2020年12月30日 星期三

單支收到OFFER, 業主的持貨力

 話說小子收到港島單支樓OFFER

件貨係咁的, 400+呎, 6分鍾到MTR

同日開俾2枱客睇, 兩者都有OFFER. 小子要講下其中一個OFFER 同埋講下買家心態與操作


1. 買樓唔同買股票

AGENT A 還到最低估價再低10萬, AGENT 會用好多EXCUSE 去壓你價, 當然呢口價係唔啱數, 因為如果用佢口價的話, 明天報紙會出來 "XX 回到5年前的成交價", 至於會唔會寫埋業主(即係小子)趕移民沽貨就不得而知.

及後小子SAY NO 之後, 2日後加價番8% 上去 (係MID RANGE), 前日再OFFER到高估價8%.

無他, 樓係人的遊戲, 9988 前幾日你208.2 肯買, 就係208.2, 買樓跟估價就有D難搞. 多數一係買唔到, 一係買到value traps.

買家無可否認係想買平貨, 坊間導師的操作都唔係唔workable, 小子認為拎票狂試都係WORK, 但係買到平野, 唔代表係買到好野.

Once again, 買到好多都係value traps.

而低估價係有的, 2星期前如果呢個OFFER 出現的話, 小子係會買到個件藍色綫屋苑3房10M, 估1092, 直接低8%, 但係小子讓左俾朋友了. 佢飛的30分鍾由新界出來, 再飛番入去食飯, 簽左. (啱啱尋日成左間1060一樣SIZE 高3層.)

係有好野的, 但係放係街到等你買的, 多數係市價貨.


2. 點解小子沽 

作為樓的BLOGGER, 有必要解釋一下, 其實小子呢件野係UNDER 8M , 而且係供左好多部份, 小子主因係收番舊大的錢, 順便UPGRADE食多間海怡2房/3房.

小子同AGENT 講 (唔熟AGENT), 你要拎我手貨, 都OK, 搵到下一口我就會沽, 如是者, 小子又睇左一轉海怡 (其實成日都睇).

最近有間海怡PHASE 4 頂層, 高層內園景 (高層係樓景, 唔係內園樓景), 小子入到去, 天花板頂有水跡, 業主都話管業處已做工程, 差在未做樓下批灰 (所以買頂層係要好小心).

仲有, 厠所漏水, 地板凸起, 小子同業主講呢個問題. 佢話, 係呀..賣啦, 唔整啦.. OK, 收到.

物業估值

估價日期2020年12月30日
物業估價$1,091萬
估價範圍$1,028萬 至 $1,157萬

各位讀者, 叫1025, 估到價係咪? 

要低估價, 好多時買到呢D貨, 至於係唔係value trap, 見仁見智.

海怡3房套, 15XXX @, fair market price.

如果樓上天台漏水就GG了

3. 真. 靚內園業主

小子亦都有睇到2房內園. 啱啱業主回覆, 小子即管為左讀者福利, CAP 左圖將業主response 拎俾大家睇. (個隻情深的中指真係可圈可點)

個agent 又係搞笑. 業主點會理你做唔做到按揭....咁講唔炳佢都算好彩....
860 差唔多...價錢係業主同買家協定, 唔係個agent 話幾多就幾多....





















物業估值

估價日期2020年12月30日
物業估價$829萬
估價範圍$782萬 至 $880萬

業主叫價920, 無900 無得傾
其實呢間係小子心儀的. 亦都親身同業主傾過

個業主人好NICE 的, 但大部份中年業主真係無供樓壓力, 係佢地手上拎到平的機會好低.
我諗小子出埋真身去鋤都應該搞唔到880. 
其實880 + 20 又係唔係好過份呢? 

睇番海怡戰報, 最平都要830-840

最平的係呢件; PHASE 4 極低層
估價日期2020年12月30日
物業估價$825萬
估價範圍$777萬 至 $875萬

唔係公屋景, 就係極低層, 俾你買到820萬, even 800萬做到8成, 小子都覺得要think twice

小子的御用agent 打來問小子, 880-900 會唔會有人拎, 佢覺得唔會, 但小子反而覺得有機. 原因係, 如果830 同900, 差幾十買靚景, 係正常. 你都唔想日日對住車站公屋但代番70萬 (其實呢70萬係按番來)....買家根本都無70. 以80% 按揭係拎20% X 70 = 14萬出來 in effect. (同埋800萬做9成....件事更少錢)

相信有睇本BLOG 都知小子有件內園, 業主係無講錯的, 呢件野係收租神器, 回想當年出租係2枱客即日俾票租, 好不誇張.

但買賣呢? 高估價難走係一定, 因為好多人都係睇估價做野, 正如好野都要知音人. 齋睇價的一定買公屋景. 因為估到價. 但係唔係買到好野/靚野呢? 如無意外都係否定的.

2020年12月23日 星期三

海怡戰報 12/2020

 近排海怡成交好多, 3房約莫1050萬, 2房呢, 企硬900 左右, 實呎價約莫16K 左右

冬至再同朋友掃左一ROUND, 得番一件內園貨, 小子直接問業主幾錢, 叫920 (其實底價860, 估790), 估價就一定唔到, 呢個係大部份大屋苑通病, 無得J估價. 

最搞笑係個業主講, 港島南發展呀...賣唔到咪由佢放租......本身個業主係買俾個仔住 (真係好啦有個慈父), 個仔唔想住, 所以拎番錢算.....由此曲綫睇到父幹一族幾咁癲仔, FP-ED 俾個小朋友住....

霸氣到一個點

至於3房, 就10XX - 1100 左右. 林鄭PLAN 高牆令到呎價落後於2房, 實為買入的時機.

以下係2房最近成交價:
















亦都話說, 小子上個星期想搶件貨, 但搶唔到 (無計, 手殘), 而小子在2日後先收到手上的單支OFFER, 想直UPGRADE 買多件海怡, 計劃進行中, 不過呢, 俾100萬香港政府唔係咁化算下, 30%機會成事.

淨番手上個件都供到7788, 沽左佢食件海怡3房, 無錯係供多左, 同埋可以用多D借貸力同埋 MORTGAGE LINK 個戶口又多左BUFFER 又可以谷番上少少個LTV. 然而所動用的人力物力係好大, 實在係雞肋級的東西.

