全民皆股

環球股票市場於2017年再度破頂, 除左美股有D公司有EARNINGS SURPRISE (不過都升得過左火位, 自從侵侵16年尾上台都無停過, 而侵侵的減稅醫改等等措施都只係聞樓梯聲響...)

至於彼岸的港股更加係熱火朝天, 小子呢排不時聽聞投行班"分析屍"大談買咩買咩.....要RISK ON等等...甚至去茶樓冰室坐的士, 師奶呀無都係度講股票, 一D上個大時代收左皮的股票群組突然又活躍起來....小子實在感到十分不安

至於令到小子更加不安係, 上個星期去睇樓, 業主同小子有一面之緣, 入到屋後, 同我講...吖...我係唔係幾時見過你, 你咁熟口面...原來係舊相識 (非舊相好), 原來賣家係小子的樓2的舊業主的母親, 幾年前同佢係傾價後有一面之緣....點估到小子竟然俾人點相.....(佢仲問我做咩追住佢D野來買, 談笑風生左好一陣子)

跟住傾下傾下, 佢話呢家炒股賺左好多, 又傾左30分鍾股票經.....

經此一役, 小子實在係幾咁心寒, 玩到連沽樓換股都出埋 (雖然業主係有錢及有眼光的人), 實在係時候小心D炒, 以免俾市場先生懲罰.

來緊小子會再清多30% 倉, 由1.3M 減到0.7M 或樓下, 飲茶食飯去也

樓2的風景, 小子最鍾意的一間樓