意外出手

今天5:30 收到政府的最新辣招, 2016年11月5日起所有第二間屋(我真係好憎用第二套房的大陸字句), 收15%印花稅

這無疑是重覆曾蔭權政府的錯誤, 並引致二手樓宇供應進一步收窄

試想想, 若你有2層樓收租, 你會唔會賣?
100%肯定唔會, 因為再買番要俾15%稅

 在供求再嚴重失衡及扭曲情況下, 樓價好大機會進一步上升

小子太孤寒, 唔想俾15%重稅, 有見及此, 我今日買左間,希望呢一章係正確

白痴的土地政策

公屋需求龐大，在短期供應無法增加下房委會決定出兩狠招踢走富戶，要求持有物業、入息或資產超出限額的住戶遷出，又收緊分戶和擠迫戶政策，期望下年度落實。公屋聯會認為政策對輪候冊影響微不足道，質疑政府借房委會轉移視線減低供應不足壓力。

最大改動包括2014年時曾討論的公屋富戶單軌制，黃指富戶政策將由以往雙軌制，即要求家庭入息超逾限額3倍及資產超逾入息限額84倍住戶遷出公屋，改為入息或資產限額其中一項超出某更高水平，如入息超額4至5倍或資產超出入息限額100倍便須遷離公屋；擁有本港物業的公屋住戶亦需遷走。至於轉換戶主政策，未來亦會按新富戶政策來處理。

本報以2人家庭的入息限額16,870元計算，現行政策下入息約5萬元及資產約142萬元屬超額，新政策下入息達6.7萬至8.4萬元或資產約168萬元便屬超額。

黃遠輝指現時公屋富戶約有2.6萬戶，難評估多少富戶受影響，承認措施未必可立即縮短平均輪候時間，但可令公屋資源分配更公平。公屋聯會主席王坤質疑政府只為轉移公眾視線，「富戶得2.6萬戶，當中有幾多真係要搬？」

http://hk.apple.nextmedia.com/news/art/20161101/19818684

以上政策簡直係低能!

當公屋富戶如報紙所講的26000 戶 (其實遠不止, 幾多人生霸死霸間屋又有仔女出身/大陸有樓?)

如果即時將佢地踢走, 又係做成26000個房屋需求, 因為住公屋的私樓屋主拍走個租客, 租客都要搵樓, 又係製造需求!

其實咁樣攪法個市點會唔癲? 班友有無腦架?

偷閒一天的反思

昨天因為小子的姨媽番來, 所以特地請假一天行過往日熟識的中環, 另有一番感受. 身邊所有人都勞役, 唯獨是我悠閒咁散步

人生本該如此!

亦都同小子理念, 盡快達到財務自由, 攞番自己應有的時間

達到財務自由的定義, 係非工作收入>支出

簡而言之, 先控制支出 (因為係100% 可控), 再增加收入, 所以我同老友講, 一定係先控制支出

收入可以係來自生意, 可以係來自於買樓收租, 可以來自股票市場, 而股市又有投機法, 月供盈富法, 價值投資法, 期權等等, 沒有對錯

等於李嘉誠間3TELECOM每個月收幾多錢, 對比起收租仔, 簡直係變態. 但收租仔比起炒鬼, 又未必優勝, 因為我見過有炒鬼炒到住FULL PAY 九龍站!

其實樓上每一樣, 小子都有玩, 亦都交左好多學費, 去摸索出一條啱自己去行的路, 呢條路因人而異, 因為喜好及風險接受程度不同

市面上好多書教人點做, 其實都係垃圾, 因為大部份人都係仲係靠個本書的版稅收入...
再者, 成功者, 係好少會分享的....佢會分享錢俾D窮人, 但佢絕對唔會教你點去玩...
正如李嘉誠唔會出書教你做生意一樣, 又或者一個成功的生意人唔會出書教你點做...

1000% 係自己攪掂左, 賺左錢, 再出書去哂命, 話自己有幾咁醒. 所以都係無用.