至於無呢個CONCERN 的朋友/讀者, 其實都已經出左手(出緊手), 最緊小子都幫左個朋友食左某港島藍籌屋苑3房 (估1100萬), 做到林鄭PLAN.... (又呃到餐飯仔食下, 哈哈)

有人辭官歸故里, 有人漏夜趕科場

小子認為, 呢家係搶1000萬左右的三房的極好時間, 若果放寬按揭的話 (就來財政預算), 1500萬以下可按8成, 將會把LIMIT 樓上的又推上一格 (但HK政府會唔會咁做真係GOD KNOWS, 呢家D政策係不可預計)

物業界有云, 一舖養三代, 三房住一世, 在疫情下, 一舖養三代唔知仲可唔可以講, 但三房, 若然一家四口, 加個工人姐姐, 住一世就幾近肯定, 除非閣下移民


2020年12月18日 星期五

兩家茶禮咁着數 國籍只能二擇一

海怡戰報準備中

雖知道好多呢家出走的都唔係身無分文

最少以小子識到又走左的都唔係. 

反而最少有2間樓係身, 佢地有D留樓收租, 有D沽野走人

所以近期都有好盤出, 小子仲幫左2個朋友上車添 

尋日小子都差D買左件, 無計, 緣份未到


兩家茶禮咁着數 國籍只能二擇一

https://hk.on.cc/hk/bkn/cnt/commentary/20201218/bkn-20201218000400684-1218_00832_001.html

香港回歸以來,唔少人都感嘆,只係換咗一面旗,人心從來冇回歸!唉,咁又怪得誰呢?依家林鄭都唔係住「特首府」而係「禮賓府」,夢裏仍掛住「身是客」,靈魂好似如風飄去第二處,名不正則言不順,香港有乜辦法唔群魔亂舞,大小漢奸競爭輝!走得甩嘅,都「逃亡」到英美打其所謂「國際戰線」啦!

嗱!《港區國安法》自6月30日正式實施後,英國佬雖然為「脫歐」自顧不暇,仍要不斷伸手攪皺一池春水,美其名以「道義責任」擴充俗稱「BNO」嘅「英國國民(海外)護照」持有人權利,容許港人以極寬鬆嘅條件申請入籍英國,儘管被質疑大賺一筆「發香港財」,之不過,仍然吸引唔少港人申請,據悉今年首10個月累計已發出逾21萬本BNO,預料至年底合共將有逾73萬人持有,果然係一盤不俗嘅生意!

各位街坊,唔好忘記,其實BNO係違反《中英聯合聲明》,香港行「一國兩制」,BNO依家變成「第三制」,充滿殖民地色彩,中央及港府理應明確反制,禁止雙重國籍,不准食兩家茶禮,換言之,BNO同港人身份,只能二揀一,不得左擁右抱享「齊人之福」咁着數!話就話人各有志,但呢波移民潮確實反映唔少港人對國家嘅責任意識和政治忠誠相當薄弱。要端正主人家心態,就不能再和稀泥,必須建立專屬於「中華人民共和國香港特別行政區」嘅「中國香港公民」制度,首要解決「雙重國籍」問題!
港人不得食兩家茶禮,已經係一個迫切要解決嘅問題!香港亟待「二次回歸」以鞏固「一國兩制」行穩走遠,不變質不變味,自是需要構建一套具備政治與法律內涵嘅「中國公民」身份制度促成香港人從「居民」轉化成為「公民」。中國外交部早前指英國違反承諾在先,中國將考慮不承認BNO作為有效旅行證件,也不能喺中國(包括香港)享有領事事務保護權利。同時,《基本法》賦予「香港永久性居民」嘅種種福利政策和政治權利,好似低廉醫療服務、申請公屋、免費教育、參與政治選舉之類都冇份,再沒有食兩家茶禮呢支歌仔唱!
嗱!話時話咁多人趁熱潮貪高興要走佬英國,北大人根本未驚過,正是:你要走,我不留,係就走快啲,強摘的瓜不甜,強留下盞成日胡思亂想「榮光歸香港」,心有異見嘅反對派走晒,正好一下子解決人心回歸不了嘅問題!至於去咗英國,中產其實唔多,反而身無分文嘅居多,去到只會成為英國財政包袱,第時伸手攞救濟,盞丟人現眼!班黃絲至叻嘲諷大陸人係蝗蟲!依家淪落英倫,你估會變英倫王子或公主咩,咪又係變成當地嘅蝗蟲,呢啲叫風水輪流轉,山水有相逢吖!

2020年11月27日 星期五

躍動港島南

 

施政報告|推「躍動港島南」定海洋公園重生方案 活化珍寶海鮮坊



林鄭月娥表示,港島南區過去受道路和交通基建限制而未有較清晰的發展定位,但港鐵南港島線(東段)於2016年開通後加強了黃竹坑、香港仔以至鴨脷洲等地區的對外連繫,加上南區擁有優美的天然地貌、海陸景色宜人,擁有著名景點如海洋公園、四個郊野公園、多個沙灘及海岸保護區,以及豐富的歷史文化資源,具有極大的潛力。

因此,政府建議推行「躍動港島南」計劃,涵蓋八大項目,包括制訂海洋公園的重生方案,主力深化和善用海洋公園在教育和保育方面的優勢,並利用其天然景觀及近海的有利位置,以及將於明年夏天啟用的水上樂園,提供多元化的娛樂消閒及旅遊體驗。

至於歷史悠久的珍寶海鮮舫,林鄭表示,業主最近已同意無償捐贈海鮮舫給海洋公園,政府將推動海洋公園和非政府機構協作,以非牟利方式令海鮮舫在香港仔避風塘重生。

其他項目包括提升香港仔及黃竹坑一帶的文化及消閒設施,包括:

香港仔避風塘和海濱長廊、鴨脷洲大街等;以海洋公園為核心,開拓連接其他地區及島嶼的海上旅遊路線,並研究擴大香港仔避風塘範圍及增加船隻停泊區,並在沿岸提供更多登岸設施等。

研究在已復修的石澳石礦場以公私營合作方式發展水上運動中心,為運動員和愛好水上活動人士提供先進的訓練設施;透過政府的活化工廈政策加快黃竹坑舊式工廈的重建或改裝,為各新興行業及文化藝術提供更多營運空間。

研究有否重建或整合區內現有「政府、機構或社區」用地或設施的空間,以推動「一地多用」;以及善用黃竹坑站上蓋大型發展項目兩年後入伙的契機,採取「地方營造」的手法,美化公共空間和市容,並透過小型工程,提升黃竹坑商貿區及附近海濱地區的行人暢達性,以及改善深灣道及布廠灣一帶的步行環境。


----------------------------------------------------------------------

未來可見配合南港島綫西段發展, 好快就可以打通全南區命脈

不要忘記黃竹坑上蓋係有個同ELEMENTS 一樣的MALL, 但係戶數只係5200人, 點解要SERVE 咁少人呢?

