2019年2月8日 星期五

離開是為了更遠的路

今日係大年初四, 小子祝大家身體健康, 早日財自, 贖回自己時間

今日亦都係小子在公司的LAST DAY. 雖然有點不捨但係都總算而言係正確決定

其實倒數上個星期, 其實有少少唔開心, 因為中國老一派公司人事問題, 其實小子留足3個月在公司, 對家俾SHORT NOTICE都唔走 (對家老細少少串咁問我, 你知唔知你個決定有幾ON9? 呢個決定係蝕左3個月的兩邊人工的DIFFERENCE)

呢個決定係想新人交接得好D, 當俾個面老細, 做人做自己BRANDING,  不過嘛, BONUS 就無份囉, 仲要之前俾信唔收, 一個星期後先收, 計我一個星期後的T+1, 仲要HR 話係我遲俾信........即平白無左個幾星期的人工.條氣係有少少頂住, 不過算啦, 各位同事收花紅又開心, 係得我一個唔老黎, 由佢吧, 做人蝕一章, 多個朋友, 有SO.

呢幾日靜心諗落, 同內子傾開, 呢度係唔係唔CHUR 呢? 非也, 2個星期一次PRESENT, 日日問MARKET SENTIMENT, 有新債券又要睇PROSPECTUS, MON住D股票,做INVESTMENT REPORTING, CALL 941, 3988 等等....到位又要CALL 沽

內子話小子係識睇人眉頭眼額的人, 亦都係有些少能力的人, 君不見來來去去前後6年有6個人走, 我都係穏坐不動就知. 有啱, 亦有唔啱.

小子未敢自詡"能人", L人就係. 從來小子都係樓重股輕. 談不上股票投資人也, 從來都係屎忽撞棍, 或計少年太窮, 中年個天可憐我, 俾番條好少少的路我行.

離開, 亦都係為左走更遠的路. 呢幾日內心都幾不平安, 因為又係走出COMFORT ZONE也, 由一間FAMILY OFFICE走去大10倍的LISTED CO入面做同一樣的東西, 再另加幾樣新的戰綫
6年前, 小子由FINANCIAL REPORTING 走去膽粗粗見FAMILY OFFICE 並成功, 除了要多謝現任老細之外, 亦都係感恩於平時不斷學習, 先有一個契機, 可以走出COMFORT ZONE. 推演到今日, 又係走出COMFORT ZONE, 成敗不可知, 但感恩途上的朋友們, 有您們, 才有今天的小子.

除了要多謝現任老細之外, 前任老細P同埋老細K同埋同事J 都係小子的知己良朋, 離開左6年都有每年定期食飯UPDATE, 實在太感恩
 

16 則留言:

  1. congrats 小子哥, 能走出comfort zone 真係好難, 特別係有番咁上下資歷後

    回覆刪除
  2. 祝小子兄在新公司一帆風順、前途似錦!

    回覆刪除
  3. 快兄自眨「L人」正正顯示出有「能人」之氣概,祝快兄更上N層樓。

    回覆刪除
  4. 我以前離開每一間公司的時候,都會諗我嗰份工係career定係job. 當我做到係一個job嘅時候,我覺得就係我離開嘅時候. 只要你本身係識得發光發亮,你去到邊度都會自然有人浮你起身!所以向前望啦!不用回顧過去! 相信自己一定得嘅! 預祝新工作順利!

    回覆刪除
    回覆
    1. 正是, 當我起身唔L想番工的時候, 我便會搵工
      反正都係賣時間, 何不賣得爽YY D?
      再者, 如果唔想賣的話, 轉輕資產模式, 便可樂得清閒

      刪除
  5. 祝小子合家平安, 身體健康, 新工順順利利, 今年賺到盆滿砵滿 !

    回覆刪除
  6. 啱啱做完EXIT INTERVIEW, 原因

    1) 錢 (新工加近50%), HR 已無言, 因為小子話, 呢幾年+25%搵我過檔的, 我10隻手指數唔到, 唔計我自已搵的, 人地介紹的, 基本上一見即請, 只不過同舊老細"夾到", 真係人夾人緣, 好多舊同事話夾唔到. 舊老細話照FIGHT, 但係FIGHT 到的一定比新工少, 咁無必要了, 如果新請的呀姐(真係日日上YOUTUBE =.=)都高人工過我, 咁我其實應該叫再高50%, 無謂令老細同大家難做了.
    中國人公司好奇怪, 舊人永遠係低人工D, 新請的無論好定廢都俾番MARKET 人工, 成日話做生不如做熟, 不如先對自己舊員工好, 好過跌出街是吧?

    2) EXPOSURE 問題, 如果錢+EXPOSURE都令到我有想推一口的衝動, 那便試著離開COMFORT ZONE了吧

    回覆刪除
  7. 祝快兄前程錦繡!

    回覆刪除
  8. 祝您前景錦繡,身體健康

    回覆刪除
  9. 多謝各位朋友祝福
    廢中轉工其實都係一個大挑戰,哈哈
    希望好快一切如常

    回覆刪除
  10. 快兄 共勉之
    在下都準備轉會,在通知期內,又係被HR過左一小棟,搞到要三月尾先可以履新...

    回覆刪除
  11. 走出comfort zone, 睇返轉頭, 永遠都係好事!

    祝新工順順利利!

    回覆刪除
  12. 小子兄好多年前其實有能力轉,只不過做得爽快,不想走~
    有能力又有勇氣跳出COMFORT ZONE真好~! 祝前程似錦﹗

    回覆刪除
  13. 祝新工事事順景!

    回覆刪除
  14. 遲來祝福,祝一路順風~~~~

    回覆刪除