2020年5月18日 星期一

海怡戰報 - 有買家偷步入市

最近除左COVID 19 新聞之外, 其實樓市有好多買家靜靜地入貨

而小子亦都幫緊兩個朋友入市, 可惜仲未成到事.

主因有3個:

1. 2房-3房有一大部份都超過1000萬, 亦10M 樓下亦俾人好快搶左, 得番好少有得睇而又合乎10M 內BUDGET 的盤, 當然, 海怡主區及其他區都係同一個情況.

2. 叫價開始拋離估價。主區海怡2房在社會運動前係800 尾 - 920 萬左右。呢家叫價及成交價已到880-900 RANGE, 而分別在於以前的900頭仲有靚園景, 有園海你揀, 呢家只有樓景, 少園及商場景等次一級的選擇, 而好多更加係無樓睇, 而買家入市成交的例子開始增加, 特別在10M 樓下, 交吉賣的基本上有一部份係無樓睇成交.

而部份準買家仲未接受到叫價不同估價, 或者無樓睇的成交。無他, 除非極差市況, 否則現在已絕少"貼估價成交".
而無樓睇更係麻煩的地方, 完完全全令到少D經驗或者自住的買家卻步, 並仍在觀望狀態。

3. 至於3房及大價樓的樓價仍在冰封, 開始有零星破頂價出現.

小子收到風, 將會有間63X 呎的細三房以1170-1190萬成交. 呎價187XX. 此價錢係連最離地的4房則都做唔到呢個價.

而4期內園靚則啱啱走左間1130萬 (29座H) 都仲要平過佢, 仲要細過佢.

可見買家食差D貨仲要俾貴D價, 係典型一個旺市的開端.

觀乎大家都認為美聯儲零息的長期維持有助於實物資產價值, 所以果斷入市, 又或者對疫情的過去有信心, 以致偷步入市. 小子不去妄下判斷當中的原因, 但有買家開始追價入市係主區可以睇到的情況.

而友好的第三區經紀的消息及結論亦十分近似。

兩房放盤擇要


























12 則留言:

  1. 新界區情況係有屋苑業主大多數hold放租多,少之前成交記錄,就算以家旺市返,買家都未接受個價,雖然個盤係超靚盤,個個都鐘意同問但始終唔肯比錢,佢地出價仲要係低過估價,呎價又唔合理地低,慘,所以真係區區不同

    回覆刪除
  2. 過去幾星期估價行極為保守,無臨約的話經常出現offical估價低過網上估價的情況,有能力不理估價成交的都是有實力人士。

    最近幾天感覺上開始鬆手,估計更多偷步成交見報後,銀行估價會跟住上,然後......

    回覆刪除
  3. 已有兩位朋友前一個月入左市,一個佐敦,一個大埔。

    回覆刪除
  4. 睇黎又係升勢另一波開始, 18-20算係一個兩年調整期...調整完又開車....

    回覆刪除
  5. 快兄, 中國一制已殺到,對後市點睇?

    回覆刪除
    回覆
    1. 唔覺得會有咩大改變, 始終係最有錢的中國人先有資格有港樓
      而且, 好多人移民都唔會沽, 供不應求都係無變
      暫時睇唔到有咩大影響

      如果美國出招制裁那再研判

      刪除
  6. 但外資撤走,影響大,會唔會移左民個批都會賣樓走?另今日嘉熙9宗大撻訂,點睇?😖😖😖

    回覆刪除
    回覆
    1. 賣樓我斷估未必會. 始終1997年移民個批賣樓的慘況下, 無咩人敢沽野走人
      何況, 呢家移民個批大多都係用技術移民走, 留番間樓租>供, 沽左佢實沒有誘因

      外國樓又平到一個點, 加按拎錢FULL PAY外國樓我估係大方向技術移民人士的操作方法

      刪除
  7. 來港個批會唔會低端人士多過有錢的中國人?

    回覆刪除
    回覆
    1. 其實來港低端, 住公屋都係會佔地方.......

      刪除