其實原因呼之欲出, 就係附近的工廠等等都有合理理由相信會係補地價轉商業或者做住宅等等, 成個區UPGRADE

而南區亦唔會基建胎死腹中的風險, 死門都係條香港仔隧道

在南港島綫開左後其實每日番工的時間坐巴士已係20分鍾出到CWB.

而躍動港島南的重建海鮮坊成效未知, 而香港仔避風塘和海濱長廊、鴨脷洲大街的活化, 優化, 有助生活環境改變, 亦預期會吸引到不少人掃低水樓 (注: 海怡都係17K@ 左右, 香港仔14K@)

而一地多用更係有助加快老區的活化空間, 所以筆者認為此點才是對香港仔/鴨利洲這個老區的根本性轉變.

配合黃竹坑上蓋及駕駛學院地王發售 (已無地起公居屋), 在沒有供應產生下UPGRADE, 再遠一點, 在南區及西區連條路去明日大嶼係最近同埋最方便落腳, 工業群變商業, 對成個商業圈係一個too big to ignore的big picture.

2020年11月26日 星期四

殖民加快

 

優才計劃配額倍增至每年2,000人 政府:擴充人才庫


政府發言人表示,自「優才計劃」於2006年6月推出以來,一直是吸引世界各地高技術人才或優才來港定居,以提升香港國際競爭力的重要渠道。政府決定增加計劃每年的配額至2,000名,以擴充香港的人才庫,加強香港作為亞洲國際都會的地位。

自「優才計劃」推出以來,每年的配額一直維持不變。政府於2018年8月公布首份「人才清單」後,計劃的申請顯著上升。獲推薦分配名額的申請人由2017年的411名,增加至去年的874名。政府稱,會繼續推行各項措施,以吸引世界各地高技術人才或優才來港發展。


https://www.hk01.com/%E7%A4%BE%E6%9C%83%E6%96%B0%E8%81%9E/554144/%E5%84%AA%E6%89%8D%E8%A8%88%E5%8A%83%E9%85%8D%E9%A1%8D%E5%80%8D%E5%A2%9E%E8%87%B3%E6%AF%8F%E5%B9%B42-000%E4%BA%BA-%E6%94%BF%E5%BA%9C-%E6%93%B4%E5%85%85%E4%BA%BA%E6%89%8D%E5%BA%AB


另一邊箱,林鄭月娥鼓勵港青番國內做8000-18000的工作 (其實...看更同譚仔呀姐都皮幾兩皮).......

除非創業, 應該吸引力真係麻麻......

而姑勿論受唔受港青歡迎, 筆者成日苦口婆心咁講, 十年河東, 十年河西

你幾唔願意都好, 時代巨輪在轉, 以前港資進, 英資退, 呢家港資退, 中資進

中資公司梗係請番國內專才, 同聲同氣不特止, 仲有祖有宗.

once again, 你唔老黎都無計.

港青下一代的空間, 中立講句, 十分有限. 唔係歧視, 試想想, 你請人都想請個同聲同氣? 10年20年前番大陸笑人大陸仔......今日十年河東, 十年河西.

不要怪司長, 她只是執行任務, 加快左件事的進度而已....

係2027出現定係2047出現的分別而已.

問心, 2047年出現同一樣的事, 大家會唔會覺得係理所當然? 

當然好多人會有意見, 話2047就係2047, 主觀情緒理解, 但係作為一個小市民, 捉好自己盤棋, 才是應當之務。

修身齊家治國平天下, 由下而上.

下一篇會講躍動港島南以及海怡戰報


2020年10月23日 星期五

轉莊以及BNO平權

 BNO 平權正式出台

https://skypost.ulifestyle.com.hk/article/2784143/%E3%80%90BNO%E5%B9%B3%E6%AC%8A%E3%80%91%E8%8B%B1%E6%98%8E%E5%B9%B41.31%E8%B5%B7%E6%8E%A5%E5%8F%97BNO%E7%94%B3%E5%B1%85%E7%95%99%20%E9%A6%965%E5%B9%B4%E7%B0%BD%E8%AD%89%E8%B2%BB$2532

BNO簽證申請啟動,英國宣布明年1月31日起接受BNO持有人特別簽證申請,5年簽證費用為每人250英鎊(約2,532港元),申請不設限額。申請人尚可申請30個月簽證,費用為每人180英鎊(約1,823港元)。

英國內政部估計,未來5年將有逾100萬港人會通過新簽證移民英國,料可帶動24億至29億英鎊的經濟效益(約243億至293億港元),其中大部分由徵收附加稅所得。

內政部預計,啟動首年(即明年)會有50萬港人及其家屬移民,並謂新方式允許港人更長期停留在英國,按過去規則,無簽證的港人只能在英逗留6個月。

英國駐港總領事賀恩德指出,《香港國安法》實施標誌港人權利和自由明顯削弱,而啟動BNO移民方式是英國對港人承諾的一部分,重申英國歡迎持BNO公民及其家屬歸英。

---------------------------------------------------------------------------------------------------------

小子早在2019年8月的文章已有提及, BNO 平權乃係英國一體兩面兼顧歷史留下的, 到呢家真正在落實, 小子認為在現在國安法下, 新一代 (80-00), 特別係有小朋友的一代係有機會移民過去.

然而, 外國的月光係唔係特別圓? 小子認為在移民前先做好心理準備由低做起, 外國十分尊重各種職業, 大學生做藍領比比皆是, 然而在香港, 坐唔到OFFICE 的朋友會給親朋白眼, 而一出來做野已係比較人工, 有無車, 有無樓等等, 在香港生活, up to others' expectation 係有難度, 而如果你稍為想做好少少, 例如住私樓, 送個仔去讀私校等等, 理論上家庭收入無10皮一個月已係非常吃緊.

在外國則不同, 一般小子朋友在外國生活得耐左都會放低比較心理, 日日在家簡簡單單煮食, 無人日日去OMAKASE串燒FINE DINING咁. 完完全全係兩個LIVING STYLE, 亦唔多會滿身名牌, 出入靚車個D朋友仔.

