2019年3月27日 星期三

海怡戰況

四期對巴士站握手位, 8.68M 沽左
早前小子睇左呢個單位, 又殘又嘈又舊, 差到PK
個業主話780萬收實, 過左唔記得2-3月份咩假期後就反到820萬
我心諗同AA 講. 你都ON9, 呢間差的程度係其中一間最差的景觀...

原來係我錯.....

又, 31-14F, 3房則王, 沽9左....1150萬, 零議價沽出....

不過1150萬好貴咩? 呢個碼數, 連太古城2房則王都買唔到, 唔好話要天字閣, 星字/宮字都真係未必有.

海怡就買3房則王, 抵唔抵? 見仁見智了

重點係: 一放匙出黎2個鐘賣左. 


2019年3月26日 星期二

沙中綫陰司路路通

調查委員會確認泛迅員工剪筋 紅磡站工程安全不重建


政府今日(26日)發表沙中線紅磡站獨立調查委員會中期報告,有37段內容被遮蓋。委員會就工程作出裁決,委員會認為相關工程並沒有按照合約規定執行,但委員會同時認為紅磡站擴建部分的連續牆及月台層板建造工程達到安全水平。
委員會表示,儘管工程監督及檢查機制有頗多不足之處,但考慮所有證據後,特別獨立結構工程專家的證供,認為紅磡站連續牆及月台層板達到安全水平,無須重建或進行加固。委員會又接納專家意見,贊同在東面和西面連續牆,東西走廊月台層板及南北走廊月台層板裝設儀器,用以測車站運作時的移動幅度,並向政府匯報情況。因此建議通車後持續監察相關結構,以給予公眾信心,但認為如顧問所指般車站結構不大可能出現大幅移動。
至於事件中剪鋼筋的情況。委員會認為不廣泛亦非有系統,只屬個別行為,工人亦多次將B款鋼筋取代A款鋼筋,亦有鋼筋未完全扭入螺絲帽,委員會認為相關行為是泛迅員工所為。
監管制度方面,委員會認為港鐵及禮頓極度倚賴檢測表格,但部分表格是否真確實屬疑問,委員會批評填寫表格程序不夠嚴謹。
唔COMMENT啦, 總之過海自己睇路啦
其實呢單野有工程界人士都有幾多EVIDENCE下, 求其開個委員會吹幾咀就得
咁D樓唔駛驗樓啦, 都唔影響到安全, 執咩漏啫
真心為香港的水準愈況低落感到很不是味兒

2019年3月21日 星期四

鳩估長和派息

又係時候RECAP 一下, 唔駛IN ENGLISH, 長和派息.....


小子鳩估係................

3.18/SHARE

** 得出2018財年總派息係3.18/SHARE

--------------------------------------------------這是他媽的分界綫------------------------------------------------------------------




長和會唔會太抵?

小子等緊LAST DAY, 已成功將所有野HANDOVER 同埋同新同事一齊KO左1-2次, 應該無咩大問題

得閒做下D無謂股票FILING, 搵到1.HK 個DIVIDEND PAYOUT WORKING

下圖有由1999年開始, 1號仔的DIVIDEND PAYMENT

先唔好講買股票小子係要有STORY, 齋睇個DIVIDEND PAYOUT, ASSUME 2018年的DIVIDEND係跟2017年中期VS 2018中期的增幅一樣, 得出2018財年總派息係3.18/SHARE

由是觀之, 由2015年長和系重組後, CAGR 7.64% (謝R兄改正, 都話我唔係數佬 ^^)

不過由於保守再保守的估計, 我當佢"無增長"


可以用DDM 去計, 小子好直觀+ 懶, 小子直情用PV of Perpetuity 去計.....(大佬, 我直頭唔想ASSUME+計個COST OF CAPITAL呀...直頭唔用dividend growth model, 懶到一個點...=.=)

