2018年3月12日 星期一

90/00後在樓市火熱下如何自處

小子成日諗,如果我係時下90後00後,面對住無止境的大陸人湧入香港,高到仆街的樓價,如何自處?
咁啱Ryan兄講開可唔可以寫下呢個題目,小子姑且代入寫下如果我係佢地,會點樣行。
當然,好同意70兄的:年青人就係唔可以跟從舊人的步伐去創富。
好簡單講,炒BTC,搞startups,眾籌,呢啲都唔係上一代的生存方式;而呢幾個方法亦都係最近產生最多新富豪的方法。

至於好平實的90/00 後, 如果小子係佢地的情況, 一開始都一定買唔到樓
而80-00 後有一個同上一代好大的核心價值唔同, 就係"及時行樂"
好聽D, 係活在當下; 唔好聽D, 係"今朝有酒今朝醉";
凡事有兩面睇, 如果你叫佢地唔好旅行咩? 咪好似劉生咁離地, 你話劉生唔啱? 又唔係...睇你點睇件事....即係如果你只有50歲命, 你仲會唔會辛辛苦苦供一層200呎的400萬樓餐餐食午餐肉? 答案幾近否定的.

要做90/00 後的決定, INCORP 埋佢地的思想; 如果小子係90/00 後, 小子一定會嚴選一個職業可以有一份"比較高人工" 而又"可以去旅行" - 無錯, 做空姐/空少.

21 - 31 頭10年其實職場係可以任你玩而對HR不失霸氣,最正的係, 其實你係可以借工作之便"窮遊"世界.....千萬唔好請幾日假留低玩, 狂洗錢....認清目標, 1) 儲錢 (因為狂飛, SAVING RATE + OT 係好和味! 2) 環遊世界

粗略咁計一計, 20,000/月 (約莫), 小子會走埋日威蘇威名牌包包代購增加收入.....(或者30K 都不止)
打個中間數...25000/月....SAVING RATE 60% (15K/月), 一年18萬....做夠4年已夠300萬樓的首期有凸.......你可以唔買樓, 月供盈富又得, 供收息股又得....10年間...當你無投資, 無加人工, 25000 X 60% X 12 X 10 = 1.8M, 10年後轉文職基本上都夠俾50% 買間細細樓仔啦.....
又或者1.8M 的HSBC收息, 基本上已經好過好多人...

樓, 係唔急買, 就算無回調又如何?10年後一定買到, 係計到數的
那時買與唔買, 係個人選擇了.

1 則留言:

  1. 多謝小子兄撰文
    其實真係要考慮埋時下年輕人既價值觀。上一代人後生捱餐死,搵到一兩層樓返嚟,但已經無力去玩,某程度上我都認同係要玩下,唔通就嚟死,或者行路都無有先玩咩,亦有機會突然瓜老襯,儲到首期,買到樓都無用,所以唔可以太離地。
    買樓方面,高樓價無可否認真係推後咗呢一代人成家立室既時間,甚至令佢地打消呢個念頭,不過其實畢業後老老實實做份工,35歲前搵到個差唔多咁踏實既人,都一定買到樓同生到仔,如果伴侶離地,就真係好似誠哥咁講,趁生後搵果件,都一定做到。而家雖然置業計劃俾樓價越推越遲,但都係可接受範圍,當然住劏房或者公屋又生到一屋滿哂人果啲另計啦。

    回覆刪除