小子所認識的中同, 朋友以及親戚 (注:小子母系個邊大部份97年移左民), 在外國都係生活簡僕. 而下一代個D 老表, 我都問過其實坦白D講, 即係安份守己, 打份工扣完稅都係得番港紙萬幾兩萬. 而親戚亦有叫小子過來團聚, 佢地話以小子的會計師牌來講, HKD 30,000一個月係合理預期 (佢地話其實30000係個邊算係高人工)

即係代表外國打工, NET 數都係15K -30K 一個月, 凡事都係講GIVE & TAKE. 你GIVE UP 左香港的人工及物質, 換來的係外國的生活空間及悠閒.

走的, 記住為咩而走, 留的, 記住為咩而留.

呢個係一個好的機會俾大家揀, we are the chosen generation.

可見的係, 在明年開放BNO VISA過後, 應該有一批人會走, 而小子相信中國亦都係會做D動作去挽回面子, 例如立國家法去正式禁止雙重國籍, 正式斷掉移民以及食兩家茶禮個班人的後路.

而香港應該會加快輸入內地人才去填補呢個人口空缺.

而政策上, 中國幾可肯定會攪大灣區, 將公屋居屋搬番去國內一塊土地 (類近澳門的橫琴做法), 因為香港地生活成本高昂, 只有將頂唔到個班 (包括老人家), 搬番去, 先會REVITALIZE 到香港成個人口以及經濟結構.

而加大輸入內地專才後, 正式將港資完全剔出香港, 以成就全權掌控的目標. (跟住中國就杯酒釋兵權搞丁權, 到時順便幫住得迫的市民消消氣)

熟讀黨的歷史, 對生活在中國有大益處, 小子認為會有港式文革 (不過我唔鍾意用文革呢個TERM, 太負面, 只係"轉莊")

現下, 中國認為的 "反革命, 壞分子" 差唔多消滅完成, 立法會攪一年延位, 泛民幾可肯定下屆死得, 淨番係地主, 富農, 右派, 知識份子.

SHK 已有黨委入左去坐BOARD, 未來呢個亦都係一個趨勢.

放心, "港式文革"係唔會死人, 只係一定要換走舊一派, 先會有破舊立新的機會.

而亦唔好LABEL 做"文革", as said, 我會用轉莊, 因為輸入的內地人才必定係忠於國, 忠於黨. 一定唔會係舊時所謂文革的壞後果 (即係死人), 只係會將呢D人先歸順, 如果不歸順, 便請他們離開香港罷了. (例如, 醫護, 社工, 老師, 以及其他持專業執照人士)

現今中國社會已與從前有雲泥之別. 不必動刀動槍 (其實中美都打緊仗, 亦不見硝煙)

請細味這篇文章, 作出選擇. 時間會為大家給一個答案.

Q:文革鬥爭的對象?

A:一開始針對知識分子,之後各地的黨政要員都被造反派鬥倒,農村批鬥屠殺「地主、富農、反革命、壞分子、右派」的「黑五類」分子。

https://www.storm.mg/article/118775

港大高層突變動 消息:兩清華學者獲薦副校長 一人現為學系黨委

2020年10月21日 星期三

沒有JOB SECURITY 的年代

因航在保就業完結下即刻炒人, 炒8500人, 以平均一個家庭3人來講, 受影響的人數多達30,000人

雖說飛機停擺, 公司燒錢下無可避免

大公司在逆市下更應該保持CSR, 正如筆者在2008年正正係打誠哥工, 除左BONUS減到一個月以外, 基本上絕大部份的人都無炒過.

以前個代的大孖沙真係會同你共渡時艱

時移勢逆, 太古拎到政府錢, 入埋股都仲要炒, 小子真係認為有點兒那個.

國泰以前D機票已貴人地一大截, 賺埋賺埋在呢個時間請人食雞.

在沒有JOB SECURITY 的年代, 每一天都係為自己PORTFOLIO及利益做準備, 公司只係一個載體去給你建立下一份工甚至係創業所需的跳板, 似乎係無可避免的應有之舉。

小子有個前輩FC 教精小子, 要在工作人捉緊一D東西, 令到公司炒你的成本, 遠大於你炒佢的成本

可以係呢家愈來愈CHEAP 的專業牌照, 可以在工作上拎住公司龍脈 (例如客戶CONNECTION), 可以係其他....

若果沒有拿好的話, 聽聽話話做隻牛亦有不少的機會給老闆棄之如敝屣。


【旅業蕭條】國泰宣布整體裁員8500人 港龍航空停止營運


因管理不善而在全球最佳航空公司排名跌出三甲的國泰航空(00293)公布,董事局現已通過由管理團隊提呈的重組計劃,包括:1)公司的全資附屬公司港龍航空(「國泰港龍航空」)將停止營運,由今(21日)開始生效。公司擬尋求監管機構批准,由公司及旗下全資附屬公司香港快運航空有限公司營運國泰港龍航空的大部分航線;2)國泰航空集團(包括國泰港龍航空)將整體削減約8,500個職位,約佔國泰航空集團總數3.5萬個職位的24%。在該8,500百個職位中,未來數周將裁減約5,300名駐港員工,另有約600名非駐港員工可能受到影響,但須視乎有關地區的監管規定而定。由於近月實行凍結招聘及關閉若干海外基地等節流措施,其餘2,600個職位現已懸空;3)國泰航空有限公司將要求駐港機艙服務員及機師同意更改其服務條件,以達至包括令薪酬更貼近生產力及提升市場競爭力的目標。

該公司指出,是次重組成本約22億港元,將以公司內部資源撥付。公司將就重組作出13億元的遞延稅項資產減值。在編製國泰航空集團截至2020年12月31日止年度經審核財務報表時,將考慮計入其他減值及支出。儘管國泰港龍航空停止營運,公司將確保國泰港龍航空有足夠資金履行其承諾及責任。

國泰表示,2019冠狀病毒病大流行為航空業帶來嚴峻的挑戰,公司的管理團隊一直靈活應對這個極為艱難的局面。公司已著手進行該公告所述的資本重組計劃,推行了多項現金保存措施,包括暫停非必要開支、推遲飛機交付、推出特別休假計劃及實施高級管理層減薪。即使作出多番努力,公司每月仍然流失15億至20億元現金。預計是次重組將使集團於2021年每月減少約5億元的現金支出。