PV= D/(r-g) = 3.18/(2.93% - 0%) 再一次保守D, 無計GROWTH OF DIVIDEND

PV= 109.99

打個75折, 75.X

當然有心機可以計番DDM 又好, 起個MODEL又好, 不過都係個死門, 就係個MODEL永遠都唔會準, 因為INPUTS 一定係錯, ASSUMPTIONS 又一定係錯, 所以真係唔好浪費無謂時間落去呢D地方....(所以小子係唔多LIKEY 做MODELLING, 太無謂, 做完D RETURN 仲差過唔做)

2019年3月20日 星期三

玩死分析員系列 - 長和 (傳騰訊擬競購淡馬錫手上屈臣氏股份 涉30億美元 )

傳騰訊擬競購淡馬錫手上屈臣氏股份 涉30億美元 


據彭博道報,淡馬錫據悉尋求通過出售手上所持的長和(00001)旗下屈臣氏的10%股權,總值約30億美元,包括騰訊(00700)在內的財團據悉考慮競購該批屈臣氏股份。報道又稱,屈臣氏股份據悉還吸引了阿里巴巴的興趣。
報道引述消息人士稱,包括騰訊在內的財團正考慮競購淡馬錫擬出售的屈臣氏股份。報道指,淡馬錫尋求通過出售所持屈臣氏約10%股份獲得大約30億美元資金。淡馬錫現持有約25%的屈臣氏股權。
傳騰訊聯合基金競購 阿里亦擬加入競爭
據悉,騰訊或會聯手其他投資基金聯手競購屈臣氏的股份。潛在買家將受邀參加本月的管理層介紹會。報道指,最終決定尚未作出,潛在買家也不一定會提出切實報價,而估值預期差異可能會讓交易難以達成。消息人士又稱,這批屈臣氏股份也吸引了阿里巴巴的興趣。暫時阿里及騰訊的代表不予置評,淡馬錫的代表不予置評。
早於今年1月,彭博曾報道,淡馬錫考慮出售屈臣氏近25%的股權。報道引述知情人士指出,淡馬錫正研究不同方案,出售手上全部或部分屈臣氏權益。於2014年,長和(00001)出售旗下屈臣氏約四分之一股權,引入新加坡主權基金淡馬錫成為股東,作價440億港元。
彭博的報道反映,內地兩大科網巨頭騰訊及阿里均對屈臣氏有興趣。事實上,早於2017年,長和(00001)與阿里旗下螞蟻金服合作,將組成策略夥伴聯盟,將共同在本港拓展支付寶,並進一步整合綫上綫下支付服務。雙方組成合資企業,共同運營電子錢包「支付寶HK」,進一步整合綫上綫下的支付服務。
https://wealth.hket.com/article/2301976/%E5%82%B3%E9%A8%B0%E8%A8%8A%E6%93%AC%E7%AB%B6%E8%B3%BC%E6%B7%A1%E9%A6%AC%E9%8C%AB%E6%89%8B%E4%B8%8A%E5%B1%88%E8%87%A3%E6%B0%8F%E8%82%A1%E4%BB%BD%20%E6%B6%8930%E5%84%84%E7%BE%8E%E5%85%83%C2%A0?mtc=20023
股票估值可以計SUM OF PARTS
如果10% 屈臣氏股權係值30億美元, 即係未上市的75%在長和係值225億美金, 約1750億港元, 佔長和今日市值3154億港元的55% -60%......
咁D碼頭, HUSKY OIL, 同埋3仔電訊又點計?
真係玩死分析員

小子唔識計, 亦都唔係好想計, 想當初舊公司問可唔可以整個MODEL出來, 小子都好坦白咁講, 唔係唔得, 但係數一定錯, 同埋人地SELL SIDE 百幾萬人工請成隊CREW番來, 仲要唔知啱唔啱(小子仲要係無CFA的傻系分析員), 跟住夾硬話係用MARKET CONSENSUS, 咁不如直用CONSENSUS 啦.....
反正都錯, 無理由鳩估又嘥時間同埋心機做無謂野

