2017年10月9日 星期一

通漲猛於虎

一如既往, 小子最怕最怕唔係投資風險, 係通漲.........

20M 身家以3% 通漲的DISCOUNT RATE, 竟然係等於每個月用得36K ?

債息唔可以抗通漲, 股息可以, 不過企業派息可加可減, 若果買錯8號仔......

租金收入同股息一樣, 都係可加可減, 仲有空置, 維修開支, 佣金支出等等...

真係要退休, 談何容易?
 

理財Campus:點做財務自由有錢人?

 ●專家客觀分析:富豪退休生活先有半億
從以上條件看來,成為富豪的準則應是因人而異,但又有何客觀且具體的數字?坊間普遍認為,富翁應至少有千萬元身家。據近年花旗銀行的香港千萬富翁調查顯示,全港擁有千萬元或以上流動資產的富翁至少有59,000人,平均年齡為59歲,換言之,想年輕致富簡直是天方夜譚。

不過,擁有千萬元身家亦不足以退休歎世界,想炒老闆魷魚,提早退休逍遙過日子?梁彥穎指,假設你成功在40歲儲到2,000萬元,認為已是有錢人,打算提早退休,預期壽命為100歲,若期間通脹3%,存款利息維持每年約0.25%的情況下,由40歲退休至100歲時,2,000萬元只能足夠提供每年13.5萬元開支,即每月只可用11,250元,完全稱不上是富豪生活。

若你較懂得為資金增值,同樣是40歲退休、坐擁2,000萬元身家、通脹3%,但年均投資回報提高至4%的話,2,000萬元能令40歲退休的你,於往後60年,每年可用43.7萬元,即每月可用36,416元,雖未能稱得上是富豪退休生活,但至少是生活安穩吧。

若希望在40歲退休,並享有每月10萬元使費,究竟要儲幾多錢?答案是5,400萬元,同時你要有4%的投資回報,才能擁有富豪般的退休生活。閣下宜想清楚,要不先儲逾五千萬元,要不繼續捱騾仔好了!

 

10 則留言:

  1. 做人不應該咁早訂目標, 而也不應該40歲就想退休, 除非你有特別賣錢業務, 如好多寫程式的人 !
    你已有二千萬的總資產, 雖然不是凈資產, 但慢慢收租和正收入, 你可以buildup 更多的身家 :)

    回覆刪除
    回覆
    1. LISA 師姐, 我搵夠就會收皮架啦, 我真係好攰

      刪除
    2. 我明呢個感覺, 當年我21歲開店, 做咗16年都好累, 對住D客都唔識笑 !
      賣店回流香港後休咗6年專倍仔女讀書和炒股票, 但無停過搵賺錢機會, 後來經熟人介紹入咗銀行證券部, 自己又走去考證券代表牌/期貨代表牌/期權代表牌才轉去證券行做經紀, 是退休前的過度期, 因為當年37歲退休是太早啦, 而手上資產也不夠食過世 !
      好彩有買物業收租才有今日的現金流不須再擔心收入跟唔到通漲啦 :)

      刪除
    3. 只要買啱資產, 身家可以幾級跳, 你預先發愁都無用 :)

      刪除
    4. 謝謝LISA 師姐, 有時太愁對自己身體不好, 亦係不負責任噢...

      刪除
  2. 投資回報得4%,二千萬梗係唔夠退休啦...

    回覆刪除
  3. 6% 的話, 條數就靚好多.
    舉個例, 大把永續債有呢個YTM. 股票係熊市有機會有.

    最重要係, 如用少量槓桿, 例如只佔淨資產20%, 回報已拉高唔少.

    回覆刪除
  4. 條條大路通羅馬, LISA 師姐, R兄同70兄都有自己一套
    死聚飛在樓, 股, 債, 在小子來講, 無可取亦無不可
    每種投資物都有其特性及其贏錢方法

    樓來講, 係好慢, 2% - 3% 回報, 所以要求的本係大好多, 儲樓退休需要的時間好長, 但係唯一係無咁易CALL LOAN 同埋花的分析係唔駛太多 (相對而言)
    至於債同股則適合一D對財務報表數字比較敏感的人士, 同樣做10倍LEVERGAGE (等於借9成買樓), 股票一跌少少就CALL, 而債都會, 不過你LV 得10X 我當你買INVESTMENT GRADED, 債都係唔會CALL 咁滯, 而壞賬DEFAULT的風險其實同係賭BANK PK, 銀行為百業之母, 佢PK 得, 你層樓的值都會有調整 (CALL LOAN ETC)

    所以無必要辯論誰是BETTER, 因為只有SUITABLE FOR ONSELF 而已

    回覆刪除
    回覆
    1. 有時人算不如天算, 算死草人人都會, 返而不去算有時反而賺更多 !
      2005年時我都在newsgroup 說買物業收租, 反而俾人鬧說出一大堆道理, 最後當年投資樓市的唔係好多人, 最叻的都只買個自住樓 !
      當然投資要分散, 以前我都有買外幣賺息和升值, 但當美元轉強時, 外幣易賺錢的時代就玩完 !
      我選投資第一是安全性, 第二是增值, 而第三才睇現金流回報, 所以有一部份資金放在無現金流的實金實銀 :)

      刪除
    2. 如果金融市場大洗牌, 到時你唔會再理有幾多現金流回報, 而是保本, 而市場最保本的是實物投資而唔係在某機構內的資產記錄 !
      https://www.armstrongeconomics.com/armstrongeconomics101/understanding-cycles/the-bull-market-this-time-it-really-is-different/

      刪除