國泰認為,未來前景仍然非常不明朗,而復甦步伐顯然相當緩慢。根據國際航空運輸協會的預測,航空客運量須待2024年才有望回復至疫情前的水平。因此管理團隊認為,在各項可能出現的情況中,公司以負責任的態度所能採取最樂觀的方案,是將2021年公司的客運運力縮減至遠低於2019年的50%。假設現行研發的疫苗證實有效並能於2021年夏季成功在全球推出,公司預期明年上半年的客運運力將遠低於25%,但預計明年下半年的客運運力將會逐步回升。公司將繼續留意航空業的相關發展,並採取相應措施,以確保公司可渡過疫情危機。

2020年10月15日 星期四

DSD 稅收又升, 大灣區長遠規劃

 美領館賣屋地帶挈 9月辣招稅收20.19億元 按月急升近95%


據稅務局最新數據,截至9月份三類印花稅 ,包括額外印花稅SSD、買家印花稅BSD及雙倍從價印花稅DSD,合共錄得1,928宗,較8月份的1,418宗上升約36%,而三類稅涉及稅款合共20.187億元,較8月份的10.369億元,按月勁升約94.7%,估計與美國領事館上月以25.66億元沽出壽臣山屋地有關,為庫房帶來近7.7億元進帳。
BSD稅款按月大增1.8倍
按三類稅項劃分,反映內地客及公司客入市的BSD,9月份錄42宗,數字按月持平,不過涉及稅款卻按月大升逾1.82倍至6.57億元,由於上月美國領事館的壽臣山屋地,是獲公司名義購入,故料涉約3.8億元的BSD稅項;SSD方面,9月份相關個案錄34宗,涉及稅款1,801萬元,分別按月升13%及跌10.8%。
至於反映投資者入市的DSD,9月份分別錄得193宗住宅及1,659宗非住宅物業的相關個案,按月分別升10.2%及41.7%。而合共計算,兩類物業共有1,852宗相關個案,較對上一個月多506宗或37.6%。
第三季辣稅共收41.2億 按季增六成
9月涉及的雙倍從價印花稅金額為13.436億元,按月升71.3%,當中住宅佔9.627億元,按月大升一倍,估計也是受惠壽臣山屋地易手,帶來約3.9億元的DSD稅項,而非住宅則佔3.809億元,則按月增加26%。
綜合第三季數字,該季三類辣稅合共錄得約41.2億元,較對上一季增加逾六成,相關宗數涉及5,174宗,按季上升逾四成。
-----------------------------------------------------------------------------------------------------
DSD 稅收上升, 小子相信大部份係因為新盤買家食DSD 都照食, 而同期BSD 扣除美領事HOUSE 其實無大增長。SSD 更不出奇地一定係跌, 唔會有人俾10%政府, 等都唔爭在個幾個月, 俾一口10% SSD 夠供2年樓, 食稅沽個D真係好急 (可能件貨麻麻), 又或者真係無諗清楚先會做呢個動作。
地產界別紛紛建議政府減辣或撤辣, 或者加大按揭成數, 說白了, 係無可能, 呢家加辣係為左安定市場, 保護銀行體系, 放寬俾港人買樓"自古以來"都唔係政策。
小子認為, 可見將來 (甚至係來緊的施政報告) 係會開放大灣區土地俾公營房屋, 將一部份負擔唔到的市民搬入去, 配合以開放大灣區內投票的政策, 去減少香港的房屋負擔及人口負擔, 先不論咁做係唔係賤格, 但絕對係政治正確。
筆者一早已講, 只要香港, 不要香港人。
有見近來有調查指金融機構唔再請/唔傾向請香港人, 將來香港最優越的地段自不然係中資全數獲得。
而泛民, 亦都因為今屆的無能, 正式劃上句號。
強推大灣區投票, 哪怕下一屆你初選黃之鋒入閘都無用, 數亦已計好。只要係保持絕對MAJORITY, 基本上泛民今年"賣港"便係收埋尾水收工。
建制派已出大絕, 有咩搞唔掂你肢體抗爭就國安法伺候, 警方一定配合, 咁好快香港就得番淺藍同深藍 (如果你分顏色), 澳門化, 而睇唔順眼個D就會移民去了。
是好是差, 筆者不會鐵口斷言, 任何野都有好及壞的一面。

陳永傑:樓市減辣要全方位




習定調深圳成大灣區重要引擎 推動粵港澳銜接 貫徹「一國兩制」

中共總書記、國家主席習近平昨日在深圳經濟特區建立40周年慶祝大會上發表重要講話,強調深圳是粵港澳大灣區建設的重要引擎,黨中央經過深入研究,決定支持深圳實施綜合改革試點,將賦予深圳在重要領域和關鍵環節改革上更多自主權,又提到要全面準確貫徹「一國兩制」基本方針,促進內地與港澳融合發展。習近平的言論高度突出深圳在國家發展上的角色,指示深圳要建設好中國特色社會主義先行示範區,形成全面深化改革,引起外界揣測香港的角色將被淡化。

促建設河套深港創新合作區

習近平指出,黨中央賦予深圳六項歷史使命,對深圳改革開放、創新發展寄予厚望,稱深圳經濟特區要扛起責任,努力在重要領域推出一批重大改革措施,形成一批可複製、可推廣的重大制度創新成果;要着眼於建設更高水平的社會主義市場經濟體制需要,多策劃戰略性改革,並要在市場化、法治化、國際化營商環境、高水平開放型經濟體制等重點領域先行先試。

對於港澳在大灣區發展中的角色,習近平提到,粵港澳大灣區建設是國家重大發展戰略,深圳是大灣區建設的重要引擎,要推動粵港澳三地經濟運行的規則銜接、機制對接,加快大灣區城際鐵路建設,促進人員、貨物等高效流動,提升市場一體化水平;必須全面準確貫徹「一國兩制」基本方針,促進內地與香港、澳門融合發展、相互促進。

習近平續稱,要規劃建設好河套深港科技創新合作區,要以大灣區綜合性國家科學中心先行啟動區建設為抓手,加強與港澳創新資源協同配合,繼續鼓勵引導港澳台同胞和海外僑胞充分發揮投資興業、雙向開放的重要作用,在經濟特區發展中作出新貢獻。

鼓勵港澳青年北上就業生活

他又說,要充分運用粵港澳重大合作平台,吸引更多港澳青少年到內地學習、就業、生活,促進粵港澳青少年廣泛交往、全面交流、深度交融,增強對祖國的向心力。

習近平講話定調深圳為大灣區的引擎,加上國務院近期重提深圳發行CDR(中國預託證券),以及作為數字人民幣的試點,外界關注香港作為大灣區金融中心的角色會否被淡化。

全國港澳研究會副會長劉兆佳表示,中央下放更多制度建設、產業發展的權力予深圳,相當於調動全國力量支援深圳發展;深圳將有更大能力推動和香港的合作,包括各方面對接。他又指深圳在大灣區發展中的角色有所提升,香港的角色相對被削弱,香港更應利用自身獨特優勢,與深圳合作共同發揮在大灣區建設中的領導作用。

