會計佬的盲點

作為一條會計從業員, 由幾年前幫大公司做IN HOUSE ACCT 做到無啦啦去左做GATE KEEPER, 當中的轉變有好多, 會計佬的投資心態, 綜合來講係有一個盲點: 貪平

股票方面, 永遠係會搵D平到PK 又唔升的股票, 跟住死HOLD, 話跟老畢的價值投資, 低水云云. 對於飛升的700, 1918, 3333 等等都只會叫哎呀....無買到....嗱事後孔明馬後砲實將軍無棋, FINANCE人的SUBSEQUENT ACTION係會追入 (或者賭仔性格使然), 而會計佬多數會計幾多幾多NAV (包括小子隻3839, 自嘲一下)

樓價方面, 好多人買TKO (利申: 小子無地區性的PREFERENCE), 只係問下當中點解的時候, 好多都話平, 平, 平.
當然呢家TKO 已不再平, 亦都係變左做"新中產區" (小子同事如是說)
但係睇平/貴, 小子認為係相對, 而唔係絕對

你話9M 2房TKO (天晉) 係叫做平定貴? 真係好因人而異
小子會覺得貴, 因為同一個價碼我會買一間屯門碼頭3房, 加一間嘉湖兩房

或者買一間新界3房 加一間港島一房

原因係,TKO 綫都係要經北角出港島 (或稍後有北環綫直過CWB), 但係如果你玩路程距離, 點解唔買北角單支5M 2房(15K/FT), 但係要買8/9M 帝景灣/WINGS 2房呢?

不過有人俾就係市價, 無得話值唔值
又以TKO 呢家多左好多後生仔入去住, 成個區都係變緊, 呢個係事實
 
貪平, 同埋"盲目地跟風"係好多會計佬, 什至係老散的盲點, 價值係RELATIVE, 唔係ABSOLUTE

正正係咁, 就解釋到點解YOHO 升到咁而港島係唔升, YOHO 係反映埋對未來基建的預期