吾生也有涯, 而分析無涯

股票, 小子唔係唔炒, 但係好似787咁, 輸到PK, 大股東彈弓手係等間之事, 小子炒左10幾年股, 陰中的真係10隻手指都數唔哂
分析實在要好SERIOUS, 但係估錯左要唔好咁SERIOUS, 因為錯係可以預期的

炒股同夾錢俾股東做生意一樣, 天生唔係話事就一定
你睇下6號仔的股東幾咁慘? 1038食唔到6仔, 就盡派息, 搞到6仔荷包乾硬化, 2638.HK 仲要話減派息, 跌左5%, 足足一年的股息....
加CAPEX, 加咩L CAPEX吖.......玩死人咩
一減派息D人就唱死佢架啦, 慘慘豬
唔係話買股唔好, 呢D例子講明, 大家的莊閒係唔同, 要承認呢個結構性的問題

2019年3月19日 星期二

10大豪宅租值王

【豪宅差餉租值】湖北富豪再擊敗誠哥 淺水灣大宅租值貴絕全港


香港榜中只得番誠哥, 四叔, 其餘都由企鵝老闆, MT NIC 徐X 等等大陸大款老細買下來

TOP 10中大陸係佔大多數, 其實佢地D錢係邊度賺番來呢?

呢個問題其實唔重要, 重要係佢地賺左錢之後配置房地產都係有香港的份兒......

如果再查一查, 中產/中上產的買家, 可能呢個數字會更嚇人.....

香港人真係要急起直追

有人雖說, 唔買樓都無問題, 租同買根本都係可以有使用權, 但係租, 係無擁有權

當然簡單地有舊錢收YIELD可以夠交租, 幾時都住到禮頓山, 呢個係真, 但係30年後呢? (可能死左都唔定, 太多UNCERTAINTY)

而進一萬步諗, 當所有房產都給大陸人買回來的話, 香港人唔CARE, 亦唔想俾500呎困死一世

結果只係一整片土地都係會拱手相讓而已

香港從來都係一個移民城市, 小子專登講大陸唔大陸人, 唔係小子歧視大陸人, 相反係等於1980/90年代的外資/華資更替當中

當時怡和/和黃等等大班也文也武, 到地產四大家族收購完成, 佢地就挾住條尾退走英國, 今天只留下置地等等地標

到前幾年, 恆大中心, 高銀中心, 光大中心, 同埋中環金融區幾多中資銀行一支一支買番來

怡和尚且能挾著尾走番英國, 但香港人可以挾住尾去邊? 大灣區?

香港才是我們的家.......

小子係大好友, 呢個我係承認, 非因為小子持有住宅, 小子個幾件垃圾都未夠人家一層甲級又或者一個貝沙灣大單位, 實在係垃圾一舊

只不過, 如果想下一代有個容身之所, 會唔會粗粗地買番個平左個倉會SAFE 啲?

再加上香港在大灣區發展一定係金融中心, 有無見過一個金融中心D樓係會賤價?  紐倫港ZONE 1.....都不止此數.

2019年3月14日 星期四

彈弓手 - 787 利標之役

787 之前公告講話大股東以股代息, 咁睇下TAKEOVER CODE一定過2% CREEPER RULE, 諗住實有VOLUNTARY/MANDATORY GO, 即係股價有保底, 點知大股東今日出左公告話取消GO, 會收息, 以股代息部份不超過1.99%

哈哈. 真係黑吃黑到一個點.....

所以話股票真係要小注怡情, 亦都唔怕寫出來俾人鞭

對小子來講, 股票係用來炒, 唔係坐

只可以講, 賭錯左馮家注重名聲的痛點, 認輸去了.