香港總商會總裁梁兆基認為,深圳在大灣區中以科技領先,有更大條件發展創新金融產品,但相信香港在灣區中仍扮演重要角色,尤其是對外作為國際金融及集資中心。

梁兆基料難取代港集資地位

梁兆基同時提到,國際金融交易要求資金自由兌換及流動,並以普通法為基礎,中國已有香港這個完善平台,不會放棄加以運用;如要在內地另設一個國際集資中心,須先讓人民幣在國際間廣泛使用,惟此目標仍有很長的路,故不認為香港會被某個城市取代,倘若香港與深圳加強合作,可提升至更高層次。

一國兩制研究中心研究總監方舟指出,香港與深圳仍是互補關係,希望深圳在國際大環境轉變下,能發揮更大作用。對於習近平提到要促進粵港澳青少年廣泛交往,他估計,這反映香港政府要加強年輕人的工作。人大代表葉國謙稱,中央高度讚揚深圳,不等於把香港邊緣化。

中大經濟學系副教授莊太量說,習近平的講話總結了深圳過往的成功,亦提出未來要走國際化的道路,不排除深圳在資金流通方面可再提升;惟金融政策屬全國性,要做到資金自由進出,吸引國際金融人才,仍是香港獨特優勢。他指香港經濟增速不及深圳,在大灣區難作為引擎,應審視自身不足,在金融集資上做好協助發展的功能。

2020年10月12日 星期一

海怡戰報, 柏傲莊排到嘔電

 最近小子都去左睇多左海怡, 因為目標係想入手多一間

呢張係單位外望




















小子暫時等緊轉名完成後先會出手, 睇下到時件貨走左未.

講番海怡主區, 相對來講3房都係1050-1200 萬區間上落

無他, 林鄭PLAN 1000萬或以下係可以借80%, 如果一掂到1000萬的合理3房, 好快俾人買左, 所以3房相對硬淨, 無人會肯減到1000或樓下


以2.5房的成交約莫都係900-990 中間, 因為3房的價錢在1050 左右, 而少幾十呎自不然都係呢D價錢, 加上2.5房多數在3期, 即係最近MTR, 價錢上無大落價的可能性, 在TU下, 每個人都不能多借, 所以業主都普遍惜售

話雖如此, 小子知道有零星個案係沽野移民走人, 而且在貝沙副主場都係有一兩個個案出現

港資退, 中資進. 等待消化完成後便會整固穏步上揚.

市底的威力不用多講, 睇下柏傲莊排隊排到嘔電, 18000/呎最低層都仆到去買, 就知市底的強弱。柏傲莊高層的價單係22K-24K, 而且入名呢家係不設轉讓, 而新世界係無提供發展商按揭, 2房最多都10XX, 3房13XX, 樓花期2年, 即係2年後買家係一定要, 一定要, 俾50% 首期上會, 頂左一年先可以善價而沽

哪怕所謂幾咁平, 幾咁抵, 上蓋等等, 2年後都係要真金白銀拎50% 首期上會

一葉知秋, 18000/呎咁多有50% 首期的人出來買係唔係旺市? 定係淡市?

相信讀者們應該心領神會。




2020年8月21日 星期五

歸邊

不經不覺, 成2個月無出文

呢幾個月, 經歷BNO 平權後,在出POLICY 後的即晚睇番自己寫的文章,日不落帝國給予香港人的BNO 平權機會,帶走錢,帶走人 (文章日期為2019年8月)

https://happyvalleyjockey.blogspot.com/2019/08/bno.html

再檢視一下,呢兩篇文無啦啦上左TOP 5

https://happyvalleyjockey.blogspot.com/2019/11/blog-post_14.html

https://happyvalleyjockey.blogspot.com/2020/05/blog-post_26.html


而咁橋又有勁多人買英國樓,小子啱啱得知中同及一眾大英帝國子民們 (BC by decent),已不斷大手掃入英國樓,而英國亦都順理成章地減稅

https://inews.hket.com/article/2692118/%E3%80%90BNO%E3%80%91%E8%8B%B1%E5%9C%8B%E6%A8%93%E3%80%8C%E9%99%90%E6%99%82%E5%84%AA%E6%83%A0%E3%80%8D488%E8%90%AC%E4%BB%A5%E4%B8%8B%E6%A8%93%E5%85%8D%E5%8D%B0%E8%8A%B1%E7%A8%85

500萬港紙樓下免稅,D人仲唔發哂癲去買? 一眾海外樓AGENT 肥到要等D GYM 開番要即刻搵PT 減肥都似

再一次RECAP國安法下如何自處的文章

第一:轉走港元資產換成美金。

第二:積極增持海外資產

第三:移民

第四:將股轉做債

這兩個月以來,筆者身邊有唔少人做左呢4個動作,明天小子又要去FAREWELL一個移去英國的朋友

這個世代, 係一個最好的年代,亦係一個最差的年代。

對於80後來講,係有得為自己揀的年代,小子常與內子笑說,未來如果要做一個真的中國人,可以俾佢番清華北大讀 (如果佢地夠勁的話),又或者,娶個內地美女 (到時港仔身份係唔係咁吃香就無人可知),下一代,下下一代,絕大機會已無咩香唔香港人呢個CONCEPT.

