2020年3月4日 星期三

即時廢左定息按武功

金管局:樓市上升周期未逆轉 定按試驗計劃有需求可加碼


金管局因應樓市上升周期,自2009年10月至今共推出八輪逆周期措施。金管局總裁余偉文昨天表示,本港樓市仍然反覆,需要更多時間觀察新冠肺炎的影響,目前未見樓市周期出現轉變。上周公布的新一年度《財政預算案》推出定息按揭試驗計劃,余偉文稱定息利率往後會隨市場利率變化而調整,倘市場對定息按揭有需求,現時10億元的總貸款額可以增加。
余偉文出席立法會財委會會議時,指本港樓價過去數月有升有跌,2月份初步數據顯示樓價似乎有所回升,成交也在近1至2個星期稍見反彈,認為目前樓市走勢仍未清晰。他重申,金管局維持一貫宏觀審慎的樓市監管措施,會按樓價、成交、本港及外圍經濟等因素評估樓市。
按揭證券公司將推出定息按揭試驗計劃,惟年利率高於目前浮息按揭,余偉文解釋,息口周期會有上落,例如美國在2017年至2018年把利率正常化,港息跟隨上揚,按揭浮息利率亦上揚,業主的供樓利息支出隨之增加。定息按揭計劃提供年期最長達20年,期間息口會有波動,選用定息按揭可以鎖定利率風險。
建期付款增 籲慎防上會風險
該定息按揭計劃分為10年、15年及20年計劃,年利率分別為2.75厘、2.85厘及2.95厘。他指出,隨着市場利率改變,會相應檢討定息利率水平,冀為市場提供多一個選擇。他強調,計劃目前為試驗性質,倘若市場有需要時總貸款額可以增加,參與銀行和接受申請日期確定後會公布。
金管局又指出,自按揭證券公司調高按保樓價上限,選用「建築期付款」的新盤買家增加,近期個別樓盤更有超過八成買家選用「建築期付款」,提醒此付款方式涉及「上會風險」。
所謂「建築期付款」,是指買家購入物業時,先繳交部分首期,直到收樓時才正式上會供款。但買家只能用收樓時的樓價向銀行申請按揭,而非買入樓花時的樓價作按揭估價。如果樓價在收樓前下調,買家有機會面對上會風險,需要準備更多的首期。
減左50點子之後,要加番幾多息先可以追得番再以致打和番個定息 2.75%-2.95%?
呢個唔多貼地的政策注定應該唔多人有興趣。
再加上有不少人在2年後轉按,到時做唔番定息會理論上都係明賺暗蝕。

滙豐維持最優惠利率5厘不變 料低息環境持續一段時間


滙豐公布,港元最優惠利率維持5厘不變,對上一次調整是去年11月1日,當時減息0.125厘。
滙豐的港元儲蓄存款戶口年利率亦維持不變,5000元或以上為0.001厘,5000元以下則是零水平。
滙豐香港區行政總裁施穎茵表示,維持有關利率於現有水平,主要考慮到宏觀經濟環境、資本市場對港元的需求及供應,以及市場競爭環境。
她又說,低利率環境很可能持續一段時間,滙豐將繼續密切留意經濟情況,適時檢視該行的利率水平。

15 則留言:

  1. 呢個年代真係個腦生草先會揀 whole term 定息......

    回覆刪除
    回覆
    1. 仲要供20年MAX自我令到壓測過唔到呢個係咩CONCEPT

      刪除
    2. 我見到呢個定息計劃一度怀疑自己係咪都係弱智, 諗唔明定息按揭目的, H-Plan 個 Cap rate 唔係低啲咩!? 咁要定息按揭黎做乜?

      再者係人都知各大央行一定會減息救市, 點解呢個時候會有人怕加息?

      刪除
    3. 真心弱智,兩年前人人驚加息時又唔推...

      刪除
    4. //H-Plan 個 Cap rate 唔係低啲咩!? 咁要定息按揭黎做乜?

      H-plan 個 cap 係 P-X, P 增加 H cap 亦增加, 反之亦然.

      定息是真 fixed rate, 跟 P 無關.

      刪除
  2. 代表正苦脫離市場。
    完全唔明業主諗咩。咁點樣規管市場?

    回覆刪除
  3. 是但推啲政策就係幫助供樓人士架喇, 真係多謝晒

    回覆刪除
  4. 快活谷兄點睇後市?本身想係呢個肺炎時期再等樓價跌小小就買樓,點知突然減0.5厘息,加上大行高盛料美聯儲局3月18日及4月底再各減息四分一厘....

    回覆刪除
  5. 有十年這個選項先搞笑,先不論息口,三十年有壓測過唔到可以十年無壓測就過到?簡直數學天才都計唔惦

    回覆刪除
  6. 只能說這幫[裁柑官員]實在是天才級別...

    回覆刪除
  7. 官場文化唯唯㘃㘃,高層的決定一定「是對的」,邊度分到對錯呀!
    所謂問責制,推行的還差過中美!

    回覆刪除
  8. 見到樓上咁多位師兄講壓力測試,如果我無理解錯,佢個定息計劃係唔需要壓測的。留意返壓力測試的意思係驚利息會升,但係定息又點會升呢?所以同一個人工有機會借30年H按係過唔到壓測,但係轉做20年定按係夠數上會的。
    其實如果呢個plan係聯儲局早幾年開始加息時候推測係ok的,但係係舊年已經減返息的時候(先唔好講因武漢肺炎緊急減息)真係完全無誘因做定按...

    回覆刪除
    回覆
    1. //如果我無理解錯,佢個定息計劃係唔需要壓測的
      同感,如果定息plan個壓測同平常樓按一樣計法,咁真係唔知搵邊個申請了。
      希望快兄/各方好友於計劃真正推出時確認一下。

      刪除
    2. 補充:
      試驗計劃將通過銀行提供,每宗私人住宅貸款上限為1,000萬港元。定息期完結後,借款人可繼續選擇採用定息按揭或轉為浮息(註1)續期。考慮到借款人在定息期內不受利率波動影響,而定息期長達十年或以上,按揭證券公司已徵得香港金融管理局同意,借款人毋須符合加息壓力測試,但現行的供款與入息比率要求仍然適用。

      (註1)浮息為最優惠利率減2.35厘。
      來源:https://www.hkma.gov.hk/chi/news-and-media/press-releases/2020/02/20200226-4/

      刪除
  9. 個人認為,多個選擇都係好事嚟既。
    定息按點都好過財仔呼吸plan,對於首期有限的人來講都算有用的。

    回覆刪除