呢家得番隻1仔長和, 等佢出埋RESULT之後就可以沽Q埋佢, 炒完業績期係可以收工訓覺去也

講番隻787:

BEFORE: 控股股東亦有要"悉數接納建議以股代息並重新投資於本公司.......ETC)

AFTER: 1.99% (唔係重點)..... 應向股東支付特別股息餘額以3年定期貸款之方式提供給本公司

我DLLM啦, 咩玩法?
先唔好講佢點計個1.99% (嗱, 可以係話, 我換, 但你班契弟唔換, 我咪最多食到唔駛GO, 我覺得係講得通的, 全部換股, 唔中GO, 都係可以悉數投資於公司, 係講撚得通的, 亦都係合法, 亦都相信係SFC 睇過的. 玩字? 唔係夠佢地玩吧, 9000幾個律師係後面, 我相信係LEGALLY PERFECT, 不過就有負小股東期望....咪住....其實大股東係無必要跟據小股東利益去行事的, 呢一點真係要好清楚)

但係, 應該係第一份CIRCULAR 講, 唔係第二份彈弓手+貸款 (當意識到有機會GO)

貸款係投資於公司咩? 駛唔駛上番FINANCE 101?

中間有無FALSE DECLARATION, 同埋SFC 會唔會做野我唔知 (多數都唔L做架啦, 你睇下幾多輸錢公司都照上市而潛水, 同埋一L定合理合法, 唔L駛問呀貴, 唔L駛問律師咁ON9)

股票, 都係個句, 只可以炒, 不可以長渣. 馮家貴為大紫荊勳賢, 靠雙手搵番來唔係靠地產發達, 都要"彈弓手"

只可以講, 小股東同大股東的根本性利益係有唔同, 而大股東係可以用任何合法的手段去令到小股東的利益有所損失, 當然係合法, 無仇報的

你真係想成副身家拎哂去個市度?

8號仔, 5號仔, 941, 27, 2600, 1171, 347, 6030, 494, 878, 891, 好多好多, 不能盡錄.....

電訊, 銀行, 賭場, 資源, 證券.....覆蓋每一個板塊, 買錯而又大大槍的, 再加唔肯止蝕...真係會輸到嘔電的
BEFORE


AFTER



2019年3月13日 星期三

小陽春?

好多人話上一排落價係樓市底部, 底唔底我就唔討論啦, 睇圖啦

知唔知凶宅樓上呢家野我估都一定知, 事關3房則王係1200萬都買唔到殘裝極低層樓景.....

小? 我真係小左出聲.......咁點樣樣搵呀? 覆你個機.......

好彩舊同事L買左啫, 唔係今個星期怕且都要俾多30萬先有機會成到


2019年3月12日 星期二

給小兒的信 - 任我行


寫之前先同三兄講聲唔好意思, 因為呢篇真係想寫給小兒的信, 偷左你個標題就算了

任我行三個字, 我諗大家都諗起兩樣野

1. 金庸的任我行
2. 陳亦迅的歌 - 任我行

先本末倒置, 講下 陳亦迅的歌 - 任我行

天真得只有你 令神仙魚歸天要怪誰
以為留在原地不夠遨遊 就讓牠沙灘裡戲水
那次得你冒險半夜上山 爭拗中隊友不想撐下去
那時其實嚐盡真正自由 但又感到沒趣

小兒你快將2歲生日, 每天見住你NO DADDY, NO WORK, 日日開開心心地玩的樣子, 好少事同你玩HIDE & SEEK, 都笑到卡卡聲.....

每一次為父都好開心
開心在呢個笑容實在係非常地難得, 隨著你人愈來愈大, 可以預見的係你會來愈難開心, 為父希望您可以保持初心, 每一天都可以活得像你今天的這樣,  <天真得只有你>, <那時其實嚐盡真正自由>, 但千析千, 唔好<感到沒趣>, 因為今天你的精神狀態, 開心的樣子, 好似不老仙丹咁, 係好珍貴的

保持初心, 以一個小孩的眼光看世界

Steve Jobs: Stay Hungry, Stay Foolish

多點看書, 用好奇的心接受事物

隨著你長大, <但又感到沒趣>, 唔緊要, 記住記住, <世上有多少個繽紛樂園 任你行>

There's always options, 勇敢去試, <頑童亦學乖不敢太勇敢> ? 請要勇敢, there's nothing to lose
人生是一列列車, 好好去欣賞沿途風光

到乖仔你青春期之後,  <從何時你也學會不要離群 從何時發覺沒有同伴不行>, 應該你都會有自己的朋友, 做自己的事, 不要緊, 為父承諾會以開闊的眼光去同你一齊成長, 就好似每個星期日同你去PLAYGROUP 咁, 只要你想, 父母都係你的同伴, 亦都會提醒自己唔好用長輩的口刎去同你講咩係正確, 因為, there's no right and wrong, abide by the law, that's it.