唯一方法, 係落場試, 交夠學費, 並努力去反思自己每一次的失敗, 假以時日, 必有所成

勝不驕 敗不餒

近排小子請教緊院長 (朋友J) 做人之道, 佢提及到中庸之道, 小子實在係100% 同意
呢排小子訓得好差, 日日都扎醒, 可能壓力大的關係, 每當夜闌人靜的時候, 除左買主客和同睇歐聯之外, 做得最多的係檢討自己

做人, 勝不驕 敗不餒, 回想起10年前小子的生活困苦, 點樣一步一步咁走出呢個深淵的過程, 到呢家偶然會睇到同聽到昔日唔尊重自己的人, 開始態度轉變, 實在是百般滋味在心頭

然而, 花無百日紅, 做人在順境時, 一定要積谷防飢, 行有餘力, 同身邊朋友分享, 創造可能性, 並且要謙卑, 不可恃才傲物, 出口傷人

於逆境時要沉著應戰, 努力做好自己, 等待一次機會, 主動出擊

三人行必有我師, 朋友J 品行高尚, 朋友R 耐力驚人, 逆境中仍能打出一手好牌, 實在是小子的學習對象及良師益友

客觀量度自身財務水平 #1 儲蓄率

客觀量度自身財務水平 #1 儲蓄率

小子眼見父母, 營營役役到老來都係僅夠生活 (定生存?), 萬一仔女唔生性, 分分鍾老來過唔到世 (其實小子母親會於不久將來退休)

作為一個80後, 一個仲有機會的80後, 點先可以避免老來呢D咁尷尬的場面呢?

首先一定要睇一樣野, 就係儲蓄率 (真係FOR 45 樓下的朋友, 因為45+, 如果仲係一窮二白, 咁同PK 已經不遠了....請恕我直言)

打個比喻, A君搵20萬一個月, 但係佢洗足18萬一個月,每月淨2萬

如果呀B君, 搵5萬, 洗3萬....即係每月淨2萬　

同樣大家都係每個月淨2萬, 但係2萬係佔A 的月消費1/9 即係頂到4日
而呀B, 同樣2萬, 係可以頂2個月!!!

所以, 係小子眼中, 時間一過, 呀B 將會有足夠底氣同老細SAY BYEBYE
而A 呢? 佢同等死係無分別, 因為佢老細可以揀住佢條頸, 俾D豬頭骨呀, 屎呀佢食, 而佢亦都要笑住食, 真係慘.............

小子只會睇每個月你有幾多錢淨/支出, 而唔係你搵幾多, 搵幾多係一個虛數, 唔好講你做生意又好, 打工又好; 生意一唔好, 你又係PK, 打工更甚, 老細一句叫你番屋企食自己, 你就手停口停....當然係香港, 你肯做D下欄野, 無話死人, 但係你份人工, 你眼中所謂的"市場價值", 將會係個一刻歸"零"

成件事無關乎2樣野:
1. 開源
2. 節流

所以, 要凸破呢個死門, 防止老細搞你, 又或者生意大環境唔就, 就係先控制支出, 養成一個良好的洗錢習慣, 並儲蓄 儲蓄 儲蓄 (好重要, 要講3次), 準備糧草過冬. 因為你唔會知冬天幾時搵到上門.............

初心者一定要有20% 以上儲蓄率, 並計下20% 係佔成個月的多少日 (計法而在樓上SHOW左出來).

進階者, 可以用股票/買樓收租等等法門, 去加大自己個"儲蓄率", 當然, 買錯樓/股係會死人, 各位讀者風險自負, 又或者請教下身邊專家(唔係個D咩依賴SELL你買野的理財顧問), 因為大家一齊買滙豐, 上一代150 蚊買輸到嘔血, 而係28蚊供股個D係笑到傻左.....

呢件事係有小朋友的家庭係好難做到...因為D家長要鬥, 要PLAYGROUP, 要咩咩物物....小子好明白有D錢一定要洗
但狂洗錢的下場只係得一個....老來頭痕. 沒有第二個後果, 除非你中六合彩.

