小子啱啱睇到新聞, 習主席選左新常委並連任至2022
會後訪問中, 習主席顯示出大國應有的氣度及包容, 同時間亦有其收斂不到的大國鋒芒
小子好鍾意睇書, 其中一位鍾意睇的自傳係李光耀, 幾本書夾埋講左李光耀點樣係馬來西亞玩野下將一個細過香港的彈丸之地搞到90年代作為亞洲四小龍的一份子
但佢最為人所詬病的係其獨裁, 打壓及迫害異己. 其中謝太寶在未經審判下被新加玻當局監禁/軟禁達32年之久
但縱使李光耀如此一言堂及獨裁, 其執行力卻是世界政壇中數一數二, 包括將英文用作官方語言, 令到新加坡人更加容易與國際接軌 (其實係當時俾馬拉拍左出來無法子唔親英/親美), 並引入國際資金 (其實係俾美國鍊鳩住個春袋, 俾保護費換來安定)
再睇番中國的習大大, 有否相似的地方? 獨裁, 執行力高,打壓異己，而最恐怖的係呢個勢頭只係啱啱開始；小子特別睇到坐直昇機的上海市市長 - 韓正。
2012年坐正上海市委書記後，上海發展一日千里，外灘商貿區、上海自貿區、高新科技園等等，井井有條；經濟發展同樓價同步，今日已經遠超過香港；猶記得06年韓正講話要向香港學習，今天，香港抄襲都抄唔切了。
見微知著，習班子的精英管治及執行力都係位於歷屆的頂尖。政治上，香港反政府的基本上來緊10年以上都唔會有運行（可能成世都無運行），投資上，更加要加大投資中國的比重，小子06年就正正在大陸exchange ，當時地鐵只係開到閔行區，地鐵線一隻手數得哂。
2016年小子重遊故地，發覺香港實在落後太多太多了。
今天香港人縱使萬般不願一個沒有香港咁好的法治、自由及制度的政黨統治；小子明白固中的感受，始終80後受到英國政府的管治，規則係死的，人只活在規則當中，找生存空間；
但今時今日，如果尙未認清事實，歷史的洪流會給其教訓
但不用擔心，小子認為中國會收番香港呢個機器，而不會回收香港人。殖民一早開始了，我想大家都應有所感覺的
感觸香港由頭都尾都係一個殖民地, 但無辦法, 小小漁港做到今天的成績已經係非常難能可貴
沒有留言:
張貼留言