為父都經過一個好艱難的成長過程 (自認為), 交左好多學費, 到今天每日都係學習中
<曾迷途才怕追不上滿街趕路人 無人理睬如何求生>, 請不要比較, 每天學習, 每天勝自己一分, 做個有原則的人, 懷才豈會不遇, 雖然你面對的經濟沒有我們的那麼好, 但每代有每代人的機會, 不用怕, 不用追上滿街趕路人, 因為, 人生是一列列車, 好好去欣賞沿途風光, 他們都是你的過客, 忠於自己的感覺行事便可以, 少批評, 多自省, 無人理睬亦能求生.

律己以嚴, 律人以寬

<逛夠幾個睡房到達教堂 仿似一路飛奔七八十歲
既然沿著情路走到這裡 盡量不要後退>

到你成長的時候, 你會成家立室, 為父都曉得放手, 雖然好想唱<不要離我太遠> 但<事已至此, 誰會最易, 迫你成熟, 開口講我願意>

<既然沿著情路走到這裡 盡量不要後退>, 請你找一個同你價值觀相近的女仔, 媽媽在為父最困難的時候見證住父親由一個不知天高地厚串77的小朋友, 變成今天的爸爸, 雖說不上係社會成功人士, 但憑自己雙手養活家人, 克盡己任. 
價值觀相近實在係好緊要, 因為結婚唔係一個人的事, 係兩個家庭的事, 你要應付的唔止係兩個人的關係, 而係大家生活上的分享, 分擔
結婚, 係0.5+0.5 = 1
犧牲某一部份的自己, 包容對方, 由1變到0.5. 對方亦然, 先會成就到一個家庭

到你30-40, 唔知為父仲係唔係呢個世上, 病痛無可避免, 雖然羅局長話60歲都仲係中年, 但係世事難料
<親愛的 等遍所有綠燈 還是讓自己瘋一下要緊 馬路戲院商店天空海闊 任你行>

如日中天的生活, 30-40事業有成的日子確實係 <馬路戲院商店天空海闊 任你行>
可能你食野唔駛睇價錢, 買車買衫唔駛睇價錢
但記緊, 積谷防饑.

花無百日紅, 唯其保持謙卑, 世界之大, 不是<任你行>

得意時, 勿忘感激, 多幫忙朋友, 少批評別人, 切忌夜郎自大, 目中無人

<頑童大了別再追問 可以任我走怎麼到頭來又隨著大隊走
人群是那麼像羊群>

希望小兒你不要 <到頭來又隨著大隊走>, 活出你自己的生命

但記緊, 積谷防饑.

因為你未必有咁好彩好似為父咁, 經過困難的時間. 

千金難買少年窮, 更難買少年得意後的少年窮

為父以前都係一個覺得自己好幸運, 世界係圍著自己轉的無知小朋友

但當然無情的社會給為父的答案係 <彎不轉, 路轉, 路不轉, 人轉> 同埋 <境隨心轉>

名校畢業又如何? 四大又如何? 牛劍富二一街都係, 唔駛咁大支野的. 到你交夠學費先學曉, 未免太遲.

