2020年2月20日 星期四

疫情下的WORK FROM HOME

由1月尾疫情開始政府叫WORK FROM HOME,其實早在此前公司已很貼心地早放, 間歇性放假/WFC 等等,前前後後由1月中下旬到呢家都差唔多成個月都在家中渡過。

兩口子HOME OFFICE 的壞處係公司打來開會的話係嘈到痴左綫,而好處的係多左時間照顧仔仔,意外地先行體驗左退休生活的湊仔時光。

日日湊仔,在家食飯,出車買下野等等。記得當初同內子商量移民後的考慮的要點都一一能夠有一個FULL EXPERIENCE。呢個疫情給予一個80%的體驗。實在感恩。

而FLIP SIDE 係因為疫情及最近社會事件下,身邊已有不少朋友都申請移民或者移左民,失卻左所謂的"先機"。原本以專才移民的話,之前計分的應該有不少國家都PASS,而呢家我地都唔申請的情況下,如果外國收夠人的話,收人分數不斷提高,可能就要以investment stream 移民

而疫情亦都令到原本今年開始的視察計劃推遲,本來打算5月份去英國及法國先睇一轉,再下年去澳洲搵R兄飲酒同埋認真睇多一次便可以大致上DRAW CONCLUSION。呢家成件事未有確定日子,亦都係始料不及,不過人生充滿不可預測性,既來之,則安之。

行文時,再一次認為R兄呢個朋友實在係有前瞻性,移民對於任何一個人來講唔係一件易事, 係成個LIFESTYLE的轉變,在而立之年早著先機,此等成熟度及視野的廣度實在不可少覤。

7 則留言:

  1. 小子兄都係諗住行資產在港人在外地做法?

    回覆刪除
    回覆
    1. 資產會分散投資, 這個不是今天的想法
      只是在這個大勢當中,暫時落注香港係比較好的回報.
      你睇買日本樓個D輸滙水都抺走回報.
      英國樓脫歐都攪到價量齊跌, 呢家先升番少少.
      反觀香港一直跑贏大市, 當然十年河東十年河西, 暫時港樓及資產的持有成本及回報係比較理想

      刪除
    2. 至於人, 其實有錢去邊度旅居都得, 移不移民, 可以話唔重要, 又可以話好重要 (當人地好似呢家咁封殺中國入口人士如果你無PASSPORT便GG)

      刪除
  2. 最近好多朋友、學生都在考慮/已在申請移民
    之前主要係高中學生,為避DSE去外國讀書
    去年,初中學生見警察不斷逮捕青少年,寧願去外國.
    家人擔心他們不能自立, 舉家移民
    今年,連高小的學生, 他們的家長,都話要移民
    一個傳染病, 令大家都好想走

    回覆刪除
    回覆
    1. 如果見到警察不斷拉人就話要去外國,咁樣佢真係一早要去好啲。
      因為身邊嘅環境價值觀已經令到佢思想唔正常,覺得犯法都可以唔應該俾人拉。不過咁樣講啦,如果佢去到外國做同一件事,你估外國政府又會唔會拉佢呢。

      刪除
  3. 有小朋友係屋企好難homeworking, 佢知你係屋企會不斷走過黎, 成日嘈要打Keyboard...

    回覆刪除
  4. 人各有志,移民做二等公民,無根、無歸屬感。

    回覆刪除