圖窮匕現 - 趕絕港人

有報章報道, 話27% 的港人話有生之年都上唔到車, 而當中55% 認為樓價高影響結婚計劃, 其中有34% 直指移民海外為另一選擇

小子睇到呢段野真係不禁感嘆把死人口又講中. 34% 移民海外的受訪比率可能會比較誇張, 但係小子身邊呢種人大有人在; 例如有朋友香港租樓但係在外國買樓收租, 英美澳加日泰越等等大大少少的簡介會都去過, 更加親身落注, 買馬拉樓, 泰國樓等等, 更話100幾萬好抵云云...

呢個正正係政府想本土港人出走的絕望真相!

小子有問過佢地點解揀泰國, 答案係低水, 升值潛力夠...(吊, 又咪係玩炒樓?!)

炒樓的話, 一定係唔熟唔買....隔山買牛都仲要炒得起..我真係覺得窄左少少. 

最吊詭係話有咩事可以移民當地個下正...喂, 你泰文都唔曉, 本來移民已經係一個好無可奈可的選擇, 試問如果香港教育, 醫療, 退休保障可以做好少少, 唔好攪咩小三TSA迫到D小朋友無定抖仲要日日放150個落來同你搶資源, 好多人根本係唔捨得走, 更遑論小子的加國親戚好多都係老來回流番香港, 貪其醫療好 (真相係用腳投票投出來的)

客觀來講, 香港醫療, 食物安全 都好好, 唔怕做做下手術要你支付寶嘟過數, 更加唔怕食羊肉串變左狗肉串, 唯一唔好係D樓好L7貴. 

而一個方便, 有質素的城市, 物價貴係必然, 倫敦 ZONE 1 唔駛10M? 巴黎香榭麗舍大道細1房都要7M+ (小子係想買巴黎樓GE. 無他, 本人喜愛法國 =)); 

而香港, 作為中國的ZONE 1城市, 氣候怡人, 無污染無沙塵暴, 飛機4小時基本上抵達亞太區任何一個地方, 而且, 時區上可以接連英美/亞洲時間, 從商無往而不利. 呢D先天野+後天 (醫療/法制/食品安全) 更加令到香港其實係俾上海北京 (呢家興講: 北上廣深港)更為優秀

而大灣區PROJECT, 就係清算本土港人, 將佢搬番去澳門, 珠海等等大陸二綫城市, 令其消失於眼下.

有根, 先有得發圍, 而你唔買港樓/租唔起港樓, 即係你無根, 無根就係會俾人迫走....此乃千古不變的定律

而中國的AGENDA已 圖窮匕現 - 輸入高端人口趕走上層港人, 再加輸入低端人口CHUR 乾庫房, 夾到你班中產無癮收工為止.

 

3成中產 稱有生之年買唔到樓

【晴報專訊】港樓價只升不跌，有調查顯示，95%人稱樓價過高，27%預計在有生之年都未能在港上車。為圓置業夢，近半人計劃只要價錢合適，會考慮入市細過200呎的「納米樓」。惟學者提醒，納米樓居住空間有限，日後轉讓有難度，若樓市逆轉，將首當其衝變跌市火車頭。

全球營運多個住宅及商務物業網站的REA集團，委託管理公司於1月29日至2月10日訪問1,003名18至65歲香港市民，平均月入中位數逾3萬元。結果顯示，95%認為現時樓價太高，69%預料未來6個月持續上升，平均升幅為9.8%；71%沒計劃在未來12個月內入市，只有29%計劃在港或海外入市，其中20%在港置業，預算置業中位數為654萬元。

另有40%未有物業人士，24%預期在30至39歲能上車，4%認為要到60歲或之後，更有27%預料在有生之年都未能上車；但有48%指若價錢合適會考慮買面積少於200呎的納米樓，其中30%考慮自住，25%用作投資。而未婚受訪者中，55%認為高樓價影響其結婚計劃，其中更有34%直指移民海外為另一選擇。

55%指高樓價 影響結婚

被視為第一代納米樓始祖的大埔嵐山1期，當時177至196平方呎的開放式單位，一手售價僅169萬元起。最新成交個案顯示，1期7座低層A、181呎單位，以330萬元售出，呎價達18,232元，升值近倍；而最近的香港仔田灣新盤南津．迎岸，最低價的3樓E室189呎單位，折實後約353萬元，呎價18,677元。

早前有報告指，2017至2020年200呎或以下的納米樓，將增至每年510伙。中大商學院助理院長李兆波不建議購買風險較大的納米樓，指納米樓居住空間有限，日後出租或轉售有困難，一旦樓市逆轉，將是首當其衝，認為寧可考慮申請資助出售房屋。