只有做好自己先係absolute bench-marking, 

唔駛計較, 唔好比較

最後寄語 <抱住兩廳雙套天空海闊 任你行>, 為父應該可以留個兩廳雙套俾你, 如果你想跳出香港的話, 任你行

金庸的任我行的<吸星大法>, 是父幹. 但為父唔會俾太多你, 雖然斗滿話為父係南帝, 但請見諒,  為父唔係PACKAGE 劉, 比起你的某某AUNTIE UNCLE, 為父窮一生都唔會有佢地的財富, 亦無必要夜郎自大, 因為別人的家庭係窮幾生人的能力搵番來, 而佢地的知識, 人脈及其他配套都係為父之上

不過, 而如上所說, 無必要比較, 做好自己便可以. 錢到某一個位, 其實marginal use value 係會愈來愈少, 夠駛夠食便可以.

同埋, 自己搵番來的先係最珍貴, 授人以魚, 不如授人以漁, 為父會教你, 但唔想俾你, 希望您明白.

最後, 想講為人父母, 都係想本身最珍貴, 盡最好的能力, 俾最好的俾小朋友
若果有咩不足, 請小兒您見諒, 為父的已盡了最大能力去俾我們認為最好的給你























最後最後, 為父最想同你分享兩個字: 捨得

要捨, 先會得

講一個故事你聽, 你呢家照顧你的姐姐本來都係唔肯續約, 只不過佢身體唔舒服, 為父(及媽媽支持) 力排眾議, 甚至俾人話點解對個工人咁好 (我覺得係家庭成員了), 都要俾佢睇專科醫生, 俾埋錢佢去私家醫院做手術, 最後佢肯番來照顧你.

多2年? 4年? 點計都唔會啱數, 就算10年都唔會啱數
不過, 我唔知. 都無所謂, 亦都唔會理
一開始我都同你最愛的姐姐講, 唔緊要, 如果中CANCER, 為父都未必可以幫到你, 可能番老家做手術, 但3幾萬, 為父係俾得起, 如果無事的話, 你番家休息一陣番來照顧乖仔你吧

呢個決定係唔係ON9? 財務上絕對係, 但係為父同你姐姐講, 如果個天安排你在俾我見到的眼下, 我個心話我知我係要俾佢醫的.

結果? 佢不特止番來照顧你, 仲要安排佢的好朋友來幫手睇住你.

係唔係BETTER OFF? 無人知

但係做人要先捨, 先有資格得

可能為父做得不足, 但當刻心中安寧, 已然足夠

而為父的股票無啦啦贏番手術費, 仲要攞凸
你對人好, 個天係會俾番你的, 信邪也好, 心中安寧也好, 本著善良初心, 心中平安是無價的*

* 千析唔好話我有幾好, 我本身係一個PK來的

詞話詩說:任我行
https://stealjobs.com/eason-song-on-free-will-in-life/

天真得只有你 令神仙魚歸天要怪誰
以為留在原地不夠遨遊 就讓牠沙灘裡戲水
那次得你冒險半夜上山 爭拗中隊友不想撐下去
那時其實嚐盡真正自由 但又感到沒趣

不要緊 山野都有霧燈 頑童亦學乖不敢太勇敢
世上有多少個繽紛樂園 任你行

從何時你也學會不要離群 從何時發覺沒有同伴不行
從何時惋惜蝴蝶困於那桃源 飛多遠有誰會對牠操心
曾迷途才怕追不上滿街趕路人 無人理睬如何求生
頑童大了沒那麼笨 可以聚腳於康莊旅途然後同沐浴溫泉
為何在雨傘外獨行

這麼多好去處 漫遊到獨家村去探誰
既然沿著尋夢之旅出發 就站出點吸引讚許
逛夠幾個睡房到達教堂 仿似一路飛奔七八十歲
既然沿著情路走到這裡 盡量不要後退

親愛的 闖遍所有路燈 還是令大家開心要緊
抱住兩廳雙套天空海闊 任你行

從何時你也學會不要離群 從何時發覺沒有同伴不行
從何時惋惜蝴蝶困於那桃源 飛多遠有誰會對牠操心
曾迷途才怕追不上滿街趕路人 無人理睬如何求生
頑童大了沒那麼笨 可以聚腳於康莊旅途然後同沐浴溫泉
為何在雨傘外獨行