未婚者, 積谷防飢, 有家庭者, 必需嚴控支出同埋唔好盲目洗錢.

唯有洗得精明, 洗得其所, 先會有機會捱過未知的寒冬. 香港經濟轉差, 俾大陸取代已係不爭的事實, 時間唔會等人,你不規劃自己,社會就會規劃你

香港人命賤

香港人命賤

真係寫得太好, 今日小子只POST 呢條LINK 大家睇下

http://refine-magazine.tumblr.com/vol17?utm_source=google&utm_medium=banner&utm_campaign=vol17

衣食足, 然後知榮辱

咩為之足? 如果眼中只係同自己有錢的人比較, 那永遠都會"不足", 永遠都處於"痛苦"當中

財富係絕對性而不是相對性, 當你有一定數目的時候, 你會知道, 根本唔需要睇人頭, 唔需要受人二分四

眼要宏觀,  做自己認為正確的事便是了

層樓800萬? 1000萬? 3000萬? 又如何?

唔好怕輸, 怯, 你就輸一世

3839 正大企業

小子其中一隻持倉最重股係3839 正大企業

http://www.hkexnews.hk/listedco/listconews/SEHK/2016/0919/LTN20160919589_C.pdf 

根據最新財務報表, 總權益為USD 170,536,000 即係HKD 13.3億 (資產部份)
這並未計算上市公司殼價約HKD 6 - 7 億 (上市殼價)
 2015年賺880萬美元, 即係HKD 6800萬 , 以7倍P/E 計, 單係業務部份都值HKD 4.7億 (業務部份)

正大企業本業係做豬飼料中的金霉素, 根據小子手頭上的REPORT, 佢市佔係全球70% (因為毛利不高, 兼且投入的機器都算係叫做多, 所以無咩人得閒去搶佢個餅)

正大企業（3839）是2015年7月初由卜蜂 國際（0043）分拆出來的股票，正大則主要從事生產一種名為「金霉素」及製造汽車零件，金霉素很多時會用於製造藥品之上。要留意的是，正大是透過持有兩間公司持有上述業務，其中汽車零件公司僅有28%的股權。(P.S. 上市過左1年可以賣殼/注入資產)

 卜蜂國際（0043）又係邊個打莊? 係謝國民 (自己SEARCH 下GOOGLE)

謝國民係同習近平關係非常密切, 卜蜂 係第一間係改革開放後入中國營商的公司, 擁有"天字第一號" 的BR (商業登記証)

再者, 第二大股東伊藤忠商事係日本5大家族之一, 並與卜蜂 聯營持有中信 (267), 而謝國民亦係滙控手上接左中國平安 (2318) - 財力不容置疑

註: 伊藤忠手貨都係由43 拆出來, 為HKD 8/股, 大股東手貨都係同價

單睇人脈, 牌面都殺左8成. 未計資產大折讓....呢家市值6億, 齋資產都13.3億....當然, 死門係佢做假 (但係2015年7月分拆上市無集資, 理應睇過盤數+股東唔等錢駛), 假野機會率係比較細

法定股數 240M, 兩大股東持有187,927,740 股 (78.06%), 即係街貨得22% 或5200萬股
現價2.35 計約為HKD 1.24億, 便可以買L 起全街街貨....
如果有心人炒的話.....有機會發圍兼起PAIR

如果將上述3部份加起來, 保守估計約值 13.7+6+4.7 = 24.4 億 ($10/股)
打個7折俾佢 17億, 即係 $7.1/股
現價$2.35, 我真係覺得防守力及爆炸性兼備
 

股東名稱	持股量	總股本	日期
Charoen Pokphand Group Company Limited	127,748,147	53.07%	03/07/2015
ITOCHU Corporation	60,179,593	25.00%	03/07/2015

股本

法定股數	787,389,223
發行股數	240,718,310