北水話語權

【窩輪大戰】騰訊平保街貨掃爆廠 輪商：北水正搶話語權！

https://hk.finance.appledaily.com/finance/realtime/article/20171114/57454764

北水在港股影響力越來越大，在內地資金炒作下，多隻「港A股」走勢令香港股民譁然，類似戰況正蔓延到窩輪、牛熊證市場。內地客出手豪氣驚人，通常一出手就掃乾所有街貨，涉及金額以億計算，令習慣炒輪只以幾萬元上落的香港散戶瞠目結舌。有輪商表示，繼在恒大（3333）、長汽（2333）成功話事後，北水正在搶奪窩輪話語權。

所謂「街貨」，是指輪商賣出的窩輪或牛熊證數量。按港交所規例，輪商只要有持有足夠的對沖正股，就可隨時申請加印窩輪發售，理論上供應可以無上限。以認購證（Call）為例，如果一隻窩輪街貨被掃乾，意味買家極度睇好正股，無懼輪商無限量加印。而在掃貨過程中，由於輪商被迫需買更多正股對沖，可能造成正股股價挾升。正常情況下，窩輪或牛熊證炒賣均是短線，散戶持有街貨比例均極低，一般不會超過10%。但今年情況出現大轉變，瑞信香港認股證及牛熊證銷售主管何啟聰表示，輪場多次出現掃乾街貨的異象。繼之前吉利（175）和瑞聲（2018）後，類似操作已延伸至騰訊（700）和平保（2318）。目前騰訊call和牛證中，分別有5隻和12隻的街貨接近100%，涉及街貨量超過10億份，平保call和牛證中，街貨比例接近100%的亦有4隻和7隻。何啟聰表示，掃乾街貨意味需要大額資金長時間在輪場坐貨，這種情況非常罕見，只會大戶才有能力如此操作。中銀國際股票衍生產品聯席董事葉滙豪表示，這些「暴力買賣」，專掃街貨的大戶應是以國內投資者為主，其手法與香港投資者截然不同，正在搶奪窩輪話語權。北水不斷湧港，部分內地投資者習慣採用中資券商服務，導致中資輪商市佔率大升。以成交金額计，中銀和海通目前已排第四位和第五位，去年底中銀和海通的市佔率分別約為10%及8%，合計約18%，目前已達27%。葉滙豪表示，以之前瑞聲窩輪炒作為例，明顯見到內地客炒法和香港散戶差異。在今年4月中，有大戶掃乾多隻行使價在90元附近的瑞聲價內Call輪，有10隻瑞聲Call輪的街貨接近100%，涉及總共約6.46億街貨。當時瑞聲正股的股價挾升，令當時瑞聲股價由90元附近衝上最高位116元。在5月初，沽空機構葛咸城唱淡瑞聲，瑞聲停牌後復牌，股價急跌至80元附近，但這些大戶亦沒有斬倉止蝕。之後瑞聲反擊成功，股價在6月反彈，但這些大戶仍沒有出貨。據港交所數據，這批窩輪街貨量到7月中才由100%跌至0%，當時瑞聲股價已升至120元附近。這些大戶由贏大鑊到輸鑊金，期間一直坐貨不為所動，直到最後贏大錢才獲利離場。整個過程快狠準，絕非散戶所為。
 -----------------------------------------------------------------------------------------------------------------------------------------------------------------------------------

香港班投行小朋友真係今次唔夠內地玩, 猶記得小子講過, 大陸人係覬覦香港資本市場的自由性但係同時間佢地係唔甘於, 亦都唔會俾你地香港人或者所謂的國際投資者打莊定遊戲規則

最近輪場就係正正有血有肉地上演國內的暴力方式洗劫法, 挾到你班國際輪商爆廠, 跟住要一係跟佢玩法同佢埋班做世界, 再DESIGN 一D更賤更無良的產品去殺散戶
一係就要OUT OF THE MARKET, 將城池拱手相讓

香港人一味覺得自己係高人一等, 有國際視野, 但係好遺憾佢地無左邊個做BOSS 的MENTALITY. 97年前係英國鬼子話事, 大家都睇英女皇事頭婆馬首是瞻, 跟英國規則, 講法治, 講紀律

但1997後呢? 幾唔願意接受都好, 內地資金正正係搶奪左個話語權!
由此可以知道價值投資已經唔太WORK, 3333, 1918, 175, 2018, 2382 之所以大升, 主因並唔係基本因素好, 而係資金狹倉狹爆班老投粉皮!

推而廣之, 睇番香港的樓市, 梁振英整3D 辣招真係整得非常之好, 如今買港樓要俾30%稅項, 而亦都唔可以用公司買, 等炒燶左後金蟬脫殼走人, 而係要實名制, 迫你FULL PAY兼長綫, 去槓桿化.
由是者, BUY TIME俾香港有心置業的人士盡早買定定, 否則等到大陸資金的買齊貨後, 夾爆的將唔係港資班輪商, 係香港新一代市民.

你睇誠哥沽左中環中心402億就知, 陸資佔>50% 而且係國企, 同埋以買公司的方式去交收
如果呢402億買落香港住宅係可以買到幾多間得寶?幾多間沙中? 幾多間新元中?
小子真係唔敢去諗, 但計一計係差唔多10,000間.....
即係政府一年的供應量的大部份! 佢地係一口可以掃Q哂

呢家D升斗市民洗大餅都搵15K, 兩口子3皮野月入根本係正常不過, 租一間樓12K係唔係AFFORDABLE? 可以話係, 又可以話唔係

但係10年後D租加到22K 又得唔得呢? 得.....最多唔生仔, 節衣縮食, 唔去旅行,再唔得咪買間泰國樓係個邊簡單生活下囉, 我唔玩啦, 你玩埋佢啦

港青唔生, 邊個生? 又放150個落來囉.....
新專才移民生完帶埋有錢老豆老母落來團聚住下九龍站幾好吖, 風涼水冷
係唔係有D熟口熟面呀個劇本?

以上故事, 如有雷同, 實屬巧合