2017 目標檢討

個人: 呢方面唔合格, 都係176 磅左右, 主要係小子高估左自己處理MULTI TASK的能力, 在MASTER+法文+小朋友下, 實在抽唔到身 (或者唔夠睇得減肥係重要)

家庭: 一切如常, 2017/18 "小子媽咪" 退休ANYTIME都OK (未輪到小子 ORZ)

財務: 小子今日再入手多左間3房, 同預期當中有差別, 主因係呎價實在太低同埋有實際需要, 小小子D野原來都幾多, 同埋如果佢學行的時間開始時, 的確係需要比較大的空間, 所以小子把心一橫作出同呢個同預期有出入的決定

三房一套, 藍籌屋苑, 港島區呎價幾多?萬六有找

解決左住屋需求, 但長期應該都係唔可以再買, 因為唔捨得俾15% DSD 同埋銀行唔會借錢俾小子, 應該唔會買+買唔到了

其餘物業傾向長綫持有作收租

股票: 3839 一如所料升到2.6左右, 小子持股40萬, 零孖展, 等到6蚊左右 (如果個莊俾我的話), 沽出便SAY GOODBYE, 2.4M 添D做首期, 買架的士, 星期日自己玩番一更, 扮下"降魔的" 馬季"

工作: 升左TITLE, 但人工加幅麻麻, 老細話來年會再加多DD, 不過睇開小子BLOG 的朋友都知, 小子對於中國人老細的期望係唔高, 因為佢地係SELL 穏定, 唔係SELL 高人工

不過點都好, 當收租/收息 的錢 = 家庭收入的時候, 其實人生可以放慢腳步, 有權去為自己人生下半場做準備

 

新居外望的實景

-------------------------------------------------------------------------------------------------------------------------------------------------------------------------------------

2017 展望

有個好的計劃便是成功的一半。小子要為2017年做好一個PLANNING，並堅實地執行

個人
有健康的身體才是成功。結婚後3年小子肥左差唔多30LBS, 係時候去俾番個最佳的身體自己，目標係135LBS (現在176LBS, 結婚時153LBS)
 
小子已經持續於早上去做1個小時GYM持續左3個星期, 期間只有幾日假期沒有去, 相信持之以恆, 控制飲食, 必能做到

這只是時間的問題

另外, 碩士課程進行中，一切如常。經仔細考慮後，法文亦暫不會放棄。你想去多遠，便可以去多遠。後生忙少少係無傷干。如果轉新工後才會考慮

家庭

小子將會於幾個月後有小朋友加入呢個家庭，首要為照顧辛勞的太太。時間方面要多點分配俾家人

小子媽媽未知幾時退休，不過小子已草擬好計劃並會於2017年執行。不預期會有大的變動。

財務

2016年辣辣椒出動後已經即日買左一間，樓方面已經於短期沒有可增持/減持空間。

股票等3839 升左套現再進行新的投者研究項目。其他放係度等收成吧。
另外，會增持現金水平。因為現金水平實在偏低。

工作

腦細話下年會升職，不過小子沒有太大感覺，始終年年幫佢搵幾百萬美金，但係只加2.5% 人工的時間持續左3年，若不是有其他issue on hand, 一早已經搵左一份高人工的工作走左，始終係售賣時間，人工低即係唔effective。加三幾千我覺得係應份，所以無咩開心感覺，中國人公司係最仆街的公司，孤鳩寒。

總之就持盈保泰，一切穏定行先