2018年5月22日 星期二

北漂鼠族

小子非常之鍾意睇YOUTUBE 的新聞節目, 特別係關於外地生活方式, 時事節目, 因為係一個更加快捷地了解地球各地的情況 (當然係比不上親身去體驗, 但係聊勝於無)

睇到片中的北漂大姐做月嫂/保姆, 4500人仔, 20年來住係地下室空間, 真係睇到小子眼濕濕, 如果遇到水災, 呢班人真係死9硬

呢D咁差的境點解係人住的?

另一邊箱, 香港的劏房戶環境比起鼠族係好好多, 更加唔好講香港公屋

點解人地咁羨慕香港? 齋住屋已好唔知幾多倍....基層對比基層, 係北京的基層真係賤撚過地底泥, 係香港最最最仆街都不如佢地的100分之1!

人地買個紙杯都慳住個5元, 仲要學英文學電腦學咩學物, 香港有青? 唉......

只有四個大字, 嬌生慣養

小子真係好撚感恩出世在香港, 如果比起呢班人, 真係多多努力都唔夠佢地砌....
心態上, 堅忍上, 抗逆上都係

少點抱怨, 多點感恩, 努力向上, 自強不息

"所有抱怨, 是沒有執行到位, 而選擇一種表達和推卸責任的方式; 你必須跳下懸崖, 在墜落空中時伸出翅膀, 痛苦的根源不是因為忙碌, 而是因為盲目"

送給自己, 亦給香港青年, 共勉之


6 則留言:

  1. 真係唔講完全唔知有啲咁嘅地方... 他們的情況比我們香港的劏房還惡劣呢...
    北京解決不到的地下室,唔知道香港能否解決到劏房的問題呢?

    回覆刪除
  2. 真係不愧為地獄鬼國。
    不過,無呢種環境,又真係磨練唔到呢種求生同向上爬既意志。

    同意香港人嬌生慣養。但有人會將呢種狀態形容為「對生活有要求」,但只有要求,而無追求更好生活既努力配合,就會變成埋怨。

    回覆刪除
    回覆
    1. 但只有要求,而無追求更好生活既努力配合,就會變成埋怨

      說得太好, 他們口中的"盡全力", 與人家的"略盡綿力"乃雲泥之別

      試問有幾多中國人唔需要出省打工? 香港係其中一個城市, 可能深/上/廣 都係

      刪除
  3. 睇親師兄的文都有感觸。
    小弟有時覺得我們這一代有時不知道,或者選擇了去忘記,上一代條路是怎樣走出來的。阿爺果代是游水搏了老命才來到香港,老豆果代至少十幾廿年都是在木屋區渡過的。老豆說是熱到訓唔著,俾蚊蟲咬到周身無忽好肉。其實由落後國家走到全球最發達的城市之一,那條路的艱苦恐怕只有上一代的人體會到。
    老豆說我很幸福還能看到窮困時代的背影,我們的下一代恐怕不要說不懂窮困怎寫,恐怕連艱難二字都寫不出。批評跟抱怨從來很容易,但積極向上從來困難。"自強不息"四字是老豆一直不停跟我強調的,也送給在看留言的諸君。共勉之!

    回覆刪除
    回覆
    1. 同打牌一樣, 上一代舖舖爛牌, 捱足24圈都輸唔去, 習慣左起手唔靚, 一步難, 一步佳
      小子媽咪話細個一家8口在板間房住, 一張4X6呎床訓哂咁多人

      呢家? 環境好了, 等於起手舖舖10隻萬子, 你總不能覺得係理所當然? 下一舖8隻就發老脾話手氣唔好, 話上家誅死你?

      刪除