2018年4月30日 星期一

土地大便論

今朝番工如常聽電台節目, 又講緊咩土地大辯論
好多人打上去吊哂鬼話要收番粉嶺塊地, 而哥爾夫球運動唔知咩叉召集人就話無地打波, D草根市民狂吊話要地產商俾番D地出來, 還地於民咁話

其實, 講左咁耐都等於無講, 林鄭特首同CY 一樣, 就係製造分化, 等你班友仔鬼打鬼, 打到3年5年, 到時佢都做完任期, 政治任務完結

咩係政治任務? 就係每日放150人來取代香港人, 同埋不停輸入專才去搶中高層位置, 等到新香港人佔比多過本土香港人, 那建制派便可以予取予攜, 飯民及香港人再無立足之地

要不歸順, 要不移民, 香港的樓只有100幾萬間私樓, 150人當中, 有10個/日係專才, 回歸20年來, 360 X 20 X 10 = 都已經係72,000個有效需求 (私樓)

更加未計140個公屋及其分戶需求, 政府每年做地做單位20,000個根本係杯水車薪

明眼人有咩仲好去辯論啦, 大便論就有...張建宗司長9間,陳波波司長BVI公司唔知幾L多間, 林奮強N十間.....

仲有幾多BVI 公司係親人HOLD 左而無申報? 木宰羊!

仲未計每年有多少人結婚而租樓/買樓的有效需求.......

聽落去, 香港政府真係無心, 無力, 無意圖去改變呢個局面, 如果靠政府的話, 真係大便論了...不如食屎好過

香港的核心價值在於自求多福, 由60年代開始, 我們的上一代都係爭扎求全, 今天, 如果咩都委過於人, 假手於政府, 無異於自我放棄求生技能, 等收皮

P.S. 棕地好多都係波波及原居民HOLD住, 郊野公園又多環保人士反對, 填海D小生物又唔生存到....咁, 唯有香港人無空間生存囉....真係反智; 最好全香港都係樓, 無其他產業, 無其他設施...對吧?

6 則留言:

  1. 香港點會冇地, 被殺的學校, 臨時停車場, 貨櫃場, 另棕地及農地, 如用強制收回條,

    起多多樓都得, 只是政府官商勾結, 政府高价賣地賺錢去找數(大白象工程和超支), 發展商買地起貴樓,

    用超超貴价錢去賣樓發財. 我想10年後, 香港有一半人囗用普通話.

    回覆刪除
    回覆
    1. 依家已通街普通話 :)
      普通話又有乜出奇, 想變大灣區一份子就要識普通話 !

      刪除
    2. 如果強搶資產
      咁香港同大陸有咩分別
      要記住香港永遠都係中國東方之珠
      同埋係大陸有錢人安身立命之所

      刪除
    3. 邊個強搶資產 ?
      不須俾錢 ?

      刪除
    4. 政府就係怕比人話官商勾結, 發展商啲農地先搞咁耐
      依家官商係不能合作,因為會比好多人小,有點可悲...

      刪除
  2. 強制收回條文, 等於強搶資產吧

    回覆刪除