樓價, 辣招, 安老按揭 - 香港政府的陽謀

一路以來小子都係樓市好友, 但歸根究底, 其實好想寫一篇關於樓價, 樓市辣招 及退休的關聯文章, 睇下將來會唔會係咁發展

1.樓價
小子覺得樓價係會慢慢升, 大漲小回, 直到升到一個高度係一個家庭窮一生的能力都只可以買到一間的價錢.

無可否認, 呢家樓價相比起1997 係好高, 但係樓宇最大的功用, 乃係藏富於民. 一個市民, 一個家庭窮一生之力, 好多只係買到一至兩間樓; 而呢間樓亦都係佢地最大資產

古語有云, 有土斯有財; 呢句話已經根深柢固在中國人及世界各地的華人心中; 你唔會見到有人儲100手388, 唔會見到有人儲1000手HSBC, 但係會見到婆仔儲3間5間樓退休. 而呢一個投資物 - 樓宇, 正正係一個身兼必需品及投資品集於一身, 而大眾亦都甘於為其賣身的一個工具

此工具, 說穿了, 從來土地都係用來分配資源, 古代藩王如是, 今天四大家族大地主如是. 將樓價推高, 直接係令到香港市民有一種狂熱, 甘於為一層樓出賣自己及其家庭一生所得的血汗錢給地產商, 政府, 銀行及其利益共同體

大家市民肯甘於供樓, 便唔得閒搞搞震反政府, 最直接的影響就係利於管治.
而樓價升, 亦令到市民 "自我感覺良好", 唔會搞搞震, 亦都會吊鳩D搞事友仔
所以, 令樓價慢慢升, 乃係一種管治上的技倆

2.辣招及按揭年期

正因為政府有形之手操縱樓價, 而市民在"感覺良好"下, 一定會想買完一間又一間, 做收租佬是吧?
呢樣野在辣招前尚且可行, 在這個民粹主義抬頭的香港, 買完一間又一間, 不但為無產的青年所憎惡, 政府亦唔會容許市民咁做, 因為每年供應得個區區20000個 (吹水數字), 如果你班人加按一開二又好, 用父幹又好, 買Q哂D樓自HIGH, 咁點對得住有青同埋政府狂劏細地制造供應?

而辣招同埋按揭壓力測試, 就係最佳的阻止方法!

呢家買第二間已經要俾15% 厘印, SSD 亦都禁止左摸貨, 而買第二間的人士必定係非常之有實力, 起碼要俾50%, 甚至70% 首期. 加埋厘印費, 差唔多拎左70% - 90% 錢出來先會買到
就算玩加按, 都係受制於壓測, 呼吸PLAN 都有高息, 限制社會收入最高的一班人士先買到

唔好似為用呼吸PLAN 就係廢柴, 好多係無首期先會用呢D PLAN, 只夠15% 厘印而又無70% 首期的人士最啱就係用呢D PLAN, 而亦都係常用.
佢地會住新樓而將原本個間出租, 即係又係有實力的人士. 當然唔排除有D魚毛蝦仔在其中, 但係想講的係, 其實有相當一部份的人士係好有實力的.

所以小子預期, 辣招在短期內都唔會取消, 至少林鄭一日在位都唔會, 而樓價, 亦都唔會跌得好多, 因為買家其實真係借貸的部份, 其實好少
以小子為例, 借貸率40% 左右, 真係借多1個仙都唔俾

因為辣招除左阻止到市民買樓, 令民粹主義人士開心D之外, 最重要目的係增加稅收!
係唔駛過立法會下又可以增加稅收兼且打擊炒樓, 呢樣咁聰明的"德政", 如果在政府立場來睇, 實更加沒有取消之理

而樓價升, 稅收更加會升, 所以係配合到成件事發展, 而亦都係當中關鍵的角色
因為呢班人係社會上最有錢, 亦都係政府合法地向社會上最有錢的人抽稅而又唔會俾人吊鳩, 兼且佢地仲會SAY THANK YOU!
亦都係政府利用吸星大法直接向富有階層收稅!

而高樓價總會有一個點, 令到新入場的人買唔到, 過唔到壓測等等, 無理由一房2000萬你都過到壓測吧....過到你都唔想買啦.

淨番最後一步就係放寬供款年期. 俾你供到40, 50, 60 年, 成件事LUMPSUM 又細番, THE SHOW CONTINUES, 又玩過, 吸乾一代人的努力及令到佢地做順民, 而政府又可以年年收貴D的差餉, 地租等等. 何不快哉!

但係咪住! 供完又係等個200呎, 有L用咩? 供到我死都無用啦....
啱! 所以安老按揭就係最後殺著

3. 安老按揭
呢家HKMC安老按揭係可以將FULL PAY樓做番按, 收年金退休
此計劃乃係政府百鳥歸巢的最後一著
市民死供爛供, 窮一生之力供完層樓, 又大維修又咩咩柒柒是吧? 唔抵買吧?
供斷左其實翻按俾政府, 收番你貴息, 等你自已收番錢退休, 咁無人吊9 MPF有幾咁無撚用啦!
自己靠自己, 中國人的美德!
到時醫病又好, 等錢用又好, 按番俾政府, 到最後拉柴又係政府收番, 賣番俾新一代的市民...
啱啱好CLOSE 番個FILE

所以, 樓呢樣野正正係俾香港政府做一個PERFECT的全方位管治的產物, 而佢地都制造左個氣氛係令到大家甘之如飴地為其賣命.

如果咁橋小子估中係大方向的話, 到10年後可能樓會升到變左一個家庭先買得起的一個價錢, 因為目的就係令到有資產者乖乖做順民, 小子認為不久將來可能更會推出協助年青人上車的措施去推呢班人入市, 以收管治之便, 例如政府擔保40-50年按揭, 100% 包借等等....

到2047, 中國收番香港, 一切便推倒重來, 而新一代接盤人, 就係新。香港人
一代樓市霸權亦都會正式結束, 香港成為廣東省香港市, 洗牌完成