2018年10月3日 星期三

西瓜靠大邊

尋日小子眼中最爆的新聞係 - 中聯辦又打茅波入貨喇!

西環高樂, 沙一, 呢家買到寶翠添!

個市靜就最好啦, 業主腳仔軟, 如果5.16M 稅慳埋即係中聯辦買平30%!

連呀爺都曉BOTTOM PICK, 仲要自制劈價盤, 作為老散的你, 西瓜靠大邊呢5個字, 我相信大家都明白了?
 

過去近四年,國家隊在港大舉掃入近百個住宅物業, 現已升值四成至逾11億元。

11億, 我地做幾多世先有呢個數字? 怕且........做到 20470 都未必有 

連個大莊 (中國) 都掃緊貨, 你有無見中國買番迫貴完十里銀灘吖?

3D 辣招真係好賤格,小市民想賭都無得賭, 但係大孖沙用買賣公司避稅, 中聯辦更出尚方寶劍, 確實係屈機!

又有D口痕友話, 到時2047 強制收回, 狂加差餉又點點點.....

怕且你渣到2047先講啦.... (林鄭用土地收回條例的話, 資產價值大跌, 個大莊難道有好日子過? 的士都係同理, 一切都係錢作怪, 只有賣散哂俾老散好似迷債咁, 先會篤Q爆佢等D老散找數, 玩財富大轉移)

正所謂: 成功者搵方法, 失敗者搵籍口

If there is a will, there is a way

要唔買, 有千萬個理由; 同樣地, 要買, 亦都有千萬個理由

唯其做好風險管理, 輸得起便買你心儀的投資物

Cash is not king, is only the intermediate form of asset

渣現金, 係呢個QE 都未肯收水的時間下, 無疑係蝕章的行為, 請見三人行兄鴻文, 小子呢D市井KAI 子無咩深度, 若要分析, 請移玉步至三兄BLOG

https://sanrenxing80s.blogspot.com/2018/09/blog-post.html

 中聯辦再掃寶翠園 近年買近百間港樓 毋須付印花稅

【本報訊】受加息及貿易戰困擾,近期二手樓交投淡靜,「國家隊」此時卻再度出手撐樓市。上月,中聯辦動用1,720萬元購入西半山寶翠園兩房單位,高市價一成,為中聯辦近年半來首次入市。過去近四年,國家隊在港大舉掃入近百個住宅物業,現已升值四成至逾11億元。

據土地註冊處資料,寶翠園2座26樓D室,實用664方呎,兩房間隔,上月19日登記以1,720萬元成交,呎價25,904元,買家為中聯辦旗下新民置業有限公司。同座低一層D室,面積相同,今年4月以1,568萬元成交,中聯辦新購單位只高一層,但短短五個月搶貴近一成或152萬元,屬高價成交。原業主2001年以383.2萬元買入單位,是次獲國家隊高價入市,勁賺1,336.8萬元。

中聯辦對上一次入市,是於去年2月及3月增持沙田第一城及西環高樂花園。據《印花稅條例》,中央人民政府等或以公職人員身份行事的任何人,均毋須負法律責任繳付印花稅。因此,是次中聯辦以公司名義購寶翠園,可獲豁免30%辣稅,慳稅516萬元。

據資料,自2014年12月以來,中聯辦在港已買入最少94個住宅物業,上車盤及豪宅通殺,涉資7.73億元,料作駐港員工宿舍。2016年12月,中聯辦動用1.2152億元狂掃西環鄰近中聯辦總部的泓都14伙,平均呎價18,008元。最矚目是於2014年12月斥4.8億元向李兆基家族購入西營盤鉑峯全幢48個單位。中聯辦亦於2015年起大舉購入沙田第一城12伙,涉資6,257萬元。
隨着近年樓價急升,這批近百伙的國家隊物業,現已升值約四成至逾11億元。鉑峯當年買入平均呎價僅1.8萬元,參考同區近期一手呎價近3萬元,鉑峯已升值至約8億元。

 

8 則留言:

  1. 實則所有人都知會全球主要經濟體會繼續放水。中央拿住的外匯儲備,2008年海嘯至今,就俾美國政府食左三分之二的購買力。買唔到高科技,買返D實物都是好事。
    這幾天同班朋友傾,很多人對中國經濟好負面,覺得貿易戰已打到中國經濟失控,甚至認為國內缺水的情況已到了連中央政府都在搵水源的情況。一堆天方夜談式的報道在坊間傳多傳去。人家未打到來,自己已經驚到賣田賣產了...

    回覆刪除
    回覆
    1. 甚至好多富豪都有呢D觀念

      小子老細都話來年經濟唔好, 我地要搵多D錢, 自力更生

      其實年年都贏錢, 出糧只係零頭都唔知有無, 又點唔自力更生呢?

      呢家D同事噤若寒蟬, 有D又上綱上線......我只知講到咁, 就算係TOP PERFORMER+ FRONTLINE 都係加3% 人工都唔知有無囉

      小子一向都話, 求人不如求己, 每天落心機做好自己個投資PORTFOLIO, 比起任何野都來得負責任

      不單止對自己, 還是對家人的一個大PROJECT.

      打工係賣時間, 賣勞力, 記住適可而止, 千萬不要本末倒置, 置自己人生及健康於不顧

      刪除
    2. 不嬲做庄既都係不停搞D動作Fake下你架啦,所以都係果句,唔好俾Noise影響到,計好數方為上策。
      又坐沙地,三兄依排好旺吓,連庄喎~~

      刪除
    3. 實情係無咩人流
      兩位賞面了!

      刪除
    4. 艾兄,小弟真的好努力先搶到沙發的!呵呵!
      快兄,香港有沉默的大多數嘛!面皮如小弟般厚的,不太多。呵呵!

      刪除
    5. 三兄勁,我而家係沙漠中間...

      刪除
    6. 唔敢講大陸好唔好,但近黎美帝又同番加拿大、墨西哥和好,一旦自由國度聯起手黎,真係要舉手投降~~~

      刪除
  2. 不用羡慕這11億, 要羡慕的話, 應該羡慕中聯辦返工班人有個好老闆先啱吧?
    中聯辦買樓, 應該不是用來炒賣與民爭利吧? 真的賺了很多錢嗎? 有買樓紀錄, 賣樓紀錄又如何?
    換個角度想, 若然中央政府肯開口既話, 直接徵用正苦物業也不難吧? 可能連租都不用交...
    現在還要真金白銀買樓做宿舍, 其實係咪咁罪大惡極呢?
    同埋除左買樓, 又有無比錢租用私人物業呢? 受益既係香港人, 定係邊個皇親國戚新港人?

    繼續追查既話, 可能會發現中聯辦係香港港都"洗"唔少錢...

    回覆刪除