一天都可以活得像你今天的這樣,  <天真得只有你>, <那時其實嚐盡真正自由>, 但千析千, 唔好<感到沒趣>, 因為今天你的精神狀態, 開心的樣子, 好似不老仙丹咁, 係好珍貴的

保持初心, 以一個小孩的眼光看世界

Steve Jobs: Stay Hungry, Stay Foolish

多點看書, 用好奇的心接受事物

隨著你長大, <但又感到沒趣>, 唔緊要, 記住記住, <世上有多少個繽紛樂園 任你行>

There's always options, 勇敢去試, <頑童亦學乖不敢太勇敢> ? 請要勇敢, there's nothing to lose
人生是一列列車, 好好去欣賞沿途風光

到乖仔你青春期之後,  <從何時你也學會不要離群 從何時發覺沒有同伴不行>, 應該你都會有自己的朋友, 做自己的事, 不要緊, 為父承諾會以開闊的眼光去同你一齊成長, 就好似每個星期日同你去PLAYGROUP 咁, 只要你想, 父母都係你的同伴, 亦都會提醒自己唔好用長輩的口刎去同你講咩係正確, 因為, there's no right and wrong, abide by the law, that's it.

為父都經過一個好艱難的成長過程 (自認為), 交左好多學費, 到今天每日都係學習中
<曾迷途才怕追不上滿街趕路人 無人理睬如何求生>, 請不要比較, 每天學習, 每天勝自己一分, 做個有原則的人, 懷才豈會不遇, 雖然你面對的經濟沒有我們的那麼好, 但每代有每代人的機會, 不用怕, 不用追上滿街趕路人, 因為, 人生是一列列車, 好好去欣賞沿途風光, 他們都是你的過客, 忠於自己的感覺行事便可以, 少批評, 多自省, 無人理睬亦能求生.

律己以嚴, 律人以寬

<逛夠幾個睡房到達教堂 仿似一路飛奔七八十歲
既然沿著情路走到這裡 盡量不要後退>

到你成長的時候, 你會成家立室, 為父都曉得放手, 雖然好想唱<不要離我太遠> 但<事已至此, 誰會最易, 迫你成熟, 開口講我願意>

<既然沿著情路走到這裡 盡量不要後退>, 請你找一個同你價值觀相近的女仔, 媽媽在為父最困難的時候見證住父親由一個不知天高地厚串77的小朋友, 變成今天的爸爸, 雖說不上係社會成功人士, 但憑自己雙手養活家人, 克盡己任. 
價值觀相近實在係好緊要, 因為結婚唔係一個人的事, 係兩個家庭的事, 你要應付的唔止係兩個人的關係, 而係大家生活上的分享, 分擔
結婚, 係0.5+0.5 = 1
犧牲某一部份的自己, 包容對方, 由1變到0.5. 對方亦然, 先會成就到一個家庭

到你30-40, 唔知為父仲係唔係呢個世上, 病痛無可避免, 雖然羅局長話60歲都仲係中年, 但係世事難料
<親愛的 等遍所有綠燈 還是讓自己瘋一下要緊 馬路戲院商店天空海闊 任你行>

如日中天的生活, 30-40事業有成的日子確實係 <馬路戲院商店天空海闊 任你行>
可能你食野唔駛睇價錢, 買車買衫唔駛睇價錢
但記緊, 積谷防饑.

花無百日紅, 唯其保持謙卑, 世界之大, 不是<任你行>

得意時, 勿忘感激, 多幫忙朋友, 少批評別人, 切忌夜郎自大, 目中無人

<頑童大了別再追問 可以任我走怎麼到頭來又隨著大隊走
人群是那麼像羊群>

希望小兒你不要 <到頭來又隨著大隊走>, 活出你自己的生命

但記緊, 積谷防饑.

因為你未必有咁好彩好似為父咁, 經過困難的時間. 

千金難買少年窮, 更難買少年得意後的少年窮

為父以前都係一個覺得自己好幸運, 世界係圍著自己轉的無知小朋友

但當然無情的社會給為父的答案係 <彎不轉, 路轉, 路不轉, 人轉> 同埋 <境隨心轉>

名校畢業又如何? 四大又如何? 牛劍富二一街都係, 唔駛咁大支野的. 到你交夠學費先學曉, 未免太遲.

只有做好自己先係absolute bench-marking, 

唔駛計較, 唔好比較

最後寄語 <抱住兩廳雙套天空海闊 任你行>, 為父應該可以留個兩廳雙套俾你, 如果你想跳出香港的話, 任你行

金庸的任我行的<吸星大法>, 是父幹. 但為父唔會俾太多你, 雖然斗滿話為父係南帝, 但請見諒,  為父唔係PACKAGE 劉, 比起你的某某AUNTIE UNCLE, 為父窮一生都唔會有佢地的財富, 亦無必要夜郎自大, 因為別人的家庭係窮幾生人的能力搵番來, 而佢地的知識, 人脈及其他配套都係為父之上

不過, 而如上所說, 無必要比較, 做好自己便可以. 錢到某一個位, 其實marginal use value 係會愈來愈少, 夠駛夠食便可以.