親愛的 等遍所有綠燈 還是讓自己瘋一下要緊
馬路戲院商店天空海闊 任你行

從何時開始忌諱空山無人 從何時開始怕遙望星塵
原來神仙魚橫渡大海會斷魂 聽不到世人愛聽的福音
曾迷途才怕追不上滿街趕路人 無人理睬如何求生
頑童大了沒那麼笨 可以聚腳於康莊旅途然後同沐浴溫泉
為何在赤地上獨行

頑童大了別再追問 可以任我走怎麼到頭來又隨著大隊走
人群是那麼像羊群



2019年3月5日 星期二

又再搵野

上回說到, 俾人搶左個筍盤

* 在此恭喜該對小情侶, AGENT 話係用家, 而小子出去有左一個眼神的交流, 呢件野係真筍, 如果咁好彩買家係本BLOG 讀者, 請容許小子俾個衷心的恭喜俾你, 以小子目測, 件野介乎1068 - 1128 之間, 無啦啦袋左100萬架啦你!

小子又要做功課喇.......個間真係30間揀一間出來, 呢家得番D頹野, 真係R到小子個頭都損.....

無了....... (想大嗌中)



2019年3月4日 星期一

陪樓記

呢個WEEKEND 小子去左陪人睇樓同埋夾人上車 =.=

青山公路2房全山景, 500頭

應舊同事L要求, 去左睇一轉, L 話, 小子你都幾CHUR, 無他, 小子要求先要帶票先同佢去睇, 再加上星期2-4 問左舊同事L 3 次你係唔係真係想買/要買, 我先出去一齊睇

其實上車係一件美事, 不過呢, 人性係好差的, 買樓輸左係會X死你, 而贏左多數都係話自己眼光好, 唔會講多句多謝.

呢個差唔多90後的同事真係有禮貌兼且識諗, 真心抵讚 (L有睇本BLOG的, as said, 輸左唔好X, 講左你知風險)

如是者食完個飯睇左3間, 一間550, 一間530, 一間52X

其實買樓, 先排3間你最LIKEY, 如果有心買, 試哂佢, 總會買到貨

如是者, 550 個間 (估495), 佢地OK, 我話你諗清楚俾唔俾多50萬人地先....你堅係鍾意的, OK, 因為買樓唔係跟估價, 估價只係參考, 入面景觀樓層質素, 估價係無反映到
1層高1-2萬, 但如果山景, 因為山坡向上斜, 所以某個位個山景會係好唔開揚, 基本上又無反映在估價.
重申一次, 估價只係FOR 參考, 買樓能買到貼價固然可喜, 但不用執著於一定要同估價, 咁樣係無咩意思

530個間, 條業主扭屎忽花, 話唔賣.....跟住打番俾AA 話538 先賣...
WELL, 個AA 係我用的, 你覺得會唔會幫你?! 太可笑了....
仲有, AA 話, 如果你買, 有責任同我講, 樓上另一個WING 有間凶宅....即時FOUL OUT
本人好L憎睇凶宅同層/上下3層, 係會DIU 到個經紀不似人形....

小子直接講, 留番佢本人自己用得架啦. 唔駛賣
業主係代個老母賣....仲要扭身扭勢. 心諗你都HI 大左.....
如果有票, 我係你我即簽啦.....
唔駛估價了吧, 收工

咁到第三間, AA話見到業主可即砌, 咁又要問下同事仔意思, 因為呢間係第三選.
價啱可吊....
如是者....就吊左了...不枉小子飛的300入去, 倒屎咁早...10點半..
收皮時間連食飯下午3點

至於星期日, 又陪太座朋友睇主區...呢次真係精彩.......
第一間3期中層E單位, 入到去, 小子因為無盤紙, 但目測係632' 實呎
同朋友講 (AA 已收工, AS USUAL), 呢間應係632' , 優點係邊, 缺點係點, 618' 無D咩 640' 又無咩咩......
小子係業主面前話...632' 唔係得罪, 係間房細左少少, 8X6', 不過可以裝修偷位...ETC ETC.