而講番香港樓,剛推左人上車個單終於成交左,係咁二呃左飯便飯食下,席間,朋友靜極思動話想快D買多件 (唔係掛, 咁快手), 有無得加按一開二? 
在大環境變化下,分注入才是WISE MOVE.
一股腦兒ALL IN,多數都唔係一個好的決定。

而最近海怡戰報就欠奉,去左貝沙灣睇樓,遲D可以出貝沙情報站,因為相熟經紀叫小子睇下D盤,因最近小子積極考慮整合PORTFOLIO,理由係社會事件及國際制裁完結下,小子相信國內精英殖民呢個計劃會加快,再者,請看看受到制裁的官員的行為,在已沒有退路下,必然歸邊。
推而廣之,可預期無數商家,富者,都會被要求歸邊。

而歸邊者,必然係會要求或被要求購入資產,而大碼港樓在放寬按揭後必為兵家之地。(行文時NON-RESIDENTIAL 已給放寬按揭成數至50%)

香港的市民及商家,好大部份都係因為利字而生存 ,故有80-90後英國殖民時的黃金一代,除左法治下,還是因為經濟高速發展,根本而言沒有空閒去理政治,而可見的將來,在中概股回歸下,中國的集資中心將仍然是香港,而不是上海,深圳等地。
是以美國認為給予很多資金及政策優惠予香港以成就香港作為國際金融中心,呢句說話係無講錯的,其實好多國家都放左好多錢在呢個國際大賭場入面。

中國所要做的,引用鹿鼎記入面陳近南同韋小寶: 反清復明,阿彌陀佛。








2020年6月24日 星期三

取消一手空置稅

立法會審議有關一手樓空置稅的法案委員會通過終止審議工作。

運輸及房屋局表示,對於法案委員會基於時間所限,決定終止審議,令草案未能趕及於本屆立法會會期內通過表示失望,政府將考慮會否在下一屆會期內重新提交草案。

局方表示,自立法會內會5月決定就草案成立法案委員會,政府致力配合法案委員會的審議,解釋額外差餉措施的政策目標及草案內容,並聆聽議員意見。
----------------------------------------------------------------------------------------------

以後發展商再唔會有白食白住PLAN, 30000/呎, 50000/呎, 100000/呎賣唔出? 無所謂, 囤積居奇.

以後供應只會更加少, 新盤帶動二手上升

政商合作又係回饋商家佬的時間, 大孖沙多10% 身家其實無咩影響

下一代再夾多10% , 20% 係十年, 二十年的儲蓄.

所以小子呢幾個月落力叫人上車, 先平盤, 後看風雲變

有咩事都可以暫時容身香港. 好過九百幾個火頭要你搞, 真係人都癲的.


2020年6月8日 星期一

又推人上車

話說上個WEEKEND 忙於幫朋友搵間主區野

突然之間, 一間靚3房的業主肯減到10XX  (唔開幾多錢, 好易搵到)

於是頭也不回早走去簽

朋友話其實唔係好鍾意, 但小子入到屋入面, 已深知呢件係筍野, 有LAR 海, 商場頂 (唔係對商場), 見天, 唔係一綫貨但都係二綫.

嗱嗱聲簽左佢, 估到足收工.

實用面積63X, 呎價16XXX

說時遲那時快, WEEKEND 成左間差唔多

AGENT 報左

成咗間30座26g 635” 1120萬

恭喜朋友速食接近1M利錢.


2020年5月28日 星期四

超頻操作狂想

早幾日去左同參觀烏溪沙, 包括峻源, 形海, 星連海, 以及富豪山峰同埋雲端

不得不讚中信泰富用料確實一流, 對住海星灣個景實在係無敵 (樓下海景係星連海, 峻源個景仲豐富好多)

1615 呎, 發展商意向價36M 左右, 圍番呎價24,000.

同區有參觀埋形海, 星連海, 呎價都係差唔多, 不過質素來講中信泰富係超班, 做到新地的質素, 新世界傲瀧的設計.

無他, 位置上極正, 開則任你開都可以攞盡海星灣個景

之後去左睇麗坪路新九肚山幾個盤, 因為新九肚的OVERSUPPLY, 呎價都係23K 咁上下, 如果以舊九肚山來計, 呢D貨都要5000開外, 投資價值一般, 但自住來講應該無咩可以挑剔 (除左交通)

呢家發展商肯俾你入TENDER 仲要呢個呎價, 有兩個原因, 一係PRICE IN 埋空置稅 (不過呢家立會都未搞得切, 基本上你當無), 二係拎番多D CASH 以防過冬

而峻源的PLAN 係7XX 日白食白住PLAN, 長地係720日PLAN, 而新地係1100 天PLAN, 基本上係你入TENDER 之後於低15% -20% , 成交左便可以入去玩3年.

在社會運動下, 呢個咁妖邪的PLAN, 等於一個粗心大意的司機在一條濕滑的公路上, 引起小子的一個狂想.

沽出等值的市區樓, 以上述PLAN 買入大碼貨, 36M / 72M/ 108M, 睇你有幾多貨就買幾多件, 由於係入TENDER 關係, 如果閣下CASH FLOW 有問題, 15% DSD 係可以傾subsidy/代付打番入樓價等等.

而同一時間, 因為你沽出結欠偏低的市區樓, 你的手上有大量現金. 可以用作PREMIUM PLUS投資移民 (GBP 2M, AUD 5M....視乎國家唔同而不同銀碼)

而後果只有2個

1. 香港無事

呢個作為香港人, 我都想無事. 換來係你有一個外國國籍同埋細貨換大貨, 可以番來香港享受, 再加埋升值 (如有)

2. 香港有事

咁就一定有機會係破產了. 基於破產令下, 入境處係唔會同意你移民的, 所以有個邪念話一走了之係唔可能實現的 (有邪念的可以死左條心), 係會輸到PK 的, 切勿心存歪念.

而中間落墨的銀碼落注?

又或者正常D咁諗, 到時真係港幣貶值, 用番美金唱做港紙FULL PAY 番間樓又有無得諗? (買得咁大碼, 又唔可以破產, 點都係overweight Hong Kong / China 吧)

唱美金, 就話政治不正確, 咁買港樓, 啱番一次, 獎門人話齋, 打和 ~~

留意番係跟據你手上的PORTFOLIO 落注, 唔係好似中信泰富咁炒大ACCUMULATOR 又或者因航咁炒油輸凸...咁就係賭徒所為, 而欠缺左strategic view and action.

而成件事亦不涉views on China, 只係香港好/ 唔好, 都可以將手上籌碼的運用做得更好.

本文並非鼓勵大家做呢件事, 因為太大碼, 一定要出disclaimer. 小子唔希望因為我的發言令到你買錯野破產,  咁係好折福的一件事.

記住, 買樓前要諗清楚自己買唔買得起同埋樓價下行時的應對方法. Risk On 無問題, 記得risk off 就得.