同埋, 自己搵番來的先係最珍貴, 授人以魚, 不如授人以漁, 為父會教你, 但唔想俾你, 希望您明白.

最後, 想講為人父母, 都係想本身最珍貴, 盡最好的能力, 俾最好的俾小朋友
若果有咩不足, 請小兒您見諒, 為父的已盡了最大能力去俾我們認為最好的給你























最後最後, 為父最想同你分享兩個字: 捨得

要捨, 先會得

講一個故事你聽, 你呢家照顧你的姐姐本來都係唔肯續約, 只不過佢身體唔舒服, 為父(及媽媽支持) 力排眾議, 甚至俾人話點解對個工人咁好 (我覺得係家庭成員了), 都要俾佢睇專科醫生, 俾埋錢佢去私家醫院做手術, 最後佢肯番來照顧你.

多2年? 4年? 點計都唔會啱數, 就算10年都唔會啱數
不過, 我唔知. 都無所謂, 亦都唔會理
一開始我都同你最愛的姐姐講, 唔緊要, 如果中CANCER, 為父都未必可以幫到你, 可能番老家做手術, 但3幾萬, 為父係俾得起, 如果無事的話, 你番家休息一陣番來照顧乖仔你吧

呢個決定係唔係ON9? 財務上絕對係, 但係為父同你姐姐講, 如果個天安排你在俾我見到的眼下, 我個心話我知我係要俾佢醫的.

結果? 佢不特止番來照顧你, 仲要安排佢的好朋友來幫手睇住你.

係唔係BETTER OFF? 無人知

但係做人要先捨, 先有資格得

可能為父做得不足, 但當刻心中安寧, 已然足夠

而為父的股票無啦啦贏番手術費, 仲要攞凸
你對人好, 個天係會俾番你的, 信邪也好, 心中安寧也好, 本著善良初心, 心中平安是無價的*

* 千析唔好話我有幾好, 我本身係一個PK來的

詞話詩說:任我行
https://stealjobs.com/eason-song-on-free-will-in-life/

天真得只有你 令神仙魚歸天要怪誰
以為留在原地不夠遨遊 就讓牠沙灘裡戲水
那次得你冒險半夜上山 爭拗中隊友不想撐下去
那時其實嚐盡真正自由 但又感到沒趣

不要緊 山野都有霧燈 頑童亦學乖不敢太勇敢
世上有多少個繽紛樂園 任你行

從何時你也學會不要離群 從何時發覺沒有同伴不行
從何時惋惜蝴蝶困於那桃源 飛多遠有誰會對牠操心
曾迷途才怕追不上滿街趕路人 無人理睬如何求生
頑童大了沒那麼笨 可以聚腳於康莊旅途然後同沐浴溫泉
為何在雨傘外獨行

這麼多好去處 漫遊到獨家村去探誰
既然沿著尋夢之旅出發 就站出點吸引讚許
逛夠幾個睡房到達教堂 仿似一路飛奔七八十歲
既然沿著情路走到這裡 盡量不要後退

親愛的 闖遍所有路燈 還是令大家開心要緊
抱住兩廳雙套天空海闊 任你行

從何時你也學會不要離群 從何時發覺沒有同伴不行
從何時惋惜蝴蝶困於那桃源 飛多遠有誰會對牠操心
曾迷途才怕追不上滿街趕路人 無人理睬如何求生
頑童大了沒那麼笨 可以聚腳於康莊旅途然後同沐浴溫泉
為何在雨傘外獨行

親愛的 等遍所有綠燈 還是讓自己瘋一下要緊
馬路戲院商店天空海闊 任你行

從何時開始忌諱空山無人 從何時開始怕遙望星塵
原來神仙魚橫渡大海會斷魂 聽不到世人愛聽的福音
曾迷途才怕追不上滿街趕路人 無人理睬如何求生
頑童大了沒那麼笨 可以聚腳於康莊旅途然後同沐浴溫泉
為何在赤地上獨行

頑童大了別再追問 可以任我走怎麼到頭來又隨著大隊走
人群是那麼像羊群



30 則留言:

  1. 作者已經移除這則留言。

    回覆刪除
  2. 三弟最愛聽的歌是 " 任我行 "(也寫在My Blog Profile裡)。小弟愛" 任我行 ",主要原因是最後一句:"頑童大了別再追問 可以任我走怎麼到頭來又隨著大隊走。人群是那麼像羊群。",這句讓我緊記不要做羊群,要做有獨立思維的個人。快兄一段文字似乎令小弟對同一首歌有更深入的了解,也希望對快兄愛兒的人生有積極的作用。

    三弟還有一首很喜愛的歌,是老氣橫秋的" 苦瓜 "。但這個年代,談" 苦 "似乎比遙遠更遙遠。但人生從來就是半杯水,苦樂參半,有人只專注沒有水的一半,將人生看成不向下螺旋的大悲劇。三弟愛看有水的一半,也期待從沒有水一半中,學會更多。

    回覆刪除
    回覆
    1. 哈哈! 竟然都係"任我行"!真係事有湊巧!