個業主無黑面, 仲話,好多謝你讚我個單位...小子話. 中肯, 有咩好都唔好我大約都知, 陪人睇, 能講就講, 希望你唔好介意...

業主同AA 話. 你一眼就知632'? 係呀, 個厠所LAYOUT得632', 662' 同676' 有, 四房都有. 19座H單位.....(AA CHECK 中....係喎....=.=)

業主問小子, 你係AGENT? 定係做設計師?

小子當然話唔係. 俾埋咭片佢添....佢話....下........做ASSET MANAGEMENT? 唔係掛..仲熟過D AGENT....

跟住個死人AGENT 笑而不語....真討厭

再睇左10間8間左右, 又係坐低時間, 揀左3間, 有一間佢地係好鍾意....開1038萬.

小子又係個句, 你買唔買得起先. 鍾唔鍾意...

佢地OK, 咁睇下估價...

估1088 萬最高....最低1024.....SHIT.....即吊啦...

如是者問埋家人, 錢OK (都係個句, 呢家買樓唔止一人之力, 鍾意唔鍾意都好, 呢個係事實)

供? 19000, 更加話無問題.... (譚仔都15000, 兩個人30000, 點會供唔起?)

如是者, 上番小子家中, 帶埋小朋友去睇多次.....小子臨尾問, 你有無票? 佢地話無...

唔緊要, 小子有....我即刻拎埋票出來....一齊去番睇

一路行過去, 小子都勸佢, 話呢件野, 過唔到今晚, 如果諗, 聽日星期一, 係有機會無左, 不過當然係你唔買就無計....

點L知......入到門口....業主開門, 話已傾緊價....HOLY SHIT...開口中...朋友+AA 都O 咀....(AA 話, 你有無咁L準呀.....=.= 小子都話, PT 跟你搵食. 佣俾你, 小子興趣無咩所謂)

咁當然, 鳩沖入左話睇多次先啦...帶埋個小朋友....

業主因為早前同小子好好傾 ,佢開門
AGENT 叫佢入來, 問對家開幾錢...佢話1000, 上到門口加到1030 先俾入屋..NOW 叫1037萬, 係咁二減D...

小子即刻問朋友, 話嗱...980-1000, 到1010, 1030, 對家幫你試哂價, 呢家得1038 直攞. 你行多一次先, 再問自己OK 唔OK, 你OK 1038我同你攪....

同一時間, 對家區經同業主我都傾左, 如果同價, 區經讓路整散對家, 1038 業主賣俾我朋友....

業主仲話, 我知估價1088, 但我放1038, 想走貨....(HOLY FUCK, 我真係想講粗口....想沽貨同賤賣無關係吧....1068都沽到啦....DLGH)

好, 行完一輪...我話.....真係好筍, 不如BID 到1042/1045 大走佢, 你肯俾1038, 有凸搞到我俾, 當係入伙禮物 (好好朋友, 俾埋錢我都無問題, 當然事後太座話你陪睇樓仲貼埋錢係精神病 ?! 幾皮野買LC 煲買到你慌)

咁朋友話都係要搵家人商量下先, 小子話, 一行出門口就俾左對家架啦...1038 係MUST BUY
16000@ 海怡靚則靚景估到價, 個業主係太好人

食完飯, 朋友同我講, 家人都話OK, 問我件野賣左未, 當然係賣左啦.....

下次請早, 筍野係天黑都未到......已俾人搶左....個業主星期5放盤的.

小子都話, 估到價的, 如果小子有名, 我已經同佢死過, 加到1048 BID 7佢......不過要俾15%, 即係1150+, 合理價囉
如果我再買, 要俾60% - 70% 首期架啦, 加埋15% DSD, 同FULL PAY真係無分別, 香港政府, 你真係贏L左啦
學輕資產派話齋,拎住7M 買債/REITS 等等可以退休啦...又唔係發樓寒, 多一間又唔會開心到彈起, 無必要放自己係呢個咁老尷的SITUATION


夾夾夾......