2019年7月23日 星期二

大西北發展計劃的負溢價

經過元朗黑夜一役,身邊有不少朋友住元朗,租好買好,都有感實在不太安全

鄉黑今次破天荒合作,令到不少元朗友都有感該區治安實在麻麻。有錢實搬走,係小子呢幾日最多聽到元朗友講 。

經此一役 (小子都係唔多想講政治,講番投資好少少),基本上都係元朗。不了。

而元朗例如GRAND YOHO,貨尾794' 都賣緊14M。

同等價錢在港島已經有得揀,補一百萬左右在海怡,筆者的主區已經可以有橫行天下的氣勢。

但係租務方面就窄左少少,元朗三房好多都係租緊18K - 24K 之間,同主區同假買到的3 - 3.5房,租金為27,000 - 30,000,直情係真。一開二。

今次鄉黑除了示範了LOCATION LOCATION LOCATION 之外,亦令到好多現代孟母認真考慮三遷 (可能筆者的SAMPLE SIZE 有誤差,但絕不少)。

政府的大西北發展計劃本來發展得好好的,俾呢件事搞彎哂。本來屯元天大落後,漿糊山莊由筆者2012年的2.45M 升到呢家差唔多近6M 關口,柏慧豪園甚至已經超過6M ,7M都未必有好多野揀。

至於元朗站,炒舖個班發左就唔駛講,上蓋物業升值速度直頭係一馬當先,呎價與市區看齊。無他,元朗已自成一角,小子閒時都會渣車去食B仔涼粉,去搵朋友打下冷咁,見到的社區係非常成熟,甚至將銅鑼灣及旺角比下去。一切應有盡有,草根打冷,篤波,酒吧,以至靚野食如壽司之神等成個SPECTRUM 都可以在元朗/大西北區找到。

此乃其中一個元朗樓價追上的原因。在洪水橋落成後,約有23萬人口搬入去,其實呢個AREA 的配套,以至遷移人口絕對係會UPGRADE。東九有TKO,連FIS (法國國際學校)都搬入去埋街食井水,足見到社區改變的功能及影響到樓宇的升值能力。

但好可惜地,這個大西北發展新區的溢價,極有可能因為元朗站事件而停下來,甚至會令後生一代拒絕移入新界西北區,做成樓價負溢價。睇下天水圍的悲情城市的BRANDING都要10年8年先可以消除,今次真係幫倒忙......




16 則留言:

  1. 咁會唔會搶貴其他地區既樓

    但今日元朗,明日又會否其他地區

    回覆刪除
  2. 無警時分先係致命傷 John

    回覆刪除
  3. 如無誤會, 「溢價」意思是物業本身不值所標示的售價, 負溢價的意思好似是剛剛好是掉轉左.
    我都覺得大西北新樓呎價偏貴, 借今次事件跌下都無壞既. 沒有人走, 哪有機會比年輕人上車?

    話時話, 快兄上次陪佢地睇樓反應如何? 不妨也分享下睇樓過程?

    回覆刪除
    回覆
    1. 風淡兄,

      睇樓反應普遍正面, 會在下一篇海怡戰報/ 睇樓戰報另文刊出

      呢排小子除左湊仔之外都有睇樓

      刪除
  4. 其實筆者當年上車都唔知400萬樓下有得做 9按,600萬樓下有得做 8按!期待快兄陪90/00後睇樓的戰報。

    回覆刪除
    回覆
    1. 三兄, 何不食肉糜呀.......

      刪除
    2. 快兄,我唔明你講乜... 我純粹表示的確有很多年青人不知400樓下有9按,600萬樓下有得做 8按。見你上篇文有以下文字,及跟雲淡兄樓上的討論。所以,期望睇到你協助青年人成功上車的故事!

      閣下上篇文的文字:
      致年青人(比我年青的90/00): 樓,唔會買唔起,不要絕望,你有40萬已能做9成按揭買到間置樂三寶/得寶花園(仲差少少)等等 (400萬內的樓)。
      若90/00後有需要,INBOX我,小子無佣收的,湊完仔有時間陪你一齊睇,如何?

      刪除
    3. 三兄, 謹此致歉先, 小弟語障, 事緣小子係識得有朋友當年 (2009年)以5按買千萬樓, 而朋友反問"咩有9按架咩?"

      本來係JOKE, 唔係串三兄, SORRY SORRY!

      刪除
    4. 快兄不要太過認真。其實我估到係搭錯線居多。小弟只係想求證下快兄此話有何玄機而已。我會順便刪除你在敝博的最新留言。晚安!

      刪除
    5. 純粹理解問題,不要介懷。小事一樁。

      刪除
  5. 沒有賣不出的樓,只有賣不出的價錢。

    有人唔想入去,咁可能就造就咗機會比願意搬入的人。

    當年天水圍都係咁啫。

    回覆刪除
    回覆
    1. 所言甚是,人心虛怯,便是出手的絕佳時機!

      刪除
  6. 我可能係唯一剛剛星期一仍然夠膽去元朗屯門睇樓嘅勇士

    回覆刪除