      刪除
    2. 苦瓜亦小弟最愛的ON LIST, 怕且要有咁上下經歷才會有所體會吧!

      刪除
    3. 我都好鍾意...
      萬般過去亦無味但有領匯留下...

      刪除
  3. 小子兄既做法,同之前有單新聞有個僱主知道工人患癌就即炒既做法,真係大相逕庭。你又再一次向小朋友展示同理心既重要啦。小子兄無父幹,但你俾到少少父幹小朋友,更重要既係,你係一個好榜樣,呢樣比任何嘢更重要、更有價值。我又何嘗唔想要一個似樣啲既老豆呢~ 哈哈

    回覆刪除
    回覆
    1. 患癌我唔會炒, 不過講真, 真係愛莫能助
      香港醫療成本太貴, 如果去公立還可以 (不過都係用緊納稅人資源, 不宜濫用)
      私立, 講真, 小子都未必負擔得起

      刪除
    2. 我其實真係明愛莫能助,我都會諗,唔通你俾哂錢佢醫咩,醫唔好點算,係咪一路燒錢燒到2046?
      但少少都唔肯幫,起碼續佢約,等佢可以CLAIM醫保都好丫,反而係即炒,搞到佢醫保又無錢又無,即係叫佢即刻去死,又真係太唔人道。

      刪除
    3. 呢單我睇新聞後其實第一反應是: 乜啲人咁離地, 做唔倒野實要請過個㗎啦, 唔通仲要留佢係度出錢醫好佢? 依家先明原來背後係有咁既道理. 不過唔炒都好, 送佢回國之後佢仲用倒醫保嗎? 之後會佢惡化甚至過生, 僱主係咪都仲有咩責任?

      請恕我呢啲窮人小家子, 幫下人唔係問題, 但前提是不能惹麻煩上身.

      刪除
    4. 僱主對僱員既健康無法定責任 (除非係工傷之類,或者僱主既過失,例如無確保工作地方安全(occupier's liability))。我相信佢既醫保應該係同僱傭合約捆綁埋一齊,所以一失去工作就乜都無哂。

      我都贊同唔可以拿屎上身,但上面單新聞真係只係舉手之勞。

      刪除
  4. 再重申一次, 小子係一個PK來的. 希望榜樣不要做得太難睇便於願足矣

    私家醫生, 真係中大獎連香港人都無錢醫, 別論工人吧....小子又無咁大愛無疆. 最多俾佢續約啫

    回覆刪除
  5. 任我行的是父幹?
    哈哈, 有趣有趣, 介唔介意講多少少?

    回覆刪除
    回覆
    1. 吸星大法是金庸小說《笑傲江湖》中的一個虛構武功。這套神功是將別人的內力吸收,將這些別人的內力化成自己體內的內力,或將真氣排出。由大理段氏殘存的北冥神功及星宿派的化功大法融合為一,主要承傳自化功大法一支,合而為一稱為吸星大法,在小說中被一般武林人士稱為妖法。

      修練難處
      第一,是要散去全身內力,使得丹田中一無所有,只要散得不盡,或行錯了穴道,立時便會走火入魔。輕則全身癱瘓,從此成了廢人,重則經脈逆轉,七孔流血而亡。
      第二,散功之後,又須吸取旁人的真氣,貯入自己丹田,再依法驅入奇經八脈以供己用。這一步本來也十分艱難,自己內力已然散盡,再要吸取旁人真氣,豈不是以卵擊石,徒然送命?

      吸父親的首期以供買樓, 但係自身無收入, 用呼吸PLAN但係買左樓後又再吸取租客"真氣", 豈不有異曲同工之妙!
      若不散去全身功力, 刻會反噬....即係本身無資格MANAGE 到咁多錢, 但突然之間有錢, 下場....多半都係悲涼

      刪除
    2. 咦? 吸星大法四個字消失左

      刪除
    3. 哪有? 還好端端在這..哈哈

      刪除
    4. 哈哈, 原來如此
      我還以為小子想說的是大魚食細魚, 吸盡別人資產那種吸星大法

      刪除
    5. 本來第一句留言是想打 "任我行的<吸星大法>是父幹?" 結果<吸星大法>連同符號一同消失了!
      可能留言時用半型的<>會被當作 html tag 被抹掉

      刪除
  6. >請恕我呢啲窮人小家子, 幫下人唔係問題, 但前提是不能惹麻煩上身.