因為呼吸PLAN攪唔掂, 係會死人的.





























































2020年5月26日 星期二

De-globalization 下應如何計劃

外國現下最反對的港式的國安法,一定會推行

國安法過就基本上一定,1949年開國以來,沒有一條法是不能過的,基本上任何事都不能阻礙。

自國安法消息傳出後,搜移民的人數急增,亦都有很多人認為係時候移民賣野走人。而恆指亦都急跌1300點,以示投資者對於政局的憂慮。

很快中央便發出聲明,指明國際投資者不用擔心,只有少數人會受國安法規管。支持者一派自有理據,蟻民不用擔心云云,其實也有其道理,在法例上,一開左先例,其他人便可以照判。到時只可以的就是乖乖地跟著法例去做順民,否則便鎯鐺入獄。

在國家層面,亦合乎國情無他,在國家層面,已有內蒙,廣西,寧夏,新疆及西藏五大自治區,以及港澳兩個特區及一個深圳一個經濟特區,在管治上係極其困難,在國家層面上,遲遲不立23條,在領導人眼中是一個添煩添亂的舉動,派糖又派足23年,俾咩優惠都俾夠,時間又俾足,23年你都唔立23條,那我便出手幫你搞掂佢,反正特區政府民望低,在此任做埋佢,在國家層面係可以預期係正確之舉。
如果每次都跟香港做法,那五大自治區有樣學樣便難搞了,所以國家定性係「反共反中的外國勢力」在香港搞事

然而,這件事上,中央與一般小市民的誤會實在十分深。

言猶在耳,彭定康在最後一份施政報告講:「我感到憂慮的,不是香港的自主權會被北京剝奪,而是這項權利會一點一滴地斷送在香港的某些人手裡」。

97年移民潮走了一批cream of the cream下,香港在經濟起飛,80-90年代作為中國的貿易窗口,以及03-04CEPA 自由行下,「收成期」搵錢的機會實在太多,而時間亦太少,240小時都不夠用,留港搵錢,將子女送去英美澳加讀書,買本護照,買個保險,開大開細都無阻其家人一世安定繁榮,有咩事去英國退休,邊個都吹我唔漲

而不少現任高官,極多家庭成員是持有外國護照的。相信大家好清楚。
正正係呢種走精面的港仔思維累死香港的下一代

在「收成期」的baby boomers的不作為,泛民長期的60%而不主動地與中央溝通, 上達的情報只有政協及人大委員,而理所當然招攬得,入得去的,都是「收成期」人士,有說田氏兄弟否決23條是英雄?不是。泛民及建制都沒有做好本份,將香港大多數人的願景與中央溝通。正如一個媽媽有兩個兒子,只有一個兒子的聲音下,另一個兒子的所作所為便很難控制。

我們香港人身在其中,便理所當然地認為中聯辦,中央等等機構會知道小市民在想什麼。好可惜,泛民只是「反對XYZ政策的聲音才會給上報,而點解反對上面係唔會知。在他們眼中,你只係戀英戀殖,咩都反」,其固中的罪責,泛民絕對不比建制的份量少。

及至2014 – 2020年的社會運動,正式將Generation Z (90-00)後的不滿燃點。他們 (相對上) 沒有享受過80-90年代的風光,沒有享受過03-04年自由行帶來的EASY MONEY, 但看到的是制度上的改變,put your toes into their shoes,佢地咩都無, 無資產無事業 (相對上), 林鄭講non-stakeholders 相信係freudian slip.

而在200萬人示威後, 沒有2003年的fast reaction, 無他, 如上文, 中央俾足23年你, 你都係一事無成. 於是茅盾激化, 中央立場必不會退讓, 不是面子問題咁簡單, 係俾足時間你香港政府, 23 年還在原地踏步.
在中央睇到的畫面,便是擲磚,龍獅旗,香港獨立,時代革命。

而中央在一國兩制下,只能授權警察作為執法者出去拉犯法者,因為出解放軍係迫不得己的一個選項,而中國在絕大多數情況下都係依然給香港政府足夠空間及權力去解決內部問題。

若果退一萬步,擲磚者就地拘捕或好似美國咁SHOT DEATH,而有做錯事的警察給予法庭審判,那將會是很美好。

可惜,一切都來得太不及時,回不去了。

「我感到憂慮的,不是香港的自由會被北京剝奪,而是自由會一點一滴地斷送在香港的某些人手裡」。

而直接引入國安法,小子認為只有一個功用:將有外國護照,有後路的人趕走,加速走人。

留低的便會接受自由收窄,而到時所有野都要受規管,教育,媒體等等都會受規管。

政經不能分,短期來講,始終香港的資產在未受到美國及國際制裁下,賣樓45日交收,錢係乾淨而且可以滙出去世界各地,暫時聚寶盤地位不會受到影響。
長遠來看,若果沒有大事件破局,香港亦會由一個國際大都市,變為一個廣東省的城市,在新冠肺炎下,國際社會會唔會de-globalization及去中國化,尚且有待分曉

樂天熊仔餅供應係有限, 人亦不能盲目樂觀。
在資產配置上,亦要作幾手準備。

第一:加按現樓, 增加防守力。
R兄亦都講得好通透,可以去友台連結。
而最理想係盡量加按現樓,增加防守力。
雖然係政治唔正確,以數論數,若然香港無事,港元與美元的差額只為7.75 VS 7.85。輸極係都係呢個RANGE。而港樓無事即係基本供不應求不變,在QE環境下,小子認為升的機會始終比較大。

第二:DIVERSIFY, 增持海外資產
萬一香港資產大跌,高槓桿的人在香港破產係可以預期。合適資產在海外, 要diversify portfolio。

第三:移居/移民?
個個都移居/移民,你估個個都移到民咩?友台R兄話齋,技術移民已基本上等於無路可走。而第二點正正係為第三點作準備。因為移民差唔多可以講話只淨下投資移民一途。英國GBP 2M, 愛爾蘭 EUR 1M, 澳洲AUD 5M – 15M (真不得不讚R兄的前瞻性, 實為一個筆者非常之敬重及尊重的一個朋友)Never put the eggs into one basket,如果已發展國家如英美澳等等經濟轉好的時候,房產特別係ZONE 1-2都係有其保值能力。而香港的優勢係高人工,低稅 

而當你在他國有夠資產時,便可以盾作茅用,用於投資移民。

但移民的PROS & CONS 就要分析好才好決定, 始終兩地不同生活習慣

第四:將股轉做債
投資是長期的,買資產是買其可預測性。股票日日上上落落,今天你夠NAV,明天一下子大跌便會有失預算。

減少作不可預見的投資,將自己財富的能見度增加,便有一個預期的結果。

你不規劃自己,社會便會規劃你。

行文已2,800字,係筆者寫得最長的一篇,希望80後,90後,00CHEER UP

黑暗過後會是晨曦,懷著樂觀總有轉機。