SFC S8(1) 黃金殺手鐧出動, 正經細價股奇貨可居

SFC 終於做番少少野同萬千股民出番啖氣!

股票唔係俾你班人咁玩的, 小子自從10幾年前炒股開始,輸得最甘係朋友俾隻986/1082 (都係幾皮野, 俾面PARTY)
當然有強姦無焗賭, 小子落注多過10皮都係要研究過間公司先會落注, 其中第一個條件一定係CHECK 個老細背景, 凡是PK者都唔買, 因為老細PK, 小股民一定出事

可惜, 萬千散戶10000年來都係聽冧把出事, 又唔知頭唔知路, 又唔識數, 俾人昆係應該, 輸錢係正常, SFC 係真係應該做少少野為呢D 羊咩咩守住個後欄

計小子話, SFC 應該出埋最低市值限制, 如果少於10億, 應該加番個類似大陸的ST* TAG, 俾股民知道呢D老細係懶懶閒, 不買也罷, 與其唔想理間公司, 不如SFC 迫佢地要番NAV 回購番佢, 等番萬千價值投資股民有所得著

講時講, 係大爆炸之後又會有咩IMPACT? 就係好似細價股VERSION 的樓市SSD, 正氣的股票都變得奇貨可居, 因為香港股票真係無咩基本因素 (玩FUNDAMENTALS真係去美國玩好好多, FAAMG, PHARMA 股, LMT, BOEING, 隻隻都好過大部份HK地產/內銀股)

香港股市其實只餘下垃圾TECH (小子真心覺得2018/2382 唔夠FAAMG 正) 同埋莊家股
當有底的莊家股停牌之後, 淨番落來係真係DISCOUNT TO NAV 的股票, 都應該會有SHARE ACTIVIST 去買同埋要求股東提高回報 (好似26 中巴, 878 金朝陽, 278 華廈, 仲有好多平時唔郁的都係呢類), 從而將香港股票市場整頓, 實在可喜

小子最贊成係股票實名制, 完全係將莊家冚旗, 唔可以再用人頭去圍飛, D VSA 同埋賤價私有化等等動作難度大增, 將呢D垃圾趕出香港市場實在係應該, 合時. 最好秋後算賬告埋班友仔等佢入赤柱玩下都好


【證監打老虎】醫生相關股立立亂 康宏跌一成！仲有3隻隊緊

昨日證監打老虎將曹貴子旗艦康健國際（3886）停牌，被外界認為屬於風眼位置的康宏環球（1019），今早一度跌逾一成，低見0.172元，現跌8.3%，至0.189元，成交376萬元。

市場傳出與曹貴子有關連、同為David Webb「謎網50」名單之中的香港教育（1082）及智易控股（8100）均大跌，惟成交疏落。香港教育曾跌兩成，現挫9.8%，至0.55元，成交214萬元；智易控股跌9.4%，報0.435元，成交23萬元。君陽金融（397）曾成為主要股東的亨泰（197），曾經急跌37%，低見0.36元，現跌幅收窄至8.8%，至0.52元，成交2,432萬元。