買唔到樓的真相

正所謂: 睇得毒果多, 慘過無屎屙; 今日小子食飯又睇毒果, 講到呢位人妻, 兩公婆月入30,000 但係連漿糊山莊都買唔到, WELL, 漿胡貴為CCL 成份股同埋十大藍籌屋苑, 呢個市況賣緊400頭貴唔貴就見仁見智, 但係呢位人妻係唔係真係好似毒果講到買元朗屯門天水圍呢D咁"CHEAP"的地方都買唔到呢?

【上車絕望】「80後」保險界人妻 嘆月入3萬買不起嘉湖山莊 

https://hk.finance.appledaily.com/finance/realtime/article/20171208/57553762 

好啦, 又當佢地做保險只有老底, 打個折當佢20,000月入, 小子唔上網搵按揭計算機, ROUGHLY 佢地可以借到200萬左右, 文中佢地話就算有100萬首期都買唔到, 好啦, 就當你有100萬首期又買唔買到呢?

屯門 怡樂花園 3座

售$310萬 http://hk.centanet.com/findproperty/zh-HK/Home/Detail/?ID=b09fb2bb-f24e-4b81-a5f5-a7e2d6f8422b&src=S

答案係應該得! 仲要係實呎400以上添 (嗱小子唔會咁無人道叫人住160呎嵐山老湯一家4口咁契弟)
小子呢家住緊個度人均面積都係94呎, 一家4口位414呎以面積計真係住得好過小子

又假使間佢地"吹水"話有100萬首期, 但係其實又係無咁又點計?
佢地話居屋係做唔到按揭, 應該係錯的! 房委會係擔保95% 按揭 (以小子所知, 有錯請指正)

至於私樓, 就最少要儲20% 首期啦, 不過如果一家四口兩件化骨龍真心係幾難儲下. 但事主如果做得保險, 呢幾年應該都幾好景, 如果淨到D應該都夠俾20% - 40% 首期上會掛 (會唔會係搵到又淨唔到FING 9 左佢呢? 或者有家庭問題要錢用呢? 呢D要當事人先知, 但係如果係太大駛的話, 真係要節儉少少)

不過點解小子話唔好睇咁多毒果呢? 就係佢地由100幾萬睇到500幾萬點解又無買呢? 呢家又要俾毒果放大標題話要放棄香港呢? 佢地100幾萬唔買, 呢家又怨天又怨地又係咩玩法呢? 無理由咩都怨政府, D負能量朋友就係毒果天天無限量發放的! 方法就寫左係樓上, 真係今時今日都買到 (都未計佢買新樓呼吸PLAN)

再另外另外, 如果真係咩L都無, 儲20零個買2.3M 300呎屯門又得唔得呀? 又駛唔駛儲到2047 呀?
買層樓仔要吹大到要含住D金鎖匙出世, 唔好咁誇張好喎!

是不為也, 非不能也
真心全部380呎樓上, 唔失禮

買唔買其實真係無所謂, 居住需求一係租, 一係買, 兩者間無咩對與錯; 小子亦唔同意話咩租客幫業主供樓好蝕桌, 喂咁你業主孭條數上身有咩山高水低都有風險, 大家關係係對等, 唔駛好似討論區咁取笑人地, 呢D咀臉唔係咁要得

但係買/唔買, 真係要真心清楚自己係選擇唔買, 唔好賴天賴地

屯門 康德花園 3座

售$278萬
http://hk.centanet.com/findproperty/zh-HK/Home/Detail/?ID=7bcf9e8b-0213-481d-ac20-b1421e69cea5&src=S 

屯門 嘉喜利大廈

售$230萬
 http://hk.centanet.com/findproperty/zh-HK/Home/Detail/?ID=ea42e53d-c551-4645-94d4-819408b1fd3e&src=S