    戴返個頭盔先,我都係一個仆街

    我係親身經歷過姐姐要入院做手術(總共兩星期),再加埋之後放左三星期病假;嗰段時間真係辛苦到暈。原本你係請一個人幫手照顧家庭湊小朋友,但反過來要自己湊返小朋友(我同老婆都要返工)、做家務同埋掉返轉照顧埋個姐姐,真係唔係一件咁易既事。我自己既case係,個姐姐放完病假後,仍然經常話自己頭暈;同埋佢自己都話因病掛住屋企人。所以我地補突少少長俸加埋所有佢應得既,同佢响雙方同意下提早完約,佢又可以返屋企抖,我又可以請新工人。好泥好去,到而家佢都仲同我地關係算好的。

    回返Ryan,新聞嗰單我唔知真相,好難講;但你話可以keep住僱傭合約,呢點唔係個個做得到的。因為你唔完舊工人張約,係揾唔到新工人幫手的;入境處係會問你點解仲要請多個工人,同埋要你提供經濟及修件上既justification...經濟上證明你可以俾得起多四千蚊都仲唔算難,難在工人住屋你要俾間房佢... 已經有一個工人(原先病左嗰個)係住响你屋企,你仲點樣可以再揾多間房俾新工人瞓?

    回覆刪除
    回覆
    1. 米兄這段講得很好。小弟睇這段新聞,第一件事想的是,在姐姐重病或長期病的情況下,如何才能做到兼顧情義法理。在這種情況,其實是很難處理很好。因為聘用姐姐本身就是人手緊絀下的做法。小弟想自己最多也只能做到財務上盡量補助這位不幸的姐姐。

      刪除
    2. 我都唔知真相,都係睇新聞講,所以我假設僱主一知道佢病就即炒,完全無懸念,又唔補多少少錢,又完全唔考慮續約(如果新工人無地方瞓,俾着我可能都會叫新工人做住廳長先掛…唔知,未請過工人),咁真係好仆街。你話佢為自己屋企諗有冇錯,梗係無錯啦,但做法可以好少少。

      刪除
    3. >俾着我可能都會叫新工人做住廳長先掛

      係入境署唔會批架。入境署要你先有証據(例如影相證明你屋企有多間房),先會批你個新工人既申請。我試過幫我阿爸請工人,但因為都係用我個名,所以我先知。

      又,原來蘋果係有跟進:
      https://hk.news.appledaily.com/breaking/realtime/article/20190309/59350355

      又又,我覺得梁家輝講既嘢合理:
      https://hk.entertainment.appledaily.com/enews/realtime/article/20190309/59349759

      刪除
    4. FROM 梁: 我唔可以用我嘅case去judge人哋。呢個要持平睇雙方面情況。

      其實投資又何嘗唔係, 同枱食飯, 各自修行, 香港其實少D JUDGEMENT, 大家生活會開心少少

      刪除
    5. 米兄,原來要睇有幾多間房?﹗因為我見PURPLE姐姐都係係個馬桶上面搭一張床都過到骨,我以為唔洗要房既添!!

      刪除
    6. Ryan兄,你可以參考以下入境署提供既外傭合約

      https://www.immd.gov.hk/hkt/forms/forms/id407.html

      入面Schedule of accommodation and domestic duties - Item 3,只得三個選擇:(1)外傭有自己一間房,(2)外傭同同性別小朋友同一間房(3)有間開既位(即係板間房)
      雖然都有(4)Others,但我諗瞓廳應該唔會批囉

      所以你話keep住個外傭既合約而唔炒,唔係每個家庭都一定afford得到。

      >其實投資又何嘗唔係, 同枱食飯, 各自修行, 香港其實少D JUDGEMENT, 大家生活會開心少少

      呢句對家人都一樣好重要!我識太多朋友就係因為對老公/老婆/仔女太多judgement(e.g.「我細個讀書咪又係咁,你而家成績唔好只係因為你唔夠勤力!」),搞到好唔開心。

      刪除
    7. 是的, 多點欣賞, 少點批評, 多點正能量, 不會變能樣

      刪除
  7. 多謝快兄從爸爸角度出文。作為一個兩歲爸爸,呢兩年變化好大,無論幾辛苦都好,見到子女嘅笑容已經覺得“值得”。

    回覆刪除
  8. what a warm piece of writing.
    多謝快兄的分享

    回覆刪除
  9. 快兄已做得十分體諒,不是很多人能做到~~~~~~~~~~

    回覆刪除
  10. 慈父語重心長,以生命影響生命,父幹最強

    回覆刪除